يا جماعة ....شرطو عينا

[sarona]

في نهاية الاسبوع الماضي .....كنت في أحد المراكز التجارية بجدة

ولفت انتباهي منظر متكرر بأستمرار....

وحبيت أنقله ليكم ....

الزوج ....لابس عرّاقي ....وشكله صاحي من النوم ...ناسي يعاين قدام المراية قبل ما يطلع

الزوجة ....عباية ...وشبشب مزعج ...وجارا معاها 3 اطفال مزعجين ....واااخر بهدلة

وصوت الزوجة العالي مع الزوج او البائع يجبك من اخر المركز...

المشكلة أن المنظر ده سوداني بحت ...

لا يمكن انك تشاهد مواطن او مقيم من أي دولة بيتعامل بالهمجية دي ...

الكل في قمة الترتيب والنظافة.....

والله العظيم يا جماعة المنظر مؤلم ...جدا

ومتكرر جدا جدا.....

سؤالي....

الوضع ده ح يستمر لمتين....

ليه اصبح الاستهتار بالمنظر العام والهمجية في السلوك عنوان الاسرة السودانية...

(مش الكل طبعا) بس الاغلب....

أحنا اللي كنا ....واحنا اللي علمنا ....واحنا ...واحنا....

ليه كده ...ولمتين ....؟؟؟

المشاهد كثيرة وده أولها......

ولي عودة

[ibn batoota]

سارونا والله إنت هبشت اللحم الحي ذي مابقولو..

للأسف الحاجة أنا لاحظت ليها كتير جدا وفي كتير من الدول....
عندنا في الإمارات مره في مقر الشركة واحد جاي مقدم لي وظيفة
برضو لابس جلابية وسخانة ومكرفسة من الوسخ والغريبة خاتي ليهو سفة كمان..من ضمن المقدميين للوظيفة لبناني ومصري وكانو في غاية الأناقة...عموما الحاجة الفهمتها من المسؤلين بعد ماعملوالإنترفيو إنو السوداني كتر واحد مؤهل ليها بس مامهندم..وللأسف المظهر كان ليهو أثر وضاعت منو الفرصة..

وبجيك تاني راجع ياسارونا

[ابراهيم الجيو]

عشان كده ,, قلنا الجنسية السعودية’’’

سارونا,, ياريت لو واقفة على الهدم بس,,,,
طريقة الكلام,,,, والسرعة فيه ,, وتعلية الصوت,,,
(هجو) (هجو) شديد,,,

[مايا]

انا فى راى اهم حاجه النظافه ونحنا عندنا زى قومى جميل جدا لو اهتمينا بيه وبى نفسنا حنكون فى احسن صوره 0
ومن الصور المزعجه لما تلاقى زول بتكلم فى الموبايل طبعا بتكونى سامعه الكلام كله ده وانتى على بعد مسافه طبعا 0 وحاجه تانيه بالجد بتضايقنى جدا 0 اسلوب الاكل اول حاجه صوت الزول وهو بياكل كانها شكله ما اكل وطريقة الاكل زاته ما ظريفه 0

مشكوره سارونا على موضوعك الجميل
وانشاءالله من خلاله الناس تنتبه لى التفاصيل دى

[حافظ عوض الله محمد]

ده مش اللحم الحى بس
مالاقى كلمه أوصفو بيها
عموما نقد الشخصية السودانيه ومحاوله أظهارها بصوره مشرفة بتعنى اننا مهتمين جدا بوضعنا المائل
لكن
كيف الحل ماكفايه النقد
اعتقد انو السلوك القويم والمظهر يجب ان يدرسا فى المدارس
دورالاسرة مهم الاب والام والمعلم جميعهم يساهمو

[سودانية نار]

بصراحة يا سارونا والله العظيم
لمن نكون في المطار نستقبل
اخواتنا وبنات خالاتنا الجايين من برا
خاصة الدول العربية
بنتخلع من منظر الناس الجاية
بتستغرب ليه الناس دس لابسة كدا
ومبهدلة لدرجة دي
طبعا انا ما قاصدة الااغتراب كله يكملوا هدوم ودهب ( دي الجزء التاني من المغتربين )
لكن ضعف الايمان يكون فيه
اهتمام بالمظهر
والله بنبان نحنا الفي السودان
المغتربين
والبيقتلني
منظر العفش الجايبو معاه
النصو للبن بدرة
وماكولات
ياخي حاجة بتخجل
كانو البلد مافيها حاجة
الناس ديل عايشين وين
في المريخ

[sarona]

سارونا والله إنت هبشت اللحم الحي ذي مابقولو..

للأسف الحاجة أنا لاحظت ليها كتير جدا وفي كتير من الدول....
عندنا في الإمارات مره في مقر الشركة واحد جاي مقدم لي وظيفة
برضو لابس جلابية وسخانة ومكرفسة من الوسخ والغريبة خاتي ليهو سفة كمان..من ضمن المقدميين للوظيفة لبناني ومصري وكانو في غاية الأناقة...عموما الحاجة الفهمتها من المسؤلين بعد ماعملوالإنترفيو إنو السوداني كتر واحد مؤهل ليها بس مامهندم..وللأسف المظهر كان ليهو أثر وضاعت منو الفرصة..

وبجيك تاني راجع ياسارونا

والله يا ابن بطوطة ....
احنا في جدة بنشوف العجب ....من السودانيين...وخاصة
الجايين بالميناء ....بجد بهدلة وبشتنة تحير ....
تقول جايين برجولهم ما راكبين.....
وده بيأدي ان موظفين الجمارك يعاملوهم بجفاء....
الهدوم وسخانة والريحة حاجة لا توصف.....
وبهدلة ....والله تتحير ...
والمنظر مؤلم جدا ...ومحرج جدا جدا
وناسين انهم بيعكسو وجه البلد ....
ومتناسين ان المغترب سفير ليلده ..

.

[sarona]

عشان كده ,, قلنا الجنسية السعودية’’’

سارونا,, ياريت لو واقفة على الهدم بس,,,,
طريقة الكلام,,,, والسرعة فيه ,, وتعلية الصوت,,,
(هجو) (هجو) شديد,,,

طبعا احنا اسرع الشعوب في الكلام
يعني لو قعدت تسمع في جماعة بيتكلمو ....ح تتحير !!!

والله لو اخدنا عشرة جنسيات ....احساسنا بالسودان ما ح يتغير...
ح يفضلو الناس ديل برضو ناسنا اللي بيغلي دمنا عشا نهم

[sarona]

انا فى راى اهم حاجه النظافه ونحنا عندنا زى قومى جميل جدا لو اهتمينا بيه وبى نفسنا حنكون فى احسن صوره 0
ومن الصور المزعجه لما تلاقى زول بتكلم فى الموبايل طبعا بتكونى سامعه الكلام كله ده وانتى على بعد مسافه طبعا 0 وحاجه تانيه بالجد بتضايقنى جدا 0 اسلوب الاكل اول حاجه صوت الزول وهو بياكل كانها شكله ما اكل وطريقة الاكل زاته ما ظريفه 0

مشكوره سارونا على موضوعك الجميل
وانشاءالله من خلاله الناس تنتبه لى التفاصيل دى

طبعا الموبايل ده حكايته حكاية
من بعد 60 متر تصلك تفاصيل المكالمة...
والواحد بينسى انه في مكان عام...

[sunni]

الأخت سارونا،
المشكلة زي ما قلتي بقت عندها نتائج كتيييرة، وكلها سلبية. منها على سبيل المثال.
1. في مطار دبي، الطيارة الماشة الخرطوم، مع طيارات الهند وباكستان في جزء براه من المطار.
2. طيران الإتحاد، مؤجر طيارة خاصة، وهي الوحيدة المؤجرة في أسطولهم ومخصصة لخط الخرطوم

طيب، من الجانب التاني، عندنا هنا في مسقط، السودانيين وبحمد الله وعوا كتير للحته دي، ويمكن السبب هو الوسط ونوع الشهادات. لأن العمانيين ما بيجيبوا عمال سودانيين، وكل الجاليه هنا ناس مؤهلين. النتيجة كانت إمتيازات للسودانيين ما لاقينها غيرهم. من السماح للسودانيين المودعين (مع كمياتهم المهولة) بالدخول لصالة المغادرين. وترخيص قيام نادي الجالية، مع أن العدد أصبح أقل من العدد المطلوب من الأعضاء المسموح بيه. وإحترام في الشوارع و و و و. لدرجة انه من فترة كنت سايق عربيتي وراجع البيت بالليل، لقيت ناس الشرطة عاملين كمين،،، لما جا دوري، طلعت ليه رخصة العربية والسواقة، قام قال لي،، إتفضل ياخي، ما انتو المقصودين. وده دليل انه نحن الجايبين رخص النفس لنفسنا، فمن من يحترم نفسه يحترم،،،،

والحاجة البتغيظ بعد كللللل ده،،، كدي أبقي بت أمك وأبوك وقولي لي واحد فيهم ياخي البتعمل فيه جه غلط،،، ح يطلعك انت الغلط من ساسك لييييي راسك،،، هو في زول ولدته أمه بيفهم أكتر منه؟؟؟؟ ما هو أساس الفهم، وهو أساس الزوق، و و و و و. وبدل ما يفكر في غلط نفسه، ح يبدا بي سبك وسب البلد المستضيفاه ومؤكلاه ومشرباه، وإنها ما بتستاهل أكتر من كدة ........ طيب ياخي،،، وين إحترامك نفسك؟؟؟

ولما تقومي انت تتنضفي وتبقي زي العالم،،،، تبقي مفلللللللللللللللللللللللللللهمة.

[sarona]

ده مش اللحم الحى بس
مالاقى كلمه أوصفو بيها
عموما نقد الشخصية السودانيه ومحاوله أظهارها بصوره مشرفة بتعنى اننا مهتمين جدا بوضعنا المائل
لكن
كيف الحل ماكفايه النقد
اعتقد انو السلوك القويم والمظهر يجب ان يدرسا فى المدارس
دورالاسرة مهم الاب والام والمعلم جميعهم يساهمو

الاخ حافظ.....
في حاجات فطرية ما عايزة ليها دراسة في مدارس....
النظافة الشخصية اقلها .....
انا بس لو عرفت الناس دي فهما شنو....؟؟؟؟

[جذاب وما كذاب]

[frame="7 80"]بالجد حاجه تهري الفشفاش
ومن المفترض انو نحن السودانيين الناس القيافه واخر لطافه
بس لكل قاعده شواذ
ومن المفترض انوالواحد لمن يكون بره البلد يكون سفير السودان
يكون غيور علي سمعه سوداننا الحبيب
والناس اول ما بتحكم بتحكم بالظاهر [/frame]

[sarona]

بصراحة يا سارونا والله العظيم
لمن نكون في المطار نستقبل
اخواتنا وبنات خالاتنا الجايين من برا
خاصة الدول العربية
بنتخلع من منظر الناس الجاية
بتستغرب ليه الناس دس لابسة كدا
ومبهدلة لدرجة دي
طبعا انا ما قاصدة الااغتراب كله يكملوا هدوم ودهب ( دي الجزء التاني من المغتربين )
لكن ضعف الايمان يكون فيه
اهتمام بالمظهر
والله بنبان نحنا الفي السودان
المغتربين
والبيقتلني
منظر العفش الجايبو معاه
النصو للبن بدرة
وماكولات
ياخي حاجة بتخجل
كانو البلد مافيها حاجة
الناس ديل عايشين وين
في المريخ

عزيزتي سودانية نار....
المطار...وما ادراك ما يحدث في المطار...

كفاية بس انك تشوفي المسافرين في البوابة لصعود الطيارة...
او في الطيارة نازلين لركوب الباصات ...
شيء مخجل كأن الطيارة ح تقلع لو ما ركبو كلهم ....دفعة وحدة

ملحوظة:
المشهد ده حصري على السودانيين في المطار..
جدة الخرطوم والعكس...
يا ربي المشكلة وين ؟؟؟؟؟؟؟

[sarona]

الأخت سارونا،
المشكلة زي ما قلتي بقت عندها نتائج كتيييرة، وكلها سلبية. منها على سبيل المثال.
1. في مطار دبي، الطيارة الماشة الخرطوم، مع طيارات الهند وباكستان في جزء براه من المطار.
2. طيران الإتحاد، مؤجر طيارة خاصة، وهي الوحيدة المؤجرة في أسطولهم ومخصصة لخط الخرطوم

طيب، من الجانب التاني، عندنا هنا في مسقط، السودانيين وبحمد الله وعوا كتير للحته دي، ويمكن السبب هو الوسط ونوع الشهادات. لأن العمانيين ما بيجيبوا عمال سودانيين، وكل الجاليه هنا ناس مؤهلين. النتيجة كانت إمتيازات للسودانيين ما لاقينها غيرهم. من السماح للسودانيين المودعين (مع كمياتهم المهولة) بالدخول لصالة المغادرين. وترخيص قيام نادي الجالية، مع أن العدد أصبح أقل من العدد المطلوب من الأعضاء المسموح بيه. وإحترام في الشوارع و و و و. لدرجة انه من فترة كنت سايق عربيتي وراجع البيت بالليل، لقيت ناس الشرطة عاملين كمين،،، لما جا دوري، طلعت ليه رخصة العربية والسواقة، قام قال لي،، إتفضل ياخي، ما انتو المقصودين. وده دليل انه نحن الجايبين رخص النفس لنفسنا، فمن من يحترم نفسه يحترم،،،،

والحاجة البتغيظ بعد كللللل ده،،، كدي أبقي بت أمك وأبوك وقولي لي واحد فيهم ياخي البتعمل فيه جه غلط،،، ح يطلعك انت الغلط من ساسك لييييي راسك،،، هو في زول ولدته أمه بيفهم أكتر منه؟؟؟؟ ما هو أساس الفهم، وهو أساس الزوق، و و و و و. وبدل ما يفكر في غلط نفسه، ح يبدا بي سبك وسب البلد المستضيفاه ومؤكلاه ومشرباه، وإنها ما بتستاهل أكتر من كدة ........ طيب ياخي،،، وين إحترامك نفسك؟؟؟

ولما تقومي انت تتنضفي وتبقي زي العالم،،،، تبقي مفلللللللللللللللللللللللللللهمة.

اولا أخ السني أسمح لي ...احي المغترب السوداني في السلطنة...
ودي كانت زمان صورة المغترب في الخليج عموما...
بس اللي بيحصل الان ده عايز ليه وقفة.....
واذا كان الاهتمام بالنظافة والمظهر العام فلللللهمة ....
ف حيّ الله الفلهمة

[Still I Need U]

[align=justify]السودانيين بي طبعة حالهم غير مهتمين بالمظهر العام ،، وانا لمن كنت في الرياض برضو كنت بعاني جدا من السودانيين المقيمين هناك ، والحاجة التانية والمشكلة الكبيرة انو بتعكس الحضارة السودانية والبيئة العايشة عليها في السودان ،، ليهم حق يقولوا علينا متخلفين ،، موضوعك جميل جدا وقابل للنقاش تقبلي مروري لحين عودتي إنشاء الله تحياتي ،،[/align][/size]

[بت أبوظبي]

انتي عارفه يا سارو
القضيه دي كانت عامله للسودانيين هنا في الإمارات
مشكله وأزمه كبيره
الجنسيه السودانيه كانت ولي فتره قريبه
غير مقبوله في كثير من الوظائف ..
وبخاصه الفتيات والشباب ..
( حاليا الوضع أصبح عادي )

المنظر والإهتمام به بالشكر الخارجي
مهم جدا جدا جدا
المسأله ما للناس فقط
لكن دي حاجه مريحه ضميرياً !

بس أنا عايزه أعرف
البكلف شنو الواحد يبقى زي الناس المهتمه بمظهرها اللي بنشوفها حوالينا !

[ودالدرديري]

ياجماعة المنظر دا بقى طبيعي عند السودانيين اهل الزوق والكرم والاخلاق والظرافة لكن ما أهل المنظر الحلو.
وحكاية نحن العلمنا العالم ونحن الزمان سوينا وعملنا وأسسنا بقت حاجات من الماضي ولو قعدنا نرددها عمرنا ماحنتقدم والعلمناهم ودرسناهم ووريناهم كيف يعيشوا ويتكلموا ويلبسوا بقو احسن مننا لانهم استوعبوا واتطوروا وبقوا مامحتاجين لينا في اي شيء ونحن خلينا بس للكلام الفوق دا لحد ما الطيارة تفوتنا.

[كورتينا]

موضوع جميل جدا وللاسف ده هو الواقع يعني انا في العمل معاي زميل في الشغل سوداني انسان ذوق وملتحي لكن مشكلتو في الهدوم اللي قاعد يلبسه مبشتنا خالص واللبس الواحد يقعدو لابسو اسبوع .
ولمن تجي تنصحو يقوم يزعل ؟!
ماعارفين نعمل مع النوعية ده شنو .

[sarona]

[frame="7 80"]بالجد حاجه تهري الفشفاش
ومن المفترض انو نحن السودانيين الناس القيافه واخر لطافه
بس لكل قاعده شواذ
ومن المفترض انوالواحد لمن يكون بره البلد يكون سفير السودان
يكون غيور علي سمعه سوداننا الحبيب
والناس اول ما بتحكم بتحكم بالظاهر [/frame]

بالضبط كده يا جذاب....

بس مين يسمع ...

[sarona]

[align=justify]السودانيين بي طبعة حالهم غير مهتمين بالمظهر العام ،، وانا لمن كنت في الرياض برضو كنت بعاني جدا من السودانيين المقيمين هناك ، والحاجة التانية والمشكلة الكبيرة انو بتعكس الحضارة السودانية والبيئة العايشة عليها في السودان ،، ليهم حق يقولوا علينا متخلفين ،، موضوعك جميل جدا وقابل للنقاش تقبلي مروري لحين عودتي إنشاء الله تحياتي ،،[/align][/size]

وبالفعل أخي Still ده الحاصل ....

السودانيين هنا عاكسين صورة مؤلمة جدا.....

وللأسف السيء دايما هو اللي بينتشر بسرعة

وفي انتظار عودتك ....