بنات المغتربين .. وعدم العرس .

[عاشقة مايلي+هانا]

و الله دي مشكلة كبرة بس مو زي ما بتقول يا أخوي

و شكراً

[sma7a]

ياجماعه المشكله ما بتعد على صور عامه زى ماانتو عاملين على حسب الاسره ووضعها دا بالنسبه للمغتربين بعدين ماممكن الناس تسافر السودان مخصوص علشان تعرس لى بناته الراجل فى والبنات فى انت لو عايز تطرح مشكله حقيقيه لى عدم سبب الزواج هى العطااااااااااااااااااااااااااااااله لو فى السودان او دول اخرى دا السبب الاول السبب التانى مستوى التعليم
وشكرا

[ملكه الاحساس]

السلام عليكم
انا دى اول مشاركه لى هنا
بس حبيت اقول ان الزواج قسمه ونصيب
وما بيعتمد على مكان او زمان معين
والوحده بيجها نصيبها وهى قعده فى البيت
سواء فى السودان او خارج السودان
وانا بنتقد ناس كثيرين بيقولو لازم الوحده تطلع وتجيب العريس
الكلام ده ما صحيح لان النصيب بيجى للبنت القاعد فى بيتها معززه ومكرمه
ولا شنو؟؟؟؟؟؟؟؟؟؟؟

[شيرو]

بسم الله الرحمن الرحيم
موضوع بنات المغتربين الذين عاشوا في الخليج والسعودية ودول المهجر .. في غاية الأهمية .
لأن البنات كبروا والبيت تلاقي فيه اثنان وثلاثة وأربعة وفي بيوت فيها سبعة.. دايرين الزواج .
وفرص الزواج في الغربة قليلة واللي بيتزوج في الغربة قليل .. وعدد البنات كبير جداً .
والمشكلة أهلهم ما راضين يسافروا ويستقروا في السودان عشان تكون في فرص أكثر ليهم .
عاوزين يعشوا في الغربة وتعودوا على كدة .. وظروفهم ذات صعبة وما مستفيدين من الغربة .. بس تعودوا على كدة.
نرجو مناقشة الموضوع وابداء الآراء المناسبة.

نحن هنا كل اجازه عندنا عرس وفي العيد الجاي ده عندنا عرس وفي الاجازه الجايه عندنا عرس
يعني ماعندنا مشكله من الناحيه دي

[the magic]

لو لاحظتو بنات الغتربين هم المرغوبين اكتر

[كجووول]

يا ربيتعرس للوليدات والبنات وتيهم العربات وتسكنهم العمارات وبناسبة شهر رمضان ومع اعظم التبرياك كجوووووووووووووول

[احلى دلع]

اميـــــــــــــــــــــــــــــــــــــــــــــــــــــــــــــــــــــــن

[الأمير حسن مختار]

الأخ العزيز كجوول فعلاً هذه فادحة عمت بيننا كمجتمع سوداني ربما ترجع بعض أسبابها للدلال وإعطاء الحرية لهم أكثر من اللازم دون إشعارهم بتحمل المسؤولية..

وفقكم الله

أخوكم
الأمير حسن مختار

[الفرح المهاجر]

طبعا المجتمع السودانى عند انف كبرياء زائد حتى على
اقرب الاقربين ليهو ..
لمن انت تقول لى واح عايش فى السودان اتزوج
ليك وحدة من مواليد الخليج
يرد ليك بكل ثقة يقول ليك ديل ماينفعو معاى
والسبب يقول هى عايشة فى وضع غير.......
وبعد بنات المغتربين تكاليف عرسهم غالية
وانتو عارفين ظروف الشاب السودانى
ياأهلنا فى السودان أو بر السودان
والله عرس البساطة سمح ويسهل للبنت والولد المخارجة من العزوبية
ووفقنا الله واياكم للخروج من هذة الازمة

[ضياء الروووح]

السلااااااااااام عليكم كيفكم ياجماعه شنو كدا قومتو على المغتربين واولادهم والله ياابو عمر على حسب التربيه بس انتو عارفين ياجماعه تربية السعوديه في كف وتربية الدول التانيه في كف تاني يعني هنا شويه معقدين افكارهم كدا ماعارفها زاتو كيييييف المهم بالعكس المغتربات فرص الزواج عندهم كتيييره يعني مافي كبته وكلام زي دا عايشين الحمد لله بس هي التقاليد يعني غطوه وكلام زي دا وتقبل مروري شكرا

[بت الشمالية]

لا ياجماعة كده غلط شديد انا ماعارفة لي ناس السودان و انتو كمان واخدين فكرة غلط و غلط كبير كمان عن بنات و اولاد المغتبرين ليه انتو فاكرين انو كل المغتربين عايشين في مشتوي عالي و عندهم شغالات في البيوت عشان البت ما تعرف تسوي الشاي و احب اعقب علي كلام الاخ الي قال بنات المغتربين ما يعرفو يعملو الشاي ممكن انت قابلت واحدة ما بتعرف بس ما تحكم علي الجميع و علي الفكرة حتي في السودان في بنات ما بيعرفو يمسكو مقشة وانا مشيت السودان انو بنات السودان هم ما مشغولين الا بالكريمات و الجكس و الحاجات دي ما كلهم طبعا بس الكتيرين منهن
وشكرا

[عمرالنعيم عثمان]

أبو عمر الموضوع يستاهل النقاش
بس أنت ماشايف أنو بنات السودان زاتوم مالقين يعرسو يعني أساسا في مشكاة تأخر سن الزواج الأيام دي في السودان بي سبب البطالة وعدم توفر فرص العمل
والشباب المغترب هو البعرس من بنات السودان ما من المغتربات لانو بيشوف التكلفة بتكون أقل علية لو عرس من بنات السودان
وأولاد السودان هم البعرسو من بنات المغتربين بيقولو (قطط مغمضة )أوتربيتهم محافظة جدا وماطلعو ودخلو
دي طبعا وجهات نظر ولأنسان بي طبعو بيحب التغير

ابوعمر تسلم على الموضوع
انابتفق مع ضحكة بشر الزول المغترب سافر من السودان وخاتى ليهوزول فى راسو عشان كدة ناسنا بسيطييين بشوفوا المغترب دى مازيوا زول عشان كدة بنات البلد دى تكاليفهم كتيرة وناس السودان اقل تكلفة
تخريمة والله ماحصلنا لينا شى هنا لو حصلنا واحدة بنتزوجها ودمت كماتحب

[bet-handasa]

الموضوع حلو وبيستاهل المناقشه
عن رايي انو الناس فاهمين بنات المغتربين غلط اول شي ما كلهم ما بيعرفوا عن المطبخ حاجه
وتانيا ما كلهم اوضاعهم رهيبه وحتى لو كانت اوضاعهم رهيبه ده ما وضعها هي ده وضع ابوها طيب ابوها عمرو كم عشان تقارنو بي شاب في مقتبل العمر
تالتا تربيتنا ما بتختلف عن التربيه في السودان الا الاساسا ربو اولادهم على اساس انهم ما سودانيين
بعدين الناس بتمشي اجازات يعني عارفين الاوضاع في السودان كيف
رابعا امكن حتة الفرق في الشهادات في لانو اي بت مغتربين قرت ليها جامعه ومعاها شهاده جامعيه
طيب الحته ده ممكن تزول لو كان الزول مثقف ومتنور بيقدر يشيل الفرق ده
خامسا وده الاهم انو ليه فكره بنات المغتربين مفلهمات امكن الناس بتحاول تحس بي كده براها مع العلم انو الواحده لمن تمشي السودان بتحاول انو تعمل زي بنات السودان وبتستحمل حاجات ما كانت ممكن تخطر ليها على بال
سادسا مفروض الناس تراعي انو البنات ديل اتربو في بيئه غير الهم اتربو فيها عشان كده مفروض الناس تحاول تتفهم كده وتحاول معاهم لغايه ما يتعودو على الوضع الجديد
سابعا قصه العرس في السعوديه مكلف ده غلط ولو دايرين حسابات نحسب
اول شي في الخرطوم
شيله من دهب ةهدوم وشيله اكل وريحه ده كده براها قريب 20مليون
بعدداك المهر والحفله والعزومات وكده ده براها دايره كم مااقل من 30 مليون
طيب ده كده براها 50 مليون من غير المصاريف التانيه عشان كده الناس بي الجد ماتتكلم من غير تجربه تشوف اول وبعدين تحكم
تقبل مروري واسفه لي الاطاله
لك ودي وتقديري

[شوتال]

اولا السلام عليكم

المشكلة يااخى تتمثل في الاتى :-

نحن عندنا فى السودان الواحدة تصحا من النوم 6 او7 صباحا
تعمل الشاى وتنظف البيت واذا كان عندها مشوار او مدرسة بتعوس الكسرة من النجمة وتمشي

تعال شوف النوم 2-4 صباحا تصحي 2-4 مساء

العواسة ما بعرفنها نهائي

اكلك رغيف وملاح مسيخ ( عدم خبرة)


والعجب اكان جار عليك الزمن وقفت من الشغل وكدى


بمسحوا بيك الواطة

ايسكريم بس في الشهر بالشي الفلاني

خليك من الشيبس - والمارتديلا - والبيجور- والكراكيب التانية

بالاضافة لى دة كلوا داير ليها بنغالي اكوي ليها الهدوم

( خليك من اكل المطاعم وتوصيل الطلبات )

عشان كدي ياحبيبنا بت بلد وبس

لا شوكا ولا كوكا

وتقبل مرورىىىىىىىىىى

[حاتم تاج السرفزارى]

هنا ايضا لدينا نفس المشكله فى البحرين
بنات المغتربين فى عنوسه ياخساره المشكله كبيره ومحتاجه لحلول واجتهادات كثيره هناك عده اسباب منها.الغربه الطويله للاسرالسودانيه فىالخارج عدم اقبال الشباب عن الزواج خارج ارض الوطن الغرور الشديد لدى بعض الاسر والتباهى وغلاء المهور والفارق بين المغتربين
هذا موظف صغير اوعامل وهذا دكتور اومستشار وفى النهايه الضحيه هى الفتاه ........لدى اقتراح لكل اسره سودانيه لديها بنات ان تسمح لهم بمواصله التعليم الجامعى فى السودان والعيش مع الخالات والاعمام كى تضمن الفتاه فرص متعدده للزواج بدلا من العنوسه فى بلاد الغربه,,,,,,,,,,,,,,,,مع تقديرى واحترامى لكل فتاه سودانيه غير متزوجه

[aba]

يا شباب مافى مشكلةا فى الحل الان نعرس نحن من المغتربات ونكون فى الطريق الصاح .بدل الكلام وكل شاب ما متزوج يتزوج سهل جدا ساكن فى جده شوف من جده ساكن فى الرياض شوف من الرياض ساكن فى الصين شوف من الصين وهكذا سهل لا تصعبو الأمور العمر ماشى مشى شديد يا شباب

[ود الزوحي]

اولا شكرا لطرح مثل هذه المواضيع الجميلة والمفيدة ...
بس في حاجة عايز اوضحا ... إنو والله العرس في السودان بقى اغلى من العرس في الغربة .. وأزيد أنو في بنات في الغربة احسن بكتير في بنات ف يالسودان وممكن يكون العكس بس السبب الرئيسي في تأخر الزواج هو زي ما طرح بعض الاعضاء بأنو ف يناس بتصرف على اهلها في الغربة عشان كده بتأخرو مش ماعايزين يعرسو مغتربات ... والتاني هو تقاليد الأسر والنظرات المستقبلية من قبل الفتاة أو الشاب ... وما أظن إنو الأفكار حتتغير بين يوم وليلة ... وربنا يوفق الجميع ....

تحيااااااااااااتي

[ضياء الروووح]

والله انا شايفه انو بالعكس مافي تاخر بالزواج في اولاد من السودان بيجوا مغتربين كتيييييييييير يعني بكون نفسوا وبيكون عايز يزوج بعدين انتو عارفين حكاية الا قامه وكدا يعني بفضل انو يزوج من بنات المغتربين ويسلموا على الموضوع دا

[أبعاج]

وتكون متواضعه وسودانيه شكلا ومضمونا حتى يسعى الشاب الجاد بالارتباط بها ولكن من تتشبه بغير السودانيات عليها ان تتأكد انه لا يوجد شاب جاد يقترب منها ففى الغربه يبحث الشباب عن السودانيه الاصيله ولا سواها لك كل الود والتقدير يعجبنى هذا الطرح الرائع !!

[الوراق]

سلام
أول مشاركة
المشكلة حقيقة لا تخص المغتربات فقط وإنما يوجد عزوف شامل من الشباب وانا اعتبره تهرب من المسؤلية دون مبرر
هم يتواروا خلف العامل الاقتصادي وهو مبرر لا وجود له في الغالب ، الوضع الاقتصادي الآن أفضل بكثير من السابق واحصاءات الزواج في تدني وعدد الفتيات في ازدياد
في حال استمر هذا العزوف والتهرب فلا أجد حلاً سوى ما وجه به السيد/الرئيس وهو التدبيل للمتزوجين
آمل من فتيات المنتدى مناقشة هذا الخيار بتجرد ودون حساسية