للعزابة فقط وممنوع الدخول لغير العزابة

[سامى عادل]

حنان الريد نسانا و العزابي دة ما جانا وين نسانا
عذب... يعذب .. عذابا .... فهو عزابي وقد تكون عزابية كما جاء عند العرب

العزابي ذاك المخلوق الفضائي
يعيش ... مؤجرا ... ملابسه عند الغسال تغسل وتكوى..
الفول .. والعدس ... والبوش ... وجبته المفضلة .. مالم يكون هنالك عرس أو (سماية) أو ما شابه ذلك في الحلة ..

وهناك عزابة 5 نجوم ... يعني مغتربين ... وشهادات عربية ... وتجار
فهؤلاء مع علية القوم في الحي... وسيد الدكان يتودد إليهم ... وبنات الحي عينهم عليهم ...

أيضا لاننسى العزابة (مع وقف التنفيذ ) يعنى الخاطبين والمخطوبات ومنتظرين الدور والقراية ولم القروش .. فهي عزوبية مقننة ... تحميها الدبلة ...

أيضا لاننسى إسهامات العزابة .. حفر المقابر ... ومساعدة ناس الحي في البناء والجير والردميات ... وهاك ياولدي انتاول لي سكر من الدكان .. وخلافه

العزابة ... عالم جميل ( ناس زين ما يرفعوا فينا قضية كمان)

تعلمك الإعتماد على نفسك والجلد والصبر وتحمل الوحده (إلا من تلفون يروي ظمأك ) لتتواصل مع الإسرة الكريمة.. وفي عالم العزوبية تتعلم قدر الرجال .. والمال

وأجزم ان بعض (المتزوجون ) يحنون لعالم العزوبية ولكن في سرهم (رغم النغنغة) التي هم فيها ..

قد تختلف العزوبية بإختلاف المكان يعني عزابة الخليج ما زي عزابة الديم ولكن القاسم المشترك ... يو آر سنجل
. You are single


اللهم زوج العزابة والعزابيات وأرزقهم البنين والبنات وأبعد عنهم العوارض والكشات ومتعهم بألذ الأكلات أنك سميع قريب مجيب الدعوات ... آمين


تخريمة:
اسرع بالتسجيل لتلحق بالقرعة بتاعت قطر العرس ..

[توحه عبده]

سلام اخي سامي العادل العزابي طبعا العزابة تعبانين والله الله يكون في عونهم لكن فك شفرة العزوبية في ايديهم ايضا فهم الوحيدون الذين يستطيعون فك الشفرة لان حياتهم هذا مختاره بايديهم واذا لم يتحركوا ويفكوا الشفرة سوف يظلون عزابة الي مالانهاااااااااااااااااااااااااااااااااااايه .

العزابية توحه عبده

[سامى عادل]

سلام اخي سامي العادل العزابي طبعا العزابة تعبانين والله الله يكون في عونهم لكن فك شفرة العزوبية في ايديهم ايضا فهم الوحيدون الذين يستطيعون فك الشفرة لان حياتهم هذا مختاره بايديهم واذا لم يتحركوا ويفكوا الشفرة سوف يظلون عزابة الي مالانهاااااااااااااااااااااااااااااااااااايه .

العزابية توحه عبده

شكراً لي اول عزابية كما قال اخا العرب

[سامى عادل]

نفهم شنو كلكم ما عازابة ولا تسللتم وقراتم واتخارجتم
ههههههههههههههههه

[ود الزوحي]

تيت تيت عزابي شديد .. يا سمسم ما تخاف اخوك واقف معاك .. بس ما تقوم تكسر جنبة .. وتترقى لعزابي مع وقف النتفيذ وكده .. وبعداك لا مانلم فيك ..

زقاق ..
انت عزابي درجة كم

[زوزو الجامعي]

هلا ااااا اخووووووي

[سامى عادل]

شكراً للعزابة الراقين
انا عزابي درجة اولي
وانت ؟؟؟

[ابن عوف]

يجازى محنك


المتزوج مع وقف التنفيذ



برضو بقو عذابا

[دلوعة النيل]

والله مافي أحلى من العزوبية..

[ود الزوحي]

طيب بمناسبة العزوزاب ديل .. الحلة على منو الليلة يا سمسم ..



زقاق ..
مافي زول يقولي غسل العدة عشان بتجيب لي حكة في كراعي

[ابو ايووودي]

والله ما في احلى من العسل
طبعا انتوا فاهمين قصدي شنو
بس برضو اخير العزوبية من انسان متزوج وبعيد عن المدام
كم نحن متألمين في الغربة بسبب العزوبية

[فارماس]

انا عزابي بس متعزب في البيت



ود الزوحي قوم شد الحلة دي وخلي سامي يقطع البصل وينضف العدس


احمد حرم شغلك دا هروب من العرس عدييييل

[( ود البورت )]

ياسامي قلت للعزابه فقط موش . خلاص جهزة الحله والغده بي شنو سريع

[سامى عادل]

والله احلي حلت حلتكم
بس الغاز كاطع والحالة واقفة والجيب فاضي وبتاع الدكان داير مني قروش عشان كدا امشي واحد غيري انا لو مشيت للبصل سيد الدكان دا بزرني زرة كلب في غرب القاش
امشي انت عشان تدين منو انا عارف انك برضو ما عندك لكن انت ما ادينت منو قبل كدا

[همسة حنين]

ماما قلتلي امشي شوفي ناس العزابة ديل يكونو محتاجين حاجة المساكين قاعدين براهم كان دايرين حاجة قولو لي بجيبليكم واها شوفوني محترمة كيف واقفة على الباب مادايرة ادخل

[سامى عادل]

ماما قلتلي امشي شوفي ناس العزابة ديل يكونو محتاجين حاجة المساكين قاعدين براهم كان دايرين حاجة قولو لي بجيبليكم واها شوفوني محترمة كيف واقفة على الباب مادايرة ادخل

انت جايبك الشمار عشان تعرفيهم منو ولا جاية تساعديهم ؟؟؟
المهم مرحب بيك ولو عزابة دارك ومطرحك لكن لو ما عزابية امشي الله معاك
شكراً

[مازن فضل]

قلنا نشوف الحاصل شنو يمكن فيها عرس وكدا ؛؛؛؛؛


[/]تحياتنا للعزابة بجميع أصنافهم المذكورة والغير مذكورة ؛؛؛؛؛
تحياتنا لصاحب البوست وللعزابة المشاركين ؛؛؛؛؛

[همسة حنين]

جد جد جاية اشمشر

[سامى عادل]

هههههههههههههههههههههههه
والله عرفتك جايبك الشمار

[مومو و بس]

العوزبيه وبس والعرس خس