جميع المغتربين(( هل لكم نية في العودة الى السودان))؟؟!!

[ديمة]

[color=~*¤ô§ô¤*~*¤ô§ô¤*~800080]طبعا عايزة اجي اسكن الليلة قبل بكرة والله ييسر الامور والله الغربة نارلكن اي شي بجي من الله خير وسلام الله يعينا جميعا وباالذات الفي دولة ما اسلامية ..~*¤ô§ô¤*~*¤ô§ô¤*~
[/color]

[ahmedBolbol]

اكيد طبها

[قسم الطيب]

تحياتي الغريب عن وطنه مهما طال غيابه مصيروا ارجع تاني لاهله وصحابه....

[هاشم جاد]

تعال شوف الزهج والقرف الفى الغربة ... وبعدها اسأل سؤالك دا !!!!!
اى مغترب يقراء البوست دا حا يجاوب بالرجوع .... لكن ترجع تصدم بارتفاع الاسعار والمعاملة السيئة
والكهرباء القاطعة ......الخ
شهر بس فى السودان ... وتحجز فى اقرب طيارة عشان ترجع بره ... وتجى تانى للزهج والغربه
احسن حل ... ننتظر الوضع يبقى تمام فى السودان ونرجع نهائى .
لك تحياتى

[محمود محمد أبوالكيلك]

[overline]الجميع يحلم بالعودة النهائية ، وهناك من يسأل عن البدائل إذا كان هناك وظائف تستوعب هؤلاء ، والحال يغنى عن السؤال ، جيوش من العاطلين والباحثين عن الوظيفة ، ثم النواحى الحياتية البسيطة ، استقرار الكهرباء ، الماء النقى ، المعاملة الكريمة بالدوائر الحكومية المختلفة ، عوامل الاستقرار النفسي هى من أهم مقومات العودة الطوعية (كما يطلق عليها حاليا) والنهائية لدي قبيلة المغتربين.[/overline]

[السودانى الاصيل]

السلام عليكم

عنى عاااااااااااائد
قريبا
ان شاء الله

وليس لى غير وطنى وطن

[حاتم تاج السرفزارى]

ياسلام عليك ياوطن اموت فى ترابك وتحيه تعظيم للمشيرعمر البشير...طبعا بتعرفو يااخوانى جمل الشيل انا واعوذ بالله من كلمه انا جمل شيل...لم اتزوج حتى..كل شى على كاهلى
ولن اندم على ذلك وافتخربانى اعيل اسرتى من الالف الى الياء ولكن لابد من الرجوع الى احضان الوطن الى الخرطوم الى امدرمان ..ياوطنىيابلد احبابى
ياوطن كل من عشقت واحببت ""احبك ياوطن احبك ياوطن

[بسمة الحياة]

كلنا بنتمى نرجع لكن ظروف الحياة ما بتساعد الواحد مهما لفه ودار ما عندو مكان غير بلدو

[Zola CoOolz]

طبعاً..من اكبر الامنيات..

بس الوضعية (خ ـطيرة) انقطاع الكهرباء و الموية و الخ...

و المشكلات التانية ما بتساعد بعدين الواحد اول شي يستقر بعدين يفكر في الرج ــعة ...^^

[هــدوء القمر]

يا بعد عمري سؤالك ما داير ليهو اجابه اكيد النيه في لانو الانسان ما ليهو الا وطنه انتي عارفه انا لي 21 سنه في المدينه وروحي حتتطلع عشان اشوف بلديوانشاءالله اسكن في الخرطوم ولا الازهري

[سوداني جديد]

بلادي وان جارت علي عزيزة ****** واهلي وان ضنو علي كرام

هذا السؤال اكيد لو طرح علي اي مغترب اكيد الجواب سوف يكون ( نعم ) وبلا شك لان الانسان لا يذوق طعم الحياة الا اذا كان في وطنه وبالقرب من اهله , والانسان لايشعر بالحرية الا اذا كان في وطنه وهذا الاحاس انا متاكد انه عند كل اخواننا المغتربين , الله يدينا الصحة والعافية ويرجعنا سالمين الي بلدنا ووطنا وحبيبنا السودان , وفي الختام اشكرك اختنا علي هذا الموضوع الجميل وتقبلي تحياتي.

[دمعة شوق]

اكيد حبيبتى بنتمنى نرجع لى بلدنا الحبيب لانو احلو منو مافى مهما لفينا العالم ادفى واحن منو ما بنلقى لانو فيهو جميع الناس البنحبهم دى براها بالدنيا اما البلد المقيمه فيها الامارات ويا ربى رجعنا كلنا لى اهلنا سالمين موضوعك حلو حبيبتى

[فارس عبدالعاز]

اولا السلام عليكم ورحمة الله وبركاته مشكوره اختي علي الموضوع الجيد وبقولك الماعندو وطن ما ليهو وطن والسودان امانه في عنق كل منا والامانه ان تظل فلنحافظ عليها وانا عن نفسي ماعارف كيف يكون حالي لو ماكنت سوداني

[احساس-السعاده]

الغريب عن وطنو مهما طااال غيابو مصيرو ارجع تانى لى اهلو وصحابوا
اكيد فى نفس كل انسان فى ديار الغربه ومحروم من بلاده الحبيبه انو ارجع اليوم قبل غدا
ولاكن ربنا اسهل لينا الطريقه البترجعنا وانشاء الله تتعدل الامور ونرجع الى بلادنا سالمين
ومشكوووووووووووووره على الموضع الحقيقى رائع
وتقبلى مرورى احساس

[شجون]

أكيد بتمنى اني ازورللسودان زيارة بس واشوف بعدين اذا كنت هتمنى اني اعيش فيها او لأ لأني اناا اتعودت على الغربة وما بعرف اذا كنت هتعود على السودان بس انشالله نزوها قريب

[Abubakr]

يا سارونا

تحياتى وأشكرك على العنوان الملح (بى ضم الميم) ده..
أكييييييييييييييييييييييد
والله انا كان لاقى أسسسسسسسسسى أرجع

إحساس الغربه جد تعيس .. ولا أعتقد أن هنالك مغترب عن وطنه ومهما كانت جنسيته لا يفكر فى الرجوع إلى ذكرياته وجيرانه وحبابيبو و.....و..و... الخ.

هناك من يستمرأ الغربه و(يموت قلبو) - عافانا الله - وده من جراء كثرة سنين الإنقطاع عن السودان وباالتالى عن كل ذكرياته وجيرانه وحبابيبو .. فتموت الفكره وينطمس الوضوح وينسى حتى إسم سيد دكان البرقاوى الجمبهم منو؟

عموماً .. وجع الغربة مربوط بمعطيات كتييييييييره نسأل الله أن يشفينا منها قرييييييييييب.. يمكن أن أرجع ليها تانى..


لكن راجع .. راجع

تسلمى على الموضوع السمح ده

[ابو ايووودي]

[overline]اللهم رد غربتنا واجعلنا وسط اهلنا واحبابنا ... بالتأكيد بتمنى أن ارجع إلى وطني الغالي وإنشاء الله عندي النية والله الغربة حااااااااااااااره بنضيع في وقتنا ساااااااااكت .
مشكووووووووره على الموووضوع[/overline]

[سجود]

يا غريب عن ديارك مصيرك تعود
مافى غربة سنين مصيرك تعود
ياغريب عن ديارك مصير تعود

[ودعازة]

ما أحلى العودة إلى حضن الوطن ولكن...
لم أخرج من الوطن إلا مضطرا..تخرجت من الجامعة وعدت الى السودان وعملت بمؤسسة مقاولات حكومية لمدة ثلاة اعوام ولكن كنت اقترض بل آخذ مصروفا من والدتى لعدم كفاية الراتب .. من فينا لا يحلم بالنجاح بين اهله او تنمية بلده ؟ سأرجع يوما ما عندما اكون مستعدا بتحدى كل العقبات واتمنى ذلك قريبا..عندما احس بأنى سأحسب للسودان لا عليه..عندما استطيع ان اطعم ولو جائعا واحد دون مد يدى للآخرين..عندما لا تراودنى نفسى الامارة بالسوء بإستحلال الحرام بلحاظ الضعف الانسانية وتحلل لى الحرام ..او اتخاذ ديدن الرزيلة للآخرين عذرا لا عيش بينهم..

[همسة حنين]

والله انا نفسي امشي اشوفها بس بخاف لو امشي مااقدر اجي راجعة لانو حياتي وذكرياتي وكل شي حصلي حصل في بلاد الغربة دي وبخاف من فراق بلدي التانية دي بس بتمنى لو ازور بلدي زيارة بس لاني ماحصل شفتها وكان عجبتني وارتحت فيها بستقر فيها لاكن عارفة دا مستحيل لانو مافي حد بينسى بلد فيها اتولد وفيها عاش