العزابة ورمضان لينا الله وعيشة السوق

[رءوف]

اولا جاء رمضان وكل سنة وانتم طيبين
ياجماعة رمضان كلنا بنحبه لكن والله العظيم انا يامن اتذكر رمضان جاء والشغل والطبيخ والجوع والعطش بقول ووووووووب وتاني وووووووب وسجمن نحنا العزابة والله لينا الماعرسنا هسع فى السودان تلقى امك تقول يابت بليتى الزريعة وجبتى البهارات وريحة الحاجات دى بتاعة رمضان انا بتعمل لى زغللة فى عويناتى ديل . يعنى نسوى شنو وقدر ماحاولت اخلى اجازتى تكون فى رمضان تجى الاجازة شهر ستة اوخمسة وقت القلاية الشدييييييييييدة ديك والكتاحة الشديييييييييييييييييييدة ديك فى السودان مافى واحد يقدم لينا من تجربة سابقة نسوى شنو
لفة
ياربى نعرس ولا شنو لكن نعرس كيف مع الجكس الداير الشيلة بى كم مابعرفو داك ولازم بيت وانا تكل ماعندى ولازم عربية ووووووووو وتانى وووووووب علينا

[عمار ود الشرفه]

الله ليك يا رءوف .. اديك خلفيه الان من قلب الجزيره ..
طبعن رمضان هنا في عز الخريف .. بمعني .. الرزاز بعد المطره .. الجو قبل المطره .. النوم في الحوش عادي الساعه 2 pm ..
لكن في مشكله وااااااااااااحده .... الزباب

[sf77rm]

الله يعينكم والله العزوبية دي حاجة صعبة خلاص

[زوزو الجامعي]

هههههههه
الله يعينكم

[رءوف]

ود الشرفة يالذيذ
شكرا لمرورك واعتذر عن التاخير فى الرد طبعا ياخى الجزيرة دى نعمة من نعم الله على اهل السودان وهى بدون مطر جميلة فما بالك لم اجيها المطر والله بزيدها حلا ياخى اسعلنى الله هنا الان درجة الحرارة 48 بس كتر خير المكيفات كان ماهن كان الريحة تجيب الطاشى(طبعا ماريحتى انا) المهم ربنا يدينا الصبر بس بينى وبينك فطور المساجد السنة دى محمدنا كان مافى ناس عزمونا لانى بصراحة مابعرف اطبخ البصلة دى

[رءوف]

هههههههه
الله يعينكم

زوزو الجامعى

شكرا لمرورك ومشاركتك التى اسعدتنى ياخى كان تواسينى وتقول لى اشاءالله بتعرس وتخلص من العزوبية دى وتجى من الشغل وتلقى المدام منتظراك عند الباب وريحة الاكل مالية البيت طبعا اكيد انا مرتى ريحتها بتختلف عن ريحة النسوان الايام دى لم يطبخو طبعا ريحتها براها حلللللللللللللللللللللللوة انا زعلان منك عشان ضحكت على ولازم تقول لى حاجة حلوة انسى بيها الزعل دة

[رءوف]

الله يعينكم والله العزوبية دي حاجة صعبة خلاص

اخوى st77rm

شاكر ومقدر لك مرورك وزى ماقلت العزوبية دى صعبة شديد يعنى نحنا بقن علينا اتنين عزوبية وغربة يعنى ميتة وخراب ديار تخيل تجى من الشغل شايل هم الاكل وايه فى رمضان يعنى روحك طالعة
ياخى انا كان عرست بس عشان الاكل وبس ....... اخ ياخى نسيت عشان الغسيل والمكوة............. أخ نسيت عشان نظافة البيت وووووووووالخ
ياخى شكرا ليك وانشارالله ايامك فى الغيبات

[زوزو الجامعي]

هههههههه
طيب اخوي الله يعرس ليك مرتين
وتفتح الباب تلاقيهم الاتنين في وجهك وريحة الاكل ماليه البيت ووحده تأكلك والتاني تشربك
يقولو ليك امر وادلل حبيبنا

[رءوف]

ياجماعة ليه نحنا بقينا بندخل القروش ونحشره فى كل شى ليه نسينا اصلنا وفصلنا وبقينا بس ننظر ونشحط عيونا فوق العندو قروش طبعا ماكلنا لكن الاغلبية يعنى هسع لوراتبك بسيط واتقدمت لى واحدة يقولو ليك انت راتبك كم طيب هم عيزين واحد يعرس بتهم ولا عاوزين الراتب طيب القروش بدون راجل شن طعمها

المهم لو فى واحدة عايزة تنتحر (قصدى تتجوز) انا جاهز بس ماعندى قروش
لكين والله العظيم راجل جنس رجالة يابت اكان ختيتينى فى الجرح ده ابرا
علم (جامعى) وادب واخلاق وكرم وشهامة وكمان وسيم بصورة عجيبة وجعلى
اهة قلتو شنو

[sf77rm]

هههههههههههههههههاي الله يعينك والله يا رؤف لكن بت بدون قروش هنا الله اعلم بتلقاها ,,,,ربنا يعينك بس

[قمر الليالي]

داير تعرس اسمع نصيحتي
ما عليك الى الفلوس المدكنها دي تشيلها وتطلع بيها لاول مكتب تشتري تذكره للهند وتسافر
واول وحده تلقاها ما مرتبطه ولا متزوجه اخطبها طوالي طبعا هناك المهر بتدفعو البت شيل المهر وابدا بيه حياتك
جيبها هنا وشغلها في مقصف مدرسه وخلو الحياه تكافليه بينكم
صدقني وما حتندم

[احساس الكون]

عاوز عروس من غير فلوس وفى عمر كم انشاءالله

عندى ليك عروس بعمر 45 كيف وعنده فلوس

تقبل مروري

تحياتى

[waya]

ياجماعة ليه نحنا بقينا بندخل القروش ونحشره فى كل شى ليه نسينا اصلنا وفصلنا وبقينا بس ننظر ونشحط عيونا فوق العندو قروش طبعا ماكلنا لكن الاغلبية يعنى هسع لوراتبك بسيط واتقدمت لى واحدة يقولو ليك انت راتبك كم طيب هم عيزين واحد يعرس بتهم ولا عاوزين الراتب طيب القروش بدون راجل شن طعمها

المهم لو فى واحدة عايزة تنتحر (قصدى تتجوز) انا جاهز بس ماعندى قروش
لكين والله العظيم راجل جنس رجالة يابت اكان ختيتينى فى الجرح ده ابرا
علم (جامعى) وادب واخلاق وكرم وشهامة وكمان وسيم بصورة عجيبة وجعلى
اهة قلتو شنو

[grade="00008B FF6347 008000 4B0082"]راتبك كم ..!؟
عشان اديك بتي ... اللسه ما عرست أمها ,,






تصدق سألوني نفس السؤال !! [/grade]

[اللقيد]

نصيحتي ليك عرس القرووووش أول

[بسمة الحياة]

ههههههههه

يعني للدرجة دي العرس صعب
احسن حاجة تسمع كلام قمر الليالي

ولا اقول ليك اقعد بدون عرس احسن ليك عايز شنو بالعرس و وجع الراس

[شوتال]

المواصفات القلتها دي كويسة

لو في واحدة دايرة السترة

المشكلة تطلع لية واحدة ترجعك للقراية تاني

بعاتي بعاتي بعاتي


بس ما كلهلن في السمحات

اتمني تلقي ليك واحدة هدية ورضية وغنية .







تخريمة : عندي واحد قريبي مشي جابها من الهند والله زي العسل بس لسة ما اتعلمت العربي

[الأسير22]

بدون قروش دي إلا تكون بايرة بورة شينة



أكل الدهر عليها وشرب



المشكلة البلد ملانة معنسات وبرضو يقولو ليك راتبك كم



لكن برضو موش لازم يطمئنو على مستقبل بتهم




مامكن تطلع من فقر ابوها لي فقر راجلا



فقر في فقر

[ميمي السودانية]

ياجماعة ليه نحنا بقينا بندخل القروش ونحشره فى كل شى ليه نسينا اصلنا وفصلنا وبقينا بس ننظر ونشحط عيونا فوق العندو قروش طبعا ماكلنا لكن الاغلبية يعنى هسع لوراتبك بسيط واتقدمت لى واحدة يقولو ليك انت راتبك كم طيب هم عيزين واحد يعرس بتهم ولا عاوزين الراتب طيب القروش بدون راجل شن طعمها

المهم لو فى واحدة عايزة تنتحر (قصدى تتجوز) انا جاهز بس ماعندى قروش
لكين والله العظيم راجل جنس رجالة يابت اكان ختيتينى فى الجرح ده ابرا
علم (جامعى) وادب واخلاق وكرم وشهامة وكمان وسيم بصورة عجيبة وجعلى
اهة قلتو شنو

انته عارف يارءوف في الزمن ده القروش بقت اهم من الراجل
ولازم اهل البت يطمنوا على بتهم وانها تعيش حياه سعيدة وما ينقصة اي شي
وماشاء الله عليك انت راجل جامعي وادب واخلاق وسييييييييييييييييييييييييييم وجعلي يا سلام عليك ما ناقصك شي غير حبت قريشااااااات

[رءوف]

هههههههههههههههههاي الله يعينك والله يا رؤف لكن بت بدون قروش هنا الله اعلم بتلقاها ,,,,ربنا يعينك بس

حبيبى st77
بالاول انا متشكر مرورك واسف على تاخير الرد وياخى الله يعيننا كلنا بس الحل شنو مع البنات المزعمطات ديل

انا شايف رد كتير وحارق قلبى كدى خلينى النرد على البنوت ديل
تصدق فى بنات هزاونى بردهم لكين انا بسكت اصبر لى

[رءوف]

داير تعرس اسمع نصيحتي
ما عليك الى الفلوس المدكنها دي تشيلها وتطلع بيها لاول مكتب تشتري تذكره للهند وتسافر
واول وحده تلقاها ما مرتبطه ولا متزوجه اخطبها طوالي طبعا هناك المهر بتدفعو البت شيل المهر وابدا بيه حياتك
جيبها هنا وشغلها في مقصف مدرسه وخلو الحياه تكافليه بينكم
صدقني وما حتندم

قمر الليالى ياخى كيف حالك

قلبى فاير عليك جنس فورة والله اكان كنتى جمبى كنت عضيتك فوق رويسك دة يابت دة رد شنو دة انا امشى اعرس فى الهند طيب قولى مشيت وعرست فى الهند كان المرة امها ماتت اسوق امى وابوى واخواتى واقطع ليهم تذكرة ليييييييييييي نيودلهى عشان ادو نسابتى الفاتحة ولا شنو يعنى قصدك؟؟؟؟؟
وانتى يابت اظنك ماعرفتينى كويس قلت ليك انا جعلى كيفن دايرة مرتى تشتغل والناس اشوفوها ولا القاها واحد شعرو مسبسب ويخطفها منى واروح انا فى شربة مية بعد القروش الدفعتهات دى كلها

لفة
شكرا ليك لكين عندك جنس لسان بري بري من لسانك
لفة تانى

مالن الهنديات يايمة ملانات شعر مش زى ناس كدة طبعا انت عارفة ولا احدسك