مكتبة الشاعر إسحق الحلنقي

[اللقيد]

كل الود والتحايا
والشكر
علي الاختيار الجميل
روعة الكلامات عندي الحلنقي
جميل اختيارك

[zizou]

بتتعلم من الايام

بتتعلم من الايام ،،، مصيركـ بكره تتعلم ،،،

وتعرف كيف بكون الريد ،،، وليه الناسـ بتتألم ،،،

متين عرف الهوى قلبكـ ،،، زمتين صابكـ باهاتو ،،،

ومتين سهر عيونكـ ليلــ ،،، طوبله ساعاتو ،،،،

وحاتكـ لسه مابقدر تقاسمـ ،، قلبي دقاتو ،،،

ومصيركـ ،، بكره تتعلمـ ،،،

**** ،،،،، **** ،،،،، **** ،،،،، ****

اقابلكـ وكلي حنيه ،،،، واخاف من نظرتكـ ليا ،،،

واخاف شوق العمر كلو ،،، يفاجئكـ يوم في عينيا ،،،

ورا البسمات كتمتا دموع ،،، بكيت من غير تحس بيا ،،،

ومصيركـ ،،، بكره تتعلم ،،،

**** ،،،،، **** ،،،،، **** ،،،،، ****

بكره الريد ،،، بدون مواعيد يزوركـ ،، ياحياه عمري ،،،

تقول ياريتني لو حبيت ،،، زمان من بدري ،،،،

تعال فرح ليالينا ،،، تعال قبل السنين تجري ،،،

ومصيركـ ،،،، بكره تتعلم ،،

**** ،،،،، **** ،،،،، **** ،،،،، ****


بتتعلم من الايام ،،، مصيركـ بكره تتعلم ،،،

وتعرف كيف بكون الريد ،،، وليه الناسـ بتتألم ،،،

**** ،،،،، **** ،،،،، **** ،،،،، ****

[ودعازة]

عملاق غنى له عمالقة وانطرب لكلمه كل السودان..
الحلنقى صاحب المفردة السودانية البسيطة السلسة التى تتغنى دون عوز للحن ولا الى توزيع..
مشكور كل من اسهم بهذه المكتبة القيمة لهذا الشاعر القيم..
يدك العافية اخى ويا وجميع من شارك لعمل هذا الالبوم الكلمى الذى يرى ويسمع ويطرب من به صمم..

[waya]

[grade="00008b ff6347 008000 4b0082"]الأبيض ضميرك
إنت يا الأبيض ضميرك
صافي زي قلب الربيع
في كلامك وابتسامك
أندي من زهر الربيع
عشت متهيئ لحبك
كل أيامي وحنانها
ابتسامك عزيزة
بحرق الآهات عشانا
بس لقيتك إنت حائر
تظلم الحب بالمهانة
الدموع السايلة مني
يا ما سالت حرقتني
والظنون الحارقة قلبي
بالماسي كم شقتني
كنت بجني شقاك محنة
وأعشق أوهامي الطوتني [/grade]

[أبو أحمد]

يا سلام على الحلنقى و كلامو الجميل

[الدغري]

شكرا على الجهد الرائع

الحلنقي رجل مسكون بالابداع