مسا الخير لي جميع الاعضاء والعضوات بس عندي تساؤل في راسي
لما الناس تكون بتقول الصداقه والصداقه حلوه وموجوده بين البت والولد والناس تتعارف على بعض وممكن الصداقه ده تمتد لي اكتر من منتدى تبقى ماسنجر وتلفونات كمان وتبقى اقوى هل ده بيعني انو البت مستهتره مثلا ولا بتعمل في حاجه غلط ليه الناس بتشوف في البت البتدي ايميلها بي كل طيب خاطر على انها ...................
ولو كده فانا بشوف انو كل يرى بعين طبعه
ارجو النقاش والناس تقول رايها بي كل صراحه
انت ممكن تضايق لو اختك ادت ايميلها لي زول حست انو ممكن يكون انسان ناضج ومثقف ويفهم معنى الصداقهارجو انو الرد يكون بي شفافيه
هانا مونتانا2008 كتب:مشكوووووورة على طرحك للموضوع
بس الناس ما ليهم الا الظاهر واصلا لا توجد صداقة بين فتاة وشاب
ولو صحت صداقة الذئب مع الشاة صحت صداقة الشاب مع الفتاة
اول شي مشكور على ردك
تانيا انا شخصيا كنت مؤمنه بيها شديد بس شكلو لازم اعيد النظر
تسلمى يابت هندسه على الموضوع الاكتر من رائع
وانتى صراحه جبتى المفيد كل يرى بعين طبعه
الانسان القادر يفرق بين العلاقات ويفهم معناها
اكيد فاهم حدود العلاقات وانا بشوف انه العلاقات
للناس البتفهم حاجه طبيعيه وذى ماممكن تكون فى علاقات
فى الجامعات او العمل انا كنت بشوف المنتدى نفس الشىء
الناس ممكن تتطلع باخوان واخوات والعلاقه تكون اسريه وتمتد
بس للاسف عرفت من بعض الاعضاء انه فى فهم خاطىء
وللاسف من ناس الواحد كان بتوقع انهم غير كده بس
ده ما بينفى انه فى اعضاء الواحد بعتز بمعرفتهم
وانا افتكر شىء طبيعى يكون فى رسائل خاصه وتكون فى صداقه
وانا عن نفسى والحمدلله عندى علاقات جميله شرف لى
وهونى عليك يابت هندسه الانسان الفهمه قدره حتعملى ليه
شنو طول ما انتى مقتنعه الانتى بتعمليه ماعليك لوم
الكلام الناس الانتى عرفتيهم وانا برضو فهمتهم يديك
الف عافيه لانك فشيتينى لانه فى حاجات كانت مضايقانى
بحب اشكرك على طرح موضوع مهم زي ده
صراحة انا في رايي ما مقتنعة بي الصداقة بين البت والد خاصة عبر الانترنت
لانو الواحد ما بكون عارف البتكلم معاهو ده نيتو شنو ويمكن ببساطة يكذب عليك ويقنعك بالصداقة
ويعرف عنك اي شي وبعد كدا يبدا يهددك لا سمح الله
وطبعا كل شي جائز
بعدين بتستفيدي شنو لمن تتكلمي مع واحد ما بتعرفي من قلة الناس يعني
سلام بت هندسة...
الصداقة بين الشاب والشابة مامستحيلة ولكن كم فى المية بتستمر..اسمحى لى اكون صريح حبتين معاك..
بكرة بتتزوجى وهو بيتزوج وساعتا لا انتى بترضى زوجك يكون عندو صديقة ولا هو بيرضا بصديقك الذكر..
الزمالة موجودة ومبررة جدا للكثير..لانها علاقة بتنشأ طبيعية ومفروضة وامام الجميع..اما حكاية الصداقة دى لا الدين ولا المجتمع بيقر بيها..وحتى المجتمع لو اقرها اليوم تحت ظروف بكرة تحت ظروف اخرى بيرفضا..
واذا كنتى شايفة ضرورة الصداقة دى خليها خلال بريدك الخاص بالمنتدى والمابيعمل غلط نقص شئ من الخصوصية ماحيهمو لغاية مايشوف نوايا الطرف الاخر(ارجو تكونى فاهمانى)..
ولكى التحية ولا تحزنى لاى تجربة لم تنجح كما اردتى فهى بالتأكيد اضافة لرصيد خبراتك وان سميت فاشلة..
ولك كل التحايا العطرات،،
تخريمة:
يجب الا نحزن لتكشف الاقنعة فذاك دليل بإمتلاكى لوجه واحد..
هانا مونتانا2008 كتب:مشكوووووورة على طرحك للموضوع
بس الناس ما ليهم الا الظاهر واصلا لا توجد صداقة بين فتاة وشاب
ولو صحت صداقة الذئب مع الشاة صحت صداقة الشاب مع الفتاة
والله فى النهاية لا يصح الا الصحيح وكل انسان
لما يحكم اكيد بيحكم من خلال علاقاته والشافوا منها
بس الدنيا بخيره وفى الناس البتقدس معنى الصداقه
وانا كنت اتمنى اعرف مفهوم الصداقه عند البقول
ماصحيحه ياريت كنا نعرف تعريفه وحدوده
وهى الصداقه شنو غير خوه فى الله بعيده عن كل ما يسىء
بحب اشكرك على طرح موضوع مهم زي ده
صراحة انا في رايي ما مقتنعة بي الصداقة بين البت والد خاصة عبر الانترنت
لانو الواحد ما بكون عارف البتكلم معاهو ده نيتو شنو ويمكن ببساطة يكذب عليك ويقنعك بالصداقة
ويعرف عنك اي شي وبعد كدا يبدا يهددك لا سمح الله
وطبعا كل شي جائز
بعدين بتستفيدي شنو لمن تتكلمي مع واحد ما بتعرفي من قلة الناس يعني
مع خالص الحب والاحترام
اولا مشكوره يا بسمه على المرور وعلى الرد كمان
بس كمان الصداقه موجوده وعبر الانترنت زيها زي ما بتلاقي الناس في الجامعات ولا الشغل عشان كده هي موجوده بس اهم شي الناس تفهم معناها
وحته انو يعرف عني كل شي ويهددني ده صعبه شويه لانو انا مابعمل شي ممكن انو يهددني بيهو
بعدين التهديد ممكن يكون شنو في رايك انو يكلم امي ولا ابوي ولا اخوي الحمدو لله عن نفسي ناس البيت عارفين عني اي حاجه
ودعازة كتب:سلام بت هندسة...
الصداقة بين الشاب والشابة مامستحيلة ولكن كم فى المية بتستمر..اسمحى لى اكون صريح حبتين معاك..
بكرة بتتزوجى وهو بيتزوج وساعتا لا انتى بترضى زوجك يكون عندو صديقة ولا هو بيرضا بصديقك الذكر..
الزمالة موجودة ومبررة جدا للكثير..لانها علاقة بتنشأ طبيعية ومفروضة وامام الجميع..اما حكاية الصداقة دى لا الدين ولا المجتمع بيقر بيها..وحتى المجتمع لو اقرها اليوم تحت ظروف بكرة تحت ظروف اخرى بيرفضا..
واذا كنتى شايفة ضرورة الصداقة دى خليها خلال بريدك الخاص بالمنتدى والمابيعمل غلط نقص شئ من الخصوصية ماحيهمو لغاية مايشوف نوايا الطرف الاخر(ارجو تكونى فاهمانى)..
ولكى التحية ولا تحزنى لاى تجربة لم تنجح كما اردتى فهى بالتأكيد اضافة لرصيد خبراتك وان سميت فاشلة..
ولك كل التحايا العطرات،،
تخريمة:
يجب الا نحزن لتكشف الاقنعة فذاك دليل بإمتلاكى لوجه واحد..
مشكور جدا يا ود عازه على الرد الجميل
بس حبيت اقول ليك انو البوست ماعن تجربه شخصيه
بس حبيت اصحح بيهو مفاهيم خاطئه عن تجارب اتحكت لي
وممكن اقول ليك حاجه الصداقه مدام هي صادقه وصريحه والكل بيعرفها ما ممكن تنتهي لا بي زواج ولا اي ظروف ممكن تنهيها
والله يا ام صبا حقيقه في حضورك لا اتجرا واعلق على ما خطت يداك
وبي مافي كلام ممكن يتقال بعد قولك
ربنا يخليك لي يا احلى ام صبا وما اتحرم منك ويديك الف عافيه ويديك الصحه وطولت العمر وانا منتظراك
اولا كنت من انصار الصداقه بين الشاب والفتاة ولا انكر هذا ولكن بحكم التجربه ولانني صدمت في عدد من الاصدقاء فضلت ان الغي خانة الصديق الشاب من قاموس مصطلحاتي يمكن للشاب ان يكون زميل دراسه زميل عمل ولكن ان يوضع في خانة الصديق يمكن ان تكون نقطه يقف الجميع عندها ويختلف راي الجميع فيها بين مؤيد ومعارض
ولكن لينظر الجميع الى الموضوع من ناحية المجتمع وشكل العلاقات الاجتماعيه فيه فهناك من يفسر الامر على انه شئ خاطئ وهناك من يرى انه لاباس بذلك
ايضا هناك من نصادق هناك من يستحق الصداقه وهناك من لا يستحقها يبقى الامر في تقدي صاحبه ويبقى الحذر في اختيار الصديق هو المطلوب
ولكن ومن خلال التجربه ارى ان العلاقه بين الشاب والفتاة هي ضرب من الجنون لان مصيرها غير معروفه وهي مجازفة تبقى محسوبة على الفتاة دون الشاب
اختلفت الاراء حول مفهوم الصداقة بعض منها يمكن يكون مرا بمراحل وتكون له معنى اخر ذى ما ذكر سابقا وهذا صحيح كل بيري الناس بطبعه هو
فى اعتقادى انه الصداقة هى مرحلة عليا من مراحل تصل الى مرحلة الصداقة وهى بتبدى من معرفة مرورا بصحبة وتنتهى بصداقة وذى ما ذكر فارماس كلمة صداقة نفسها وازيد تعمقو فى الكلمة كويس
وهى الصدق يعنى اكون صادق فى علاقاتى مع الناس جميعا والصديق يبين من اول وهلة ومهما كان مخادع فبعرف
