شوفو لي حا تفصل من الجامه وردوووووووووو

[بنت الناس ماتنداس]

السلام عليكم
اعضاء المنتدي عرفتو عني شنو
في الفترة الفاتت
اعتقد لاحظتو كلكم زي ما لاحظ اي زول عرفني
حبي للبشير وعشقي الخيالي للسودان وارضه
انا اللحظة ما بكرة حاجه قدر السودان ومنتمنيه لو ما كنت سودانيه
متذكرين لمن بقول لو طلعت من السودان
زي السمكة البطلعوها من المؤيه ح اموت
انا هس بقول لو عشت في السودان اكتر من كدة بموت
معليش ح اطول عليكم
بس بالله كلكم ختو نفسكم مكاني
الامتحانات جات واتفقنا انا وصحباتي نمشي
الداخليه شهرين زي كل سنه ونقرا مع بعض
ومشينا من شهر 4
ويمو الثلاثاء 26 \5
مشيت لي خالي جاي من ابو ظبي
قبل ما اطلع مشيت للمشرفة اكلمها اني ح ابيت
مع خالي قالت لي لو بيتي ما تجي تاني لا مع ولي امرك
قلنا طبيعي والبنات صعب السيطرة عليهم في الداخليه
ولابد من قوانيين زي دي
المهم مشيت والزمن عدي وطلعت من البيت بعد المغرب
وقفنا انا واخواتي وبنات خالتي في المؤسسه
زمن مافي مواصلات لغاية ما اتاخر الوكت
وركبت في النهايه والحافله فيها شكله
في خمسمية جنيه
هههههههههههههه
تمشي وتقيف في الشكله المهم
وصلت زي 9 و5 كدة
والليت الساعه 9
وهم في الغالب لغاية 9 وربع بيهرشوك ساي وتخش
المهم
جيت وقالو لي مخالفة وشالو البطاقه
اديتهم البطاقه اتها لي واح من الحرس
قولت ليها الصورة ما ممكن
ادوني صورتي وشيلو البطاقة وانا بكرة بقابل المسؤليين
وقابلة بي اي عقوبه وباخد البطاقه وارجع فيها الصورة
علما باني السنه الفاتت شالوها وادوني الصورة
المرة هاجت وقالت ما ممكن وكيف ده تزوير
والراجل هاج وماج وثار
بالله اتقول كتلت ابوه
المهم حاولت وحاولت وحنستو
والماغسني قولت ليه بكل ادب
انا ما احسن من البنات شيل البطاقه بس

رجاء


اديني الصورة
يا جماعه حاسين بي كلم لرجاء دي انا عمري نا بترجي زول
اتخيلو قال لي شنو
بي طرف يدو بي كل احتقار قال لي امشي امشي
حاولت مع البت رافضة باسلوب عجيب
وداك اسلوبو زفت قول ليهم مستحييييييييييييييييييل اخلي الصورة
يا جماعة احنروم مبادئ الناس
انا منقبه كيف اخلي ليك صورتي
قال لي
العايوز يشوف صورتك منو
ومواصل بي يدو

امشي امشي
ما تخيلو الظلم والعجز الحسيت بيه والذله
وبعد ده صوووووووووووووووووورتي في يدو
قولت ليه شكيتك لي الله يامفتري
وما خاتي اوكامبو عليكم يا مفترين
الله ينعل الكيوان ويعين اوكامبو عليكم

ده كلامي بالنص
وكنت شايله شنطة فيها صورة البشير
قالت لي وحدة منهم دي كفر وممكن بكرة تشيلي صورة اوكامبو
او بوش
قلت ليها اكيد لو لقيت صورهم ح اشيلها
لكن توقعو لو شلتها ببيت في بيتنا
هههههههههههه
المهم حولو الموضوع من تاخير لي تاخير وسياسه
والناس كلها في الاسكان عرفت
الموضوع
قالو لي بكرى تعالي لي فلانه شيلي
بطاقتك ميشت ليها حولتني لي وحدة كدة اكبر
وجابو مجموعه منهم
وقفلو الباب وبتكلمو معاي بي اسلوب الكلب ما يتحملو وما مسموح لي بالكلام
في النهايه قالو لي
جيبي ولي امرك
قولت ليهم ليهم حسبي الله عليكم
وطلعت
ضربت لي ابوي كان في الخرطوم مسافة ما يصل قولت امشي ارتاح في الداخليه شويه
مشيت ابو يدخلوني الا اجيب اذن من الاسكان
رجعت الاسكان اسلوب اسوا من الاول
وكل واحد يقول لي ما شغلي وما بديك امشي لي فلان
في المكتب التالت ما تمالكت نفسي
وقلت ليه خلاص ما دايرة منكم
حاجة
لاحظو انا تاني يوم عندي امتحان ومذكراتي جوه
ما حاقدر امشي البيت
ساعة ونص مستنيه واحد
كنت قايلاة الوحيد الحيعامل بي ذوق
بعد كده فتشتو برا ولقيتو في مكان تاني
حكيت ليه القصة واول ما وصلت انعل الكيزان
قال لي انتي القولتي اوكامبو وما اوكامبو
لقيت الناس كلها عارفه وكانو انا كفرت ذلة واهانه وتعالي وتكبر
المهم نسبيا اتعامل معاي احسن
وقال لي ما تجيبي ولي امرك هس لانو قال لي
الحرس يرفع ليه تقرير وشهود
ويعملو لي مجلس محا سبه يقرر العقوبه الاستاهلها
لي مجرد كلمة ينعل الكيزان و ما خاتي اوكامبو عليكم
وانا مهددة هس بالفصل من الجامعه والله المستعان
ودخلت
قبل شويه وانا راجعه من الامتحان ليقتو مشي سنار
بكل بساطة بتاعة الباب بتقول لي
امشي ليه يديك اذن يديك اذن
انا امشي لي في سنار
وانا مذكراتي جوة المهم اتصرفت جيبتهم
و جيت النت وكتبت الموضوع وراجعه بيتنا
وانا متاكدة الكلام ده لو وصلهم حيعملو لي فيه موضوع وما بيهموني ابدا


وانا يا جماعه من هنا بعلن اني مستعدة انضم لاي حزب معارض
تبع الترابي الصادق وحتي الشيوعيين
وبتمني من الاعضاء البنتمو لي حزب معارض يراسلوني علي الخاص ونتواصل
وانا ما عندي شي الكيزان يخسروني ليه او يضروني بيه
ومستعده اخلي الجامعه والداخليه والدنيا مقابل ارد كرامتي
وكل يوم بدعي عليهم
وانا بكرة السودان بكره بكرهو موووووووووووووت
ويا جماعه اتذكرو انو خليل ابراهيم كان كوز وكان حافظ القران زي ما بيقولو
وانقلب عليهم ليي
نفس الموضوع حبي وشعاراتي كلها اتغيرت وانا مستعدة انضم لي اي حزب معارض
واعتذر علي الاطاله

[ودالشيخ]

بت الناس انا والله حسيت بالام النتي عشتيهو وعشتا قصتك والله المستعان
المهم اختى انتي فى حالت قضب اول شي استهدي بالله وقعدي كدة فى الجابره دي
وصليلك ركعتين ورفعي يديك لله الله هو البياخدلك حقك صدقيني انتي في حالت قضب
انا مامعاك في حكايت اوكانبو دي ماممكن تختي قضبك علي رائسنا انا معاك في سؤ ادارة
السودان اهدئه اختي انشالله مابيضيع حقك

[بنت الناس ماتنداس]

اشكرك اخي الكريم ود الشيخ
بعد مقاطعة الاعضاء للردود ما توقعت زول يرد ومشكور يا اخوي
انا عمر المشاكل ولا الظلم ما ياثر في حبي لبابا عمر
وانا جيت اغير التوقيع وما قدرت ما حبيت امسح صورتو
ورجعت البيت اغير الشنطة الفيها صورتو وما قدرت
وفعلا لحظة غضب يا اخوي
وانا ضد كلب الارجنتين ده كمان وهو ما يسو ضفر بابا عمر
ربنا يحفظو
لكن من الزعل منهم بلجا لي اني اغيظهم بي كدة
لانو نزول البشير يعني نزولهم من مناصبهم
وبالتالي ما حيقدرو يتعالو ويظامو الناس
ربنا ينتقم لي منهم وطول عمري بقول كيف الزول يدعي
علي مسلم موحد لكن صدقوني دائما بدعي عليه في السجود
ودعيت عليه في قيام الليل في الثلث الاخير
لانو الظلم حار وربنا من اسمائه المنتقم

ولو بعد حين


وربنا يحفظ بابا عمر ويكفيه شر اوكامبو واعوانه

[bitadlan]

الله يكون في عونك انا برضه حسيت بي الحصل ليك لكن يا اختي السودان بي ارضه وبي نيله وبي سماهو وبي نخله ذنيو شنو لو حصل من اولادو اي مشكله تبقى علينا قصه يعملوها الصغار ويقعو فيها الكبار انا ما معاك في كرهك لي السودان بي اي سبب طالما هو السودان ( الالف اللام السين والواو الدال و الالف و النون ) تشكري

[غرام الروح]

يابت الناس اولا استهدى بالله وختى الرحمن

فى قلبك وكلامك دا كلام زعل وداير اديك حاجة

والله البشير دا اطيب راجل فى السودان دا على

حسب معرفتى بالسياسة عارفة يعنى شنو طيب

طيب الواحدة دى بس والله الناس التحته الله

يعين عليهم وانتى ماشفتى حاجة موقفك بسيط

انا قلت البت دى مالها ياخ نحن شفنا مواقف

بس دا كله مابخلينا نقول بنكره السودان يابت

الناس واكامبو وخليل دى سياسات الهدف

الفرعى منها يمكن البشير والجماعة المعاه

بس الهدف الاساسى يمكن يكون شوية اكبر

لوراجعتى نفسك انتى شكلك واعى بس

الغضب عماك والدلالة على ذلك صورة

البشير لسه فى توقيعك وللاكيف على فكرة

انا مختلف جدا مع الكيزان ولى مواقف

كتيرة معاهم بس ماعشان حاجات يمكن

يكون فيها مصلحت البلد اعمل راسى

براسهم والموضوع طويل والازمات

كثر بس استغفرى واحتسبى ويامااحتسبنا

لكى التحية وانشاء الله مايفصلوك

وابقى واعية لكى التحية

[سندس]

للاسف دا البيحصل في المجتمع السوداني عدم احترام للمبادئ الشخصية تعالي وفرض سلطة تلفظ حتىمن الي مفروض يكونوا قدوة ..والمطلوب تسكت وتنصاع للاوامر او يكون مصيرك دمار مستقبلك بكل سهولة
وانا حاسة بيكي وبالمريتي بيهو لكن اسالك :انتي ليه بتحكمي على الحكومة في حين انو مجرد اشخاص هم
اللي اساؤوليكي ؟وشنو الدخل الجماعات والاحزاب والبشير حتى؟ انتي بتحبي السودان وكفى الباقي نحنا
البنتحكم فيهو انتي ممكن تقولي ليه الناس بقو كدة .. ليه بقى الخوف من الله اخر شي يفكروافيهو الضمير معدوم وعدم الاحساس بالمسوؤلية عادي جداً وهدم كيان بشري ماليهو اي ثمن ...
اكيد الافراد هم السبب ماالحكومات ولا الاحزاب لا الحكومة بتربي ولا الحزب بيعلم ...
اول كان بيقولو المحترم بيفرض احتراموا على الناس حالياً بقى المحترم معرض للذل للاسف ....
ونحنا كمغتربين حقيقة بنحب السودان وبنتمنا يكون احسن بلد واحسن ناس ...
ظلي كما انتي عزيزتي مفتخرة بما انتي عليه سودانية وكوني تلك السمكة التي لاتنعم بالعيش الا في موطنها
لكي خااااااااااالص تحياااتي واتمنى ان لا تمري بذلك من جديد وان لاتتعطل دراستك الا بالتخرج انشاء
الله.


عذرا على الاطالة

[بنت الناس ماتنداس]

اولا جزاكم الله خير
ويا جماعة شوفو ردي علي الاخ
ود الشيخ
انا كتبت انو عمر المشاكل والظلم ما يخلوني اكره بابا عمر
وياااااااااااااااااما خسرت ناس عشانو
وياما كتبت عنو في منتديات ما سودانيه
وتوقيعي في معظم المنتديات الخليجيه والعربيه صورتو
انا يا جماعة ما قلت بكرة البشير
وخلفية تلفوني صورتو والنغمه بصوتو
ححتي وانا بتكلم معاهم تلفوني ضرب بصوتو




لكن بصراحه انا ما ح اقدر احب السودان زي زمان

ويا ما رفضت حاجات عشان ما اطلع من السودان لكن الاهانه في الغربه
اهون من الاهانه في الوطن
والبشير ما ذنبو لكن ذنبو انو ينتمي لحزب ظالم
والبلد كلها عارفه انو مناصب معينه مستحييييييييييييييييييييييييل
يختو فيها واحد ما كوز
وعارفين قصة الشاب بتاع حزب الامه
الطالع الاول علي الدفعه
وشغال بيحول رصيد في السوق العربي
ده كله ليي عشان يخوفو الناس ما تنتمي لي احزاب معارضه ايام الجامعه
ياجماعه اصحو يا ما ناس اتغربو وخلو بلدهم بسبب معاكسة الكيزان ليهم
يا جماعة الدنيا دوارة والسلطه ما دايمه لي زول
والدنيا كلهاااااااااااااااا ما دايمه لي زول

[بنت الناس ماتنداس]

اخي غرام الروح اشكرك علي المرور والرد الرائع
بس انا ما قلت بكرة البشير
وانا محتسبه والحمد لله علي الايه
قل لن يصيبنا الا ما كتب الله لنا
اي شئ يقدرو عليه ويعملو حيكون مكتوب من قبل ما اجي الدنيا انو حيحصل لي
وانا راضيه باي ابتلاء
لكن بظبط المنبه واصحي في ثلث الليل
وادعي عليهم وبي الاسماء
اسوا شي يا اخوي لما الزول تخوفو بي الله وما يخاف
ده تخوفو بي اوكامبو ولا شنو

استغفر الله



تصدق وحدة قالت ليهم في رمضان شكيتكم لي الله
قالو ليها اشكي الشاكننا كتااااار


ياريت يفهمو انو يوم القيامه ما فيها كوز وجردل

معتمدين علي شنو ومطمئنين بي شنو انا ما عارفه


ما قرو الايه

كلهم اتيه يوم القيامة فردا
صدق الله العظيم

[بنت الناس ماتنداس]

مشكورييييييييييييييين كلكم علي المرور
نردها ليكم في الافراح ان شاء الله
هههههههههههههههه

[Mr.POGIz]

اختي الكريمة

داير اقول حاجة بسيطة بس
وما عايز التفت لكل الكلام الذكرتيه انتي وعن قصتك


السودان اكبر من انو تكريه لقصتك دي
السودان وطنا الكبير الغالي ما حزب ولا نفرين زعلتي منهم !!!

[بنت الناس ماتنداس]

ايوا كبير وقدر كبر مساحتة كبر ظلم
انت شكلك بعييييييييييييييييييييد جدا عنها
ومعظم السودانيين اتلدغو من ظلم افراد الحزب الحاكم
انا غلطة غلطة كبيييييييييييييييييييرة
لمن كتبت الموضوع لانو كدة انا عارفه انو كتيرين عرفوني
ولو ما كدة كنت كتبت ليك حاجات تخليك موش تكره السودان
تكرة حروفه في كل الجمل وتكره ناس كتااااااااااااااااار
وتكره انك سوداني
انا متاكدة انكم بتحبوهم لكن للاسف
ح اكون ضريت نفسي
بس عن قريب ستسقط الاقنعه

ولنا عوده

[السودانى الاصيل]

بلادى وان جارت على عزيــــــــــــزه

اهلى اهلى اهلى وان ضنوا على كراااام


لو خرجو ليكم من البلد الانتى فيها الان

ح تروحى وييييييييييييييييين ؟؟؟؟؟؟


انتى انظلمتى والله من قصتك حسيت بى حرقه كدا لو لقيت الولد دا
ما كنت بتحل منوو

لكن نحن سودانييين والله صحيح الاضطهاد موجود والظلم ما ليهو حدوود
من جماعه معينه

انتى اصبرى وربنا اوفقك وطمنينا بالله النتيجه كيف طلعت

[سكون الليل]

قضية مسيسة يا بت الناس

[بنت الناس ماتنداس]

[size=6]اشكرك اخي السوداني الاصيل
اولا اشكرك اخي علي المرور
ثانيا ما فهمت كيف يعني لو طعو امشي وين
ما ح امشي اي مكان
ح اعيش في بلدي محترمه مبسووووووووطه
وحتي و ما محترمه تاني
المهم ح اكون مبسوطه
عارف ليي
لانو هم حيذوقو الانا
و............. و........... و.............. عشناه
رجاء وضح قصدك
ثالثا بالنسبه للاضهاد ليي اعيش في بلدي مضهده
ومضهده من ابناء بلدي للاسف
زيي زيهم
ولو فهمو وحققو انو البلد د حقتنا كلنا
كان حا جات كتييييييييييييرة اتغيرت
بتكلم قبل فترة مع صديقه من العراق ايام المحكمه
وخايفة وقلقانه وقلت ليها
و دايرين بترول يشيلو لو دايرين زراعه لو دايرين اي
شئ من السودان يشيلو لو دايرين احتلال يحتلو بس يتركو بابا عمر
وكان تدعي وتطمئني
لغاية ما قلت احتلال ثارت وهاجت
وقالت لي لا الا دي ما اسمعك تقوليها وبدات تشرح معاناتهم
واهانة في البلاد
ورجعت وحكيت ليها القصه دي
وسورجعت وحكيت ليها القصه دي
وسبحان الله
شوفت الاهانه في بلدي و من غير احتلال
يعني ما فرقت في الحالتين نحن مهانيين
والقبلت اتهان عشانهم بقو اتباعهم يهينوني
سبحان ربي
والدنيا ليها نهايه ولنا وقفه امام الله
وهناك القضاء والحساب والعدل
وسا شكي لربي الكثيييييييييييييييييييييير بحان الله
شوفت الاهانه في بلدي و من غير احتلال
يعني ما فرقت في الحالتين نحن مهانيين
والقبلت اتهان عشانهم بقو اتباعهم يهينوني
سبحان ربي
والدنيا ليها نهايه ولنا وقفه امام الله
وهناك القضاء والحساب والعدل
وسا شكي لربي الكثيييييييييييييييييييييير
وبالنسبه للنتيجه يا اخوي ما تنسونا في سجودكم وربك رب الخير[/size]

[بنت الناس ماتنداس]

[color=8B0000]سكون الليل
اكيييييييييييييييييييييد
ومشكورة عزيزتي علي المرور[/color]

[بسمة الحياة]

انا حسيت بيك
وانتي صحيح مظلومة والزيك كتير
بس لازم تسلمي امرك لله
وانتي ما ظلمك السودان كلو انتي ظلمك ناس ما يعنو شي بالنسبة للسودان
لكن ما حتعرفي قيمة بلدك الا لمن تبعدي منو
على الاقل انتي في بلدك وبين اهلك
لكن نحن المغتربين بنتذل وما في اي زول بوقف معانا

[ملاك الورد]

اول حاجة يعني شنو انعل الكيزان؟؟؟ - بس الاهم لو كان الزول عنده مبادئ ماشي عليها ما ممكن تتغير بلمح البصر زي مثلا انت مع منو و شنو هي مبادئك صلي على النبي و خلي الزعل نص كتابتك مبهدلة فهمناها بنظام (اللبيب بالاشارة يفهم ) ده كله من الزعل - احفظي لسانك حتى لو كنت زعلانة لانه سبب البلاوي تمام؟ - يلا تشااااااااااااو

[من خلق الظلام يراني _mlk_]

معك في كل حرف تقولينه
وارجو من الخالق ان ينتقم لك ويرد لك كرامتك
ولكن لو كل مظلوم كره بلاده التي ظلمته-في نظره- لتمرد العالم كله على نفسه

[بنت الناس ماتنداس]

مشكورين علي المرور




وسيحسم الموضوع امام الله



والحمد لله عديت وما اتفصلت ولا حاجه


وفعلا كتبت الموضوع وانا ح اموت من الزعل




بس يا ملاك الحمد لله حافظه لساني



واعتقد ما غلطت علي زول وقاصدة كل كلمة قلتها

[غريبه]

يا اختي ما تزعلي شديد كده صحيح الحصل ما شويه وظلم زياده علن الحد بس نقول شنو
الحمد لله علي كل حال