بترجاك .. (روعه)

[ريانه إمام]

بترجاك تفسر لي
منو الأداك إذن تفرد ملامحك فيني
تسكن في حباب عيني
منو الأداك تأشيرة دخول
تدخل شراييني وتسافر فيْ
منو القال ليك تلاقيني
وتمد أيديكا تلمس فيني مكمن حيْ

بترجاك
توضّح لي
منو الأداك تصاريح للسكن جواي
مفاتيح لي مسارب الروح
مراجيح لي النفس والبوح
مصابيح في طريقي الجاي
شعاع في العتمة تشرق ضي ..

بترجاك
سألتك بالذي سواك
شنو الخلاك تبيع الغالي
بي أرخص رخيص وشوي
بعد ما عرفت كل البي
بقيت ليك زي كتاب مفتوح
محل ما رحت أنت تروح
وكونك عالمي الحوالي ..
..
شنو الخلاك تقسى علي ؟؟
وتنسى أيامي وهبتها ليك
تتنكر لتحناني
منو القال ليكا تقسى عليّ ؟

من وين جاتك الفكرة
أكيد ده ما أنت .. ده زول تاني
عشان القسوة ما شبهك
ولا طبعك تكون جاني
ولا يمكن أصدق مرة منك
أنت دون الناس
واتوقع تصيبني جروح
وأنك أنت دون خلق الله
تقدر لحظة تنسى العشرة
وتغدر بي

[ام منذر]

الاخت ريانة

عن جد كلمات روعة تسلمى ياعسل

[ريانه إمام]

الاخت ريانة

عن جد كلمات روعة تسلمى ياعسل

تسلمي علي مرورك العطر ..
عقبال الباقيين

[ندى البيلسان]

تسلمي يا ريانة على هذه الكلمات الرهيبة والراقية والجميلة .. بجد روعة

داومي ولا ينقطع مداد كلماتك .

تقبلي مروري

[ريانه إمام]

تسلمي يا ريانة على هذه الكلمات الرهيبة والراقية والجميلة .. بجد روعة

داومي ولا ينقطع مداد كلماتك .

تقبلي مروري

تسلمي لي انتي ويسلم مرورك الرائع وتسلم(ريحتك الحلوه)

وتاني شكرا .. امشي شوفي قلت فيك شنو

[ودالدسـوقي]

.






ابـداااااع

[حبوبة]

وانا بترجاك ..
ياالسمحة يا الفايح شذاك
ما تحرمينا زين غناك
و ... يحفظك مولاك

[cena]

وانا أطلع علي احرفك حسيت اني راحل لي مدار عالم انيق عالم جميل
كل كلمه تبقا واحه وكل ما اتعمق في كلماتك بحس بي راحه
يا السايقه كل النفوس برااااحه ودا شغل حلمنتيشي .. ما تاخدي في بالك ..
ودينا معاك لعالمك الجميل خلينا ننسا الدنيا وهمها .. ربنا يذيدك من كمال نعمتو صحه عشان دائما تتطلي علينا بروائعك

[ريانه إمام]

وانا أطلع علي احرفك حسيت اني راحل لي مدار عالم انيق عالم جميل
كل كلمه تبقا واحه وكل ما اتعمق في كلماتك بحس بي راحه
يا السايقه كل النفوس برااااحه ودا شغل حلمنتيشي .. ما تاخدي في بالك ..
ودينا معاك لعالمك الجميل خلينا ننسا الدنيا وهمها .. ربنا يذيدك من كمال نعمتو صحه عشان دائما تتطلي علينا بروائعك

مشكور أخي (cena)
علي مرورك الرائع .. وكلماتك الاروع ..
وبتمني ليك كمان الصحه والعافيه عشان تجي وشتوف احساسي .

[waya]

بترجاك
سألتك بالذي سواك
شنو الخلاك تبيع الغالي
بي أرخص رخيص وشوي
بعد ما عرفت كل البي
بقيت ليك زي كتاب مفتوح
محل ما رحت أنت تروح
وكونك عالمي الحوالي ..
..

[grade="00008B FF6347 008000 4B0082"]ما تترجي ,,
فيني الأمل الكبير .. المات
والخلاني في البيع والشراء ,, أسوي سوات
هو اليوم داك .. الفيهو " انسان الضمير " رفات
يا روعة كانت جد .. ومن رابع محال تنفات
يوم صدقت كلمة " ريد " .. مقرونه بي حلف " الخلق سواك "
ما كنت يوم متخيل أدخل محل بوراك ,,
ألقى الكلام مكتوب :
يا " فرو " حبك " فات "






تخريمه :
جات كده بس ,,
[/grade]

[loayabdalla]

كلمات جميلة وحلوه وصاحب التخريمه برضو ما قصر تسلموا