الكلام ده موجه للرجال بالذات بتاعين الجمعية(عايزة منكم فتوى )
قبل ايام فى اثناء جلوسى مع احدى قريباتى فى كافتريا فى العاصمة (الكلام ده كان العصر يعنى ده الوقت المفترض الراجل المعرس يكون في بيتوا مع الزوجة والعيال)
اثناء الونسة لمحت ليك واحد بلدياتنا (فى نهاية العقد الخامس وعندوا بنات متزوجات)
(يعنى هو جدو بس الراجل ماشاء الله محافظ كانوا لسة شباب ويمكن احسن كمان)
و كان معاه واحدة من شكلها بت صغيرونة يعنى بتكون فى العمر فى العشرينات وكمان لابسة توب ومن شكلها بعد ان دققت فيها جيدا عرفت انها عروس (الحنة حنة عروس والدهب اخر فشخرة بتاعة نسوان (اللهم لاحسد انتى لسه يابتى من زمن الدهب البيملو بيهو اليد ده خلاص بقى دقة قديمة(شكلها نايمة ساكت لانو النسوان خلوا لبس الدهب الكتير واتطورن وبقن يلبسن مع كل توب الاكسسوار البمشى مع اللون )
وطبعا الراجل عمل فيها ماشايفنا ( اكيد خاف انى امشى اشمشر لناس البيت والخبر ينتشر لانه الخبر دسم شديد ومابيندسا )
بس انا اتثاقلت على الراجل(الحالات الطارئة لازم يكون دمنا فيها تقيل ) ومشيت سلمت عليهوا وعلى الزوجة الجديدة (ماعرف يخش وين من الخجل وعرفنى عليها وكنت عايزة اقول ليهو ياعموا فلان بس ماحبيت ادخل الزوجة الصغنونة دى فى حرج)
(ده مفروض كان يستحى ويدنقر وشو تحت لمن جيت اسلم عليهو)
(هو وكت معرس بالدس الجابوا كافتريا العصر شنووو ولا قايل انوا مابتعرف ولابتشاف فى البلد الواسعة دى )
بس فى النهاية قال لى (ياريت كانك ماشفتى حاجة لحدى ما اعلن الخبر رسمى وانا احترمت وعده )
(يعنى طلع معرس قبل شهرين ببنت فى عمر بناته المتزوجات(يارجال ده كلام شنويعنى مافى استحياء)
(عارفين لو مرتوا عرفت بالزواج ده يمكن قلبها يتوقف عن النبض على طول بس الله يستر وتعدى على خير (اصلى حاتابع الاحداث اول باول لمن نشوف اخرتها مع الراجل المتصابى ده )
وبعرف لى واحد عجوز برضوا اكتشفت انو معرس واحدة قدر ابنه الكبير(صغنونى يادوب حيتخرج من الجامعة) وماشاء الله مسكنها فى شقة اخر موديل (والخبر ماوصل زوجتوا الاولى لانه عرس بالدس )(وانا بعرف مرتوا كويس ماشاء الله ذى الوردة فى بيتها عشان ماتقولوا انها هاملة بيتها )
وقبل كم سنة كدة اتوفى صديق بابا الرجل الثرى والصدمة كانت اليوم الرابع للوفاة جات واحدة منقبة وحلاتها صغنونة فى العمر(يعنى فى نهاية العشرينات كده) ومعاها ولدين وقالت انها مرة المرحوم وكانت صادقة(بس ماحاقول ليكم الحصل شنووو لمرة المرحوم الاولى وكمان اولادو دى اعرفوها براكم ؟؟)
وغيرها من قصص كتيرة اعرف اصحابها العجائز الاثرياء المتزوجين بالدس من بنات صغيرات
يعنى معقولة بعد ماالعيال يكبروا والراس يشيب يجوا اخوانكم يدبلوا فى النسوان المسكينات ديل بعد العشرة الطويلة ولارايكم شنو ياناس الجمعية المدافعين عن حقوق الرجال ؟
يعنى الواحد لو قلنا الشرع حلل ليهوا طيب مايروح يتزوج ليهوا واحدة كبيرة شوية(ده المطلقات فى البلد دى كتار على الاقل يكسب ثواب فيها ولايعنى هم مادايرين ليهم اجر ( ايواااا يعنى الموضوع معناتوا تجديد شباب وكده )
(يعنى ذى ديل فى رائيي الا تقوم نسوانهم تجيب ليهم عرق المحبة البخلى عين الراجل العجوز ماتقدر تزوق جاى ولاجاى على الاقل عشان مايجيب لاولاده فضيحة انوا ابوهم متزوج واحدة قدرهم (يعنى السترة والفضيحة متباريات))
رايكم شنوا ياجماعة فى ذمتكم دى مامراهقة رجال متاخرة ولا حيكون فى محاميين دفاع ليهم ؟؟
(عليكم الله افتونا ياجماعة ويارجال بالذات حكاية المراهقة فى مرحلة الكبر دى حكايتها شنو مع اخوانكم العجائز ديل اكيد انتوا يارجال عندكم فكرة عن الموضوع ده ولازم تورونا عشان من اسه نفتح عيونا كويس وماتحصل لينا فضائح ذى دى لانى بشوف انوا ذى الموضوع ده بجيب شماتة للزوجة ولاولاد وكمان فيها شيلة حال )
هي مشكلة طبعاً بس ماحرام. بس احنا اولاً نعرف سبب المشكلة الخلتو يدبل تاني بواحده زي ماقلتي قدر بتو.لأنو ما كل الرجالبزوجو ساي لأن العدل مطلوب وفي راي مافي واحد بدخل نغسو في حتة ضيقة. فا ي
زينة اعرفي المسببات ولو عاوزه تعرفيها اسألي واحده راجله يكون دبل عليها لأنو اكيد حتحكي ليك بكل التفاصيل التخليك تتقي الحتة دي.
حاجة اخيره
شكلك شمشاره .ودي حاجة خليها عشان بعدين راجلك مايدبل عليك. اتفقنا.
الراي والراي الاخر مع الاحترام وبدون زعل
هههههههههههههه.
المستقيل كتب:هي مشكلة طبعاً بس ماحرام. بس احنا اولاً نعرف سبب المشكلة الخلتو يدبل تاني بواحده زي ماقلتي قدر بتو.لأنو ما كل الرجالبزوجو ساي لأن العدل مطلوب وفي راي مافي واحد بدخل نغسو في حتة ضيقة. فا ي
زينة اعرفي المسببات ولو عاوزه تعرفيها اسألي واحده راجله يكون دبل عليها لأنو اكيد حتحكي ليك بكل التفاصيل التخليك تتقي الحتة دي.
حاجة اخيره
شكلك شمشاره .ودي حاجة خليها عشان بعدين راجلك مايدبل عليك. اتفقنا.
الراي والراي الاخر مع الاحترام وبدون زعل
هههههههههههههه.
الاخ الكريم
على فكرة (انا ماشمشارة لكن الظروف مرات بتجبرنا انوا نتحشر فى خصوصيات
بس صدقنى دى ماشمشرة بس الغيظ كان كاتلنى لانو الموضوع ماطبيعى وانا حسيت انو اصحابها عندهم خلل فى شئ معين بس ماقدرتا اعرفوا )
وحاجة اخيرة (ياخى معقولة ازعل منك ونحنا فى الراكوبة بالغتا فى دى هههههههه)
وماتشيل هم انا مستحيل راجلى بعدين يدبل فينى (الا القيامة تكون دايرة تقوم )
شكلك يا زينة متخصصة في الجماعة ديل والحكاية دي حارقاك شديد
اول هم الزول دا خلاص اولادو كبروا وبقي براهو ومرتو بقت ما شغالة بيهو شغلة
يعني لو شاف روحو حبيتين يبقي عيب عليهو والقروش عندو وما مقصر
يعني لو كان عندك قروش وعاوزة تشتري عربية ح تشتري عربية هكر ولا ح تشتري اخر موديل .
وبعدين عمل خير يعني نقص عدد الح يكونوا عوانس شويتين وحقوا نشكروا
وبعدين عمو ما قصر واللة حقوا تستري عليهو وبلاش تكلمي الولية
.
الاخ كابو
الا حارقانى دى كاتلانى كتل وحتى الان جرحى مابرا من وجعة عمنا العجوز (الله يسامحو بالغ فيها شديد والله دى خيانة وغدر كمان خلينا ياخى من الرجال الذيوا الغداريين ديل )
(والله حيرتنى معاك يعنى انتوا لازم تدافع ليهم )
انا انتقدتا حتة انو واحد عجوز يتزوج واحدة صغيرة يعنى مهما كانت الاسباب البت الصغيرة الاتزوجها دى لسه ما وصلت سن العنوسة عشان هو يحل مشكلة العوانس
وبعدين دايما بس الرجال جارين ورا حتة (ماشغالة بيهوا شغلة يعنى فى ذمتك ده سبب على الاقل كان يبادر ويصلح الامور بعدين يفكر يعرس ليهوا واحدة كبيرة شوية
(ولو اتخطينا حتة المطلقات دى فى بنات كتار الواحدة بتكون اتخطت التلاتين وما تزوجت (يعنى دى هى المجتمع البيطلق عليها كلمة عانس ياسيد كابو (انتا تابع لناس البرير ولاشنو كابو دى)
وبعدين صدقنى وبدون شك كل الصغيرات البتزوجن عجائز بس فى الغالب عشان خاطر القرش يعنى ماعشان خاطر شيبو المالى راسوا (يعنى هو الخسران)
وشكلك كده حتعملا بعدين بس ان شاء الله ماتعملا(خليك راجل حضارى ياخى وبلاش تكون ذى اعمامك العجائز ديل)
واطمن مستحيل اجيب للولية خبر واخليها تروح فيها(يعنى فى الحتة دى مابتدخل خالص وغير انى وعدته وانا مابخلف الوعد بس كفاية انى اتوجعتا منو وجعة شديدة )
لكن برضوا كان نفسى اعرف ليه يعنى بت صغيرة لكن مامشكلة
وعلى فكره يا يا زيزى انا شخصيا ما ح اتزوج على مراتى خااااااااااااالص لكن
من الاول بعرس جوووووووووووز خخخخخخخخخخخ
يخسى عليك يالاصيل يعنى مبارى العجايز ديل
اسا كنت فاكراك راجل حضارى وماحتعرس غير واحدة تجى تقول لى دبل (كرهتى فى الدنيا الاشكال الذى اعمامنا العجايز بس انا عندى امل انك مازيهم وما حتجهجه مرتك بعدين
(ياربى متين حتلقى الحتملا عينك دى غايتوا يوم تلقاها اوعك تنسى تورينى اصلى عارفاك من شكلك مابيعجبك العجب ولاالصيام فى رجب
(ياحليلك يازوجة السودانى الاصيل المنتظرة (شدى حيلك بعد ماتعرسيه راجياكى ايام صعبة خالص (اصلك حتعرسى توم كروز والنوعية دى عايزة مراقبة شديدة لانوا احتمال الدبيل واردة بنسبة مية فى المية لاى خطاء وارد من المدام(الله يصبرها ويحسن اليها)
صراااااااااحة أي زول بيتزوج فوق زوجته بيكون عندوا اسبابوا
يعني إنتي ما تظلمي أعمامك وتقولي إنهم ما عندهم عشرة واسباب تعدد الزوجات بيرجع في المقام الأول للزوجة يمكن تكون مهملة بيتة وممكن تكون مهملة نفسها (ودي ختي تحتها خط) يعني تلقي المرة متزوجة ذيها وذي البت الفتاية ما فاضية تمنجه نفسها بي حنة ولا تتعدل ولا تعمل أي حاجة من حاجاتنا السودانية الجميلةالبتميز المرة السودانية 0
وممكن تكون خرقة وممكن تكون متسلطة على زوجها ودي أسوأ حاجة برضها بطفشوا من البيت 0
والأمثال كثيرة يا أخت زينة وده قليل من كثير حبيت أوضح ليكي أو أوصل ليكي القليل يمكن يفيدك بعدين عشان تربطي راجلك كويس (تكتفي ما يعاين لي بره) 0
تقبلي مروري ودمتي
صراااااااااحة أي زول بيتزوج فوق زوجته بيكون عندوا اسبابوا
يعني إنتي ما تظلمي أعمامك وتقولي إنهم ما عندهم عشرة واسباب تعدد الزوجات بيرجع في المقام الأول للزوجة يمكن تكون مهملة بيتة وممكن تكون مهملة نفسها (ودي ختي تحتها خط) يعني تلقي المرة متزوجة ذيها وذي البت الفتاية ما فاضية تمنجه نفسها بي حنة ولا تتعدل ولا تعمل أي حاجة من حاجاتنا السودانية الجميلةالبتميز المرة السودانية 0
وممكن تكون خرقة وممكن تكون متسلطة على زوجها ودي أسوأ حاجة برضها بطفشوا من البيت 0
والأمثال كثيرة يا أخت زينة وده قليل من كثير حبيت أوضح ليكي أو أوصل ليكي القليل يمكن يفيدك بعدين عشان تربطي راجلك كويس (تكتفي ما يعاين لي بره) 0
تقبلي مروري ودمتي
شكرا ياوجيه
كلامك كلوا فى محلوا بس برضوا ماكان مفترض تكون بت فى عمر اولادوا دى هى الحتة الواجعانى شديد والعشانها طلبتا منكم فتوى
اما راجلى ان شاء الله ماحيقدر يعاين بقعر عينوا ساكت خليك من يعاين بره مرة واحدة(ههههههههه)
يازينة والله لقيتك شماراتية شديد
حا اشيل حسك فى ديم مدينة وبالتحديد
فى ابو قسيسة انتى مالك ومال الراجل
خلى ياخد راحتو على الكامل يابت
الزمن دا بقول راجل المرة حلو حلا
كايسنو ما لاقينو هووووووووووووى
الراجل محللة ليهو اربعة على عصمتو
ولوبقى جنو طلاق هح خلى ساى يمكن يصل
المئة الله غالب بعدين الجكوس الصغار كايسن
العجايز الشباب قالو ديل ( فلس)
كلامك كلوا فى محلوا بس برضوا ماكان مفترض تكون بت فى عمر اولادوا دى هى الحتة الواجعانى شديد والعشانها طلبتا منكم فتوى
اما راجلى ان شاء الله ماحيقدر يعاين بقعر عينوا ساكت خليك من يعاين بره مرة واحدة(ههههههههه)
يا
أخت زينة موضوع إنو حارقاكي حتتة إنو يتزوج بت صغيرة قدر بناتو بقول ليكي دي أول أسباب زواجة عايز واحدة تعيشو في نوع من الدلال لكن أم العيال خلاص كبرت وبقت ما فاضية يعني سلكت درب الحبوبات وعاشت في الدور 0
والشارع في السودان عندنا إنتي براكي شايفة وعارفة البنات بيتلبسوا ويتمنجهو ولبسهم صعب ويمكن عمنا يكون دخلت واحدة في نفسو وقال بدل ما يدخل في طريق حرام أجيبه بالحلال ومحللات ليه أربعة 0
وكمان عمنا شايف نفسوا إنو عندوا القدرة يتزوج واحدة صغيرة ويتمتع بي حياتو وخصوصاً إنو عندوا قروش والعندو قرش سيد نفسوا 0
وبعدين أنا عايز أسألك سؤال بدون زعل هي البت الصغيرة القدر بناتو بتقبل بيهو ليه ؟؟؟؟؟؟
ولكي خالص حياتي 00
وتقبلي مروري ودمتي
الا حارقانى دى كاتلانى كتل وحتى الان جرحى مابرا من وجعة عمنا العجوز (الله يسامحو بالغ فيها شديد والله دى خيانة وغدر كمان خلينا ياخى من الرجال الذيوا الغداريين ديل )
تعرفي يا ( بت ديم مدينة )
سبحان اللة بعد كتبت ردي قريت جريدة حكايات وكان فيها واحد كاتب نفس الموضوع بيتحدث عن نفسه متزوج اتنين واولادو كبروا قام اتزوج التالتة وكانت زي ما قلت قدر بناتو يعني الفرق اكبر من النص في العمر .
المهم التحليل المنطقي , طبعا الرجال بتجيهم ما يسمي المراهقة المتأخرة ولو لاحظتي معظم التحرش للبنات الصغيرات بيتم من ناس عمو ديل وبعضهم بياخدها من الاخرة وبيتزوج , طبعا بيحاول يرجع شبابو وعادة الزواج الذي دا ما بينجح لانو قايم علي المصلحة البنت وراء الفلوس والراجل ورا الشباب .
ولو طول الامر ما ح يستمر لي سنتين والا انحرفت الزوجة والاسباب معروفة .
العيب مافي التطلعات المشروعة لمعشر العجائز ولكن العيب في اولياء أمور البنات الصغيرات اللي بيستعلوا ثراء هولاء لاغراضهم .
بجمبة : كابو دي ما تبع ناس البرير تشابه اسماء
الفرح المهاجر كتب:يازينة والله لقيتك شماراتية شديد
حا اشيل حسك فى ديم مدينة وبالتحديد
فى ابو قسيسة انتى مالك ومال الراجل
خلى ياخد راحتو على الكامل يابت
الزمن دا بقول راجل المرة حلو حلا
كايسنو ما لاقينو هووووووووووووى
الراجل محللة ليهو اربعة على عصمتو
ولوبقى جنو طلاق هح خلى ساى يمكن يصل
المئة الله غالب بعدين الجكوس الصغار كايسن
العجايز الشباب قالو ديل ( فلس)
مالك ياالفرح المهاجر عايز ترفع لى الضغط(ياساتر يارب)
ياخى الشمشرة دى مرات بتكون نافعة خالص خاصة مع للذيك ديل(ههههههه)
وعلى فكرة براااااااااك قلتها (الجكوس الصغار كايسن العجايز الشباب قالو ديل ( فلس)
يعنى بس عشان خاطر الجيب المليان لكن ماعشان خاطر ووشو المليان تجاعيد(مع احترامنا لاعمامنا العجائز)
لكن التباعد الشديد فى العمر بين الازواج هى مشكلة فى حد ذاتها وهذه حقيقة بس البقنع اعمامنا منو يعنى هو عارف كدة بس شايف روحوا غالى والطلب رخيص
ولوبقى جنو طلاق هح خلى ساى يمكن يصل
(ده بس فى خيالك ساكت انت قايل روحك فى زمن الواق واق هههههههه قال كايسنو ومالاقينو(قايلو مفتاح وضاع ولاشنو)
(خسارة ياخى مالقيتك زوج حضارى (اوعك بس ماتزعل )
أخت زينة موضوع إنو حارقاكي حتتة إنو يتزوج بت صغيرة قدر بناتو بقول ليكي دي أول أسباب زواجة عايز واحدة تعيشو في نوع من الدلال لكن أم العيال خلاص كبرت وبقت ما فاضية يعني سلكت درب الحبوبات وعاشت في الدور 0
والشارع في السودان عندنا إنتي براكي شايفة وعارفة البنات بيتلبسوا ويتمنجهو ولبسهم صعب ويمكن عمنا يكون دخلت واحدة في نفسو وقال بدل ما يدخل في طريق حرام أجيبه بالحلال ومحللات ليه أربعة 0
وكمان عمنا شايف نفسوا إنو عندوا القدرة يتزوج واحدة صغيرة ويتمتع بي حياتو وخصوصاً إنو عندوا قروش والعندو قرش سيد نفسوا 0
وبعدين أنا عايز أسألك سؤال بدون زعل هي البت الصغيرة القدر بناتو بتقبل بيهو ليه ؟؟؟؟؟؟
ولكي خالص حياتي 00
وتقبلي مروري ودمتي
السيد الوجيه
كلامك فيه شئ من الصحة (أم العيال خلاص كبرت وبقت ما فاضية يعني سلكت درب الحبوبات)
النقطة دى صحيحة ولكن كان الاجمل من سى السيد الشايف غلاوتوا بسب الجيب المليان ان يبادر بالاصلاح لانى بشوف فى واقعنا ان الرجل يحب ان ياخذ وياخذ من الزوجة دون ان يفكر بالعطاء(مابقصد العطاء المادى) يعنى هو عايز الزوجة تعطيه الاهتمام والحب والمناقشة....الخ
ولكن لماذا لايفكر هو بعد ان كبر الاولاد ان يعيد زكريات الصبا مع الزوجة ويحاول ان يخلق معها نفس الجو الذى كان فى بداية حياتهم بدل ان يشتهيه فى صبية صغيرة وان لم تفلح معه المحاولة انا هنا بس بايدوا يتزوج لكن بس ماتكون صغيرة لانوا ممكن يلقى طلبوا العايزو فى واحدة كبيرة شوية وتدخل فى نفسوا بس الحتة دى هو مابيشوفها لانوا بس عايز متعة فقط وهذا مااراه من هذه الزيجة الغير متكافئة على الاطلاق
وبعدين أنا عايز أسألك سؤال بدون زعل هي البت الصغيرة
القدر بناتو بتقبل بيهو ليه ؟؟؟؟؟؟
مافى سبب بشوفوا غير الجيب المليان وبس لانك سيد العارفين ان بعض البنات بيفضلن صاحب المال مهما كانت عيوبه وماتقول انوا بنفس المستوى البتفكر فيهوا البنت بيفكر الزوج العجوز (رغم ان الزوجة الصغيرة عايزة القرش والزوج العجوز عايز المتعة والحب)
وكمان عمنا شايف نفسوا إنو عندوا القدرة يتزوج واحدة صغيرة ويتمتع بي حياتو وخصوصاً إنو عندوا قروش والعندو قرش سيد نفسوا 0 )
فربما تفكير الصغيرة لم ينضج بعد ولكن العجوز الذى يتخيل ان المتعة والحب فى الحياة لاتكون الا فى صغيرة السن وهو الرجل الذى من المفترض ان يكون اكثر وعيا وادراكا للحياة لااراه الا( رجل سطحى وضعيف الفكر ولا تفتكر دى فلسفة ساكت )
فانا اعيب العجوز لانه مر بمراحل مختلفة فى الحياة ومن المفترض ان يكون فى هذا السن رجل كامل النضوج والاستواء بدلا من ان يكون عسير الهضم
سبحان اللة بعد كتبت ردي قريت جريدة حكايات وكان فيها واحد كاتب نفس الموضوع بيتحدث عن نفسه متزوج اتنين واولادو كبروا قام اتزوج التالتة وكانت زي ما قلت قدر بناتو يعني الفرق اكبر من النص في العمر .
المهم التحليل المنطقي , طبعا الرجال بتجيهم ما يسمي المراهقة المتأخرة ولو لاحظتي معظم التحرش للبنات الصغيرات بيتم من ناس عمو ديل وبعضهم بياخدها من الاخرة وبيتزوج , طبعا بيحاول يرجع شبابو وعادة الزواج الذي دا ما بينجح لانو قايم علي المصلحة البنت وراء الفلوس والراجل ورا الشباب .
ولو طول الامر ما ح يستمر لي سنتين والا انحرفت الزوجة والاسباب معروفة .
العيب مافي التطلعات المشروعة لمعشر العجائز ولكن العيب في اولياء أمور البنات الصغيرات اللي بيستعلوا ثراء هولاء لاغراضهم .
بجمبة : كابو دي ما تبع ناس البرير تشابه اسماء
تسلم ايدك يااخ كابوا (دى هى النقطة الكنت عايزة اصل ليها وياريت لو كل رجل فكر بنفس المستوى الراقى ده)
فالحياة لاتعطينا دائما كل مانرغب فبدلا من الجرى وراء ماليس لنا لماذا لايبادر امثال اعمامنا ديل ويحاولو يلقوا متعة الحياة فى الجانب الذى يلائمهم وليس الذى يلائم مستوى الجيب والهيبة
وعشان مانظلم كل اولياء امور الصبيات الصغار البيزوجن عجائز (صدقنى فى الغالب فى فتيات بتكون دى رغبتها تتزوج العجوز الغنى بس علشان خاطر هى بتشوف السعادة فى المال فقط رقم انها بعدين يمكن تكون مستعدة تدفع كل المال الحصلت عليهوا فى سبيل انها تتخلص منو وتتزوج بشاب متقارب لسنها ودى بتحصل كتير وذى ماقلتا ممكن تتعمق لخيانة من الزوجة نفسها لانها مالاقيا السعادة الحقيقية البتتمناها كل زوجة فى زوجها وبتكتشف بعد فوات الاوان انها لم تفهم معنى الفرق بين ان تكون سعيد وان تكون صاحب مال ولكنك تعيس جدا)
طبعاً النسبة لي، وحتى لوكان الزوج عنده العذر البخليه يتزوج،، فالزواج في السر ما مقبول،،،
ولكن عندي سؤال لأي من بنات حواء، لمن يلقين اللوم على من يتزوج مرة ثانية،، ليه يتلومو الرجال في الزواج الثاني،، وكدي يا زينة أقنعيني بي حاجتين
1. الزوجة الثانية عارفة إنه متزوج ولا لأ (مستحييييل تكون ما عارفة)
2. الزوجة الثانية،، هل هي (بنت حواء) ولا رجل؟؟؟ طيب ليه اللوم على الرجال وأنتن تشاركن في الفعلة،، وأقول الفعلة عشان المؤيدة يتوافق طرحي مع رأيها في عليها أن تجاوب،، ومن تعتبره (جريمة) فأيضاً عليها أن تجاوب
zaina كتب: مالك ياالفرح المهاجر عايز ترفع لى الضغط(ياساتر يارب)
ياخى الشمشرة دى مرات بتكون نافعة خالص خاصة مع للذيك ديل(ههههههه)
وعلى فكرة براااااااااك قلتها (الجكوس الصغار كايسن العجايز الشباب قالو ديل ( فلس)
يعنى بس عشان خاطر الجيب المليان لكن ماعشان خاطر ووشو المليان تجاعيد(مع احترامنا لاعمامنا العجائز)
لكن التباعد الشديد فى العمر بين الازواج هى مشكلة فى حد ذاتها وهذه حقيقة بس البقنع اعمامنا منو يعنى هو عارف كدة بس شايف روحوا غالى والطلب رخيص
ولوبقى جنو طلاق هح خلى ساى يمكن يصل
(ده بس فى خيالك ساكت انت قايل روحك فى زمن الواق واق هههههههه قال كايسنو ومالاقينو(قايلو مفتاح وضاع ولاشنو)
(خسارة ياخى مالقيتك زوج حضارى (اوعك بس ماتزعل )
اهسى يابتى والله بينى وبينك
انا خلاص المدام كبرت وداير جكوسة
صغيرة تدلعنى وتقول لى ياحبى ياروحى ياعمرى
ناس زمان الكلام دا مابعرفوهو جا هسى وظهر
مع الدجتال وناس دلع وخلى ساى وتشيرتى نانسى عجرم
وبلوزة هيفاء وفستان اليسا وشبابيات وكدا وموضات جديدة
نشوف لينا جكوسة صغيرة ترجعنى عشرة سنة لى ورا
وابقى مع جيل الحدائق والكفتريات وناس سنتر الخرطوم والعصر
ومزن وامواج وخلى ساى والباقى فى الكورنيش
نحتو قرض لمن نجيب ولدين بعدين نقعد فى البيت
ويغنو ليك الحاج نزل المعاش ومتكى فى الكرسى الهزاز
بس فلس وما عندو الكاش
صراااااااااحة أي زول بيتزوج فوق زوجته بيكون عندوا اسبابوا
يعني إنتي ما تظلمي أعمامك وتقولي إنهم ما عندهم عشرة واسباب تعدد الزوجات بيرجع في المقام الأول للزوجة يمكن تكون مهملة بيتة وممكن تكون مهملة نفسها (ودي ختي تحتها خط) يعني تلقي المرة متزوجة ذيها وذي البت الفتاية ما فاضية تمنجه نفسها بي حنة ولا تتعدل ولا تعمل أي حاجة من حاجاتنا السودانية الجميلةالبتميز المرة السودانية 0
وممكن تكون خرقة وممكن تكون متسلطة على زوجها ودي أسوأ حاجة برضها بطفشوا من البيت 0
والأمثال كثيرة يا أخت زينة وده قليل من كثير حبيت أوضح ليكي أو أوصل ليكي القليل يمكن يفيدك بعدين عشان تربطي راجلك كويس (تكتفي ما يعاين لي بره) 0
تقبلي مروري ودمتي
ياالوجيه .. انت ليه محمل المراة المسئولية ؟؟؟؟
يعني اي راجل بتزوج للمرة التانية .. تكون زوجته مهملة .. ماشايفة مسئوليتها ؟؟؟
مقصرة فيه ؟؟
ليه مايكون الراجل عينو زايقة وبصباص ..!!!!
لازم الراجل يلقى مبرر لعرستو التانية ....وشماعة يعلق فيها عملتو ..
))
