ختان البنات الي متى؟

[سلمي200005]

لشنو لا تعليق

[سلمي200005]

مشكوووووور والله يعطيف الف عافيه

[المقدام]

تشكراتي........................................

[ودعازة]

للأسف الشديد أول من يجنى على المرأة هى المرأة، وأروى لكم مايؤكد مقولتى، إتفق الزوج والزوجة على عدم ختان بناتهم ، ولما رزقا بطفلة أكدا ما اتفقا عليه ولكن أم الزوجة بكل زيارة الى بتها تسألها: البت دى متين حتطهروها؟ البت دى ياناس ما كبرت، ولما شرحت البنت لأمها بقرارها وزوجها إستاءت الجدة جدا، وبإحد الايام اتطرت الام لترك بنتها مع جدتها ، وعندما رجعت الام وجدت الفاجعة الكبرى، لقد قامت الجدة بختان الطفلة بعدم معرفة الام والاب ، وبمعرفتها لعدم رغبتهم بالامر‘ الجانى عزيزتى دائما على المرأة هى المرأة.فهل سمعنا رجل يسب واحدة بقوله يابت ....(الغير مختونة)
حتى الرجال الذين يرفضون الزواج من شابة غير مختونة سببه المباشر المرأة، فالأم هى من تنمى فكرة طهارة وعفاف المرأة بالشاب، وكذلك المجتمع النسوى، لم أسمع قط رجل يناقش رجل بلزوم إرتباط العفة والختان مع رجل.
بالنسبة لرأى الدين، فالتجويز فى كلتا الحالتين موجود عدم الختان او الختان (مايتعارف عليه بالختان السنة)،فالرسول وجه خطابه للمرأة التى تختن البنات بقوله لها فيما معناه اخفضى ولا تحفى، أى إن كان لابد من الختان فيكون بخفض البظر لا بإستئصاله. واكثر من يقيم حوجة البنت للختان من عدمه هى امها،فالمرأة هى الجانى وهى الضحية.
خلاصة : التوجيه والإرشاد يجب أن يركز على جيل الحبوبات والنساءفهن رأس الفتنة بهذا الامر...

[ابو ايووودي]

الختان اكبر جريمة للبنت افترض عملوا برنامج كامل في التلفزيون القومي عن الموضوع دا وانتقدوه بصورة كبيرة جدا ، واخطرها طبعا الختان الفرعوني
بصراحه الختان الفرعوني ما يخليك تتمتع بالزواج وانت في شهر العسل
بالواضح كدا قبل ما تتزوج اسأل زوجتك كان عندها ختان فرعوني احسن توفر فلوس شهر العسل وتقضيه في بيتك وبعد شهرين او تلاتة شهور من الزواج تفكر تمشوا شهر العسل
دي نصيحه للشباب القادمين على العرس
لك التحية والتقدير الاخت سلمى

[عثمان محمد]

الموضوع حساس وخطير وخطورته انو السودان واحد من الدول منتشر فيها الختان بصوره
كبيره وفقدت الاف النساء في الولاده بسبب الختان
اتمني ان تنتهي العاده نهائيا من السودان ود يرجع الي وعي الاسر وتفهمها لي هذه العاده الخطيره

[سلمي200005]

مشكوووووور والله يعطيف الف عافيه

[امال الناس]

بلاش كذب معاكم انتوا فاكرين عدم الختان للبنات هو تطور وحضارة ومن الثقافات المتعددة وايه التعسر في الولادة الظهر جديد . وليه نسبق الحوادث بوقوع احداث لسه ما حصلت وفي علم الغيب . امهاتنا وحبوباتنا الكبار ديل الواحدة تلد ثمانية وعشرة وبدون اي تعب ايه يعني يخلو البنت بدون ختان عشان تبقي ذي البنات الاجنبيات وتتصرف تصرفاتهم الغذرة . بالختان نحمد الله علي ما وصلنا اليه لمن كمان نتركه.
في الختان السنة كفاية خلاص ولكن مش نترك البنت بدون ختان نهائياً والله يستر علي جيل المثقفين الجائين ما معروف الله يحضرنا يومهم .

[ودعازة]

بلاش كذب معاكم انتوا فاكرين عدم الختان للبنات هو تطور وحضارة ومن الثقافات المتعددة وايه التعسر في الولادة الظهر جديد . وليه نسبق الحوادث بوقوع احداث لسه ما حصلت وفي علم الغيب . امهاتنا وحبوباتنا الكبار ديل الواحدة تلد ثمانية وعشرة وبدون اي تعب ايه يعني يخلو البنت بدون ختان عشان تبقي ذي البنات الاجنبيات وتتصرف تصرفاتهم الغذرة . بالختان نحمد الله علي ما وصلنا اليه لمن كمان نتركه.
في الختان السنة كفاية خلاص ولكن مش نترك البنت بدون ختان نهائياً والله يستر علي جيل المثقفين الجائين ما معروف الله يحضرنا يومهم .

كونو اكون عندى رأى مخالف اختى امال الناس ده ما بخلينى اكون كذاب.. للناس وجهات نظر مختلفة وكل فريق عليه الاستدلال وتعضيد وجهة نظرو بشى يمكن للاخر تفهم الموضوع بوضوح ولربما توصل الطرفان للاقتناع بنفس الشى..
الحبوبات كانو بتشلخو ده ما معناهو الجيل اليوم يتشلخ ولا اكون غلطان؟
ويااختى الكريمة اذا بنتى ختانا هو السبب الرئيسى لعفافا اريتا ماتنت وما تنيت ..وين التربية الاسلامية القويمة ووين زرع مكارم الاخلاق؟
بالمناسبة هناك الكثير من البنات المختونات وبرضو بيعملو الرزيلة..ولعلى لا اخدش حيائك او حياء القراء بأنو ترجيع البنت المختونة بعد الزنا (حما الله المسلمات والمسلمين منه)الى حالة اقرب من الحالة الاولى من اقبل اسهل من اعادة الغير مختونة..ولذا بالمفهوم الضيق والضيق جدا حماية البنت بعدم الختان هو الاجدى حسب منطقك..
خلاصة : اختلاف الرأى لا يجعل الاخر كذاب ولا فسق او منحل..
ولك كل التحايا والسلام،،،

[bnoota]

انا في رايي الشخصي ارفض الختان للبنات بجميع انواعه سني او فرعوني رفضا باتا ولا اؤيد اي احد لفعله وحسب ما سمعت عن االفرعوني ا نو فر عون هو اللي قرر هذه العادة لما سمع انه حيجي نبي من بني اسرائيل فطلع الفكرة دي عشان اي مرأة تولد ها الداية ويعرفو جنس المولود لانو الغير مختونة ممكن ما تحتاج لمساعدة الداية والله اعلم وبعدين اهلنا في السودان عندهم اشكال وانواع للختان في واحد يقولو عليهو سنة وواحد سنة محسنة متين يا ناس الرسول صلى الله عليه وسلم بقت عنده اشكال وانواع في السنة سنة الرسول فهي واحدة و لا تتغيرلا تتبدل. في رايي ختان البنات بجميع انواعه عادة قذرة ويدل على تخلف البلد واهله وبالنسبة للختان الفرعوني في رايي انه حرااااااااااااااااام مش عادة قذرة وبس نسبة لاسمه (فرعوني )
. المهم انا ضد الفكرة الوسخة دي واتمني من كل البنات يحاربوها عشان لو نقدر ننوقفها في الاجيال القادمة . واضرار الفرعوني كتيييير ماليهو حصر كل سبب الالتهابات اللي بتشكي منها نساء السودان بسبب الختان دا و زيادة الام الدورة برضو هي السبب و المشاكل والمعاناة ايام الزواج الاولى والولادة لا شك فيها و بعد دا كلو نسواننا مافاهمات ولا عايزات يعرفن . المشكلة انه كيف نعرف نقنع الحبوبات والنسوان الكبار لانهن ما بيعرفن غير العا دات والتقاليد اللي قامو عليها صح غلط ما بهمهن . المهم اتمنى المواضيع اللي زي دي تناقش بجدية ويحاول كل رجل وولد وبنت ومرأة تغير منها في بيوتهم واهاليهم وتتلاشى الفكار الوسخة دي من عقول اهالينا . والله دي جريمة في حق ا لبنت.اتقو الله في بناتكم واخواتكم يا ناااااااس .
مشكورة اختي على الموضوع القيم .

[الهايم]

انهو موضوع رايع وحساس ويحتاج منى للتعاون المشكله في عقول الامهات القدامه اي الحبوبات فهن اكثر تمسك بختان البنت **

فهذه مشكلتكن ياحريم نحن لامانع لدينا ان لاتختن البنت


شهدنا كثير من موت الابكار بسبب الختان وكثير من الماسي لم يعرفها الى المتزوج


وكل مشاكل الالتهابات المزمنه من هذا الشوم الذي يدى ختان الاناس
العاده ضاره محتاجه توعيه واعلام واضح وجري


تحياتي + مروري

[جوطه]

مشكوووووورة والله يعطيف الف عافيه

هااااي سلام ياشبااب وانا من رايي انو بالجد ختان البنات عاده متخلفه جدا وماسبب في منع شهوه البت ومنع تمتع زوجها بس حتى في الولاده صعب شديد صدقوني المراه لمن تولد بتكون روحها طلعت ورجعت ليها تاني حتى انو اي دعوه تدعيها الله يقبلا وبستجيب ليها وشكرا ياسلمى تقبلي مروري

[كاتا]

السلام عليكم ورحمة الله
انا اول مرة اشارك لكن يااخوانا الرجال رايكم كل واحد بتتكلموا من غير معرفة للموضوع بس لو في واحد عندو راي يتكلم من اتجاه علمي واسلامي ما يكون راي والسلام يعني دليل من القران والسنة
ونحنا علي العين والراس نمشي بالراي الصحيح

[سلمي200005]

مشكوووووور والله يعطيك الف عافيه

[حلوة وكلها ملح]

احم احـــم لا تعليــــــق!!!

[سلمي200005]

ليه لاتعليق

[رومانسية ودائما منسية]

تسلمي علي الموضوع ياسلمي اولا الختان من زمن فرعون واول شخص عملالختان والحكايات دي هو فرعون يعني احنا كدا بنتبع كافر وباتالي الختان اذا كان سنة بي صحيح ليه الرسول (ص) ما تحدث عن ختان زوجاته عن ختان بناته ماكان غالبو يتحدث عن هدي الحاجة واللي انتوبتقولو اعليهوا سنة هدي احاديث مدسسة مافي حديث صحيح نهائيا وفي يوم من الايام جابو 18 داية علشان يختنوا الختان السني فالقوا ان كل وحدة شكل غير انا من رايي الشخصي ان الختان مافيهو نوافع فاكلوا ضار فرضا ان الختان فيهوا نوافع العفة مثلا هل احنا حنتخلي عن كل الضوار ونمشي منفعة وحدة وفي نا س بتقول بيقلل الشهوة لكن في الطب بدرسوا الختان بي التاكيد لا كل واحدة بتتعلم لي وحديها وغير كدا كل الاطباء قالوا فوقوا ضر وبيعسر الولادة وفي السنة الماضية الاطباء كانو عاملين حملات وندوات عن تحريم الختان لوكان صحيح سنة هل كان الشيوخ والعلماء المسلمين تركوهم يحرموا علي كيفهم اكيد كانوا قطعوا لسانهم زمانك

[مها]

[grade="00008b 00008b 00008b 00008b"]كل الدراسات اثبتت ان الختان له مضار صحيه ونفسيه اكثر من الفوائد بل لاتوجد له اى فوائداصلا ........
والاستاذ / ود عازه حقيقى ما قصر وانا معاه 100%
يعنى اختى انا ضد الختان [/grade]

[مها]

للأسف الشديد أول من يجنى على المرأة هى المرأة، وأروى لكم مايؤكد مقولتى، إتفق الزوج والزوجة على عدم ختان بناتهم ، ولما رزقا بطفلة أكدا ما اتفقا عليه ولكن أم الزوجة بكل زيارة الى بتها تسألها: البت دى متين حتطهروها؟ البت دى ياناس ما كبرت، ولما شرحت البنت لأمها بقرارها وزوجها إستاءت الجدة جدا، وبإحد الايام اتطرت الام لترك بنتها مع جدتها ، وعندما رجعت الام وجدت الفاجعة الكبرى، لقد قامت الجدة بختان الطفلة بعدم معرفة الام والاب ، وبمعرفتها لعدم رغبتهم بالامر‘ الجانى عزيزتى دائما على المرأة هى المرأة.فهل سمعنا رجل يسب واحدة بقوله يابت ....(الغير مختونة)
حتى الرجال الذين يرفضون الزواج من شابة غير مختونة سببه المباشر المرأة، فالأم هى من تنمى فكرة طهارة وعفاف المرأة بالشاب، وكذلك المجتمع النسوى، لم أسمع قط رجل يناقش رجل بلزوم إرتباط العفة والختان مع رجل.
بالنسبة لرأى الدين، فالتجويز فى كلتا الحالتين موجود عدم الختان او الختان (مايتعارف عليه بالختان السنة)،فالرسول وجه خطابه للمرأة التى تختن البنات بقوله لها فيما معناه اخفضى ولا تحفى، أى إن كان لابد من الختان فيكون بخفض البظر لا بإستئصاله. واكثر من يقيم حوجة البنت للختان من عدمه هى امها،فالمرأة هى الجانى وهى الضحية.
خلاصة : التوجيه والإرشاد يجب أن يركز على جيل الحبوبات والنساءفهن رأس الفتنة بهذا الامر...

[grade="00008b ff6347 008000 4b0082"]انا مع الاستاذ/ كلامه صاح 100% [/grade]

[ودالعاصمة]

والله انا اتاخرتة تاخير شديد جدا جدا والمفروض اكون اول المعلقين على الردود الاولى ديك والبتقول انو ختان السنة مقبول والختان الفرعونى مرفوض وللاسف موضوع ذى دة كان المفروض يكون راى البنات اكتر لكن على العموم انا بقول كلام واضح جداالختان للنساء مرفوض وممنوع منعا باتا وهذا من العادات الضاره التى يجب محاربتها وكل من يقف معها
والسبب انو الدين الاسلامى نهى عنها بصوره غير مباشرة وذلك لانو عندما اتى للمراة التى تختن البنات قال ليها ( لا تُنهكي فإن ذلك أحْظى للمرأة وأحبُّ للرجل )(خففى ولا تبترى) ةالمجتمع آن زاك ماكان بيتقبل انو يتم محاربة هذة العادة مباشرة والمعلوم ان هذة العادة هى من العادات الضارة بالمراة
س سؤال ((((((((((((((هل الدين الاسلامى يقبل التعزيب للمراة )))))))))))) واذا فى بت وحدة قالت انو الختان لايسبب لها مشكلة فانا اول المؤيدين لة لكن اثبت كل النساة انو المسالة مسالة مميتة للشهوة الجنسية وانها تسبب مشاكل كبيره جدا فى الولاد واى زول بتكلم فى انها مسالة دين (شوفو السعوديات)
ليس هنالك سعودية مختونة الا من رحمت ربها ودة بلد الاسلام واى زول بتكلم عن انها مسالة لحجذ الشهوة الجنسية للفتاة كانو بتعامل مع الفتاة وكانها قنبلة موقوتة وانو المسالة دى (اى البت الغير مختونة)
انها طوالى حتكون زانية
وللمعلومية فى احصائية اثبتت انو النساء الاتى يمارسن مهنة بيع الهوى( حفظنا اللة وحفظ بناتنا)
هم من النساء الغير مختونات وان المسالة هى مسالة التذام للبت ودين وعادات وماتقع فى الشبوهات بتقدر ببعد داك انها تتغلب على كل الشكوك والظنون
والناس تبطل التعامل مع الموضوع فى فتره قبل الزواج بس والاهم هى المرحلة البعد الزواج وهى الاطول ومانقول انو اذا كانت المراة غير مختونة معناها انها غير سوية ولو دايرين نتكلم عن مسالة الشرف نتكلم فيها مع الجنسين يعنى مسالة توعية وليست مسالة ختان ولا غيرو واغلب العادات السودانية بتمنع الختان والختان لم ياتى بة الدين الاسلامى وانما الدين الاسلامى انتقدة وان كان لم يحسم الامر فى تحريمة وانما اشار على انة مؤذى ولم يتحدث الدين الاسلامى على انة اى انسان لم يختن بناتة فالنار اولى
بة ولم يتحدث الدين الاسلامى على انة من يختن بناتة لة الاجر الكبير لم يكن هذا راى الاسلام ولا راى العادات والتقاليد والناس تحفظ نفسها فى الاول والرجال قبل النساء لانو لو اى زول حفظ نفسو ماكنا بنحتاج لا انو نناقش مثل هذة العادات ومن زمان كانت اندثرت ذى مااندثرت فى البادان الاسلامية التانية
وفى النهاية الداير يتعامل مع بتو او اختو بى انها وعاء جنسى فقط وانو يدعى الحفاظ عليها بالختان
فليختن بناتة
ومن اراد الطهر والعفاف والمتعة والراحة النفسية لى بتو واتعامل معاها بكل ثقة وانها كائن مؤثر فى المجتم ولة حرية الختيار ويمارث كل عاداتة وتقاليدة ويهنئ بحياة كريمة وطبيعية
فلا يرتكب اثم يندم علية طول عمرة وتنعتة بة بنتة او اختة
وآآآآآآسف على الطالة

وآآآآآآآآآآآآآآآسف على التاخير
وتقبلو المرور