هوووى مشيتو وين؟؟؟

[مها]

يا ناس مالكم مشيتو وين الليله مافى حيويه بتحضروا لى رمضان ولا خايفين من هسى
اتحركوا شويه
طيب نعمل حاجه كده
انا ماعارفه اخر زول فى الصفحه دى منو بس بقول ليه انا من صفاك مسحور اول زول يدخل بعدى يكتب لى لبعدوا اتحركواشويه

[~Amal~]

هههههههههههههههه
والله قاعدين بس عدم موضوع ساي

كل عام وانتو بالف خير ربنا يسلمكم ويسمنكم

[مها]

يسلمنا ممكن لكن يسمنا حرام عليك اكتر من كده

كل سنه وانتى طيبه تصومى وتفطرى على خير

[فارماس]

مشينا الكدرو نجيب كوارع

[~Amal~]

هههههههه
غايتو انا من البيت ماطالعة نهائي عندنا ساونا برة

[قمر الليالي]

قاعده الف في السمبوسه

[مها]

يافارماس بتجى بى شمبات جيب لينا معاك شويه

كل عام وانت بالف خير وربنا يحقق امانيك

وانتى يا حلوة مامرقتى من البيت تلقيك اخر جرس فضيتى مويه الثلاجه كلها

[مها]

اختى قمر الليالى شكرا جزيلا على المرور

كل سنه وانتى طيبه رمضان كريم ربنا يحقق الامانى وتكونى قمر لكل الليالى


طبعا نحن ناس كسرة وعصيده مافى طريقه تتعمل من بدرى

[ملاك الورد]

[color=0000FF]مشيت انا للعياده اجيب مشمش عشان ملاح الحلو مر
خلاص انا مخي شطب قبل ما يدخل رمضان
[/color]

[بسمة الحياة]

رمضان كريم
نحن قاعدين

[مها]

اختى ملاك الورد شكرا على المرور
يديك الصحه والعافيه رمضان كريم
وكل سنه وانتى طيبه

انا متجرسه لكن ماقدرك انتى جرسك تجرس

[مها]

اهليـيييييييييييييييييين بسمه كل عام وانتى بالف الف خير
رمضان كريم تصومى وتفطرى على خير

ربنا يخليك دائما بسمـــــــــــــــــــــــــــــــــــــــه

[ود الزوحي]

انا غايتو .. خاتي لي جك ملياااااان موية .. وكل شوية بقة بقتين .. الله يعدي يوم بكرة ده على خير

[ملاك الورد]

اختى ملاك الورد شكرا على المرور
يديك الصحه والعافيه رمضان كريم
وكل سنه وانتى طيبه

انا متجرسه لكن ماقدرك انتى جرسك تجرس

ههههههههههههه
و الله يا مها بس ربنا يعدي يوم بكرة على خير
و كل سنه و انت طيبه
رمضان كريم

[ادهم]

انا قاعد اتعلم من كتاب ابله نظيره
ولحد هسه مافى حاجه عايزه تنجح معاى
غايتو السنه الجايه مابصوم بدون عرس

[زوزو الجامعي]

قاااااااااااااعدين بس رحت افطر وجي
والحمدلله اول يوم عدى بسلام عقبال باقي الايام

[ميمي السودانية]

انا قاعد اتعلم من كتاب ابله نظيره
ولحد هسه مافى حاجه عايزه تنجح معاى
غايتو السنه الجايه مابصوم بدون عرس

[ميمي السودانية]

[glow=FFFF66]والله قاعدين ومستنين اول يوم في رمضان بفارغ الصبر
ورمضان كريم
تحياااتي[/glow]

[صلاح العجباني]

هههههههه
غايتو انا من البيت ماطالعة نهائي عندنا ساونا برة

انتو نظامك زي هنا والله الساونه ارحم

و كل سنه وانتو طيبين

والله اشتقنا للسمبووسه و الحاجات دي اكيد قمر الليالي عازمانا سمبوسه

انتي بتلفيها و ما بتعزمي :D

[مها]

اعزائى الكرام
ادهم ود الزوحى ميمى صلاح العجبانى زوزو الجامعى ملاك الورد

اشكركم جدا على المرور

وبتمنى ربنا يكرمنا دائما وابدا بذلك التواصل الرائع وان نظل اخوه واصدقاء الى الابد

كل سنه وانتم فى اتم صحه وعافيه
رمضان كريم