احدث اجهزة الاب تـــــــوب ...!!

[حزن السنين]

عندي لكم مجموعة من احدث اجهزة الاب توب شفتها وحبيت انقلها لكم
7
7
7
7

[مايا]

اشكاله جدا حلوه ومتطوره
شكرا لى همتك واهتمامك بما هو جديد
ونقلك دائما لما يفيد الجميع

لو مافيها مشكله عندى سؤال بخصوص الاب توب ؟
انا عندى لاب توب hp ودخل لى فيروس وازلته تقريبا لكن من بعدها بقى طوالى بهنج لو فتحته كذا صفحه بقيف تماما الا اطفئ واشغله من جديد 0
لو تقدر تدينى حل اكون شاكره

[العسوله]

يسلموووووووووووو ياحزن

[حزن السنين]

اشكاله جدا حلوه ومتطوره
شكرا لى همتك واهتمامك بما هو جديد
ونقلك دائما لما يفيد الجميع

لو مافيها مشكله عندى سؤال بخصوص الاب توب ؟
انا عندى لاب توب hp ودخل لى فيروس وازلته تقريبا لكن من بعدها بقى طوالى بهنج لو فتحته كذا صفحه بقيف تماما الا اطفئ واشغله من جديد 0
لو تقدر تدينى حل اكون شاكره

مايا مشكورة علي المرور و التعقيب
اما بالنسبة لمشكلة الجهاز بتاعك لازم تعمل مسح و تقسم للقرص الصلب و بعدين تعمل علي
انزال وندوز جديد و للضمان اعمل علي انزال انتي فيروس و اعملي اسكان للجهاز ،،،،

جربي كدا و ريني الحاصل شنو ,,,,!!!!

[حزن السنين]

يسلموووووووووووو ياحزن

عسولة مشكورة علي المرور و التعقيب يا رائعة ،،،،،

[sunni]

أختنا مايا،، شوفي أسفى معاك ح يوصل لغاية هنا،، وسيك سيك معلق فيك،،،

أنا عندي ليك إقتراح،،، لما جهازك يبدأ يبقى بطيء،،، أضغطي Ctrl+Alt+Del
بعدها أضغطي علي ال Task Manager في الشاشة البتجيك،،، بتطلع معاك شاشة فيها خيارات كتيرة ،، تقومي تختاري التاب بتاع ال Processes ،،ن ما تقلقي من كمية السطور البتظهر ليك،، والسطور دي عبارة عن البرامج المستغلة مساحة من البروسيسور وماخدة من طاقته، إضافة لأستخدام الذاكرة... ولاحظي أسماء الأعمدة فوق،، بتلقي Image NameK User NameK CPUK Mem Usage
يلا أضغطي لي على ال CPU مرة أو مرتين أو أي عدد من المرات لغاية ما تلاحظي ان الترتيب بتاع إستخدام البروسيسور بقى تنازلي،،، يلا بعدها دوني أسماء البرامج البتكون دائما في رأس القائمة، وأدينا ليها،، هي دي البرامج المستغلة أعلى حجم من طاقة البروسيسور،، بس أنسي السطر المسمى System Idle Processes لأنه ده من إسمه واضح إنه الطاقة اللحظية غير المستغلة في البروسيسور بتاعك

يلا قومي أعملي نفس الشيء بالنسبة للذاكرة،، وأدينا أعلى إستهلاك في الذاكرة،، بكدة بنعرف،، جهازك ده مشغول بيعمل شنو والطاقة بتاعته مستهلكها ياتو برنامج
ما تنسي تدينا فكرة عن البرامج النازلة عندك في جهازك،، وبالذات البرامج المفتوحة لحظة التعليق،، والبرامج البتظهر دائما في التاسك بار باليمين،، يعني زي الساعة،، ومؤشر البطارية وخلافه

أهمممم شيء انك بعد ما تخلصي من التدوين،، تقفلي البرنامج ده بعمل cancel أو ضفط علامة x في أعلى اليمين،، وأووعك تضغطي End Process لأنه دي بتوقف ليك تشغيل البرنامج المعلم عليه لحظتها
لك التحايا

[حزن السنين]

اخي الرائع السنــــــــــــــي
مشكور علي الشرح الوافي و حقيقي معلومات مفيدة جداً و حقيقي استفدت منها الكثير ،،،

و الي الامام دائماً ....!!

[مايا]

حزن السنين
تحياتى ومشكور على ردك
انا عندى برنامج مكافى لكن حاقوم انزل الانتى فيروس واشتغل بيه
واشوف البحصل

[مايا]

اخى السنى
سيك سيك اهلا بيك ومرحب بيك
شكرا ليك على تعاونك وانشاءالله ما عدمناك

بالنسبه لى البرامج الظهرت عندى كالتالى :
ixplore.exe. hp 21,604k
rtvscan.exe system 38,780k

كلها بى نفس النمط 000
والبرامج النازله الموجوده فى الشريط
برنامج اسمه photosmart - magic flare _ برنامج تسريع التصفح _ وبرنامج نيرو _ وبرنامج ازالة البرامج الممسوحه من الجهاز - برنامج حق الاتصال

دى كل البرامج الموجوده الى جانب برامج تانيه محملاها عن طريق النت او سى دى

تحياتى وفى انتظار الحل

[sunni]

أختنا مايا،،،

ظهر لي هنا تضارب (Conflict) في تثبيت بعض البرامج،، ودي بتتضح من البرنامج العتدك وهو برنامج سايمانتك لأمن البيانات، إضافة لأنك قلتي بتستعملي مكافي!!!!! يعني عندك نوعين من برامج لحماية!!! وده خطأ كبير وقعتي فيه،، لأن من أساسيات برامج الحماية أن يكون عندك برنامج واحد فقط في جهازك،، وده موضوع إتعرضت ليه في مشاركتي عن الفيروسات والحماية،، كمان عاوز أقول ليك ان البرنامج العندك عليه تحفظات كتيييرة،، ولأنه واضح من كلامي الفات انه أنا من من أنصار سايمانتك، وبالتالي ما من أنصار نورتون فما عاوز أقول ليك حاجة من عندي،، لكن شوفي الرابط ده،، وهو يثبت ليك انه البرنامج الإنتي منزلاه يستغل حوالي 50% من إمكانيات السيرفرس،، ونسبة تصل إلى 100% من إمكانيات السيرفرز،، دي حصلت ليهم بعد تثبيت التحديث الرابع للبرنامج.... يعني ما انت براك.

طيب انا هنا عندي ليك سؤال،، هل انت عندك ترخيص؟؟ ولا نزلتيه مجانا؟؟؟ ( وأوووعك تقولي لي التانية )

الحل:-
أولا تأكدي ان عندك برنامج حماية واحد فقط،،
ثانيا قومي بمسح برامج المضادات غير المرخصة في جهازك
ثالثا: إشتري برنامج حماية،، وأكيد ح تحسي الفرق

أنصحك بإستخدام برنامج واحد فقط،، وشراء ترخيص سنوي مضاد الفيروسات والإختراق.

لك التحايا

[sarona]

الاخ حزن السنين....

برغم أن الصور لم تظهر .....

الا انه ده لم يمنعني من متابعة البوست وهو زاخر بالمعلومات ...

فلك الشكر وللاخ السني ايضا ...

معلومات قيمة واكيد الكل استفاد منها...

ودمتم..

.
.

[حزن السنين]

مشكورين يا حلوين علي المرور و التعقيب و الي الامام دوماً ،،،،،،،،

[مايا]

اخ السنى

لما اشتريت الجهاز ادونى معاه سى دى بى البرنامج نزلته واشتغلته عليه

يعنى امسح جميع البرامج الخاصه بى الحمايه واسيب برنامج سايمانتك فقط ؟

وقلته انه فى تضارب فى بعض تثبيت بعض البرامج هل ازيله ولا اثبته من جديد ولا امسحه ؟

تحياتى

[sunni]

أختي مايا،،،

أولا لك أن تعلمي بأنه (في أغلب الحالات) لما تشتري لاب توب، بيكون معاه أنتي فايرس،، ولك أيضاً أن تعلمي بأنه دي بتكون برامج تسويقية (سحب رجل يعني) وكمان في أغلب الحالات بتكون مرخصة لمدة 90 يوم من تاريخ التسجيل،،، يعني ابرنامج الجالك مع الجهاز ده،، أنسيه وعليك مسحه من النظام.

طيب نجي للمفهوم العام،، أولا كل البرامج الفيها ترخيص محكوم بفترة،، بتشتغل بشيئين أساسيين

• المحرك ،، أو البرنامج،، وده عادة ما يتم إصدار جديد كل سنة،، وقد يتم فيه تحديثات بسيطة خلال السنة،، عشان كدة مثلا سيمانتك بتسميه بالسنة (نورتون 2006، نورتون 2007) ومكافي بيسموه بالإصدار (8.0.0i لسنة 2006، 8.5.0i لسنة 2007) وهكذا.
• تحديثات القاعدة، أو تعريفات الفيروسات،، ودي بيتم تحديثها بشكل مستمر،، يعني على الأقل واحدة في الإسبوع

طيب، هنا لاحظي،، أنه لو إنتهت صلاحية البرنامج عندك، أو ما نسمية بالترخيص،، ما ح يتم تحديث المحرك،،، ولا ح يتم تنزيل تعريفات الفيروسات الخطرة،، إنما ممكن يواصل بتنزيل التعريفات للفيروسات الممكن تشتغل فقط مع الإصدار القديم،، بمعنى آخر ح تكوني محمية فقط من الأنواع القديمة من الفيروسات.

نصيحتي ليك بأنك أولا تشتري واحد جديد،، ثم تقومي بمسح كلللللللللل البرامج بتاعة الفيروسات الموجودة حاليا في جهازك،،، ثم تقومي بتثبيت البرنامج الجديد الإشتريتيه،، ومباشرة تدخلي في النت وتسجليه ثم تبرمجيه على أساس انه يعمل التحديث التلقائي في الفترة البتكوني عادة انت فيها في النت،، عشان كل يوم يشتغل براه،، ويلقى النت موصل،، ويسحب المطلوب من التحديثات.
كمان لازم تسجلي تاريخ الإنتهاء،، عشان تقومي تشتري الإصدار الجديد وقتها وتنزليه. لاحظي،، السنة الجاية لو إشتريتي نفس النوع،، فما بتحتاجي لمسح القديم،، يعني ح يعمل أبديت لنفسه بمجرد ما ختيتي الجديد،، وبعد كدة بيطلب منك التسجيل. أما لو مددتي الترخيص بتاعك عن طريق البطاقة الإئتمانية،، فما بتحتاجي تعملي شيء،، وهو ح يمدد فترته ويحدث نفسه تلقائياً.

أما عن التضارب،، فكلامي كان يختص في برامج الحماية،، يعني ما يكون عندك أكثر من برنامج واحد مضاد للفيروسات في نفس الجهاز. ولو نزلتي أكثر من برنامج واحد ممكن يحصل تضارب وممكن التضارب يصل حد ان يلغي بعضهم بعض،، أو يشغلوا الجهاز لدرجة انه يعلق وما يتجاوب معاك.

طبعا كل السيناريو ده، بيختلف لو كنا بنتكلم عن حماية لشبكة،، والشرح أعلاه للحماية في حالة جهاز خاص

لك التحايا

[مايا]

مشكور كتيييييييييير اخوى السنى على التوضيح المهم لى ولى الكل
وانا اول المستفيدين طبعا 0
وربنا يجعلها فى ميزان حسناتك يارب
ودائما بتفيدنا وفى تقدم مستمر انشاءالله

تحياتى ليك