إجتماع هام لجميع رواد الراكوبة - ارجو الدخول - .

[فتى الأحلام]

--------------------------------------------------------------------------------

اخى الاشيتر والله وفيت وكفيت
بس ياريت الناس تعى لى كلام دا
اهتمام وهو عين الحقيقة والله يخليكي لينا يا المية مية

[فتى الأحلام]

يا مفكرة المنتدى

[الاشيتر]

يا شباب السلام عليكم اولا
مع اني جيت متأخر بس كل ما تمناه انه المواضيع ما تتطور وتصل الي
خلافات شخصية
سبق وان ناقشنا مثل هذه المواضيع وقد فنا اكثر من عضو فى هذا المنتدي الرائع بسبب هذه المشاحنات
فعلا موضوع الراكوبة اصبح شيء مزعج بس برضو فافي حاجة خربت
ولا شنو ان شاء الله كله يكون زي العسل مع بعض
وبتمني انه مايكووووووون فى شلليات فى المنتدي
لانه اي منتدي عايز يدمر يكون فيه شلليات نحنا عايزنه منتدي موحد ما مقسم

ياسلام العضو الظريف النضيف معتز هنا ما شاء الله .

فعلاً مفروض الخلافات الشخصية تكون خارج المنتدي ولانظهرها للبعض حتى تسود روح التعاون بيننا

وحتى لايدخل طرف في موقف مُحرج في بعض الردود .

ايوه هذه المشحانات والمهاترات يجب ان تكون في حدود الطرفه والشىء الذى يرضى النفس البشريه .


الشُلليات بالجد ما ليها معني ولاتفيد المنتدي الا دماراً ، افرض شُله محدده حصل بينها خلاف وكانو من عشره او اكثر في لحظة من المهاترات تم التشاحن بينهم وكل رفض الاخر وفجاءة المنتدي ممكن يفقد اكثر من 7 اعضاء في ان واحد من هذه الشله .
ده مثل


بارك الله فيك اخي معتز وان شاء الله نحن جميعاً نتعامل بنصيحتك دي والتى اتفق عليها اغلب الاخوه هنا .

[الاشيتر]

المزرور اول حاجة انا بتاسف ليك اذا صدرت منى كلمة ضايقتك وبقول ليك
العفو والعافية يا اخوى .
بس سؤال انت ما شايف نفسك غلطان على الكلام الانت قلتو فى البوست الحزفت
منو مشاركتك؟؟؟
انا ماقلط عليك ابدا اخونا ادهم اتكلم معاك بحسن نية انك تحزف كلامك بس انت
للاسف ابيت تحزفو وشوهت لينا البوست وتانى شى اتماديت وقعت تجرح بعبارات
سخرية وانا الحتة دى زعلتنى بالجد لانو ما كلو بوست فيهو هظار وانت ما من حقك
تقول لى ده مامكان البوست تعمل وتسوى وانا صاح بعترف انى قلت ليك انك انسان جاهل
لكن لكل فعل رد فعل وده السبب الخلانى اقول ليك هذه العبارة
المهم حصل خير والعفو والعافية وما عاوزين زعل ونحنا اخوان
ولك خاااااااااااالص
الحب والود والاحترام والتقدير

تسلم يدك يابلبل

دى الروح الطيبه بينا نحنا السودانين

وياريت كمان لو المزرو يتقبل الاعتزار

ياسلام عليكم ياشباب - شايفين الاجتماع عمل شنو الم تكن ثمرة من ثمراته الأن مصافاة بين النفوس في بعض المشاحانات التى ادت الى لفت انتباه اخونا المزرور وها هو بلبل2 يقدم الاعتزار بصورة طيبه وها انته يا ادهم ( الدومه كما يحلو لي ) تؤيد ذلك وتقول دي الروح الطيبه بينا نحنا السودانيين .

اذن هذه من فوائد اجتماعنا نتدارس امورنا نصفي نفوسنا نكون كُلنا مع بعض نضحك هنا ونبكي هناك ونهظر ووووووووو وتكون روح الحب والموده هي السائده بيننا .

استشهد هنا بكلام ابنتي اللورد - مره حصلت بعض الخلافات في المنتدي - قالت كلمة بالجد اثرت فيني الكتير .
قالت ياناس لو انتو مشكلة بسيطه في منتدي ماقادرين تحلوها كيف تُحل مشكلة دارفور .
اذن اي مشكلة في المنتدي بسيطه والله بسيطه .

مشكورين اخوانا واولاد الخالات ولا العمات ( ما انا الاشيتر ) ادهم وبلبل2 على هذا التسامح الطيب .

نتمني ان تسود هذه الروح جميع افراد المنتدي يارب .

[الاشيتر]

--------------------------------------------------------------------------------

اخى الاشيتر والله وفيت وكفيت
بس ياريت الناس تعى لى كلام دا
اهتمام وهو عين الحقيقة والله يخليكي لينا يا المية مية

يا مفكرة المنتدى

اووووووووووووووووووووووووووووه الحبيب فتي الاحلام شخصياً هنا اقول اسمك الزمااااااان حق الشات هههههههه والله الشوق قدر النيل الابيض والازرق ونهر عطبره ومعاهم الدندر كمان وبحر الظراف وينك يازول .

ان شاء الله الناس تعي الكلام ده ونمشي لي قدام ونطور راكوبتنا واي زول يجي راجع ليها ونضحك ونتونس ونسووووووووووولف .


بس مشتاق ليك شديد والله يسلمووووووووووووا على هذا المرور الطيب .

والجابك يارب يجيب الباقين .

[الفرح المهاجر]

مبرووووووووووووك
يا ابو شترة ثبثتو ليك البوست
وعقبال كل البوستات
وانت تستاهل كل مواضيعك تثبت

[اسامه خضر محمد على]

الاخ او عمو الاشيتر كما يحلوا لى يدبك الف عافيه وفعلا الراكوبه محتاجه الى دخول الانعاش والله يكتر من امثالك وبجد وفيت وكفيت وتستاهل التثبيت يا فرده

[*اميرة احساس*]

بي صراحة كلامك عين العقل لاكن ان شاء الله يعملو بيو

[السيسبانة]

[[عمو الاشيتر ايدي وجعتني وانا رافعاها ليك يعني الا نقوم نقلع المايك قلع؟؟... ...........الحمدلله..اخيرا وصل المايك:d
امكن يكون كلامي كتير بس واثقة في طولة بالكم
اسمح لي سيدي الرئيس اهنيك علي نجاح قمتك السودانية المصغرة واشكرك علي طرحك للموضوع الاكتر من رائع واللي مفروض نقيف عندو شويتين
كلامك صحيح مية في المية..... واقول ليك ملاحظة سغيرونة اول ماسجلت في المنتدي دخلت بالغلط في بوست او اتنين وقريت كم رد من اياهم صراحة مسكتني خوفة ورجفة قلب وقربت اسجل خروج نهائي بالرغم اني مابزعل بالهيين بس اتخيلت كيف شعور الرادين عليهو امكن صاحب الرد مايكون قاصد بس زي ما قلتو لكل شي حدود لو كان الرد مافي محلو
ومافي شك الواحد احيانا بكون شايل هموم الدنيا فوق راسه بخش المنتدي عشان يرتاح ويروح عن نفسه شوية يفرق ويطلع بمعلومة مفيدة من بوست للتاني واكيد حسب الموضوع البوافق معاهو
وبتمني انو الواحد لو وصلو رد ماعجبو ما يشيل في نفسو ويخت التاني في البلاك لست وياريت تكون الصراحة شعار...........
الناس اتلاقت خلال كتاباتا وافكارا وقد يتلاقو او لا لكن تبقي طيبة العشرة والزكري الجميلة واخيرا زي ما قال الاخو انو الكل بدا غريب وبعدين بقي صاحب البيت وانا منتظرة بعدين حقتي دي تجي
(عمو عليك الله صحي الناس النامت دي)

[ود الخير]

السلام عليكم ورحمة الله وبركاته .

بسم الله الرحمن الرحيم .

بعد ان تلى علينا مولانا السوداني الاصيل ايات من القران الكريم .


علي بركة الله نبداء إجتماعنا .


شباب وشابات الراكوبة ومحبي هذا المنتدي - هذه نعتبرها غُرفه خاصة لاجتماعاتنا وطرح الاراء فيما يخص الراكوبة .
ونبداء .
في الايام الاخيرة بدأت انواع البوستات عبارة عن مُهاترات مابين الشباب والشابات بي طريقه ظريفه ولكن لو لاحظنا انهُ في بعض الاحايين وليست كُلها المسألة بتزيد عن حدها وحيث اننا في حته ظريفه وكل زوول عندو احساس مرات هناك بعض المهاترات البتزيد عن حدها بتؤدي الى غضب الطرف الآخر الانته بعيد عنو بتعرفوا بس بي كتاباتهُ هنا - مابتعرف انو حساس قدر ايه قد يتقبلها منك ولكن قد تؤذى انسان وهو اصلاً جاء للترفيه والترويح عن نفسه .
لي السبب ده رايكم والراي راي الجميع نشوف لينا مواضيع جميله وحلوه وكل زول يجتهد يعني بيت شعر الناس تتناقش فيهُ - مقوله مأثورة - شىء من هذا القبيل - وكل زول ينحت عقلهُ ويجيب لينا موضوع حلو يلمنا لمه اخويه طيبه .

ثايناً : ننترك حتة الشلليه شوية ونخش في مواضيع بعض ونصلح بعض وننصح بعض في المواضيع بصورة طيبه غير مُحرجه .

والراي متروك للجميع - وهنا غرفة الاجتماعات دون مُهاترات . وكل زول يدلي بدلوه الى ان نتفق الى نقاط محدده .

ورايكم ياناس كلكم يهمنا اي زول يدخل هنا يقول الراي وبي صراحه حتى نتفق والقصد ان نتفق ونتطور الى الامام كُلنا .


شكراً شكراً على التصفيق الحار ده شكراً ليكم

اها ايوه انتي والبعدك البت الهناك دي ادونا رايكم .


والسلام عليكم ورحمة الله وبركاته .

الأشيتر سلام عليك
لم نحضر الاجتماع لاكن مادار فيه رائع
لن اعطيك راى ماطرح لايوجد اجمل منه
والراكوبه تجنن الكل ممتاز
دا متكسر تلج دى حقيقه
دقر يا عين
الله معك

[ام هبه]

والله كلامك صح يا اخي الاشتير بما اني لم ادخل في هذه المهاترات لكن انا معاك .... بما اني جديدة في المنتدى اتمنى ان تكون المناقشات غير لاسعة للطرف التاني ......

[مكنيكي حب...]

مشكوووووور والله يعطيك الف عافيه

[ام صبا]

ياريت يكون شعارنا التسامح والحب والاحترام

[ودعازة]

زيادة الحد بتنقلب ضد..ولا كيف يا شباب..الهظار أدب والاخوة ادب والحب ادب واحنا شعب حتى قلة الادب بنعملا بأدب..وخلونا نهظر بأدب والماعاجبو الهظار ما يشارك بأدب (أنا زى الرايح لى اليوم أدب) ويجعل كلامنا عليكم خفيف ومايكون طلع من ايطار الادب..
وشكرا يا اشيتر ياالكلك أدب..

[امال الناس]

والله اي حد في الركوبة حقو يكون اخلاقه عالية وصدره رحب ويسمع ويتقبل اي كلام مهما كان سخيف والا ما كانت ركوبةحلوة وبفتكر اي زول اخلاقه صعبة يبعد نفسه . الحساسين بالزاد يا ناس عمر احساس

[الفرح المهاجر]

[align=center]يا ناس الراكوبة حلوة وبجد لاكن فاقدة ابو شترة
كلنا منانا وحياتك كتر لينا من شتراتك
نكون والله مسرورين ونشكر ليك ضحكاتك[/align][/size]

[امال الناس]

اكيد اكيد والله انتي شموع مش شمعة واحدة وبقولوا البخش البطون ما بغسلوا الصابون يا بسمة حقو الناس تعمل حساب لاي كلمة قبل ان تقولها عشان ما نجرح بعض مع تحياتي

[امال الناس]

[align=center]يا ناس الراكوبة حلوة وبجد لاكن فاقدة ابو شترة
كلنا منانا وحياتك كتر لينا من شتراتك
نكون والله مسرورين ونشكر ليك ضحكاتك[/align][/size]

فعلاً فاقداه يا فرح لكن القي احبابه نسيء اصحابه ولا مش كدة اصلو لقي اولاده جنبه اليومن ديل لكن الفولة بتتمليء والبقارة بتجي قول ليهو يا فرح يا مهاجر

[لاتنس اخاك]

مافي كلام انتو رائعيييييييييييييييييييييييييين
طيب لو الاشيتر بطرح حاجات ذي دي الناس الماشتر يكون كيف؟؟؟؟؟؟؟؟؟
مشاء الله

[القلب الملك]

كلام زي الدهب ،،، أصلو الإنسان شنو غير احاسيس طيبة لا يحب أن تخدش،،،


إن شاء الله نتقابل بالاحترام والمودة دايما ،،،

ويكون المنتدى بمساهمتاكم سياحة لكل عضو وزائر،،يجد فيه متنفسا ،، ويستقوى به على حياة الواقع،،،،