ياشباب انا مهلوس بالعرس

[امال الناس]

الزواج تكملة نصف الدين الاخر ديل يقولوا الزواج شر انتو عازين شنو يعني ؟

[خيركم]

يا ود الشيخ
اسمع الكلام الصاح من واحد مجرب...
مجرب عرس مش مجرب عنده جرب (مرض دا)
لو عايز نصيحه تمام وتعمل بيها مش ترميها وبس واسمك شاركت في المنتدى ببوست!!!
اسمع نصيحة واحد متزوج ليه 30 سنه بالتمام والكمال...
افتح اضانك واسمعني صاح...
العرس دا قضيه خاسرة بكل المقاييس...
خصوصا لما يكون ما عندك واحد بتحبها وبتحبك...
ابعد الفكرة دي من راسك وصدقني تعيش تمام التمام...
ليه بس تجيب ليك هم تخته في البيت وكل دقيقة يطلع ليك بزيادة هم...
اسمع كلامي خليك كده احسن ليك الف مرة!!!!

[ودالشيخ]

خيركم اعطيك العافيه يعني اسمع نصيحتك واعيش عزابي كدة
علي طول ما اكمل نصف ديني ليه كدة بعد الهلوسه دى والامال
والامنيات والبنين والبنات والجوطه دي كلها حرام عليك ع النصيحه دي
تحياتي

[مازن فضل]

حبيبنا شكلنا حا نبقي سواقين لواري في خلاء ؛؛؛؛؛
أفتح السكة ورينا الحاصل إذا عبرت نباري دربك ؛؛؛؛

أخونا الزواج قسمة ونصيب ومكتوب رباني لما يحملة من معاني متمثلة في المودة والرحمة التي ستنشأ بين الطرفين ؛؛؛؛ فالإستخارة أهم جانب حتي يكتب للزواج التوفيق لا يهم من يختار تهم النتيجة اخيرا وهذه النتيجة لابد من دهما والتاكد منها عبر الإستخارة ؛؛؛
في مسألة الأهل عندي وجه نظر خاصة من يخار لك أقرب الأقربين كالوالد والوالدة والأخوان دخول طرف أخر من الأسرة ستتأزم المواقف ؛ فأنت تطلب زوجة واحدة ويستحيل ان تأتي بواحدة ترضي كل العائلة ؛ فما يهمك الوالدين والأخوان او اصحاب التعامل المباشر مع الزوجة ؛

ولك ودي ؛؛؛

[ابن عوف]

ود الشيخ


ربنا يسهل عليك ويديك بنت الحلال البتسعدك


طالما انه وضعك صعب شوية

خلى الاهل يخطبو ليك وخاصة الوالدة لانها بالتختارة الوالدة مابتدخل معاها فى منواشات بعيد واكيد

بتختار ليك الكويس


وربنا يوفقك لما فيه الخير

[ودالشيخ]

الاخ مازن فضل الله اديك العافيه ماقصرت
والاخ ودابنعوف جزاك الله خير الجزي
مشكورين ياشباب وماقصرتو وديكم الف الف الف عافيه

[امال الناس]

ليه انت يا بنعوف اختر ت البتحبها وعرستها ليه ما استنيت يختاروا ليك . واشمعنا الولد ده عايزه يعرس عرس زمان دي حسادة ولا شنو خليهو يشوف ليهو واحدة يحبها وتحبه ذيك ويعرسها

[ودالشيخ]

اشكرك يا امال الناس ياروعه انتي دايمن روعه

[( ود البورت )]

عرس في زول ماسكك هههههههههههههه

[ودالشيخ]

انته ماباقيلي عارض انا اعرس كيف كل ما اقول عايز اعرس تقيفلي في حلقي

[ودعازة]

وعليكم السلام والرحمة ودالشيخ..
لا يعرف حقيقة المرأة الا امرأة..
عليه اترك الاختيار لامك واخواتك لانو ماعندك وقت وتانى شى بتقفل باب دى شنو الجبتها لينا..
وبعد الترشيح من بعد التفتيش والتدقيق عليك بركعتى استخارة ..فماخاب من استخار..
وبالرفاه والبنين..

[ابن عوف]

ليه انت يا بنعوف اختر ت البتحبها وعرستها ليه ما استنيت يختاروا ليك . واشمعنا الولد ده عايزه يعرس عرس زمان دي حسادة ولا شنو خليهو يشوف ليهو واحدة يحبها وتحبه ذيك ويعرسها

اقتباس

طالما انه وضعك صعب شوية

اختى الغالية امال الناس

انا لم احسدهـ والزواج دا شراكة بين شخصين وهو شرح ظرف معين بنعرف كويس نحن المغتربين والعمر بجرى والاختيار فى حد ذاته صعب ومربوطين بزمن معين والزمن كل ما تاخر ما من الصالح وشوفى مداخلتى معه وهو فى الاخر راى ما من الضرورى ياخد بيه

اما عن حالتى انا موش اخترت زوجتى الوالدهـ هى الاختارتها بس انا مشيت وجلست معاها واديتا حرية انها ترتبط بى ولا لا وهى بنت عمى وفى هذة الفترة تقربنا من بعض عدينا سنتين خطوبة حتى تزوجنا

وربنا يسهل عليه وهو لو ما مستعجل يمكن يمشئ يختار ويجلس معها فترة

ودمتم بود

[ودالشيخ]

اشكر الجميع علي النصايح الرايعه
تحياتي

[مومو و بس]

شكراً والله يوفقك