ياللعار ياسودان الفاتحة على روح الرجولة

[ودالدرديري]

اخي الاسير2 مساك الله بالخير

الخبر موجود ومنشور في عدد من المواقع السودانية المعروفة

اما بخصوص إنتماء المجموعة المذكورة للمؤتمر الوطني ف دا غير مستغرب بإعتباره حزب سوداني
حيث درجت التنظيمات السياسية عندنا بالسودان على مثل هذه الأفعال وليس أمر الجامعة الاهلية ببعيد
ولا أعتقد أننا سننسى الطالبة رُبا وأمل وغيرهن ممن تم التنكيل بهن كأشد مايكون وغيرهن كثيرات وكثيرون .
عادة التهجم على الآخر وضربه بأدوات معدنية أو خشبية أو رشقه بالحجارة هي قديمة ومتأصلة في الحزبيين السودانيين .
الى درجة إقتران إسم أحد الوزراء الكبار في هذه الحكومة بإسم أداة معدنية كان يحملها معه أيام دراسته الجامعية.
ولازالت التسمية سارية المفعول الى يومنا هذا وأنا شخصياً من الذين يستعملونها وينادونه بها حتى داخل مكتبه أو بيته حتى آخر عهدي بالسودان في إجازتي الأخيرة .
وقد إقترنت هذه الأفعال منذ امد بعيد بمنسوبي الجبهة الإسلامية سابقاً و المؤتمر الوطني حالياً (بعد التمكين طبعاً)

لكل ماسبق - وبغض النظر عن إنتمائي السياسي - لا أجد الفعل غريباً على هذا التنظيم وغيره من التنظيمات المتشددة والموصوفة بعدم تقبل الرأي الآخر .
وأقصد هنا الحركة الشعبية وغيرها من الأحزاب وليست أحداث الأثنين الأسود ببعيد .

يديك العافية

ولييييييييييييييييييييييي قدااااااااااااااااااااام










و....................الباقي على الله

[حبوبة]

[align=center]الاخت زينة السلام عليكم : دعيني أسالك بعض الاسئلة واكتفي

3-بأعتبارك سودانية , (رغم اني عندي تحفظ في الحته دي ), هل من الممكن ان يكون الرجل السوداني بهذا التعامل وهذا الاسلوب ,ويتتطالع علي هتك الحرمات وشرف العزاري, والتعدي عليهم , بالضرب والتعذيب,؟؟؟؟ صرف النظر عن انهم رجال مؤتمر وطني , فقط كونهم سودانين؟؟ هل ممكن تتخيلي سوداني بالصفات دي؟؟؟

4- هل نقصك التعبير أم أردتي لفت الانتباه لموضوعك والخروج منه بأكبر مشاركات من الاعضاء ؟؟؟؟؟ ,
والسلاااام,,,,[/align][/b][/size]

الأسيد ... جد كلامك عمل لي وجع بطن عديل ... ليه كده ياخ ...
بغض النظر عن الموضوع ... اسلوبك يحتوي على تجؤيح مافي ليه داعي ... الأستاذة محاورة ممتازة وتتقبل النقد بأوسع أبوابه بس ماكده يا سيدي ... والله مارضيتها منك

وكدي من ردك خليني اجاوب ليك عن كيف تتخيل سوداني يعمل كده ... اذا كان دي ردة فعلك وانت حي الله قريت الخبر فما بالك بواحد مشحون بأفكار ورؤى محددة وفي نص المعمعة ؟؟ تستبعد انو يكون فقد المنطق بسبب كلمة من إحداهن وأداها خبطة ودتها وين الله أعلم !!!

سعدت بانضمام قلمك للمنتدى وقلت دم وفكر وروح جديدة هو ما نحتاج إليه ... ماتضطرني أمشي اراجع النضارة ...
وانشالله كلامي ينزل بارد عليك

[الأسير22]

اخي الاسير2 مساك الله بالخير

الخبر موجود ومنشور في عدد من المواقع السودانية المعروفة

اما بخصوص إنتماء المجموعة المذكورة للمؤتمر الوطني ف دا غير مستغرب بإعتباره حزب سوداني
حيث درجت التنظيمات السياسية عندنا بالسودان على مثل هذه الأفعال وليس أمر الجامعة الاهلية ببعيد
ولا أعتقد أننا سننسى الطالبة رُبا وأمل وغيرهن ممن تم التنكيل بهن كأشد مايكون وغيرهن كثيرات وكثيرون .
عادة التهجم على الآخر وضربه بأدوات معدنية أو خشبية أو رشقه بالحجارة هي قديمة ومتأصلة في الحزبيين السودانيين .
الى درجة إقتران إسم أحد الوزراء الكبار في هذه الحكومة بإسم أداة معدنية كان يحملها معه أيام دراسته الجامعية.
ولازالت التسمية سارية المفعول الى يومنا هذا وأنا شخصياً من الذين يستعملونها وينادونه بها حتى داخل مكتبه أو بيته حتى آخر عهدي بالسودان في إجازتي الأخيرة .
وقد إقترنت هذه الأفعال منذ امد بعيد بمنسوبي الجبهة الإسلامية سابقاً و المؤتمر الوطني حالياً (بعد التمكين طبعاً)

لكل ماسبق - وبغض النظر عن إنتمائي السياسي - لا أجد الفعل غريباً على هذا التنظيم وغيره من التنظيمات المتشددة والموصوفة بعدم تقبل الرأي الآخر .
وأقصد هنا الحركة الشعبية وغيرها من الأحزاب وليست أحداث الأثنين الأسود ببعيد .

يديك العافية

ولييييييييييييييييييييييي قدااااااااااااااااااااام










و....................الباقي على الله

أهلين ود الدرديري


أنا ما أنكرت الخبر ود الدرديري



بس استغربت من طريقت عرضو



معليش بس انا اول ما قريتو حسيت انو الاخت فرحانة انو الرجال من المؤتمر الوطني


أكتر من زعلا انو البنات انضربو






كان باقي ليها بس تقول


وكان في مقدمة المنقبين السيد رئيس المؤتمر الوطني

[ودالدرديري]

أ

اهلين حمودي

أنا ما أنكرت الخبر حمودي

كويس الجات قدر دا

يديك العافية

[الأسير22]

كويس الجات قدر دا

يديك العافية

هههههههههههههههههههههههههههههه



ولا تزعل عملت تعديل


لو لاحظت الكتابه كانت 3 فجر تقريبا


يعني بي عين واحدة


ههههههههههههههههههه



آسف على الغلط المطبعي




يديك العافية


ولي قدااااااااااام








والباقي على الله

[مازن فضل]

الأخوة الأعزاء سلااااااااامات ؛؛؛؛؛؛؛؛

ليس الرجالة جسد وشكل مظهري بل صفات يتصف بها من تنطبق علية مواصفات الرجولة ؛؛؛؛
ومواصفات الرجولة مواصفات ليس من سهلة المنال حتي من الجنس الخشن فكثيرا من الرجال اشباه رجال وكثيرا من النساء يتمتمعن بمعاني الرجولة ويحملن صفات الرجولة وخصوصا الكادحات اللاتي عليهن واجبات يقمن بها تصعب هذه الواجبات علي الرجال .
ثانيا لابد من تحري الخبر علي وجه الدقة هل المداهمة تمت لحفظ الأمن وتأمين الأرواح أم مداهمه عدائية لجهه اخري ؛؛
إن كانت لحفظ الأمن بالداخلية وفض النزاع فليس من حرج كبير رغم الخطأ الموجود بالأصل وهو التقيد بقوانين وحرمات داخليات النساء .
وإن كانت هذه المداهمه عدائية لتنفيذ مأرب اخري لصالح جهه معينة تكون الكارثة ولماذا لا يتم فتح بلاغ رسمي والقانون يأخذ مجراه وإن تم الرجاء بإفادتنا بكل التفاصيل حتي يكون الجابن التوثيقي كامل يخدم قضايانا مستقبلا ؛؛؛

تقبلوا مروري ؛؛؛؛

[الاشيتر]

زينة ما داير اقتبس كلامك ولا كلام ود الدرديري

وحقيقة النقاش في السياسة ومثل هذه الامور هو قناعه

شخصية قلما احدنا يصل لي قناعة من الآخر

من الحديث استفدت وناقشت وعرفته واتنورته

بس نقول الله يكون في عون السودان ونسأل الله ان يلم شملنا



شترة صغيرونه كده :
بلاهي انتي جايبه الخبر من الراكوبه الفيها العنقريب ناس نابشو وابودونه ، والمتماويه ، وبدرالدين ،

[معتز سيد]

[fot1]سلامات جميعاً[/fot1]

الروايات تبدو متضاربة ،
المصادر التي استندتم عليها عبارة عن تناقل كلام في المنتديات.

في رواية أخرى، سمعنا أنه نشب الشجار داخل داخلية البنات وجاء ضابط برتبة لواء - كما في الرواية- واعتقد أن إحدى بناته أو قريباته تقطن بالداخلية -حسب الرواية- وأتى بعساكر لاحتواء الوضع، وتم منع العساكر من الدخول من قبل أمن الداخلية. فعاد هذا الضابط بعدد من كلية الرباط (إناث) وقاموا بالدخول والسيطرة على الوضع، وإخلاء الداخليات.

وتم تطويق المكان خارج الداخلية لحماية البنات لحين مغادرتهن (لنشوب الحريق بالداخل) وتم إحضار وجبة عشاء وتوزيعها عليهن ، فقمن الطالبات بقذف أطباق العشاء (بما حملت)!!!!


عذراً فهناك خلاف ، وهناك شجار، والأخبار متضاربة.
ولكن ما جرى بالضبط كل يروي بطريقة مختلفة ويبرئ نفسه ويلقي بللوم على الطرف الآخر .

[safa hassan]

هاااااااااااااااااااااااااااااى

[safa hassan]

مممممممممممبرررررررررررررررررررروووووووووووووك لكل الناجججججججججججججججحين

[zaina]

والرجال البتتكلمى عنهم منتسبين للمؤتمر الوطنى حسب قولك

اذن بتتكلمى عن سمعة حزب كامل ولا مش كده وبس عن سمعة رجال شعب بحالو

[size=5

لو كان الرجال الخشو ديل مش منتمين للمؤتمر الوطني

(على افتراض انو الخشو ديل من المؤتر الوطني زي ما زعمتي )


هل كنتي حتنقلي الخبر بالطريقة دي ؟؟؟؟

صراحة


ماعارف مشكلتك مع المؤتمر الوطني شن


يعني ما تحكمي على حزب كامل بي شوية ناس عملو حاجة غلط (على افتراض انهم منتمين للحزب )
[/size]

اخوانا ادهم والاسير :
الكلام فى السياسة بجيب حراق روح
كان نفسى بس التعليق يكون على موضوع الخبر لان هذا هو المقصود
تخريمة: (علشان ترتاحوا ياادهم والاسير (نعم عندى حساسية مع الكيزان(دى فيها حاجة):
ولكن اقسم بالله صادقة عندما نقلت الخبر وسالت منه لم يكن قصدى الا السلوك الشاذ الذى صدر من اصحابه
(انتماءتنا ياالاسير لاتعنى اننا ندين صاحب السلوك الشاذ فقط لاننا ضده لان الغلط غلط وهذا هو المهم )

[zaina]

الرقابة الامنية للصحف منعت نشر الخبر ودى المكان الامثل الممكن كان الناس تعرف منه الحقيقة

واقعة الرجال المنقبين حقيقة وذكرتها لى قريبتى التى تسكن فى الداخلية ومالم تتاكد لى منه حسب حديثها معى هى اصل المشكلة التى حدثت بين الفريقين ونحن لاتهمنا ولاتعنينا المشكلة التى حدثت بين الطالبات فى شى بقدر مايهمنا السلوك المشين

وللاخ معتز:
مادام ناس الامن انفسهم تكتموا على الموضوع ومنعوا تسريب اى اخبار عنه حتى تتضارب اقوال الناس ولايعرفون الحقيقة فمن الطبيعى اذن ان تسمع روايات مختلفة بس ماتخلى عقلك يتشوش

[zaina]

شترة صغيرونه كده :
بلاهي انتي جايبه الخبر من الراكوبه الفيها العنقريب ناس نابشو وابودونه ، والمتماويه ، وبدرالدين ،

ياها ذاتها يااب شترة بس ابقى زورنا فيها على الاقل بنديك منها عناقريب لراكوبتنا دى

[zaina]

ولماذا لا يتم فتح بلاغ رسمي والقانون يأخذ مجراه وإن تم الرجاء بإفادتنا بكل التفاصيل حتي يكون الجابن التوثيقي كامل يخدم قضايانا مستقبلا ؛؛؛

تقبلوا مروري ؛؛؛؛

اخونا مازن (حبابك الف وشرفتنا )::

الامن تكتم ورفض حتى ان تنشر الصحف الخبر وفتشت فى الصحف فى نفس اليوم ولم اجد الخبر الا فى موقع صحيفة اجراس الحرية وكاتبين فيه بين قوسين(منعته الرقابة الامنية من النشر شايف كيف )
اذن لن يتم فتح بلاغ رسمى ولكن مانتمناه هو معاقبة الجناة حتى وان كان عقابهم فى السر

[معتز]

والله يا اخت زينه انا شعر راسي وقف لما قريت الكلام دا
يا سبحان الله ولا حول ولاقوة الا بالله العلي العظيم
معقولة نصل نحنا للمرحلة دي ودا اذلال في حق الرجولة
وكمان اذلال لناس المؤتمر الوطني انه ناسهم يقومو بعملية زي دي
وين الرجولة التي تقوم علي ضرب النساء لاعاداتنا ولا ديننا الاسلامي يقول كدا
والله نحنا فى زمن العجائب

[zaina]

[align=center]


4- هل نقصك التعبير أم أردتي لفت الانتباه لموضوعك والخروج منه بأكبر مشاركات من الاعضاء
align][/b][/size]

احيانا يااخى الكريم الحقيقة تعمينا عن الرؤية ولكن عندما يحدث ذلك يجب ان لا نسئ ونشكك بما فى القلوب
واكتفى بهذا القدر

[الأسيد]

الأسيد ... جد كلامك عمل لي وجع بطن عديل ... ليه كده ياخ ...
بغض النظر عن الموضوع ... اسلوبك يحتوي على تجؤيح مافي ليه داعي ... الأستاذة محاورة ممتازة وتتقبل النقد بأوسع أبوابه بس ماكده يا سيدي ... والله مارضيتها منك

وكدي من ردك خليني اجاوب ليك عن كيف تتخيل سوداني يعمل كده ... اذا كان دي ردة فعلك وانت حي الله قريت الخبر فما بالك بواحد مشحون بأفكار ورؤى محددة وفي نص المعمعة ؟؟ تستبعد انو يكون فقد المنطق بسبب كلمة من إحداهن وأداها خبطة ودتها وين الله أعلم !!!

سعدت بانضمام قلمك للمنتدى وقلت دم وفكر وروح جديدة هو ما نحتاج إليه ... ماتضطرني أمشي اراجع النضارة ...
وانشالله كلامي ينزل بارد عليك

[font=Arial Black]

اهلا حباب الحبوبة, وكراع سمايتك إسمنا فيها , وبخيت ومبروك عليك الاسم يا حبوبةونظارتك دي خليها في مكانها عشان تسمعيني كويس:D ,بصراحة حسيت الموضوع ما ياهو طب, وشالتني هاشمية الجعلية, وسليت سكيني وقلته الكاتل والحي الله,ونفسي كان عاجبانبي بالحيل لكن انتي جبتي الفزرة فيني:D ,كدي بيني بينك العنوان كدي حلو ؟؟؟ ,المهم كان ده راي في الموضوع , ولساني حاشاوه العوج,ومايرد الا علي العوج,بس وش المخلاية ما حبابو, والله كنت عايزة لليوم الاسود لكن خليها علي الله.
وبيني بينك كدي رجعت لبعض مشاركات اختنا زينة ووصلت لي حل مع نفسي , ارفع يدي طب من الموضوع ده, ولكن لو رجعتهم قبل ما اقرا البوست ده , صدقيني كلامي ده ما كان لقيتيولا كان رديت نهائيلكن تقولي شنو ,وعاد اقنب انفخ لي في قربه مقدودة؟:عني كلامي ده وجع خشم ساي؟ عشان تقتنع بي كلامي ده في لحظة؟؟ عموما لكم العتبي حتي ترضوا,
اه ونظارتك بعد ده انتي مخيرة فيها , لكن خايفك تقلبيها سوداء وتقعي تكسري باقي السنينات ديل
فتكم بي عافية

[/font]

[معتز سيد]

وللاخ معتز:
مادام ناس الامن انفسهم تكتموا على الموضوع ومنعوا تسريب اى اخبار عنه حتى تتضارب اقوال الناس ولايعرفون الحقيقة فمن الطبيعى اذن ان تسمع روايات مختلفة بس ماتخلى عقلك يتشوش

سلامات كتيرة أختنا [fot1]Zaina[/fot1]

طبعاً ناس الأمن بتدخلوا في الإعلام، دي لا خلاف عليها.

بس دة ما بيعني انو أي واحد يحكي على هواه. ... كدي واحدة واحدة وقِّعوا لينا الكلام دة:
ناس الأمن ليه يلبسوا نقاب عشان يدخلوا الداخلية ؟!!!! في حين انهم يمكنهم ذلك لفض
النزاع المحتدم بين منتسبات كل من المؤتمر الوطني ومنتسبات حركات دارفور

وهل مجرد النقاب يكفي للدخول لداخلية البنات؟!! ما في إثبات شخصية، بطاقة، أي حاجة؟!!


أنا راسي داش فعلاً ، بالروايات المختلفة.

[zaina]

اخونا معتز وجميع الاخوة الافاضل علشان العقول ماتتشوش حتى لايقول البعض ان مانقل هنا مجرد تشكيك او حتى لمجرد لفت انتباه الاعضاءوالدقة فى مثل هذه المواضيع مهمة جدا 0

الرابط ادناه حول بيان ماحدث اقرؤوه جيدا وقد منعته الرقابة الامنية من النشر فى احدى الصحف بدعوى حتى لايحدث فتن (ونحن لانريد سوى ان نعرف حقيقة مايدور فقط لان كتمان الحقائق هو مايجعلنا نشكك فيما يحدث حولنا و
من يشكك فى الخبر(واقعة النقاب ) بعد قراءته فى هذا البيان الصحفى فاليراجع نفسه جيداومافى داعى ياناس فلان لكلام من شاكلة (عايزة سبب علشان تتهمى المؤتمر الوطنى فالنبعد هذه الكلمات بعيدا ونتامل فقط فى
السلوك الذى حدث من الرجال المنتقبين لان هذا هو السبب الذى دعانى لكتابة الموضوع

بيان ماحدث فى داخلية جامعة الخرطوم

[مصعب الحداد]

لاحول ولا قوة الا بالله