أفيدكم أننى اتصل يومياً ثلاثة مرات على الاخ أمجد الطيب وحتى هذة اللحظة لم يرد علىّ (لعل المانع خيراً) وكنت قد وعدتكم بنقل أخبار الهلال من الدوحة (حارة وسريعة) ولكن !!!!!! واليكم هذا المسدار بدلاً عن الاخبار :
شوف الهلال فى الدوحة كم أبدع
وجمهورو انبسط أتسلى وأتجدع
كواريزما الرهيب فى عرضو كيف بدّع
وفى الدورى المحلى هلالنا اتربع
هذة القصيدة وجدتها غير مسجلة فى البوست وموضوعها مباراة الهلال الاولى يوم 8.4 .2007 مع بطل نيجيريا (ناساروا) فى نيجيرها والتى انتهت بفوز ناساروا 3 .صفر
مهمه صعبة
صعبت مهامك يالهلال
هزيمه قاسيه لامحال
الخصم باين أنو جاهز للنزال
ونحنا منتظرين قريب رد السجال
الجوله لسع والباقى لسع فى النصال
لو ركّز الاعبين بقوة وبى نضال
ممكن نحقق نصر أكبر بى قوة الحى ذى الجلال
عودنا أبطال الهلال أن يتركو اللين والدلال
وعرفنا من أيام (محلة) فى المستديرة لا محال
************************************
أهداف وفيرة كالمطر تنزل على الخصم العنيد
ريكاردو يدرك للخطر والخطة فى الضغط المكثف والشديد
جماهبرنا كالسيل إنهمر تهتف نجومنا حديد حديد
يصبح الخصم لقمة سايغة بالانتصار يصبح ربوعنا كلو عيد
وهلالنا كلو يكون مشمّر وعمر هلالنا عمر مديد
وهلالنا كلو يكون مشمر وعمر هلالنا عمر مديد
وفى مباراة الرد فى امدرمان يوم السبت 21. ابريل 2007 قدم الهلال أروع مباراة وهزم ناساروا 3.صفر وفاز بركلات الترجيح وهزم كل تصريحات المدرب النيجيرى المشهور (أموكاشى) صاحب الاهداف الساحرة مع منتخب نيجيريا فى كأس العالم واولمبياد الولايات المتحدة 1994 عندما هزمت نيجيريا البرازيل والارجنتين وفازت بالميدالية الذهبية
بدر السبوع
عمّ الفرح فى كل جموع وهلالنا كان بدر السبوع
روض لخصمو وأرهقو وأمطر شباكو بكل نوع
,افرح لكل سودانى من امة (محمد) وافرح اتباع اليسوع
العرض كان فى أمدر مكان الحانو عذبة كالربوع
وزّع بطاقات الفرح وأصبح شعارو على الشيوع
رغم المهمة الصعبة اكثرنا الدعاء فى كل سجود فى كل ركوع
والمولى أدانا أستجابة دايماً دعانا مع الخشوع
********************************************
كان الاداء فى روعتو تشجيع فريد رفع الهلال من سمعتو
(أموكاشى) صرّح وأنهزم شافهو جاريات دمعتو
بعد الى شافو من الشريف نجم النجوم فى روعتو
بعد التلاتة وقف بعيد لملم جراحو وحسرتو
أدوهو كم درس بالكعب ماصان دفاعو وثغرتو
فرح الجميع بالانتصار وأخوان هلال فى ربوعنا غنو وزغرتو
فرح الجميع بالانتصار وأخوان هلال فى ربوعنا غنو وزغرتو
ماشــــــــــاء الــــلــــه عــــلــى
الــكـــلـــمـــا ت الجمــــيـــلــة
والله مشكووووور كتير
والله بدون اى مجامل
اللقصيدة حلوة
وتليق بالمقام
ياخ بشرى مبارك
وانتمى ليك المزيد
بعد أن تأهل الهلال بالفوز على أول أغسطس الانجولى بالفوز علية فى إستاد المريخ الرايع 2.صفر بعد أن أنتهت المباراة الاولى فى لواندا بفوز أول أعسطس 3. 1 وكانت المباراة يوم الاحد 3 مايو وبالامس تأهل المريخ ومن نفس الاستاد الرايع تأهل الهلال ونسأل الله (ان تفرقهم القرعة وتجمعهم فى النهائى إن شاء الله ) وقد كتبت قصيدة مواصلاً للقصيدة الاولى والى القصيدة :
أتحفنا ده الرايع الغزال
وأمبيلى قال الكلمة قال
هدفين تمام شدو النصال
ما قالو تب ما ظن محال
وسطنا فى ميدانو جال
كاريكا إنت علينا فال
دفاعنا كارب لعبو عال
وهجومنا أحرز هدفو نال
مجموعة أسيادة الهلال
نشرب ونشرب من زلال
والفرحة عمت كل شمال
والجنوب فى مريدى كال
وبالفرح والابتهاج مريخ هلال
بالفرح والابتهاج مريخ هلال
الاخ ودالطيب الاخ والقاضى والاخ سيف الدين خير الله الذى لم يرد على سلامى الذى أرسلتة له من محطة الرمل بالاسكندرية وسوف أحوله للاخ عبد الرافع الطيب عسى أن يصله من السقاى ربما كان له وقع أحن من وقع (الهلالابى من بون ) والمسدار لكل أهل المريخ .
وذى ما عودنا هو المريخ دايماً.... كاتب التأريخ
داخل للتمانية صريح ....... رايع أنت يا المريخ
بى عرضاً جميل تصحيجح فخخ خصمو جد تفخيخ
دفاع ما بعرف التنبية ...... وسط ماعايز التوبيخ
حتى أساهم وانا فى بون رغم البون حتى اساهم فى رفع معنويات أهل الهلال لاعبين وإدارة وأقطاب ومشجعين وجمهور متعطش وحتى الوطنيين من المريخاب وغيرهم والذين لاشك يقفون معنا اليوم رأيت أن اكتب هذه القصيدة وسوف اسعى ان تصل مقاطعها الاولى الى الجماهير فى الاستاد حتى ترددها بلحن الراحل مصطفى سيد احمد (والله نحنا مع الطيور المابتعرف ليها خرطة ولا فى ايده جواز سفر ) والان الى القصيدة :
إيدى فى أيدك إيدى فى إيدك نشجع
يلا نحنا مع الهجوم المابيعرف ليهو وقفة
وكلو كاسح .... مرة باصة ومرة عكسة
وفن أصيل ..ذى منزول وديم وعباس هو جكسا
يا هلال الموجو كاسح فيهوشرقة وطعمو فرحة
أحرز الهدف المبكر جمهورو صاحى ومافى سرحة
دفاع مكرّب مافى غفلة كتابو .... كتابو صفحة
فرمل الخصم العنبد..... كبحو ..كبحو كبحة
والوسط ياسيدا وزّع أوعة أوعة تخطى أوعة أوعة
الجناح فرفار خطير .... مرة كورنر فى ثانية لمحة
والهجوم يطلق مدافع ...... مدافع فيها لوعة
والهدف من بدرى لازم ... وبالفرح حانبكى دمعة
مامهم لو نبكى فرحة وألف فرحة وتانى فرحة
وما بنقيف من دون نشجع ..... أصلو برهة
عودنا أخوان سيدا باصة ... باصة وديمة سمحة
وكم هدف والخصم تاية ..... تاية جاتو قُرحة
*************************
*************************
يلا يا تشجيع يا راقى ياراقى ... ما بنقيف
قبل ما يبدأ يبدأ اللعب .... أبدع يا سيف
أهدافك الرايعة .... الرايعة العجيبة ورينا كيف؟؟؟؟؟
مرة بالرأس .. ومرة صاروخ يا عمر ود الجريف
قبل ما يبدأ اللقاء كتبت شعرى كتبت شعرى للحريف
وإن شاء الله منصورين تلاتة منصورين تلاتة يالطيف
وبالفرح نمرق نغنى رحلة عصافير رحلة عصافير الخريف
فى موسم الشوق الحلو ... ويالهلال يالهلال إنت الظريف
وللنهائى نكون هناك نكون هناك إنت ما إنت الحليف
معروف هناك فى كل ديار فى كل ديار صيف أو خريف
معروف بتزرع للفرح ... وتزرع الفرح النضيف
أمواجك الدايماً بتكسح دايماً بتكسح هدو قيف هدو قيف
أمواجك الدايماً بتكسح دايماً بتكسح هدو قيف هدو قيف
اقسم بالله العظيم سمعت الان الساعة 11.14 دقيقة فى الفضائية السودانية مقطع مصطفى سيد أحمد الذى كتبة فى بداية هذة القصيدة (والله نحنا مع الطيور المابتعرف ليها خرطة ولا فى إيدة جواز سفر أيدى فى إيدك نغنى ) والان تشدو روضة الحاج شعراً قوافل خيمة الاوطان !!!!!
شوف المريخ ... فى كمبالا كيف أتقدّم
وهدّف وجاب هدف وللخصم بهدل قزّم
أيداهور خطير خلى ... الجمبع إترنمّ
والاداء كان مطمئن جمهورنا نام مااتبرمّ
ونام الكل سعيد... وماسمعنا واحد حرّم
عقبال الهلال ....... نوّر علينا الظّلم
وندخل للثمانية .. مريخ هلال كيف علّم
المريخ علم منو الفرق ........ تتألم
وسمعتو كيف تزيد ... والجميع إتكلم
بى أحلى العروض بى أيدو صافح وسلم
بالامس رجعت للارشيف الشعرى السابق وأستخرجت أبيات من الشعر كنت قد ذكرت فيها الراحل الدكتور عبد الحليم محمد الذى فارق دنيانا قبل ثلاثة أيام ونسأل الله أن يكون قبرة روضة من رياض الجنة وان يرحمة ويدخله الجنة مع الصديقين والشهداء وكتبت اليوم الاثنين 20 ابريل هذه القصيدة ناعياً له وإلى القصيدة :
عبد الحليم دكتور قدير فى الطب علم
المؤتمر كان من حضورو ورق قلم
كتب البنود ... لى إتحاد كرة القدم
أهدى لى أفريقيا مجد .. من العدم
أصبح منار.. هو الفخار والمحترم
كل مانشوف من الصور نلقى أبتسم
ما ظنو عرف ظلم ...أو يوم ظلم
أفريقيا حزنت وكم بكت من الالم
سودان حزين أعلن حداد أوقف نغم
الرحمة ليك بالمولى خففت الالم
الرحمة ليك بالمولى خففت الالم
يارب أرحم وأنت أرحم من رحم
يارب أرحم وأنت أرحم من رحم
د.حليم كتب البنود *** و نجحنا في كل امتحان
لكن تناسينا العهود ***و اصبحينا ما في كل لسان
و الليلة راجعين في صمود *** بي عروض جميلة و عمل بيان
و الليلة راجعين في صمود *** بي عروض جميلة و عمل بيان
رائد شرطة معاش
بشرى مبارك ادريس
السكرتير الثقافي و الرياضي و الاعلامي
للجالية السودانية /بون
هذه قصيدة للمريخ بعد فوزة على الشليف الجزائرى 3 صفر
