sarona كتب:الاخ حافظ.....
في حاجات فطرية ما عايزة ليها دراسة في مدارس....
النظافة الشخصية اقلها .....
انا بس لو عرفت الناس دي فهما شنو....؟؟؟؟
شكرا لتعقيبك
قصدت من الدراسة فى المدارس القدوه والمثال
النظافة الشخصية نعم مادايره مدارس لكن توفير المياه واجب اساسى للدولة
الناس دى فهما شنو
الناس ديل ماعندهم فهم يعنى الدولة ماشايفه شغلها
الام جاهلة الاب جاهل
ماذا يكون الابن ؟
بكون قمة فى (..........................................)
نسيت أقول ليكم حادثة حصلت لي في الشغل قبل كدة، دخلتني في أضافري، إنه طلبني المدير العام، وقال لي (زميلك ........ كتير انا بطلبه في موضوع، بس بقيت أتردد، لأن ريحته لا تطاق، كلمه عشان يشوف حل للموضوع قبل ما يكون في حل إداري) طبعا لو دخلي في كستبان كان أحسن لي،،،، أكلمو كيف ؟؟؟ أقول شنو ؟؟؟ لو سكت بيفنشوه. في الآخر، قمت جيت في غيابة وختيت ليه صابونة حمام، ومزيل رائحة عرق، وطبعت ليه ورقة بالكمبيوتر فيها كلمة (الناس إشتكوا لي) وراعيت انه الكلام يكون سوداني واضح. الموضوع إتحل فعلا ولفترة ثم رجع، بس ما زي ما كان.
زي دي يقولوا فيها شنو؟؟؟؟ أنا باكتب في الكلام ده، وبأخاطر بي علاقتي بيه مع إنه خلى الشغل، بس لو قرأ الكلام ده ح يعرف منو الكان خلى ليه الحاجات دي، وإنه بيطلعها هنا،،، بس أستميحه عذرا في أن أطرحه للفائدة العامة، وما ينسى انه الموضوع ده لغاية أسه مافي زول في الدني غيري ا كان عارف القصة كاملة لغاية اللحظة دي. ولو هو قرأ ح يكون هو التاني، لأن غيرنا ما بيعرف الأسماء. فأرجو ان تسمح لي أخي
موضوع مهم جدا وعاوز حل سريع ، وهاكم دي تخيل نفسك وانت راجع من الدوام حوالي الساعة الواحدة بعد الظهر ودرجة الحرارة اكثر من 45 درجة يعني مولعة وراْيت وليتك ما راْيت سوداني شايل ليهو شوال وحايم بشوارع الدوحة وبلقط في علب البيبسي والشئ الكاتلني من الغيظ لابس جلابية وخاتي الطاقية في نص راسو ، المهم الزول ده مخلي اهلو وعامل فيها مغترب وشغال شنو بلقط العلب ويملاْ شوالو ويمشي يبيعو ، والاغيظ من كده لم ساْلته يازول البتسوي فيهو ده شنو قال لي شنو انت شايفني بسوي في شنو قلت ليهو انا شايفك لكن دي شغلة يشتغلها سوداني وكمان لابس جلابية يااخوي دي شغلة هنود وممكن تشوف ليك شغلة احسن من كده الراجل اداني ضهرو وقال لي يازول خلينا نشوف رزقنا وفات ، اها عليكم الله جنس ده يقولو عليهو شنو وعشان النوع الزي ده سمعتنا بقت في الحضيض ويتهكموا علينا في صور قبيحة في الجوالات
عزيزتي سرونا الشعب السوداني عندو الامبالة
ما بهموا المظهر العام بتاعوا
وشابكين المثل بتاع بلداً ما بلدك سوي البيعجبك
كيف يعني اتبهدل واتعشكب انا كده اكون مرتاح
ياخي غلط و 100 والف غلط
لو كل واحد اعتبر نفسوا صورة او مثال بيقيسوا عليه بلدوا ما كان عمل كده
وبالجد الموضوع بيزعل شديد:mad:
سارونا وكل الاخوه المتداخلين سلام مربع
وذى ما قولتى دا منظر متكرر وموجود بكثرة موجود فى كل مدن المملكة
وكل الخليج وحتى فى اوربا ودول تانيه
انتى عارفه يا سارونا برغم كل الصفات الحلوه الموجود فينا انحنا كسودانين
الا انو مشكلة الهندام (الجنصصة) دي مشكلة كبيرة جدا
وحقيقة المظهر العام شئ مهم جدا جدا وهو عنوان للشخص القدامك
وذى ما قولتى فى جدة موجوده بكثرة وانا اشتغلت فترة سنتين فى جده
وشفته العجب ويا ريت لو اديتيها طله على باب شريف ولا البوادي
ولا الهنداويه والله مناظر وفوضى اخير منها سوق سته
وانتى ما عارفه العوجه شنو كمان يا سارونا
العوجه فى الشحده
انا كنته شغال فى شارع السبعين الامير ماجد
ووالله يوميا كان بجو تلاته حريم ومعاهم راجلين لابسين عمم اكبر من عمة
كمال ترباس والحريم لابسين تياب سودانية وبيجو يقابضو فى السعودين
وبيحكو قصص وهمية انو انقطعو وقروشهم سرقوها
المهم حنك كده شكلو بايخ وحنك ميت
ولمن كرروها طلعنا ليهم انا ومعاى اتنين من الشباب واتضاربنا معاهم
وطردناهم وهزأناهم
بس ممكن يتكرر الموقف فى منطقة اخرى
يا حكووووووووووووووووووووووومة
ويا مسئولييييييييييييين
يا جماعه اسمعو واعو
مفروض نقيف مليون وقفه ووقفه فى قصة الفوضى الحاصله دي
وحاجات كتييييييييييييره دايره معالجة
والله ياسارونا ياختى حلقنا لو كان قفة كان اتشرطت فعلا منظر مؤلم بنعانى منه فى جدة خصوصا ناس العمرة الجايين بالباخرة تقولى كانو مدفونيين تحت الارض وبتسمعى التعليق عليهم وللأسف يشار اليهم بأنهم سودانيين
ده بسيط تعالى شوفى النظيفين بلبسو شنو فى الاسواق سواء بنات او نسوان متزوجات وخصوصا فى الأسواق الكبيرة فى جدة مثل سوق الخيمة وسوق الشاطئ
أنا على العموم ما بسكت لمن اشوف منظر قبيح زى ده وحقو كلنا مانسكت حتى لو تعرضنا للرد وكلام اخونا ترطيبة صحيح ديل النقادة او مايسمو بالحلب عندنا فى امدرمان ومره ضربتا واحد منهم ويوم كنتا فى القنصلية وتكلمتا فى الموضوع ده لكن القنصلية للأسف عرباتهم الفارهة مظللة عشان كده مابشوفو الحاجات دى
تحياتي ليك اختي سارونا وموضوعك مهم . في مطار الدوحة وانا راجعة بعد الاجازة من الخرطوم السودانيين عملوا زحمة عند ضباط الجوازات لغاية ما فتحوا ليهم مسارات تانية وجابوا ليهم موظفين إضافيين واحد قطري قال ليهم ليش كدا ياجماعة وإنتو السودانيين دايماً معروفين بالنظام ؟ وهو طبعاً كان يقصد العكس . بس يااخي ابوعاصم بتاع علب الببسي دا انا ما شفتو وطبعاً دا إلا يكون مجنون لأنو وين يبيع العلب الفاضية ؟ إلا يوديها السودان. وتحياتي للجميييييييييييع .
حقيقة اذا تجاوزنا مسألة نوع الشغل او العمل ان الناس ديل الظروف اجبرتهم على العمل في مجالات صعبة على السودانين وحصل ليهم صدمة من الواقع في الغربة خاصة ان كل مجتمع فية ناس بسطاءوفكرتهم التعلمية والعملية محدودة . لكن لايمكن ان نتجاوز مسألة المظهر العام والنظافة
دا هو الاكثر سلبية وتاثير على المجتمع السوداني ككل .........
شكرا ســــــــــارونا......
بت أبوظبي كتب:انتي عارفه يا سارو
القضيه دي كانت عامله للسودانيين هنا في الإمارات
مشكله وأزمه كبيره
الجنسيه السودانيه كانت ولي فتره قريبه
غير مقبوله في كثير من الوظائف ..
وبخاصه الفتيات والشباب ..
( حاليا الوضع أصبح عادي )
المنظر والإهتمام به بالشكر الخارجي
مهم جدا جدا جدا
المسأله ما للناس فقط
لكن دي حاجه مريحه ضميرياً !
بس أنا عايزه أعرف
البكلف شنو الواحد يبقى زي الناس المهتمه بمظهرها اللي بنشوفها حوالينا !
انا معاك في حتة رفض كثير من الشباب في بعض
الوظائف بسبب اهمال المظهر العام....
كنت اعمل في احدى الشركات الكبرى وكان المظهر العام من شروط القبول...
وكنت بزعل جدا لما تترفض سودانية بس لهذا السبب....
ولكن ....... من يسمع ومن يعي
ودالدرديري كتب:ياجماعة المنظر دا بقى طبيعي عند السودانيين اهل الزوق والكرم والاخلاق والظرافة لكن ما أهل المنظر الحلو.
وحكاية نحن العلمنا العالم ونحن الزمان سوينا وعملنا وأسسنا بقت حاجات من الماضي ولو قعدنا نرددها عمرنا ماحنتقدم والعلمناهم ودرسناهم ووريناهم كيف يعيشوا ويتكلموا ويلبسوا بقو احسن مننا لانهم استوعبوا واتطوروا وبقوا مامحتاجين لينا في اي شيء ونحن خلينا بس للكلام الفوق دا لحد ما الطيارة تفوتنا.
ما احنا لما نرجع لذاكرتنا لوراء ونشوف كنا كيف ......
ود الكوارته كتب:موضوع جميل جدا وللاسف ده هو الواقع يعني انا في العمل معاي زميل في الشغل سوداني انسان ذوق وملتحي لكن مشكلتو في الهدوم اللي قاعد يلبسه مبشتنا خالص واللبس الواحد يقعدو لابسو اسبوع .
ولمن تجي تنصحو يقوم يزعل ؟!
ماعارفين نعمل مع النوعية ده شنو .
المشكلة أن مازال الفهم ان الاهتمام بالمظهر العام ....
يعد من الكماليات....
وزميلك ياريت تنصحه وتقول ليه ان في شركات ممكن تستغنى
عن مستخدميها بسبب المظهر العام.
السني كتب:نسيت أقول ليكم حادثة حصلت لي في الشغل قبل كدة، دخلتني في أضافري، إنه طلبني المدير العام، وقال لي (زميلك ........ كتير انا بطلبه في موضوع، بس بقيت أتردد، لأن ريحته لا تطاق، كلمه عشان يشوف حل للموضوع قبل ما يكون في حل إداري) طبعا لو دخلي في كستبان كان أحسن لي،،،، أكلمو كيف ؟؟؟ أقول شنو ؟؟؟ لو سكت بيفنشوه. في الآخر، قمت جيت في غيابة وختيت ليه صابونة حمام، ومزيل رائحة عرق، وطبعت ليه ورقة بالكمبيوتر فيها كلمة (الناس إشتكوا لي) وراعيت انه الكلام يكون سوداني واضح. الموضوع إتحل فعلا ولفترة ثم رجع، بس ما زي ما كان.
زي دي يقولوا فيها شنو؟؟؟؟ أنا باكتب في الكلام ده، وبأخاطر بي علاقتي بيه مع إنه خلى الشغل، بس لو قرأ الكلام ده ح يعرف منو الكان خلى ليه الحاجات دي، وإنه بيطلعها هنا،،، بس أستميحه عذرا في أن أطرحه للفائدة العامة، وما ينسى انه الموضوع ده لغاية أسه مافي زول في الدني غيري ا كان عارف القصة كاملة لغاية اللحظة دي. ولو هو قرأ ح يكون هو التاني، لأن غيرنا ما بيعرف الأسماء. فأرجو ان تسمح لي أخي
ابوعاصم كتب:موضوع مهم جدا وعاوز حل سريع ، وهاكم دي تخيل نفسك وانت راجع من الدوام حوالي الساعة الواحدة بعد الظهر ودرجة الحرارة اكثر من 45 درجة يعني مولعة وراْيت وليتك ما راْيت سوداني شايل ليهو شوال وحايم بشوارع الدوحة وبلقط في علب البيبسي والشئ الكاتلني من الغيظ لابس جلابية وخاتي الطاقية في نص راسو ، المهم الزول ده مخلي اهلو وعامل فيها مغترب وشغال شنو بلقط العلب ويملاْ شوالو ويمشي يبيعو ، والاغيظ من كده لم ساْلته يازول البتسوي فيهو ده شنو قال لي شنو انت شايفني بسوي في شنو قلت ليهو انا شايفك لكن دي شغلة يشتغلها سوداني وكمان لابس جلابية يااخوي دي شغلة هنود وممكن تشوف ليك شغلة احسن من كده الراجل اداني ضهرو وقال لي يازول خلينا نشوف رزقنا وفات ، اها عليكم الله جنس ده يقولو عليهو شنو وعشان النوع الزي ده سمعتنا بقت في الحضيض ويتهكموا علينا في صور قبيحة في الجوالات
يعني لو شفت منطقة باب شريف في جدة ح تقول شنو....؟؟؟
moony كتب:عزيزتي سرونا الشعب السوداني عندو الامبالة
ما بهموا المظهر العام بتاعوا
وشابكين المثل بتاع بلداً ما بلدك سوي البيعجبك
كيف يعني اتبهدل واتعشكب انا كده اكون مرتاح
ياخي غلط و 100 والف غلط
لو كل واحد اعتبر نفسوا صورة او مثال بيقيسوا عليه بلدوا ما كان عمل كده
وبالجد الموضوع بيزعل شديد:mad:
طيب يا موني خليني أضيف ليك ان مرة في سوبر ماركت
لفت نظري ( حذاء ) لشاب عربي كان واقف جمب الكاشير.....
وقعدت اقول يمكن يكون دكتور في المستشفى اللي جمب المحل ....وكان بجد اخر شياكة ونظافة ....
تصدقي لما اقول ليك انه طلع موزع البان بيسلم وصل طلبية ....
يعني الاهتمام بالمظهر احساس داخلي بالدرجة الاولى .....بس مين يسمع ....
ترطيبه كتب:انتى عارفه يا سارونا برغم كل الصفات الحلوه الموجود فينا انحنا كسودانين
الا انو مشكلة الهندام (الجنصصة) دي مشكلة كبيرة جدا
يا جماعه اسمعو واعو
مفروض نقيف مليون وقفه ووقفه فى قصة الفوضى الحاصله دي
وحاجات كتييييييييييييره دايره معالجة
يمه
انا لمن اطلع مع صحباتى المول هنا فى دبى بشوف نا س سودانين شايلين سبت فى راسم والله يشهد يعنى منا ضر غريبه حيحصل شنو لى الا خالكريم لو قعد نص ساعه اة 5دقايق يضبت الملا بسو ويكون ما شى مع النيولوك عشان الزول يمشى مرفوع الراس
وانتى يا ماما عشان انتى مره نديك10 دقايق عشان الميك اب و الملابس الحتلبسيها وما يكون خرابط البنطلون احملر والتيشرت برتقلى والجزمه الوان طيف او التوب
على العموم انا ممكن استشاره مجانيه فى علم الموضه اسا لو امى التعبا نه منى
طبعا احنا بنفتكر بانه البهدلة دي عبارة عن بساطة و بناخدها ماخد (( ياخ الحكاية ما مستاهلة )) و بعدين ياخ ما دقايق و راجعين ليه الواحد اتنضف و يلبس كويس و بعدين لو شافني واحد من البعرفهم يقول علي شنو؟ بالجد في سودانيين يشرطوا العين. ياخ انت تمشي شارع غبيرة في الرياض تشوف الحريم حايمات بالحنن و ريحة الدخاخين (( بلا خجل )) تقول انت حايم في السوق الشعبي و الناس ما دايرها تفهم انه دي حاجات مفروض يكون فيها خصوصية. لكن تقول ايه ؟ و البغيظ اكتر منظر الشفع تلقي يجاري في المحل و يجابد في اخوه و يضارب اولاد المرة التانية و وسخانين و هدوم مبهدلة. يعني صراحة قاعدين نعرف نميز نفسنا للأسف بي طرق سمجة و سخيفة.
رد: يا جماعة ....شرطو عينا
رد: يا جماعة ....شرطو عينا
و بعدين ياخ ما دقايق و راجعين ليه الواحد اتنضف و يلبس كويس و بعدين لو شافني واحد من البعرفهم يقول علي شنو؟ بالجد في سودانيين يشرطوا العين. ياخ انت تمشي شارع غبيرة في الرياض تشوف الحريم حايمات بالحنن و ريحة الدخاخين (( بلا خجل )) 
تقول انت حايم في السوق الشعبي و الناس ما دايرها تفهم انه دي حاجات مفروض يكون فيها خصوصية. لكن تقول ايه ؟ و البغيظ اكتر منظر الشفع تلقي يجاري في المحل و يجابد في اخوه و يضارب اولاد المرة التانية و وسخانين و هدوم مبهدلة. يعني صراحة قاعدين نعرف نميز نفسنا للأسف بي طرق سمجة و سخيفة. 
