مُحكمــــــــــــة..مع الاشيتر

[ابراهيم الجيو]

[quote="السلقاوي"][align=center]
احلا كباية عصير الى احلا زوق ابو خليل
والحساب عليك يا ابو شتره[/align][/size][/quote]




أي عليك اللهـ ،،،


جيب الجك كلوا

[ابراهيم الجيو]

[quote="سحر محمد"][align=center]بري بري منك يا الجيووووو:
كل العصر ده لسه انت شمشار ::
يا خوفي تقع فى بت تاخذ حق كل البنات منك ::
كده بيني وبينك السلقاوي جيب لك كوب عصير احسن لك ما تشربوا لان بعدها بيجيب لك اسئلة يلا بقي بشفاء:طيب انا شيفه الاعضاء ما قصروا فى عصرك ::

طيب سؤالي صغير كده علشان خاطرك
1 - ما الشي الذي يبكي الجيو
2 - وما الشي الذي يفرح الجيو
3 - ماذا تعني لك كلمة الحب
4 - ما المكان المفضل لديك فى السودان
ربي معك اسرع فى الاجابه علشان شيفه اخي السلقاوي جاي عليك :
[/align][/quote]

سحوووورهـ .. ازيو,,


بري بري منك يا الجيووووو:

خخخخخخ،، موبالغه منكـ

يا خوفي تقع فى بت تاخذ حق كل البنات منك

نفس كلام أمي

طيب سؤالي صغير كده علشان خاطرك
1 - ما الشي الذي يبكي الجيو

دمعة أمي،، فقط.. غيرها لأ أبكي لأي معضلة من عند اللهـ مهما كانت.. أما دمعتها فدي ما بقدر اقاومها، جد الزولة دي بتعجبني ف تعاملها معانا ومع الآخرين عندها عقل فسيولجي استثماري غريب :D

2 - وما الشي الذي يفرح الجيو
أي شيء حولي . منتدى. شغل اصدقاء شارع جامعه كورة اي شيء لازم مهما كان شين بتسرق منه الجميل.

3 - ماذا تعني لك كلمة الحب

ما شرط تكون بين رجل وإمراءة،، الحب بيبدأ من حب الله سبحانه وتعالى.. اما الحب فخلاصته اخلاصك للشيء اللي احببتهـ.

4 - ما المكان المفضل لديك فى السودان

ما بستغنى عن الخرطوم، بس برضو ما بقدر انسى الشمالية. طيبة لأبعد حد، ومكان هاديء جداً من ضوضاء المدينهـ ، ضوء القمر بيبان بوضوح ف الأماكن دي. وهناك عاملين لي شعبية حلوة عشان كدا ما بخليهم.

ربي معك اسرع فى الاجابه علشان شيفه اخي السلقاوي جاي عليك
ماشي ليهو ..[/color]

[ابراهيم الجيو]

[quote="السلقاوي"][align=center]حبيبنا ابوخليل سلام مربع
1) فنانك المفضل
2)أخر كتاب كان في يدك
3) رئيك في الجيل الجديد
4) هل انت مع دلع الاولاد[/align][/size][/quote]

السلقاوي،،، منور

1) فنانك المفضل

اصالة، ماجد المهندس، عربيا.. احمد الصادق ف السودان، وكل فنان عنده كلمة او جملة بتشدك بيتجوب انتباهكـ.

2)أخر كتاب كان في يدك

صراحه، ما قراته اتصفحته سريع ف مكتبة القنصل.. هو سياسي واتفاجات بالمعلموات اللي فيه، الملك الأردني الراحل كان بيتلقى (مليون دولار) شهرياً لمدة عشرين عاما ً من امريكا من اجل معلومات معينهـ،، وياريتني ما قرأتهـ


3) رئيك في الجيل الجديد

جيل غريب، ممكن يعيش أفضل من أي جيل مضى.وما بيقدروا يوفقوا بين الأمور إما ضياع شديد او التزام شديد..

4) هل انت مع دلع الاولاد

دا سؤال اجابته مفروغة ،، طبعاً لا،، وعايز اعمل بوست قريب عن الموضوع دا،، خليك قريب,,


شكراً

[ضو البيت محمد النور]

شمعة تحياتي وربنا يعينك علي المحكمة
وماعندك دفاعسؤالي بسيط عشان ما تزعلي
موقف مع اقرب الناس الي قلبك ؟


ردك علي الشاب المعاكس ؟



اذا كنت قاضي من تريد ان تحاكمي الان ؟


اجمل موضوع في المنتدي اعجبك ؟


في ظنك ماهو الاشيتر . ؟ هل هو اشتر


احب انسان ليك وتتمني ان تكوني معه علي طووووووول ؟

ربنا يحفظك ويحفظ محكمتنا الموقرة وبعود ليك ياشمعة

[ابراهيم الجيو]

[quote="ضو البيت محمد النور"][align=center]شمعة تحياتي ربنا يحفظك ويحفظ محكمتنا الموقرة وبعود ليك ياشمعة [/align][/quote]

كااااااااااااك شديد،،،

:D :D يجازي محنك ،، الجامعة كلها بتعاين فيني بضحكـ





الله يديك العافيـــــه،، شمعه ف الزقاق التاني،، انا ابراهيم

[ابراهيم الجيو]

[quote="ضو البيت محمد النور"][align=center]
ربنا يحفظك ويحفظ محكمتنا الموقرة وبعود ليك ياشمعة [/align][/quote]


ما تتأخر :D

خلي بالك من نفسك وإنت جااااي


جيب لي معاك فيشاااااار

[ابراهيم الجيو]

[quote="الاشيتر"][align=justify]اهلين الجيو اجاباتك نفسها متعه وبكل امانه اي اجابة ليك هنا تعتبر بوست قائم لي حالو حقيقة دي ابراهيم هيمه الجيو فنان ورائع وحقيقة كنت فال خيراً في كل الاحوال
ابراهيم الجيو والرومانسية الحالمة - اين انت منها ؟

ابراهيم الجيو بكل امانه ماهي وجبتك المفضله - المنزليه .

والخارج المنزل يعني في المطاعم واين تحب تتناولها ومع من ؟

ابراهيم الجيو وقتك غالي جداً من مشغولياتك الكثيرة ؟
لو سمحت فصل لينا الوقت ده مابين الجامعه والعمل والكورة والفن والمناسبات العامه ؟

ابراهيم الجيو زي مابقولوا كفر ووتر وانت ماشاء الله وعيني بارده

علم وكفر ووتر ووظيفه محترمه + اخلاق وطيبه - ده خلق ليك مجتمعات كثيرة وعلاقات اجتماعيه كبيره - مع اي منهم تجد نفسك تماماً .
في اجتماعياتك دي يا هيمه (برضن ) شووف برضن دي حلوه مش كدي / كان كتير من الجنس اللطيف حواليك في كتير من الاحايين ومن عرفك عن قرب بتخاويهم خوة طيبه وباخلاص لكن المجتمع ما برحم وكل يرى بعينه - المسألة دي سببت ليك متاعب او ادخلتك في موقف محرج - احكي لينا

معليش نرجع للكوره تاني
اجمل هدف سجلته في حياتك
اجمل مباراة مانسيتها
داخل الملعب بتكون في تابلوهات رياضيه وخاصة في بعض المباريات - تجد فرصه لتبرز مواهبك فيها - كدي ارجع شويه وشوف متي طبقته نظريه زي مابقلوا في الملعب حكوا بيها الناس وانت برضوا مانسيتها ؟
مابين السعوديه والسودان - ابراهيم مواليد السعوديه - وانته تشتاق للسودان - هناك فرق في البلدين بالنسبه لك - اقصد من الناحيه الاجتماعيه - او اجتماعيتك انت - او اين تجد نفسك هنا ام هناك ام الاثنين معاً ؟ وضح ياهيمه اسهب في الحته دي -


سؤال غريب شويه - وين ابراهيم والحنكشه - صحي حنكوش انته - امممممم ويااااااااي ومرسي

استا لويغو ؟ ( دي راجع القاموس الاسباني بتلقي المعني )

هيمه مشكور وما داير اكثر عليك بس نلتقي تاني
ا[/align][/size][/color][/quote]



اهلين الأشيتر،،

ابراهيم الجيو والرومانسية الحالمة - اين انت منها ؟

الرومانسية والحالمة كمان ،، تيب الرومانسيه أساساً بتعني الجو الهاديء والكلام الجميل وكدا،، بس ما شرط تكون لإمراءة,, عموماً هي مهمة ف حياتي شديد مزيكا هادئة اضاءة خافتة الخ. خاصة اللون البنفسجي والازرق الغامق والمزيكا الكلاسيك، أصوات الماء وغيرها ، ف البيت ف العربية بيكونوا معاي،، وهي مدة معينة من الهدوء بتسبق الدخول لعالم الضجة ف الجامعة او مناسبة او عمل , ولو ما هي كنت زمان جنيت

ابراهيم الجيو بكل امانه ماهي وجبتك المفضله - المنزليه .
أنا مدمن نسكافيه حليب بصورة فظيععععععععة وما بزكر يوم شربت اقل من 4 كاسات.. وبحب عصير التفاح بدون سكر كتيير قريب من الويسكي والمنجا مع الفراوله أما الوجبة فبحب أي شيء من البيت، بس أبعدني من حاجة اسمها خضرة


والخارج المنزل يعني في المطاعم واين تحب تتناولها ومع من ؟

المطاعم أكتر فيها ف الفترة الاخيرة لأني ف الغالب بكون خارج المنزل، شاورما طبعا ف أي مكان أو هرفي

ابراهيم الجيو وقتك غالي جداً من مشغولياتك الكثيرة ؟
لو سمحت فصل لينا الوقت ده مابين الجامعه والعمل والكورة والفن والمناسبات العامه ؟

متعبة شوية.. يومياً لازم امر ع اكتر من وظيفة، وما بحب اكسف حد او انزل من حجم الثقة المنحوني ليها، ويوميا الجامعه ، وبرضو يوميا النادي، ولازم الشباب كمان، جد متعبة واتعودت ع السهر والنم 3 او 4 ساعات ف اليوم بس بعوض النوم كلوا يوم الجمعة

ابراهيم الجيو زي مابقولوا كفر ووتر وانت ماشاء الله وعيني بارده
بقيتني جمال فرفور مره لعبت معاهو كوره، جد لاعب محترف.

علم وكفر ووتر ووظيفه محترمه + اخلاق وطيبه - ده خلق ليك مجتمعات كثيرة وعلاقات اجتماعيه كبيره - مع اي منهم تجد نفسك تماماً .

بحب كل المجتمعات. بحب اشوف الناس كيف عايشة لو وزراء او سفراء ، وبحب أشوف الناس تحت خط الفقر برضو عايشين كيف ، بلاقي ناس عايشين في خيم وبيوت عشش هنا وف السودان، مبسوطين أكتر من الناس المذكورين،،

بعرف وزير متقاعد.. وصل لمرحة أكل اموال ليست من حقه،، أصيب بمرض لم يجد مستفى ف العالم يعالجهـ ، ومنع تماماً من أي بقوليات او سكريات، وفقط خضار.. هذا الوزير الآن حتة عامل صغير مبسوط اكتر منه كونه بيقدر يأكل صحن فول عادي, وسبحان الله ابن الوزير مضايق نفسياً من معاملة ابوه ودائما بيشتكي..

في اجتماعياتك دي يا هيمه (برضن ) شووف برضن دي حلوه مش كدي / كان كتير من الجنس اللطيف حواليك في كتير من الاحايين ومن عرفك عن قرب بتخاويهم خوة طيبه وباخلاص لكن المجتمع ما برحم وكل يرى بعينه - المسألة دي سببت ليك متاعب او ادخلتك في موقف محرج - احكي لينا

ههههههههه،، ف شمار جاك.. مش؟؟ دي قصة طويله.. بجيك ف الماسن.

معليش نرجع للكوره تاني
اجمل هدف سجلته في حياتك

ف منتخب شباب نيجريا .. مباراة فاينال . والوقت شبه انتهى.. مستحيل انساه طبعاً ومفكر انزل المقطع هنا

اجمل مباراة مانسيتها

ف جوبا... مع أبناء الجالية اليمنية

داخل الملعب بتكون في تابلوهات رياضيه وخاصة في بعض المباريات - تجد فرصه لتبرز مواهبك فيها - كدي ارجع شويه وشوف متي طبقته نظريه زي مابقلوا في الملعب حكوا بيها الناس وانت برضوا مانسيتها ؟

بقلد هنري كتييير، وبيقلوا ف الملعلب الوزير او الغزال الأسمر،، نحنا 3 انا واسامه ومصعب. دام تواجدنا تاكد اننا فايزين, ولو غاب واحد بيكون ع البقية الحمل..

مابين السعوديه والسودان - ابراهيم مواليد السعوديه - وانته تشتاق للسودان - هناك فرق في البلدين بالنسبه لك - اقصد من الناحيه الاجتماعيه - او اجتماعيتك انت - او اين تجد نفسك هنا ام هناك ام الاثنين معاً ؟ وضح ياهيمه اسهب في الحته دي -
بعيد وأكرر.. مافي فرق كتير. غير لما أمشي هناك بشتاق لناس هنا، والعكس صحيح.. اما النواحي الاجتماعية فهي زي بعض ف البلدين بتكون متفرقة .. بالذات ف السودان العلاقات جميله

سؤال غريب شويه - وين ابراهيم والحنكشه - صحي حنكوش انته - امممممم ويااااااااي ومرسي

مرسي،، مربوطة بالحنكشة؟؟ الحنكوش البعرفوا .بيخاف من الشمس, مضاربه. لبسو كدا أما غيروا فالناس بتحكم؟؟ما إنت اسي مرات بتكتب باللون البنكي؟ هل دا حنكشة منك؟؟

استا لويغو ؟ ( دي راجع القاموس الاسباني بتلقي المعني )
أتمنى تعم الفائدة للجميع.



هيمه مشكور وما داير اكثر عليك بس نلتقي تاني

لالا خد راحتك!![/color]

[إطلالة قمر]

اهلين ابراهيم ايام باك
رجعت تاني وعندي سؤال واحد بس :::::

السؤال هو :: اموووووووووووووووووووت واعرف قصتك شنو مع ندوية وندوية دي منو اصلا ؟؟؟؟؟

وبس وبس وبس وبس وبس

[ابراهيم الجيو]

[quote="الاشيتر"][align=justify]في سؤال نسيتوممكن


قال الشاعر نقل فؤادك حيث شئت من الهوي وما الحب الا للحبيب الاول


هل انت متنقل الفؤاد ام حبك فقط للحبيب الاول - ولا لسع ماطرق بابك الحبيب الاول ؟



ابراهيم تخيل زول او زوله قال ليك بحبك - انته ردك حيكون شنو ؟[/align][/quote]



في سؤال نسيتوممكن

تعال بيت معانا أحسسن


قال الشاعر نقل فؤادك حيث شئت من الهوي وما الحب الا للحبيب الاول


هل انت متنقل الفؤاد ام حبك فقط للحبيب الاول - ولا لسع ماطرق بابك الحبيب الاول ؟

خخخخخ أكيد طرق بابي.. بس سكروا بالشمع الأحمر وطلع لانه ما عرف يعمره




ابراهيم تخيل زول او زوله قال ليك بحبك - انته ردك حيكون شنو

بحبك. بقت زي السلام وعليكم بتسمعها ف اليوم ترليون مرهـ.. زمان كنت بقول وانا كمان اسي بقيت ما برد نهائياً مع التغيرات الجديدة ف الشخصيهـ ..

المشكله ف كلمة جديدة طلعت غير (بحبك) كل ما تتكلم مع بت دقيقتين بتقول ليك ((انا غير البنات كلهم) السر فيها عظيم، وبتكون محتار بالتصريح الكبير دا ..[/color]

[ابراهيم الجيو]

اليوم تعبت.. الباقي بكرهـ

[مريخابي]

ياجماعة الزول دا مسكين ماتضغطوا عليهو

[السودانى الاصيل]

ان غدا لناظره قريب

والله ما برحمك ناس الرومانسيه الحالمه وثلاثه زهرات لمن تهديها دى ما عندى اسئله كلها رجاليه ما سمعت بالسودانى الاصيل (( اهل العوض الاوائل وين ما مشيت وين ما كنت وعلى ذلك قس

[ابراهيم الجيو]

[quote="السودانى الاصيل"][align=center]وبما إنو الموجود الآن،، صاحب السمو (هيمه)

وحات حبيبتى البرناويه الما حصل صدقت مشتاقين

سؤالي لك بإختصار :بتفتكر إنه الزول عشان يتزوج لازم يحب أولاً بمعنى هل الحب حتمي؟ وفي حالة عدم توفيره ماهو المخرج؟ وهل يمكنك أن تتزوج فقط لأن هذا هو الوقت المناسب عمراً خاصة في ظل أنك عااازب أم لك رأي أخر؟
وهل يجب أن تتوفر شرط توافق بين الطرفين من حيث المستوى الاجتماعي والاقتصادي أم بالحب وحده يمكن أن يحيا الإنسان؟
وهل تؤمن بنظرية أن الكيبورد يمكن أن يحب قبل القلب؟ وماهي وجهة نظرك ف الحب الانترنتاوي؟[/align][/quote]


السوداني.. اهللين..

اقتبست سؤالي ليك ياجبان

الجواب باختصار للطول والعرض دا :

الحب يحدث ببساطهـ ....[/color]

[ابراهيم الجيو]

[quote="ودالدرديري"]

الجيو

وحاة خوتك المامنها فايدة .. دا سووعالي الأخير

اها ....

بتعرف أمبدة ؟؟؟؟

[/quote]



أمبدهـ فيها نااس تبيدي.... ناس الذهب

مزكرهم.... ولا نسيت العيش والملح هناك!!

[ابراهيم الجيو]

[quote="السودانى الاصيل"][align=center]جيتك تااانى

ما هو شعورك حينما ينشا بوست من الاشيتر مخصوووص
موضوع كسير تلج لشخصكم الكريم ؟؟؟؟


ما هو شعورك حينما تنادى بهيمه ؟؟؟

ما هو رايك فى توقيعات الاخت العزييزه عجوز حلوه ؟؟؟

وبجيك راجع [/align][/quote]



اهلين السوداني...

شعور جميل صراحهـ أن أجد مكانة لي بين هؤلاء الرائعون... أتمنى أكون دائماً عند حسن ظنهم..


توقيع عجوز حلوهـ.. بتحاول تصل لشعور جميل. مثلث أضلعهـ .حبٌّ واخااااء ووفاااء وهرمه طلة ووجما وروعة حضورها ، وباحساسها وقتها.. كان بت غيرها.. ما اسمها بت!![/color]

[ابراهيم الجيو]

[quote="السودانى الاصيل"][align=center]ود الجيو
الليله اليوم دا مفتووح معاى انا وود الدرديرى


بامانه
هل تؤدى صلواتك فى المسجد ام فى العمل ام لا تؤديها؟؟
اخر مره تلوت فيها القران الكريم متى كانت ؟؟



ما هو مخرج السودان فى رايك من الازمه الحاليه ؟؟؟



جاوب ديل وتانى بجيك [/align][/quote]


اهلين من جديد السوداني،،


الصلوات أؤديها،، بس صراحهـ ما كلها ف المسجد. الفجر ف الغالب بيكون ف البيت، والظهر ف العمل والعصر ف الجامعه. المغرب والعشاء.. حسب مكان تواجدي.. والحمد لله علاقتي بربي جيدهـ ولو اني مقصر.


أخر مرهـ تلوت من زمن طويل,, اما الاستماع. فبستمع كل يوم لجزء كامل.. والشيخ مشاري العفاسي أصبح مهم جداً ف ساعات الصباح الأولى بالنسبة لي، ومن غيره. بحس باقي اليوم بضيق.



مخرج السودان/ بنتملك جميع أنواع الثروات.. بترول. زراعة. ثروات(حيوانية, نباتية, سمكية) وذهب ومعادن اخرى, الأهم أيدي عامله وعقول مفكرة..


لو نظرت لمصر مثلاً بتعتمد ع السياحة فقط.. السعودية وبقية الخليج ع البترول. كل دولة بتعتمد ع مصدر واحد، في حين تتوفر لنا جميع الثروات. المفروض نحنا مكان امريكا ف الاقتصاد. والمخرج الوحيد. هو نصفي النفوس ونحافظ ع الكوادر المهاجرة عشان نطلع مافي جوف الوطن..


أسف للكتابة بسرعه وعدم تنسيق،، بس مستعجل يالسوداني [/color]

[ابراهيم الجيو]

[quote="السودانى الاصيل"][align=center]ابراهيم الجيو

لديك فرصه بمنح وسام
العضو المميز
المشرف المميز
الموضوع المميز

لمن تنحها


موقف لا ينسى حتى الان عالق فى ذهنك
حزين او طريف ؟؟؟[/align][/quote]




العضو المميز/ مايا,,,

المشرف المميز/ السني،

الموضوع المميز/ الحب والعلاقة الجنسية لود الدريري..



موقف لا انساه،،



طبعاً أبوي بيكره حاجتين,, موبايلي وسواقتي للسيارة،ممكن ف العربية أسوق واتكلم وأكل مع بعض وبرضو لا احترم اشارات المرور نهااائياً والسرعة هواية بالنسبة لي,, بزكر يوم ابوي معاي وانا ماشي قطعت الإشارة كالعادة وانا بأكل وبتكلم ف الموبايل لقيت المرور وراي, أبوي بدلاً من ينزل يدافع عني، قال للعسكري سوقه،، طبعاً كل يوم بيملى البيت بروشوات عن السرعة والقيادة وخطورتهم.. الخ, وليهو شهرين إلى الآن ما ركب معاي بعد ما اشترى عربيتو براهو[/color]

[ابراهيم الجيو]

[quote="السودانى الاصيل"][align=center]شخص تعتبره تسبب فى كثير من
نجاحاتك فى الحياه
كلمة شكر تقدمها له
الكلمه + الشخص
((غير امك او ابوك لهم الشكر تلقائيا ))

؟؟؟؟؟[/align][/quote]




كتيرون الأشخاص طبعاً،،

دكتورة الهام أولاً ليها فضل كبير ع مر كل السنين العشتها إلى الآن وبعتبرها أمي الثانية.. وطبعاً بتتغلى علي عشان هي الدكتورة المشرفة ع عملية ولادتنا انا وايمن.. ومها قلت أكيد ف حقها من كملا لاتوفي..



البروف/ عز الدين عمر موسى. عميد كلية الدراسات الاستراتيجية وحائز ع جائزة نوبل.
أيضا اهتم بي كتير ، وما زال إلى الآن مصمم يعاملني كاصغر ابنائه رغم انه بيعصرني شديد ف امور حياتي بس بيرى انه كدا للمصلحة المستقبلية...


والقنصل السابق أيضاً ما بنساه ، ومعاملته إلى الآن، وكلماته اللي بتلمع ذهب.


الكادر الجميل من المستشارين والوزراء اللي بعمل معاهم الآن.. بحس منهم أيضاً معاملة أبن قبل أن اكون موظف، وبجد النصائح كتيرة ويومية منهم. كل واحد ف مجاله من اجتماع او سياسة او اومن او علوم عامه، وغيره،، وصعب أوفيهم أيضاً حقهم، ولو اشتغلت باقي العمر لهم تزكيــه.

القائمة تطول. شديد, وما بنسى ايضا عدد كبير ف السودان, بس بشكر كل من عاملني كاإبن له واو اخ واجزل لي النصيحة والرشد .. [/color]

[السودانى الاصيل]

الجييييو

والله والله ما قصرت معاى عديييييل
اها

نواصل

[السودانى الاصيل]

ابراهيم الجيو

اين تنوى الاستقرار النهائى بعد الزواج ولماذا؟؟

شخص مكث فى بلاد الغربه سنين عددا ولم يستفد من غربته مع العلم
بانه كان يعمل طوال المده ؟؟؟

الجيو : ما هو تاثير الاسره بفقدان الوالد المغترب ؟؟؟
ما هى اسباب الخيانه الزوجيه فى حسب وجهة نظرك ؟؟
علاقتك بافراد اسرتك هل تشعر بانهم اخوانك فقط وتتعامل معهم حسب هذه
الصفه ام هنالك صفات اخرى ؟؟؟


يتبع