للعروسات ممكن العزابه ياخدو خبره

[جوطه]

سلااااااااام عليكم كيفكم يا غالين يالحبان يا لاخت سحر ولا يهمك حبيبتي انا مابينا اعتزار وانا عارفه انو [size=5]انتي ماقصدك لو قاصاداه بقتلك مووضوعي للعروسات وممكن العزابه ياخدو خبره وصيتي للعروسات انو كل وحده تتدلع عريسها وتخليهو دايما عينو مليانه منها ولا تديهو فرصه يعاين لغيرك انتي زوجتي حلالو خليهو يشوف فيكي اي حاجه بتمناها خليك مجنونه وكل يوم اطلعي بمنظر جديد يوم وسخانه ويوم نظيفه ويوم نظيفه شديد ويون يعني نص ونص وكده واهم شي تاخدي في شيلتك لبسه هنديه صوماليه مغربيه باكستانيه موروتانيه واهممممممممممم حاجه بدله الرقص الشرقي الكلها ترتر ولماع ديك دي اهم حاجه اول ما يجي اخلعيوه وشغليه الغنيه وارقصي زي المجنونه لمن عيونو تطشش بس تكوني بتعرفي ماتفضحينا مع العريس يشيل حالنا وخليك حنونه ومسامحه واحترميهو وقدريهو لكن على شرط ماللنهايه تعلميهو هو كمان يتعامل معاكي بنفس الطريقه عشان تعيشوا احلى حياه لمن يكون زهجان اسمعي منو لمن يكون زعلان رضيهووعامليهو حلو ده مامعناها انو انتي خدامه لا استمتعي بدور انك عندك زول بيحبك وبتحبيهو وبتخافي عليهو وتهتمي بيبهو وصدقينيماحيقدر يبعد عنك ولا دقيقه وحيكون دايما متلهف يشوفك ويشوف مفاجاتك وجنك ولمن تكونوا طالعين مكانوهو لبس وانتي لسه اعملي ليهو فنجان قهوه واديهو الريمود والجريده وافتحي ليهو التلفزيون وصدقيني ما حيسال فيكي امشي البسي بمزاج وتاني لمن يجي من الشغل اجري على الباب واترمي في حضنو وقولي ليهو بلغه خجل كده وحشتني وختي ليهو الغدا اعملي ليهو مويه دافيه عشان تروح التعب ووصيتي كل يوم غيري مكياجك مره بني بره بنفسجي مره احمر وتغيري ريحتك كل يوم وانشا الله حتعيشي حياه حلوه ..انشا الله موضوعي يعجبكم [/size]

[اميرة بكلمتي رقيقة بهمستي]

سلمت اناملك جوطة ع النصائح الحلوة

الله يعطيكي الف عافية


تحياتي

امــــــــــــ من عرفها مانساهاــــــــورة

[ودالشيخ]

اسمحيلى ياجوطه علي المداخله مريت بيجاي حب استطلاع ولقيت موضوعك
جميل وجايط جوطه كده ويعنى بس بعقب علي الجنون والرموت والجريده
امكن اكون هوة ذاتو مجنون لمن تديوة الجريدة اقول لازم اكملها او اكون
فى موضوع فى التلفاز عجبو اكنصل المرقة[/size]

[Abubakr]

الاخت جوطه

تحياتى .. وإحتراماتى الكبييييييره

عجبتنى جداً الحته دى وحبيت أعلق هليها..

(استمتعي بدور انك عندك زول بيحبك وبتحبيهو وبتخافي عليهو وتهتمي بيبهو )
والله عندما يشعر الواحد بى طعم الإستمتاع ده كأنو يملك الدنيا وما فيها.. جملة بسيطة لكنها عميقة
عمق الشعور بى طعم الاستمتعاع نفسه..

تسلمى كتيييير وما تحرمينا

[waya]

جووووووطه ,,,

تعالي تاني ,,

لزوووم الخبره ..

[الباشا الوجيه]

الأخت العزيزة جوطة

الله يديكي العافية نصائح حلووووووووة

بس يا ريت أخواتنا البنات يتعلموووووووا

ويحفظو نصايحك دي على ظهر قلب حفظ صاح ويطبقوها بزيادة

لكي مودتي وإحترامي

[كنوز النوبة]

مشكوره ياعسل على النصايح الحلوه كتيييييييييييييييييييييييييييييييييييييير

اظن بعد ده ما هيحصل فرقه بين اى زوجيين

انصح كل واحده عاقله تنفذ ه بسرعه

[أرجوان المدينه~]

سلام ياقمر؛؛؛؛؛

موضوعك راااااائع ؛؛‘
بس سؤال وين الجوطه ياقمر ؛؛‘
تقبلي مروري
بسمة الحياة
أسعد حين ألقاكم

[جوطه]

اسمحيلى ياجوطه علي المداخله مريت بيجاي حب استطلاع ولقيت موضوعك
جميل وجايط جوطه كده ويعنى بس بعقب علي الجنون والرموت والجريده
امكن اكون هوة ذاتو مجنون لمن تديوة الجريدة اقول لازم اكملها او اكون
فى موضوع فى التلفاز عجبو اكنصل المرقة[/size]

انت الجابك بي جاي شنو؟هههههههههههه انت اصلو مابتخلي شلاقتك دي شكرا انا اصلا كاتبه الموضوع ده عشان الناس المجنونين بالريمود والجريده زيك وشكرا شدييييييييييييييد وانشا الله موضوعي عجبك ياود الشيخ واتشرفتا بمعرفتك كتيييييير

[جوطه]

الاخت جوطه

تحياتى .. وإحتراماتى الكبييييييره

عجبتنى جداً الحته دى وحبيت أعلق هليها..

(استمتعي بدور انك عندك زول بيحبك وبتحبيهو وبتخافي عليهو وتهتمي بيبهو )
والله عندما يشعر الواحد بى طعم الإستمتاع ده كأنو يملك الدنيا وما فيها.. جملة بسيطة لكنها عميقة
عمق الشعور بى طعم الاستمتعاع نفسه..

تسلمى كتيييير وما تحرمينا

شكرا شديد وشرفتني بزيارتك الجميله دي فعلا الزول لو ما ختا في بالو انو يحس الحاجه البعملا ممتعه مايححس بي طعم اي شي حتى لو كانت ممتعه بالجد

[جوطه]

جووووووطه ,,,

تعالي تاني ,,

لزوووم الخبره .. [/size]

انشا الله عشانك يا عسل وشكرا شديد وانشا الله انتي بروضوا تعملي بنصايحي دي يارب نسمع عرسك قررررريب ده

[جوطه]

الأخت العزيزة جوطة

الله يديكي العافية نصائح حلووووووووة

بس يا ريت أخواتنا البنات يتعلموووووووا

ويحفظو نصايحك دي على ظهر قلب حفظ صاح ويطبقوها بزيادة

لكي مودتي وإحترامي

ويديك انت كمان العافيه يارب واتشرفتا كتير بمعرفتك انشا الله مشاركتي تكون عجبتك

[جوطه]

مشكوره ياعسل على النصايح الحلوه كتيييييييييييييييييييييييييييييييييييييير

اظن بعد ده ما هيحصل فرقه بين اى زوجيين

انصح كل واحده عاقله تنفذ ه بسرعه

انتي زاتك عاقله ونفذيها لو معرسه ولو لسه ابن الحلال ما جا خبط على بابك يارب نسمع قررررريب بزول من النوبه جه واتقدم لكنوز النوبهhappy0005.gif

[جوطه]

[quote="أرجوان المدينه~"]سلام ياقمر؛؛؛؛؛

موضوعك راااااائع ؛؛‘
بس سؤال وين الجوطه ياقمر ؛؛‘
تقبلي مروري
بسمة الحياة
أسعد حين ألقاكم[/QUOTE]اهللللين اتشرفنا كتير بمعرفتك وشكر انشا الله مشاركتي تعجبك

[عجوز حلوة]

يسلمووو يا غاليه ما ننحرم من نصايحك..))

[sadness]

بوست اكتر من رائع انشالله الكل يستفيد منو
انا غايتو متاكدة انو البنات حيحفظوا الكلام عن ظهر قلب ....الدور الباقى على النصف الاخر (الشبااااااااااااااب) انشالله يتعلموا .

[جراح]

لا لا انتى بجد رائعه واكتر من رائعه كمان

لو كل واحده لو بتعمل كدى ما حيكون ابدا فى مشاكل بينهم

ودى الحاجات البحبها الرجل فى عروستو بجد الرومانسيات والشعوربالحب والحنان

اجمل شى فى ظل الحياه السعيده

كلمه ترقصى ليهو دى بالدنيا وتانى لمن اجى تقعى فى حضنو ياخى مبالغه

وكلام كلو منطقى وفى مكانو بس صدقينى هو حاعطيك اكتر من انتى البتدى ليهو بس انتى اعطيهو

وشوفى هو اديك اكتر ولا اكتر بكتير

ياربى تعملو كدى ونلاقى زى كدى

مشكوره يارائعه بجد ياجوطه حتجوطينى بموضوعك الحلو ده

[جراح]

شنو ياجماعه الموضوع دى حلو والله قولو حاجه

[جوطه]

بوست اكتر من رائع انشالله الكل يستفيد منو
انا غايتو متاكدة انو البنات حيحفظوا الكلام عن ظهر قلب ....الدور الباقى على النصف الاخر (الشبااااااااااااااب) انشالله يتعلموا .

انشا الله كمان الشباب حيحفظوا النصائح دي ويعمولوها وشكرا ليك شديد
ياعسل ربنا ما يحرنا من طلتك ياعسل
واتشرفنا بمعرفتك

[جوطه]

لا لا انتى بجد رائعه واكتر من رائعه كمان

لو كل واحده لو بتعمل كدى ما حيكون ابدا فى مشاكل بينهم

ودى الحاجات البحبها الرجل فى عروستو بجد الرومانسيات والشعوربالحب والحنان

اجمل شى فى ظل الحياه السعيده

كلمه ترقصى ليهو دى بالدنيا وتانى لمن اجى تقعى فى حضنو ياخى مبالغه

وكلام كلو منطقى وفى مكانو بس صدقينى هو حاعطيك اكتر من انتى البتدى ليهو بس انتى اعطيهو

وشوفى هو اديك اكتر ولا اكتر بكتير

ياربى تعملو كدى ونلاقى زى كدى

مشكوره يارائعه بجد ياجوطه حتجوطينى بموضوعك الحلو ده

والله انا ماعارفه اشكرك كيف رفعت لي معنوياتي شديد انشا الله مشاركتي تعجبك وانشا الله تلقى بت الحلال تعمل ليك واكتر كمان شكلك بتستاهل وانا متاكده اي راجل يعاملوه بالطريقه دي حيحب زوجتو شديد ومابقدر يضايقا او يزعلا ابدا وحيعيشو احلا حياه بازن اللله شكرا شديد ربنا ما يحرمنا من طلتك ياجراح ياعسل انا جوطه ولازم اجوطك بمواضعي رايك شنو تعرسني انا؟