من روائع مختار دفع الله

[ندى البيلسان]

[align=center]رســـــــــــــــــــالة
عينيــــــــــــــك
والليل والضريح

فى البدايه

وقبلما تبدى القرايه

داير اقولك لو سمحتى

بدعو ليك الله الهدايه

***

تبقى بخرات فى ضياعى

وتبقى فر سروحى المحايه

تبقى فى ليحان عواطفى

زى عمار شايله الدوايه

وابقى ياروحى ومنايا

صوت فى عز الليل يرتل

فى الخلاوى آيه

آيه

***

فى البدايه...

ابقى فى لحظات جنوحى

كلمة استغفار وتوبه

زى تعاويذ قالا شيخنا

ورددت كلماته نوبه

***

وابقى زى روح جدى

لامن للفريضة تشيلا حوبه

وابقى زى ابريق حوارنا

زى دعاوى بقولا جارنا

وابقى فى حطب الخلاوى

ضيّنا..وابقيلنا نارنا

***

وابقى زى سر الطريقة

وصوت مؤذن فى الدغش

مدحة بتردد صداها

وتطرب الناس الغبش



***

وابقى دعوات الحجيج

ابقى لى درويشنا حلقه

وابقى فى صمته الضجيج

وابقى زى تبروقة ابويا

ابقى لىَّ ركوه وشرافه

ابقى فى صبحى الحقيقه

***

وزيدى فى ليلى المسافه

وطمنى القلب الرهيف

وانزعى الشكل والخرافه

***

وابقى يا ست الهدايه

ابقى لىَّ من البدايه

غمرة الهاشميه فينى

وفرحه مالاقت نهايه

***

السراى...السراى

بسيمتك زى برق ضواى

انفاسك بخور تيمان

تعطر ديمه فى جواى

بمجد فى جميل رسمك

عظمة الخالق السواى

بردد فى حروف اسمك

محطة نشوتى وسلواى

بشوفك فى عيون سفرى

بحسك ديمة راحلة معاى



السراى...السراى

عينيك لمعان القبب

نور الرتاين فى الضريح

دعوات نشيلا مع الدغش

تفرج همومنا ونستريح

***

زى حبتين من مسبحه

ونديهة الزول الجريح

مقطع يهز فى كل زول

وقتين بنغرق فى المديح

***

السراى...السراى

عينيكى زى بيرق بيان

واقفه على نص الخلا

وكرامه لى حيران علم

عرافة ديمه بنسألا

وبليله فى محل الجمع

زاد لى حياتنا واولا

***

عينيكى زى جامع الفريق

وقتين بتجمعنا الصلا

عينيكى تقابة المسيد

دعوات نشيلا فى كل عيد

شهر الصيام وقتين يهل

والفرحه بالعيد السعيد

***

السراى...السراى

عينيكى زى سبحة يسر

زى دعوه من امى ونضر

درويش يغازل جبته

فى ايدو عكاز السدر

***

زى التراويح والقنوت

زى الشفع...زى الوتر

حوليه فى ذكر النبى

فيها القليب طربان سكر

***

وانا بيها فى وقت السحور

درويش على ساحة ذكر

عينيكى زى راتب امام

حاوى العلم...حاوى الفكر

عينيكى يا خلوة صافى
[/align]

[فارس الرومانسية]

مختار دفع الله
بالتأكيد من
عمالقه شعراء بلادى
ندى
لك التحيه

[ندى البيلسان]

شكراً فارس على مرورك .. جزاك الله خيراً

[ام صبا]

مختار شاعر مجيد وكل كلماته جميله
ومعبره وجد انا احبه كتير وياريت يا ندى
لو تكتبى لينا من شعره كتير ونكون شاكرين

[ندى البيلسان]

مختار شاعر مجيد وكل كلماته جميله
ومعبره وجد انا احبه كتير وياريت يا ندى
لو تكتبى لينا من شعره كتير ونكون شاكرين

شكرا على مرورك يا أم صبا وبالجد لمختار دفع مجموعة من القصائد الجميلة وبإذن الله سأجتهد لكتابتها

[ندى البيلسان]

أنا يا بلد
انا يا بلد مرسوم على خاطر الزمان والاندهاش

وانا شلت احزان الفراش

لما الرشاش

حرم الخدار ريحة الدعاش

يا بلد ساعة الشمس بى نورا

تفقع فى الجروف

بتلاشى من عمقى الكلام

تدينوهو فى داخلى الحروف





شلت الضياع تيبان غتا

احزانى كيفن اكتبا

وانا يا بلد قلبى الولوف

لو جرحه داك فى يوم صحا

وعدّن سنينى المفرحه

وصِبحت بعيدة مروحه





ايامى فاتن روحن

واقف على باب الحزن

والشوق مسافر يا بلد




وزاده فى سفره الطويل

أنَّة وجع

وانا خاطرى

لو فى يوم رجع

وحمامنا بى لحن السنين

دندن سجع

طرفى المساهر يا بلد

فى النوم هجع



بكتب على كل البيوت

احرف غناى

وارسم على كل الدروب

لهفة خطاى

واضحك براى

انا زى ولد

هام فوق ترابك

يا بلد

مليون حبابك

يا بلد



وانا يا بلد

رغم الجراح

رغم النَّواح

لابس تياب العز وشاح



فى قولى كم بسمت ورود

طلاها بعد الليل صباح

وانا بيه كم خليت قلوب

عاشت على امل السماح

***

وانا يا بلد

رغم المشاوير والخطى

الدايره فى فلك الرتابه

شلت من عمرى الفرح

قسمته للناس الغلابه

غنيتو بى صوتى الحنين

عطرت انفاس الربابه




ولمحت صورتك فى الجداول

يوم تبالغ فى انسيابه

وهتفت فى كل الغيوم

الراحله فوق ارضك حبابه




وكتبت فيك يا السمحه

لامن فيكى كملت الكتابه

أنا يا بلد

مرسوس على خاطر الزمان والاندهاش

وانا شلت احزان الفراش

لما الرشاش

حرم الخدار ريحة الدعاش

[ندى البيلسان]

تاني جيتك

شايل معاى ندى الحروف

بهجة عصافير الجروف

تانى جيتك كان اشوف

كل الامانى الفى الفؤاد

يا غالى بى قربك تطوف



تانى جيتك

بعد الضياع بعد المحن..بعد الودار

بعد السنين الخاليه من لون الخدار

انا تانى جيتك وفى الفؤاد

احساس بحن لكل دار

حنينو مرسوم فى العيون

فى كل ضحكات الصغار



تانى جيتك

شايل معاى طيبة الصباح

شايل معاى أمل السنين

ناسى القبيل من عمرى راح

ناسى الضياع الكان زمن

مدسوس بتاور فى الجراح

والليلة جيت بى كل ود

طالب الرضا وطالب السماح

[ندى البيلسان]

العام مضي

ايامو راحت وانقضى
لا عشت فى ليلو البراح
لا ضقت يوم طعم الرضا
وانا لسه تايه يا جميل
زى ضو نجميات فى الفضا



العام مضى
العام مضى وروح سريع
وانا لسه يا زولى الوديع
لا رشة فى ارضى الخريف
لا طلَّ واحاتى الربيع
لكنى متفائل معاك
آمالى لا يمكن تضيع



العام مضى
العام مضى وروح هوى
وانا يا جميل مفتون هوى
سافرت فى دربك زمن
اختانى فى ريدك نوى
واشواقى لى طيفك بحت
نتلاقى فى الاحلام سوا

[ودعازة]

أسجل إعتراف خجل بأنى أول مرة أقرأ للشاعر مختار دفع الله..
وأسجل إعتراف وقح بأن كثير وكثير من المبدعون ببلادى يمضون دون أن نعرفهم لغباء إعلامنا..
أختى ندى شكرا لك لتبصيرى بأحد الشعراء الجميلين جمال نيلنا العظيم..
شاعر معبر ومصور لتصاوير ممتنعةوإن خلناها سهلة..فأسلوبه ليس السهل الممتنع بل الممتنع السهل بعبقريته.. أراهو خرج من رحم البساطة وصور كل الوان البساطة. بفكر سلس وتعبير أكثر سلاسة.
له ولكى التحية و الشكر ،،،

[ابورزقه]

بعض عمرك ما لم تعشه
وما لم تمته
ومالم تقله
وما لا يقال
وبعض حقائق عصرك
أنك عصر من الكلمات
وأنك مستغرق في الخيال.

[عاشقة توتيل]

[align=center]وصوني ليك،،

الزهور الشايله منك

روعة اللون والاثاره

والقمارى الراجعه بسراع

لى دياره ولى صغاره

والجروف المن عيونك

كان خداره وازدهاره

وصونى ليك وقالوا لىَّ

ابقى عشره على الاميره

خلى بالك لى عيونها

وابتساماته المثيره

ولو سرح خاطر صباحك

وعدى فى ليل الضفيره

ابقى اكتب للوسامه

ولى حلاوة الابتسامه

وادعو يا الله السلامه

تبقى ما الرحله الاخيره

ويوم تهوم فى عيونا

فى ضجيجا وفى سكونا

يستحيل يخطر فى بالك

يوم تخونا

ويبقى فى عينيك سكونا

وكل احلاما الكبيره

وصونى ليك

البنفسج فى ربيعو

لا اخون فى يوم هواكى

لا زهر ريدك ابيعو

والامانى الفى عيونك

يستحيل فى يوم يضيعو

حتى لو راحت سنينى

وعمرى ما صادف ربيعو

وصونى ليك

وقالوا فى عز الوصية

خلى بالك للبنيه

الكلاما رقيق وحانى

زى نسايماً موسميه

**

وهى الوقت تضحك بتضحك

رعشة الشوق النديه

وهى اللى بيها عمرنا اصبح

دنيا حالمة وسرمديه

وهى اللى ساكنه مع الخواطر

وبرضو نشتاق ليها هى

***

وصونى ليك

الفراشات الانيقه

واحرف الشوق الرقيقه

والزهور الفى الحديقة

وصتنى ليك

وهى بتسلم عليك

والوصيه المنى ليك

خلى بالك لى عينيك

اصلى مشتاق ليها جداً

والغريبه معاى عيونك

يوم يشيلن

ويوم يودن
،،،،



مشكوره ياندى،،[/align][/u][/size]

[ندى البيلسان]

[glow=CCCCCC]أخوتي ود عازة وأبو رزقة والعزيزة عاشقة توتيل

لحضوركم المميز وقع خاص في نفسي وسعيدة بهذه الإطلالة

فـــ[/glow]

[مها]

اختى ندى قصائد جميله شكرا ليك
وياريت ماتبخلى علينا بالمذيد

[waya]

الشاعر مختار دفع الله
[grade="00008B FF6347 008000 4B0082"]
تــاني كاتب لي خبارك ؟!
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
***
ويبقى ردى على جوابك
يا جميل الرجعه لا...لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***
والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
.... وكنت برضو....!!
ممكن أهديك نور عيونى
شان عيونك منّى يرضو...!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك
وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك[/grade]

تشكراتي يا ندى يا روعة

[ندى البيلسان]

الشاعر مختار دفع الله
[grade="00008B FF6347 008000 4B0082"]
تــاني كاتب لي خبارك ؟!
انتَ قَايْل انّهُ لِسَّه
قَلبىِ تايهُ في مَدَارَكْ
دِىِ الدِيَارُ خَلْيتَها ذَاتَها
لَمَّاَ ضَاقت بَىْ ديارك
والبعاد الشايفو قاسى
ما زمان كان باختيارك
انت فاكر بنسى جُرحك
جيت تنمق فى اعتذارك
لما رحت تجور عليا
ورحت ابعد عن مسارك
تانى كاتب لى خبارك
***
الجواب الجاى منك
عندى صار ماليهو قيمه
والهوى الكان بينى بينك
عدى بالشوق والهزيمة
وهسَّه لمّا طريت هوايا
وقصة الذكرى الأليمه
جاى تانى عشان تعاود
للحكايات القديمة
***
ويبقى ردى على جوابك
يا جميل الرجعه لا...لا..
كونى ارجع ليك تانى
ألف مليون استحاله
ما الفراق انت البديته
يوم حرمت الروّح وصالا
وانت عارف البادىء أظلم
وايه لُزوم يعنى الرساله
***
والكلام الفى جوابك
كان بيعدِّى على زمان
قبلما تغدر عيونك
وقبلما يخونى الزمان
انت قايل قلبى بنسى
فترة الذّل والهوان
لا..لا..لا..لا
دىِ الكرامه العِندى أغلى
من عيونك والحنان
***
انت قايل انى ممكن
ليك أرجع تانى مرة
لا..لا..لا..لا
دَا الجرح ممّا استمر
لو حصل طيفك غشانى
ومرة في ذاكرتى مره
ببدا ينزف تانى مره
وتانى مرة وتانى مّره
يا حليل أيام عيونك
كان بتلهمنى المسره
***
أصْلُو كان خادعنى لونك
والبريق الفى عيونك
والكلام القلتو ليّا
كان بيخدع فينى زيفو
والجُرح في قلبي نوسر
وديمه زايد في نزيفو
.... وكنت برضو....!!
ممكن أهديك نور عيونى
شان عيونك منّى يرضو...!!
وأصلى حاسس طول سنينى
إنو أشواقى وحنينى
نقطة الضُعف الى فينى
***
الاّ هَسّه
إنت أنسى..
وحقو تنسى
إنو كان بيناتنا قصه
واصلو ماتعشم عيونك
انى بهواك انت لسَّه
***
انت لو فاكرنى بحزن
شان فراقك او جفاك
تبقى موهوم في عواطفك
اصلو قلبى زمان نساك
وابتديت انساهُ ليلكْ
والسنين الرّاحو ديلك
وانسى جور كُل الاماسى
الفيها كم قاسيتو ويلك
وانت لو فاكرنى بحزن
شان فراقك يا حليلك
يا حليلك..يا حليلك[/grade]

تشكراتي يا ندى يا روعة

[glow=CCCCCC]

ياأقماراً تطلع كل مساءٍ من نافذةِ الكلماتِ

كم كانَ كبيراً حظي حينَ عثرتُ عليكِم

جزيل الشكر لحروفكم الندية باذخة العطاء ومساهمتهم الملئية بالجمالِ والروعة

[/glow]

[الهنوف]

[محمد سليمان]

تسلمي ياندي
اسمح لي ابدي اعجابي بقلمك وتميزك واسلوبك الراقي وتالقك

[نجم السعد]

ابداااااااااااااااااااااااااااااااااااااع

[ندى البيلسان]

الإخوة مها ـ دلع الهنوف ـ محمد سليمان

شكرا على المرور ... سعدت كثيرت بتواجدكم النديّ على صفحاتي

...

[ابوهديل]

[quote="عاشقة توتيل"][align=center]
وصوني ليك،،

الزهور الشايله منك

روعة اللون والاثاره

والقمارى الراجعه بسراع

لى دياره ولى صغاره

والجروف المن عيونك

كان خداره وازدهاره

وصونى ليك وقالوا لىَّ

ابقى عشره على الاميره

خلى بالك لى عيونها

وابتساماته المثيره

ولو سرح خاطر صباحك

وعدى فى ليل الضفيره

ابقى اكتب للوسامه

ولى حلاوة الابتسامه

وادعو يا الله السلامه

تبقى ما الرحله الاخيره

ويوم تهوم فى عيونا

فى ضجيجا وفى سكونا

يستحيل يخطر فى بالك

يوم تخونا

ويبقى فى عينيك سكونا

وكل احلاما الكبيره

وصونى ليك

البنفسج فى ربيعو

لا اخون فى يوم هواكى

لا زهر ريدك ابيعو

والامانى الفى عيونك

يستحيل فى يوم يضيعو

حتى لو راحت سنينى

وعمرى ما صادف ربيعو

وصونى ليك

وقالوا فى عز الوصية

خلى بالك للبنيه

الكلاما رقيق وحانى

زى نسايماً موسميه

**

وهى الوقت تضحك بتضحك

رعشة الشوق النديه

وهى اللى بيها عمرنا اصبح

دنيا حالمة وسرمديه

وهى اللى ساكنه مع الخواطر

وبرضو نشتاق ليها هى

***

وصونى ليك

الفراشات الانيقه

واحرف الشوق الرقيقه

والزهور الفى الحديقة

وصتنى ليك

وهى بتسلم عليك

والوصيه المنى ليك

خلى بالك لى عينيك

اصلى مشتاق ليها جداً

والغريبه معاى عيونك

يوم يشيلن

ويوم يودن
،،،،
الله يوفقك