احمر واصفر كتب:ليك حق تطير من الفرح لانك دوما معتمد على غيرك وهذا ما جعلك تعيش وضع اكثر من ماساوى قرابة الثمانون عاما وانت راجى غيرك يفرحك , يا لفداحة الكارثه ويا لقلة الطموح ويا لصغر النفس ,
مكتب التعاقدات بتاعك دى طلع بيه مدرب خليه جاهز لكامبوس اولا ول كالديرون ثانيا ,
طالما هو من الكرنتينه فهو بالتاكيد اقرب للاعبين مثل الدعيع وكده
[align=center]خمسه مواسم الدوري عندي ومتتاليه وانت موصف عينيك
سيكافا خليناها ليك برضو طلعت وصيف
هلال 97 بقى كلو اساسي عندك (بقيت ضل)
وهسي انحنا بنتكلم في هلال مريخ انا ماعارف الحارق رزتك من الاتحاد شنو
كل شويه ناطي لي اتحاد جدة وماعارف نور وماعارف كالديرون
بعدين الدعيع مالو ما افضل من ابو سبعه (رأصني يجدع)
الدعيع ثابت ...... واكرم هو الي هزازي[/align]
طبعاً مقدرين غياب أخوانا المريخاب بعد الفضيحة الجديدة
وبدون زعل ، وبدون ما تفكيركم يمشي لبعيد ، دي ما شماتة
فقط حبينا نتكلم على السريع كدة عن المباراة وبعض (الملاحيظ:D ) بطريقة جادة شوية
أولاً بالتبادي، وللتذكير إنو المنافسة شريفة وما عندها أي علاقة بالوطنية أو عدم الوطنية
فالفريقان الهلال والمريخ مشاركين في البطولة الأفريقية ، وكلٌ يحق له تشجيع فريقه
والتمني بإحراز نتائج طيبة وكدة
والدليل على ذلك انو المريخ مقدم شكوى منذ المباراة الأولى ضد قرينه الهلال لدى الكاف
متهماً الهلال بالتزوير ... أبداً ما في مشكلة منافسة مشروعة والحشاش يملا شبكتو
لذا نرجو الهدوء وتفهم انتمائنا الصريح للهلال ، كما نتفهم انتمائكم الصريح للمريخ
ثانياً ، في محاولة شخصية للوقوف على بعض الأخطاء التي لازمت المريخ في مباراة الأمس
أكرم الهادي دة ياخوانا ما تاب من الخروج من المرمى، يعني خلاص نسى الهدف من أبعد
من دائرة السنتر في مباراة الوحدات.
الهدف الأول تقدم أكرم الهادي سهَّل كتير جداً من مهمة المهاجم ، فلم يفعل المهاجم
- بعد اكتشافه لأكرم خارج الشبكة أقصد خارج مرماه -
سوى رفع الكورة بكل هدوء لتستقر هي الأخرى بكل هدوء في الشباك.
طبعاً بي تحت تحت - سمعنا جماهير المريخ طالبت بشطب أكرم الهادي.
ما زال المريخ ينتظر من وارغو الهدف الذي من أجله دُفع مقابله بخمس ملايين دولار
وأصر مازدا انو يبقي على وارغو في التشكيلة وما يبدلوا مع انو حركته كانت سيئة
وما دايرة ليها مدرب خبير. ليه؟!!! ما عارفين، يمكن عشان يخلصوا الخمسة ملايين دولار
عبد الحميد السعودي ، وما أدراك ما عبد الحميد السعودي
كم أتحسر على هذا اللاعب في المريخ ووجوده الشبه الدائم في دكة البدلاء
في حين انو لما يشارك هدفو يكاد مضمون
ويكفي انو في مباراة واحدة في الممتاز سجل ما لم يسجلو كلتشي ولا وارغو
بظني الخاص المريخ ما عايز عبد الحميد السعودي،
فقط مسجلو وبيجدد ليهو عشان ما يمشي الهلال
طيب وقت هو مخيف ، ما تشركوه في المباريات .... ولا شنو؟!!!!!
كلمة حق كريم الدافي ، اللاعب المغربي مكسب كبير جداً ، لو كان واحد بس
من باقي تشكيلة المريخ زيو كان الوضع اختلف تماماً.
ريتشارد ، اتكلمنا كتير عنو ، ريتشارد كان فعل ماضي ومن الموسم الفات
وضح انو خلاص (كورتو فكت) ووجب عليه الاعتزال ، وكذلك العجب -برأيي الشخصي-
أما إصرار المريخ على تسجيله مع عدم قانونية ذلك، والإلحاح على الاتحاد بالتحايل على القانون
لتسجيله ، حتى تحقق لهم ذلك ،
دة موضوع خطير وح يكلف المريخ كتير، وحذاري من مشاركته في مباراة القمة الجاية
التحكيم ، نعم التحكيم تحامل على المريخ
لكن الحديث عن التحكيم بقا ما مفيد، لأن ظلم التحكيم أصبح جزءً من المباراة
وأخطاء التحكيم المقصودة وغير المقصودة لا تؤثر في نتائج المباريات
دة أصبح كلام ثابت ولا جدل حوله وغير مفيد.
كل الفرق بتتعرض أحياناً لظلم التحكيم وأحياناً أخرى لتحيز التحكيم لمصلحتها
فبات من المؤكد ، العمل على كسب المباريات بغض النظر عن ظلم التحكيم
بس كدة كفاية ، إذا في حد عندو تعليق ، ألف مرحب نسمع ، على العين والراس
وإذا ما في حد عندو تعليق كمان ، خير وبركة مافي عوجات
مع إني وطني .. لكن بحب أشاهد مبارياتنا مع الفرق الأخرى عشان الوطنية وكده ..لكن ما في فايدة .. ما عرفنا العيب مننا نحن المشجعين وألا الاداريين وألا الللعيبة نفسهم ..
المريخ مكانه الليق وقبل كده كلمناهم انه دوري الابطال كبيرة عليهم
بقوا يتفاصحوا اها ورونا فصاحتكم ويطولوا لسانهم .
اظن انو النقطة اليتيمة دي حتفضل حتى النهايه مع الوصيف
ما مشكله اتفرجوا فينا واتعلموا الدروس كويس عشان السنوات القادمة
تستفيدوا .
وشكرا
ahmede كتب:المريخ مكانه الليق وقبل كده كلمناهم انه دوري الابطال كبيرة عليهم
بقوا يتفاصحوا اها ورونا فصاحتكم ويطولوا لسانهم .
اظن انو النقطة اليتيمة دي حتفضل حتى النهايه مع الوصيف
ما مشكله اتفرجوا فينا واتعلموا الدروس كويس عشان السنوات القادمة
تستفيدوا .
وشكرا
والله يا معتز ما حسيت باي شماتة في كلامك بالعكس كلام عقلاني واغلبو صاح
بس ياخي في اتنين هلالاب عليهم جنس شماتة واحمدي تانيهم عارف اولهم مش
بس في غيرو
مصصصصععععب
امال الناس كتب:يااخي معتز برضو بعد ده كله مش شماتة والله انا ما بشمت في المريخ لكن للاسف حاجة مولمة بكت جمال الوالي وخلته يتلفظ بانه المريخ مش جدير .
أختنا [fot1]امال الناس[/fot1]
أول حاجة هلا بيك هنا ، وتاني حاجة والله شككتيني في كلامي وخليتيني أعيد النظر تاني
كلامي دة مالو ؟!!!
بصراحة فيهو شوية شماتة ، حبة بس:D
وهي مطلوبة عشان الخاسر يحاول يبعد عن الخسارة تاني
عموماً الكورة (مدورة) يوم ليك ويوم عليك، ومش الكورة بس ، الحياة كلها كدة
أما جمال الوالي يبكي، دي ما عارف عنها حاجة إلا هنا،
واحنا عايزين المغلوب يتحمل ويحتفظ بالرد على (الشُمات) في يوم من الأيام
يعني فكروا في سمسار ود الحداد دة 
رد: نتائج مباريات بطولة الممتاز 2009م
غيب وتعال تلقانا نحن يانا نحن (للصفوة) ... مناكفة حرة ومشروعة
