لا يوجد عنوان واضح !!

[مجدى عكاشه]

السادة اعضاء وزوار منتدى انا سودانى ..

انا فى ( ورطــه ) ..

اخش فى الموضوع طوالى ..

تمت دعوتى لى برنامج تلفذيونى يدعى ( ساعة شباب ) فى الحقيقة انا ماعارفو فى النيل الازرق ولا التلفذيون السودان القومى ( والله اعلم يكون قومى ) المهم .. الموضوع بخصوص اوقات الفراغ او امكانية تشغيل الفراغ لدى الشباب .. فارغ سلبى وفراغ ايجابى .. والطرح بيبدأ من نقطة الشباب وينتهى عند الشباب ..

صراحة انا ( اتخلعتة ) يعنى الواحد ما عندو الامكانية الخطابية البتخليهو يتلكم قدام التلفذيون فى نفس الوقت من زمان الواحد كان بيتخيل نفسو بيتكلم فى التلفذيون ويقول كلام مليااااااااااااااااان .. لمن تجى اللحظة بيجى التوتر ومنها بيتمسح كل الموجود فى الراس ..

المهم ..

جانى تلفون قبيل بيبلغنى بالشمار دة .. انا اتكبكبتة جدا وطوالى لبست وطلعت مشيت سكيت ( الشمار ) لقيت المصيبة انو النقل هوائى ما ( تسجيل ) والمصيبة التانية انى واحد من ( الاساسييين فى البرنامج ) والصراحة انى راسى فاااااااضى فى اللحظة دى وتحديدآ فى الموضوع دة وفى لحظة الهوائى وفى ناس حتكون مشركة ليك فى البرنامج زاتو !!؟

قلت يا ولد مافى غير الشباب هنا يشاركوك الكبكبة دى وكان انا دقستة وقلت كلام كيف كيف دة حيكون كلامكم انتو ههه .. وكان طلعت مية مية معناتا فعلآ الود دة مشترك فى منتدى انا سودانى .. عشان كدة يخوانا ادعمو اخوكم بى محاور جيدة ونبدا النقاش فى النقطة دى ونبدأ بى ظاهرة ( راس السنة ) ونشوف هل نحن كشباب وكعلبية حالية فى المجتمع وصلنا لى مرحلة ممكن تكون اشبه بالعقلانية ولا لسة نحن مجموعة مراهقة فى منتصف العشرينات وما بعد المنتصف !! واتمنى جدا ان النقاش دة اشيلو معاى بهناك مع العلم انو بكرة الخميس فى اجتماع مع السيد المقدم للبرنامج .. وعشان اكون نزيه اتجاه المنتدى والحوار العام .. الهدف من الموضوع شخصى فى نفس الوقت ظاهرة حقيقة تحتاج الوصول الى نهاية .. وحقيقة ثابتة ..


عزرآ جدا اذا اطلتة لكن دى ( الكبكبة ) ما اكتر ولا اقل

[بنت سدن دن]

والله أنا ما فهمت ولا كلمة من اللي قلته ده.

[ابن الخطاب]

ساعة شباب بيجي يوم السبت 8 مساء بتوقيت السودان على الفضائية السودانية

أنا مخصوص حأحضر حلقة بكرة عشان أشوفك وأشوف كبكبتك دي يا مجدي

وما تفضحنا مع الناس

[مجدى عكاشه]

بنت سدن ..
ابن الخطاب دة ما رجل خارق شديد .. ابن الخطاب دة فهمنى لكن رد على رد بهناااك كدة ههه على اى حال يا ابن الخطاب الخطة اتغيرت ههه عشان انا لو كنت لسة فى الخطة كان جيت كوركت فيكم .. كيف تخلو الموضوع دة يطول كدة ,,


الحصل كالاتى يا عزيزى ..

فعلآ البرنامج فى ملحو يوم السبت الساعة 8 مساء .. بس اخوك داقى جرس الف .. اتغيرنا من اساسيين لى مشتركين فى الكنبة الورااا هه يعنى حيكون عندنا مداخلات فى الموضوع بس بشكل جماعى مافردى .. وما معروف الحيحصل شنو بس خليك واقف ..

[عاشقة محمود عبد العزيز]

الأخ مجدي عكاشه والله بنتمنى ليك التوفيق ولو ماكنت صاحب عقل مليان بالأفكار
ماكانت قدمت ليك الدعوه وأهم حاجه انك تكون ريلاكس وتنسى تسليط الضوء عليك
وخليك كأنك بتحاور زملائك أو ناس بتعرفهم أنسيى فكرة تلفزيون وكاميرات
رغم اني ماخضه التجربه لكن بعتقد لو ده كان احساسك حتبتعد عن الكبكبه نهائيا
وخليك واثق في أفكارك وآراءك يعني ماتدينا فكره وغيرك ينتقضه تقوم تغير فكرتك
بناءا على انتقاض غيرك ليك زي ما كتير بنشوف...
أنا بعتبر أنو في رأس السنه الجديده الناس بتحب انها تحتفل وأنو يصاحبها شعور بالساعده
و الرضى لاستقبال العام الجديد فربما يكون هو فال الخير الذي سيجلب كل الأحداث الجميله
و السعيده في هذا العام الجديد ...
لامانع من أنو الناس تلتقى و تحتفل وتعبر عن سعادتها بهذا العام الجديد ولكن بطريقه مهذبه ومهندمه
والابتعاد عن التصرفات الصبيانيه وفي رأي كل مايحدث في شارع المطار هو تقليد للهرج و المرج
الذي نشاهده في بلدان الغرب وطريقة احتفالاتهم وأكبر دليل أنو منذو سنوات وقبل أن يغزو الديجيتل المنازل
كانت الاحتفالات بهذه المناسبه في اطار ضيق يضم الأهل و الجيران و الأصدقاء واحتفال بسيط يقام
في أحد المنازل وفي انتظار ال 12 حتى يقوم الجميع باطفاء الشمعه و تقديم المباركات و التهاني و الامنيات الجميله ...
اما اذا كان رأيك مع ما يحدث ليلة رأس السنه فاعتبرني وجهة نظر مضاده ليك

وبالتوفيق وح ننتظر البرنامج ابن الخطاب ماقصر في الدعايه للبرنامج

[عاشقة محمود عبد العزيز]

يعني تعبتنا ساي يا مجدي مامشكله ياسيدي ما خساره فيك

[مجدى عكاشه]

هههههه تسلمى يا ستى

لكن اتحولنا للمشاركين عن بعد داخل الاستديو والحمد الله

والله ماتتخيلى انا مبسوط كيف من الحاجة الحصلت دى .. على اى حال نحن بكرة ما شين وقاعدين جوه الاستديو وتاكلين وحنشوف الحاصل شنو ..

اما بخصوص الحوار يا ستى .. راس السنة والهرج والمرج البيحصل فيهو دة انا معاهو مية مية .. عارفة لى .. !!

مافى وسائل ترفيه او تفريغ او ترويح فى السودان او الخرطوم .. بالاضافة لى ان الطبيعة العندنا هنا بقت عايزة امكانيات مستحيلة حبتين .. باعتبار ان الترفية العندنا ماشاء الله يعنى .. يا عشاء مع الشباب .. يا كتشينة فى بيت فلان .. يا كورة فى ميدان ناس علان .. يا ونسة شمارات فى الشيشة بليل .. يا رحلة للبيتش بتاع برى ولا جبل اولياء او الشيخ الياقوت ولا واحدة من المزارع الفى الجريف او سوبا .. فى النهاية صور مكررة ولازم تكون بى رحلة ..

عشان الواحد يطلع براهو ولا مع الشباب فى النهاية محتاج تجهيزات .. لو قلنا نتمشى ساكت فى شارع المطار عشان نصل شارع المطار بنحسب الرجعة منو قبل ما نمشيهو !!؟ يعنى ما تتخيلى الوضع كيف بالاضافة انو ليلة راس السنة من المستحيل انى اشيل جريدة واقراها .. واشوف مرة ( الشركة اختلفو ) ( الشركة اتصالحو ) ( الشركة مسافرين شهر عسل ) لى يعنى برانا سياسيآ منهارين حتى اوقات السعادة بتعتى اشرب شاى واقرى جريدة ..

طيب لو قلنا يا ستى نكون ناس هاديين حبتين .. هل قعدة فى نجيلة المطار او برى او امدرمان او المقرن ممكن تغير جو مع العلم انو كمية البشر الهناك بتخليكى تتشاكلى فى شبر عشان تقعدى فيهو !!؟

غايتو ماعارف اقول شنو بس الوسائل والامكانيات غير متاحة لينا سواء كنا شباب او اسر او عاذبين ..!!

[ابن الخطاب]

ليه كدة يامجدي

كنت حأسجلوا وأنزلوا في اليوتيوب وأخلى الأعضاء يجوا يشوفوك

لكن خيرها في غيرها


وأنا متفق معاك في موضوع الإمكانيات

[مجدى عكاشه]

والله يا شاب قول حمد الله انت ههههههه

بعدين من جمالى يعنى ولا وجاهتى القاطعة يا ابن الخطاب عشان تنزلنى فى اليوتيوب .. ياراجل هههه

على اى حال ماشين الاستديو وربك يهون بس ما اساسييين .. ودة بجد خبر جميل ما تتخيل الوضع فى البلد ديك عامل كيف .. بعدين اول ما ارجع من هناك تأكد انى حنزل بوست عن الموضوع الهناك ومدى شفافية المتحدثين والمقدمين للبرنامج ..

[شمس الغربه]

يا عشاء مع الشباب .. يا كتشينة فى بيت فلان .. يا كورة فى ميدان ناس علان .. يا ونسة شمارات فى الشيشة بليل .. يا رحلة للبيتش بتاع برى ولا جبل اولياء او الشيخ الياقوت ولا واحدة من المزارع الفى الجريف او سوبا ..

السلام عليكم ورحمة الله وبركاته
أخي الكريم / مجدي عكاشه ......


أولا نأسف جدا لتأخر تفاعلنا ، لكن الحمدلله زي ماقلت ربك ستر ، رغم انك مامحتاج لي آرائنا وانت حتكون قدرها .

ثانيا بصراحه أخوي مجدي بالغت الفسح دي كلها وبرضو مافي أمكانيات !! يعني الممكن كلو
الا يمكن عاوز تطلع القمر سياحه ....:D !!
ليه كمية الأحباط دي ربما تكون بتتكلم عن حال شبابنا هناك عامة لكن هذا لايبرر اطلاقا طريقة الأحتفال بالسنه الجديده وأيضا مابحل الوضع من عطاله وضياع أحلام والطموح وضغوطات ووو...الخ.

ليه دايما نلجأ (للمكروه )ليه ماننظر للموجود بين أعيننا كما قلت رحلات تنزه زيارات عائليه تكوين كمية من الصداقات ، أعلم أن التجديد شيء ضروري ويحي الحياة وبفك رتاتبتها وروتينها لكن أضل من أشياء دخيله على مجتمعنا وعلى ديننا مرفوضه بتاتا ، يعني بعد شويه ( الله يستر) شوارع الخرطوم حتلبس أحمر في عيد الحب ...!!




عموما كلنا ان شاء الله حنتابعك بكره
واتمنا ليك التوفيق دنيا وآخره
كن بخير وبارك الله فيك
تحياتي وتقديري

[ام الانبياء]

انت.. مامحتاج لي آرائنا
وانشالله حتكون قدرها.

[صلاح يحيى سليمان]

الاخ مجدى

مشكلة الكبكبه فى الكلام مشكلة عدد كبير فينا نحن السودانين....واسبابه معروفة....كمثال التربية ...او طبيعتنا السودانية ..الخجولة....البساطه.... والتانئ
بعض الشعوب تبالغ بالمقارنة بنا ...يتحدثون فى كل شئ...حتى ولو كلام ..خارم بارم...بدون خجل او كبكبة
ودى كمان ما دايرنها لينا.....العالم اليوم يتغير يوميا من حولنا....وعلينا بتغير انفسنا واسلوبنا ...ولكن
لنتمسك بخلقنا ...وبساطتنا...وسودانيتنا.......!!!
المعادلة صعبة...!

وشكرا

[ودالدرديري]

مجدي عكاشة

((( يعني الواحد ممكن يمشي لى جبل كرري ويطلع فوووق ويصل القمة ويصرخ بأعلى صوت وو... )))
ياولدنا ابدعت تماماً في الحتة دي وفي الحتات التانية

عارف ..
الناس ديل ماكانوا عارفين موضوعهم شنو
وياريت لوكان ختوك قدام بدل أخونا داك

يديك العافية


ولييييييييييييي قداااااااااااااااام









و...............الباقي على الله

[مجدى عكاشه]

السلام عليكم ورحمة الله وبركاته
أخي الكريم / مجدي عكاشه ......


أولا نأسف جدا لتأخر تفاعلنا ، لكن الحمدلله زي ماقلت ربك ستر ، رغم انك مامحتاج لي آرائنا وانت حتكون قدرها .

ثانيا بصراحه أخوي مجدي بالغت الفسح دي كلها وبرضو مافي أمكانيات !! يعني الممكن كلو
الا يمكن عاوز تطلع القمر سياحه ....:D !!
ليه كمية الأحباط دي ربما تكون بتتكلم عن حال شبابنا هناك عامة لكن هذا لايبرر اطلاقا طريقة الأحتفال بالسنه الجديده وأيضا مابحل الوضع من عطاله وضياع أحلام والطموح وضغوطات ووو...الخ.

ليه دايما نلجأ (للمكروه )ليه ماننظر للموجود بين أعيننا كما قلت رحلات تنزه زيارات عائليه تكوين كمية من الصداقات ، أعلم أن التجديد شيء ضروري ويحي الحياة وبفك رتاتبتها وروتينها لكن أضل من أشياء دخيله على مجتمعنا وعلى ديننا مرفوضه بتاتا ، يعني بعد شويه ( الله يستر) شوارع الخرطوم حتلبس أحمر في عيد الحب ...!!




عموما كلنا ان شاء الله حنتابعك بكره
واتمنا ليك التوفيق دنيا وآخره
كن بخير وبارك الله فيك
تحياتي وتقديري

اولآ تحياتى وكل عام وانتم بخير ..
بعدين يا ستى الموضوع مشى والحمد الله ههه يعنى الامور نسبيآ كانت كويسة .. لكن المشكلة بقت فى توصيل المفهوم والصراحة الزمن بتاع الحلقة على زمن الموضوع على السادة المناقشين ماكان بالامكان الناس تطلع بى حاجة .. واللزيز فى الموضوع اننا بعد ما اختلفنا جوه طلعنا برة واتعشينا وواصلنا حوارنا والصراحة الحوار اتقلب من الخارج الى الداخل اى بمعنى اننا ناقشنا الناس الكانو جوه واسلوبهم فى الطرح وامكانياتهم وهل هم كانو جديرين بى توصيل المفهوم ولا لا ..

بعيدآ من الصخب وتغير الموضوع .. صراحة يا انسة الوضع عندنا هنا ما اماكن ولا حتات كتيرة الوضع الامكانيات الموجدة .. يعنى تخيلى فى اماكن فى السودان ممكن تزوريها خيرة جدا وحاجة ما تخلص يعنى كان مشيتى الشمالية كدة رحلة صيد صدقينى ما حترجعى لأنك ممكن تنزلى فى بربر منطقة ( الشرام ) فى مزرعة على البحر .. وتتحركى من هناك صلاة الصبح وتقدى ليكى جبل من الجبال الهناك .. وتمشى تلقى غزال حايم وتجرى وراهو والله اعلم تصيبيهو ولا لا .. وتانى يوم تركبى اللنش وتنزلى الموية وتبدى فى الطيور المهاجرة او طير ( الوزين ) تتذكرى مسلسل الاطفال بتاع ( نلز ) زمان هههه بس ياهو انتى تحت ماسكة البندقية وهم طايرين يا قاعدين بياكلو فى السمك .. فى دى من شمال السودان بس اما كان مشينا الغرب عندك ( جبل مرة ) فما فى داعى اتكلم لانى حتكلم كدة للصباح ..

فأنا متفق معاكى لكن الاختلاف فى اننا بقينا ما قدرين نبدع على المستوى الترفيهى بتاعنا فكيف حنبدع فى حياتنا العملية وكيف حيكون عندنا القدرة على الحراك طالما فى شخصيات الشغل بتاعها وحاصل تحصيلها النقد السلبى والغير مجدى ..!!

[مجدى عكاشه]

انت.. مامحتاج لي آرائنا
وانشالله حتكون قدرها.

ياستى والامور مشت والحمد الله .. وغايتو الله ما ضراااك .. وتسلمى شديد على المجاملة الرائعة منك دى ..

[مجدى عكاشه]

الاخ مجدى

مشكلة الكبكبه فى الكلام مشكلة عدد كبير فينا نحن السودانين....واسبابه معروفة....كمثال التربية ...او طبيعتنا السودانية ..الخجولة....البساطه.... والتانئ
بعض الشعوب تبالغ بالمقارنة بنا ...يتحدثون فى كل شئ...حتى ولو كلام ..خارم بارم...بدون خجل او كبكبة
ودى كمان ما دايرنها لينا.....العالم اليوم يتغير يوميا من حولنا....وعلينا بتغير انفسنا واسلوبنا ...ولكن
لنتمسك بخلقنا ...وبساطتنا...وسودانيتنا.......!!!
المعادلة صعبة...!

وشكرا

السيد المشرف العام .

تخيل اننا شعب ممكن ننظر لى دولة وامه وحكومة وقارة كاملة وراء الكواليس .. لكن امام الشاشة لو أتسألنا 1+1 = ؟؟ صدقنى حنفكر فى الحساب ونتذكر الاستاذة زمان قالت شنو فى النقطة دى .. وماعرف احتمال نخضعها لى وضع فلسفى هههه وصدقنى كلو وارد .. أسأل مجرب يا مدير !!!

على اى حال اول مرة دايمآ بتكون كدة والتغير احيانآ مهم تحديدآ فى الحاجات النادرة الذى دى ..

وتسلم على المداخلة جدا يا رائع ..

[مجدى عكاشه]

مجدي عكاشة

((( يعني الواحد ممكن يمشي لى جبل كرري ويطلع فوووق ويصل القمة ويصرخ بأعلى صوت وو... )))
ياولدنا ابدعت تماماً في الحتة دي وفي الحتات التانية

عارف ..
الناس ديل ماكانوا عارفين موضوعهم شنو
وياريت لوكان ختوك قدام بدل أخونا داك

يديك العافية


ولييييييييييييي قداااااااااااااااام









و...............الباقي على الله

العزيز جدا ود الدرديرى .

مرحب يك يا زول وشوق شديد جدا ..
والله يا صديق اسعدتنى جدا كلماتك بأعتبار انك كنت متابع الحلقة .. وصراحة كنت محتاج راى واضح اتجاه الحلقة عشان فى نقاط للاسف ما مشينا فيها نسبة للزمن الضيق .. على اى حال فى منتدى او جمعية او رابطة متواجدة فى دار التلفذيون .. وعندها تقريبآ نشاط يوم الخميس بخصوص الحاجات دى وحاجات تانية ..
يعنى ممكن يكون نشاط ثقافى واجتماعى .. فلو ما عندك مانع حاول تعال الساعة 11 التلفذيون فى قاعة جوه ممكن يوصفوها ليك فيها الكلام دة .. او ممكن تلقانى انا زاتى دبيب بهناك ههه .. المهم تسلم كتير على المتابعة والمشاركة يا صديق وربنا يقدرنا على جمايلكم ..!

تحياتى

[ودالدرديري]

العزيز جدا ود الدرديرى .

مرحب يك يا زول وشوق شديد جدا ..
والله يا صديق اسعدتنى جدا كلماتك بأعتبار انك كنت متابع الحلقة .. وصراحة كنت محتاج راى واضح اتجاه الحلقة عشان فى نقاط للاسف ما مشينا فيها نسبة للزمن الضيق .. على اى حال فى منتدى او جمعية او رابطة متواجدة فى دار التلفذيون .. وعندها تقريبآ نشاط يوم الخميس بخصوص الحاجات دى وحاجات تانية ..
يعنى ممكن يكون نشاط ثقافى واجتماعى .. فلو ما عندك مانع حاول تعال الساعة 11 التلفذيون فى قاعة جوه ممكن يوصفوها ليك فيها الكلام دة .. او ممكن تلقانى انا زاتى دبيب بهناك ههه .. المهم تسلم كتير على المتابعة والمشاركة يا صديق وربنا يقدرنا على جمايلكم ..!

تحياتى

الغالي مجدي

أحييك اولاً على الصراحة والوضوح والموضوعية الواقعية والكانت (بدون تحيز) الملموسة في كلامك أثناء الحلقة بعكس الباقيين - وبالذات القاعدين معاك - واللي كان هدفهم ترويج لفكر معين ماعندو علاقة بالموضوع.

وبعدين في حاجة تانية :
نحن يامان الشعب الوحيد في العالم اللي بإمكانو يصنع الفرح حتى في بيت البكاء والجنازة مارقة في الباب
لكن مواهبنا دي مابتطلع إلا تلقائياً بمعنى إننا لما نقعد ونخطط ليها وندرسا ونطلع ليها ميزانية وزمن محدد ونختار ناس يشاركونا فيها ونجهز ليها إحتياجات وحاجات تانية حامياني ... صدقني مابنطلع بي نتيجة وفي النهاية بنلغي الفكرة أو ننسحب بهدوء وبعد نبتعد عن المكان نبدأ نسب ونسخط ونلعن في الحظ البريء مننا براءة الذئب من دم إبن يعقوب عليه السلام.
إذن الإشكالية فينا نحن ما في فلان الما جهز لينا كدا ولا علان الماجاب معاهو كدا ولا فرتكان الماخطط كويس ولا الكانو خاتينو قدام وعامل لينا فيها مدرس تربية إسلامية.
إحترمت كلامك جداً في حتة فلان من الكلاكلة وفلان من كوستي و مجدي من كافوري وكل الفلانات ديك لما يتلاقو في رأس السنة في طريق المطار( في اللحظة دي بالذات أنا وقفت إنتباهـ وبكل إحترام صفقت لكلامك دا وكأني بسمع في وردي ) لأنو دا الفهم بتاع الوطنية الجد جد بغض النظر عن رششان الموية أو تكسير البيض أو تبويظ القمصان ..... والناس ديل كان مفروض ينطلقوا من الإشارة دي لأنك ختيتا واااضحة لكن البركة في شكسبير.
المهم ياعزيزي لك كامل التحايا وآسف على الإطالة لكن البوست يستاهل وكم تمنيت أن أكون داخل خريطة الوطن الشامخ رغم العملاء والكبير رغم أنف الماراضيين عشان كنت حأكون حاضر قبل ماتجي زاتو وألاقيك في البوابة لكن الجايات أكتر وبرضو أتمنى نتلاقى في ساعة خير.

أبقى طيب


وليييييييييييييييي قداااااااااااااااااااام









و................الباقي على الله

[مجدى عكاشه]

صدقنى .. لكان اجدر بى الزمن انو يرجع مرة بدل ما يمشى وما يرجع ..

[ابراهيم الجيو]

مجدي عكاشــــــــــــــــــة,,,,,









أبدعت,,,,,,,,,



بتاعات كرري دي عجبتني بالجد :079:


ود الدرديري ,,, تنقش لي شمارك,,,,,

بغض النظر عن موضوع الحلقة,,,,


أحيي فيك أسلوب حوارك,, وعدم اعتمداك ع التصنعية أمام الكاميرا,,,