قناة زووووول ..

[Nahid Mohammed]

والله فعلا قناة زول دي قناة مامحترمه والمذيعات الفيها مامحترمات ولا بحترمو السودان والعجب المذيعه اللي بتقدم لقاءت مع الفانانين ههههههههههههه لما يجيبو الكمرا قدامه تخلي الفنان يتكلم وهي قاذة عيونه في الكميرا والله ما ادري شو بتقول في قلبها اهلي شايفني ولا ما شايفني خخخخ المفروض اي قناه سودانيه تمثل السودان بطريقه محترمه بس قناة زول بتمثل الحبش وليس السودان يكون سيدا فيهو عرق من الحبش ولا شنو طب كان يغير الاسم من زول الي قناة حبشية


مشكور اخي الغالي علي موضوعك الهادف تقبل مروري

ما محترمات حرام عليك والله اتقى الله انتى منو عشان تحكمى عليهم كدة ما بتعرفيهم صح ؟؟؟؟

[الهايم]

يا اخوي ابو عمر ازيدك من الشعر بيت بعلنو انهم غير مسولين عن السودان اي يعني مافي لها ممثل في السودان ؟ بالضبط هي مرفوضه في نفس اي سوداني بعمنى السوداني الحقيقي؟ السودان بري منها ولانشجعها ابدا . عندنا الرئسيه والنيل الازرق وياسلام الهارموني ويلازول شوف ساهور تعظم النبي على مدار الساعه . دي خيال زوال مو زول

[زوزو الجامعي]

والله انا شايفاها قناه كويسه وعمره ماكانت الطرحه رمز لاني البنات دول كويسات ولا لا وبالجد هنا في ليبيا الكل بيحبها

[ابو ايووودي]

قناة زول فيها مزيعة عسل اسمها سالي فعلا هي كاشفة شعرها لكن دي حاجة ترجع ليها وإلى اهلهافي النهاية لكن مباااااالغة .
اما باقي البرامج ما فيها حاجة تلفت النظر
مشكووووووووور على المووضووع

[هامونيت]

والله بشكرك على فتح موضوع زي ده بالجد انا لحد الآن بفتش في القنوات دي وما لاقيها يعني هي بتتوجد فين وفي قمر اذا تكرمتم يعني
بقولوا انوا انها هي ادت روح الحياه السودانيه بالنسبه للقناه الام الفضائيه
ودمتم بعافيه يا حلوين

[( ود البورت )]

والله يا اخي انا ما بشوف القنه ده لانو قناة شبه غربيه وما زي القنوات السودانية الاخري والموزيعات ما لابسات ثوب وهذه الشيي غير مرغوب عند السودانين لان الثوب عارا اللزي يميزنا

[مونتا بيه]

قناة زول وبأى حال من الأحوال لا أعتقد انها تشبه السودانيين والأزوال فى شيئ
وانما هى اسم فقط
وهى بعيدة كل البعد عن صفات وتقاليد السودانيين
غالبا ما تحس انها حبشية وتارة تحس انها تروج لافكار غريبة
لا تمد الينا بصلة
ولى أن أكون مخطئ فى ذلك وانما هذا ما أستشعره من القناة المسماة زول
ولك عزيزى أبو عمر كل الشكر على هذا الطرح الجيد

[محبة الامل]

[السلام عليكم ورحمة الله وبركاته
والله معاك حق دي قناة مشوهة لسمعة السودانيين والمذيعات قايلات نفسهم للبنانيات المتبرجات والفاجرات......
وصدقت اسم زول ده ما يليق عليها ابدا.......
لانو مافي اي علاقة بينها وبين الزول السوداني النظيف من كل الشوائب........
تسلم على الموضوع الرائع والمستحق للنقاش..

[~Amal~]

قناة زول دي ماليها علاقة باسم زول اصلا
كلها حبش واثيوبيين تقول المالك بتاعها حبشي
البرامج السودانية تنعد بالاصابع وكلهاا سخيفة مفروض يقفلوها

الشروووق والتلفزيون الوطني والنيل الازرق وبس

[كلام الريد]

يا جماعة الخير القناة دى أصلاً توجهها نحو القرن الأفريقى و لذلك نجد فيها الأحباش و بعد شوية الصوماليين و الجيبوتيين. أما قصة الأعراف السودانية و الأخلاق السودانية فهذه قيم تقف على رمال متحركة غصباً عنا جميعاً و سودان اليوم ليس سودان الأمس و لن يكون. حقو نرضى بالواقع و بلاش نقع فى عروض الناس بإتهامهم بالأنحلال و التعصب فى وصف المجتمع السودانى بالطهارة المطلقة و بهذه الحساسية. نحن زينا زى الناس فينا الحلو و فينا المر الما بنطاق. تمنياتى للجميع بالتوفيق.

[مومو و بس]

قناه حلوه ومفيده



مشكور ع الموضوع...

[ahm11991]

بصراحه
قناه فارغه جدا , لكن مثل هذه المساخر مطلوبه في هذا الزمان .

سماحه شنو التي يتحدث عنها الاعضاء يعني اساسها الشكل وليس المضمون .

[رءوف]

الله يهديك يا الحلفاوية ..
شكلك ما تربيتي في السودان ولا عارفة سماحة السودانيين في عاداتهم وتقاليدهم ولا عندك فكرة حرارة قلوب السودانيين .. ولا عارفة كيف الفتاة السودانية بتظهر بجمالها الحقيقي وهي محجبة مزينة بالحياء والخجل والعفاف ..
انت لا تعرفين جمال المرأة السودانيين الأصيلة بنت البلد .
ليك الحق تقولي ما فيها حاجة إذا كان توقيعك ذاتو ما فيه حياء ولا خجل .
على كل حال جزاك الله خير على مرورك.
وانتمنى من الله أن يهدينا جميعاً لما يحبه ويرضى.

الاخ ابو عمر السودانى سودانى لو اتربى داخل السودان او خارجه وبعدين الاخت حلفاوية ماقالت شى بطال وثم ماكفرت عشان تجردها من سودانيتها عشان هى ما اتربت فى السودان يعنى معنات كلامك دة كل الاتربوا داخل السودان مهذبين وغير منحرفين ؟؟؟؟ انت ماشفت دار الرعاية ولا شنو ؟؟؟ كل يوم الدار بتستلم طفل جديد من الزناء او السفاح ... اها ديل اتربو فين .. اما عن نظرة الاخرين للحبش وانهم غيرو ملامح القناة .... مالهم الحبش ياناس مش خلقهم ربنا وليه دائما نحنا نتعالى على الاخرين ممكن نقول ان الشعب الفلانى له تصرفات نحنا نرفضها او غير محببة لنا لكن مانجمع لكى لا نحرج من هو سودانى وامه حبشية وهم كثر وانا وانت والناس كلها تعلم ذلك
وشكرا ليكم

[رءوف]

ما محترمات حرام عليك والله اتقى الله انتى منو عشان تحكمى عليهم كدة ما بتعرفيهم صح ؟؟؟؟

الاخت ناهد الناس ديل بيسبو الحبش ويتزوجوهم ليه مش عارف والشى الذى اعرفه انا ان الدين الاسلامى جاء من الحبشة وهجرة الرسول ماكانت للسودان كانت للحبشة وهل نحنا اجمل واحسن من الحبش ولا انظف منهم
وحرام الواحد يقول بنات مامحترمات ممكن تكون الواحدة لابسة ثوب ومامحترمة وممكن تكون لابسة بدلة ومحترمة
وفى النهاية نحنا ما احسن من الحبش

[رءوف]

كل من مدح هذه القناة لايستحق ان يتكلم عن التقاليد والاعراف
وحتى الادب .. وكل سوداني اصيل ود رجال أو واحدة بنت
رجال تربت على الاخلاق السودانية السمحة وفي بيئة اسلامية
محافظة لايمكن ان ترضى بهذه القناة كمثل للسودانيين المحترمين
ولكل من مدحها انا اعتبره مراهق .. مراهق ..
وكل زول حر في اختيار مايراه مناسب لذوقه وميوله ..
والله يكفينا شر الجاي مع الانفتاح ومع السماء التي تعج بالفضائيات

قمر امدرمان انتى اى احد عندو راى مخالف لرايك يعتبر ماعندو قيم او اخلاق ولا يستحق ان يتكلم عن الاعراف والتقاليد؟؟؟؟؟ انا عاوز شى واحد يقول نحنا احسن من الحبش المسلمين لانو فيهم مسيحيين زى عندنا فى جنوب السودان وانتى لو عاوزة تعرفى اللبس كيف شوفى قناة بونى الجنوبية او قناة ss.tv السودانية برضو

[حاج على]

انا ماعارف انتو قايمين على القناة لية
قناة عادية جدا مافيها حاجة مريبه
وبعدين الحبش مالم احسن واحلى بشر
مسالة مسيحيين دى شنو

[رءوف]

معليش يا جماعة كنت بتاوق وما عاوز ارد لكن فى بعض الردود استفزتنى مثل قمر امدرمان وابن الخطاب
انا عاوز افهم ايه يعنى قناة سودانية 100/100 يعنى مفهوم الكلام دة شنو بالضبط ؟؟
انا بالنسبة لى قناة جميلة جدا جدا واثرت الساحة الفنية بكثير من المواضيع
ثم عاوز اسال سؤال كل شوية ينط لينا واحد اقول نحنا احسن من الحبش ؟؟ نحنا احسن من الحبش فى شنو بالضبط لو قلنا الاسلام الحبش سبقونا بالاسلام واول بلد هاجر ليها الرسول كانت الحبشة لماذا لم نسال انفسنا لماذا الرسول لم يهاجر الى اليمن او السودان ؟؟ لان الحبش اهل وفاء ووعد وفعلا اوفوا بوعدهم للرسول لم جاءوا الكفار وطلبو من النجاشى تسليمهم الرسول واتباعه وقال لهم انا وعدت محمد وسوف احميه وفعلا رجع الكفار دون الحاق الاذى بالرسول فقط هذا الشى يخلينا نحترم الحبش ونحبهم هذا من الناحية الدينية اما من الناحية الفنية اين نحن من الفن الاثيوبى ؟؟ بصراحة تاريخهم الفنى اعرق من تاريخنا وهذا بشهادة الدكتور عبدالله الطيب وكثير من الفنانيين ووووووو
وهى البلد الوحيدة التى لم تكن لها خلافات مع السودان وهم بيحترمونا وواجب علينا احترامهم

[النجمة الحمراء]

السلام عليكم ورحمة الله وبركاته
كل عام وأنتم بخيروالتحية لكل السودانيين عامة والرائعين ناس أنا سوداني بصفة خاصة.

ياجماعة القناة السودانية الإسمها زوووول رايكم فيها شنو ..
انا شايفها قناة غريبة شوية عن قنوات السودان الرئيسية ولاتشبة قناة الشروق ولا هارموني .
البنات المزيعات أو مقدمات البرامج الموجودات في قناة زول ليس لديهم حياء ولا خجل وعادي كاشفات رؤوسهن من غير طرحة ولا توب ولا حياء .. كأنهم ما سودانيات .
وجايبين لينا كمية من الحبش يغنوا لينا ويرقصوا ولا عاجبننا ونحن مافاهمين بقولوا شنو بالضبط ..
انا ما عارف القناة دي ما اسلامية .. ولا الناس المسئولين منها ديل يهود ولا شنو ما عارف ..
القناة ماخده اسم زول .. ولكن للأسف ليس لديها اي صلة بالزول السوداني .. لا العادات ولا التقاليد ولا حتى البرامج لها علاقة بالزول ..
المفروض طالما أن اسمها (زول) المفروض تكون قناة سودانية تعكس كل عادات الإنسان السوداني وطبائعه واختلاف بيئاته ومواقعهم وتتمسك بالعادات السودانية وتكون هي التي تنشر أو تعرف العالم الخارجي بالإنسان السوداني وما هيته وهويته .. ولكن للأسف الشيء البقدموه دا لا فيهو معنى للزول السوداني ولا السودان ولا شيء ..
وانا بصراحة مزعلاني الحكاية دي .. وسمعت ناس كتير معانا في السعودية هنا بسبوا في القناة دي وبقول عليها قناة صايعة ولا محترمة و لا تمس الإنسان السوداني بصلة .. وما عارف من وين لقطوها .. بل تدعوا لنظام جديد في السودان ولمزيد من الإنحلال أخلاقي .. ونحن برانا الفينا مكفينا .. الله يحفظنا منها .
كدي أدونا رايكم يا أخواني .

اخى ابو عمر
لك منى كل الود والاحترام
انا شخصيا بتفق معاك على رايك
فعلا غناة زووووول دى ماعندها اى صلة بالزووول السودانى
تقبل مروورى

[أبو أحمد]

والله قناة جميلة وبس

[ABOODY8]

يعجبنا العجب ... نحن السودانييين
قناة زوول نكتفي باسمها فقط وهو محل فخر
اما عن البرامج . كل محطات العالم فيها البرامج البترضيك واخرى لا ترضيك
وهذا شي طبيعا .
في بعض المتداخليين فكرهم وفهمهم هدام والنوعية دي هي الردتنا عشرات السنين
اي برنامج ماعاجبك حتى لو كان في قناة ساهو غيرو وخلصنا
والبرنامج العاجبك حتى لو كان في اسكاي 5 احضرو
الحبش هم اصدقاء السودان ويكفي ترديدهم لاغانيننا حتى الوطنية منها
وبالمناسبة هم افضل لنا من اي دولة في العالم لانهم يحترموننا ويقدروننا ونحن في عيونهم
كلكم احرار وانشاء الله الخير بيغلب
كل عام وانتم بخير