سر الكرسى

[احمد يس]

المقصود هنا هو كرسى المنصب او السلطة................. قعدت اسأل نفسى ببساطتى المعروفة عنى فى شنو فى الكرسى ده المخلى القاعدين عليهو متمسكين بيهو
طبعا انا اقصد اصحاب المناصب وعلى رأسهم السادة الحكام
فيهم من يعدل الدستور عشان يمدد فترات الترشيح لمدة جديدة
فيهم من يعدل الدستور بمادة جديدة لتبيح الحكم مدى الحياة
فيهم من يقف ويحلف ويقسم بانه لن يفعل ولكنه فى النهاية يرضخ للارادة الشعبية !!!!!!!!
فيهم من يعادى كل العالم لانه لو رضخ لقرارات الشرعية الدولية تانى يوم حيكون فى الشارع

ياترى السر فى الكرسى والا فى الصمغ المستخدم فى تثبيتهم عليه

[هتان]

اخي احمد يس
شي طبيعي انا المرء اذا جرب العز لن يرضي بما هو دون ذلك
فما بالك بالحكام
انا نفسي الان انا طالب بجامعه السودان
لو جاني واحد قال لي يا هتان انا احسن منك و حقو تديني مقعدك في الجامعه
تتصور ردي حيكون كيف
ده علي نطاق صغير
لو كبرنا المثال لحدي ما وصلناه الرئاسة مثلا ....................... كمل السيناريو

[احمد يس]

الاخ هتان
شكرا للمشاركة
السينايو يختلف تماما عن المثال الذى طرحته..... مكانك فى الجامعة هو حق لك نتيجة لجهد 12 سنة من الدراسة والسهر والتعب وهو حق شخصى لك
ام المنصب الرئاسى مثلا هو منصب عام وليس حق لاحد الا من يريده الشعب...........
انا اعتقد ان السر فى نوعية الصمغ اللى بيختوه على الكرسى واغلب الظن انه ( صمغ عربى )

[Still I Need U]

[align=justify]في حكام وفي ناس كتار جدا مبتلين بكراسي السلطة ،، وفي حكام كتار جدا الي الآن ما حابين يخلو الكرسي ده ،، عندهم مفاهيم كتيرة جدا ومتعدده النواحي ،، بالمناسبة اغلبيتهم مريضين بحب السلطة لا يقدمون ولا يخلو الطريق امامهم لغيرهم حتي يضيفو ،،

موضوعك جميل يا حمد ،،
لي استمرارية معك تقبل مروري[/align]

[احمد يس]

الاخ صهيب
الاخ ستيل

استغربت جدا لمروركم من هنا .........لان الموضوع قديم ويعتبر من اقدم مواضيعى فى المنتدى
الحقيقة الزول بيستغرب على تمسك الناس بالمناصب.............. وزى ما بيقول اخوانا المصريين
العز وز والفقر نغنغة............... ربنا يشفيهم جميعا

[حزن السنين]

و الله يا ود ياسين شي مؤسف انوا الواحد يستغل السلطة في اي حاجة ضد القيم و المبادي
و الاعراف و حب السلطة مرض نفسي ...!!! و الله شي مؤسف حقيقة ...!!!

[احمد يس]

عزيزى حزن السنين

الحقيقة شىء مؤسف ما يحدث فى وطننا العربى الكبير.................
لا يوجد من يسلم السلطة سلميا....................اللهم اذا استثنينا الرئيس سوار الدهب
اما ان يغتال الرئيس حتى يقتنع بترك السلطة
اما ان يتوفاه الله
وحتى من توفاه الله كان بطريقة او بأخرى قد اعد اولاده لوراثتها........

[صلاح يحيى سليمان]

ده الحاصل عند العرب...وما حايتغير.
سوار الدهب ...يمثل التميز السودانى.....!
النكتر من تميزاتنا حتى يتعلم من الاخرين.

مع تحياتى

[ود القبائل]

الله يكيفنا شر الكراسي الزي دي

[Suhaib]

قل للماضي ،،،،ارجع ،،،،

[احمد يس]

صهيب

على رأى ام كلثوم " عايزنا نرجع زى زمان ...... قول للزمان ارجع يا زمان "

شنو الفكرك بالكرسى وسره ................. ؟

[سودانية نار]

الملاحظ
انو بدايات القاعد في الكرسي بتكون شكل
و في الوسط بتاخذ شكل اخر
وفي النهاية بتنتهي بشكل غير تماما

التاريخ ..... واقف بالمرصاد بيسجل

وعلي اليمين والشمال
برضو في تسجيل
والله يستر من تسجيل الشمال ..... بوصل طوالي النار

[الخال]

الاخ احمد يس / لقد سالت انت سؤال (ياترى السر فى الكرسى والا فى الصمغ المستخدم فى تثبيتهم عليه) .

شوف يابوحميد : شوف ليك واحد ( واديه بس 100 الف جنيه ) ، خليه بس يفتح ليك باب الشارع الصباح وانت طالع ويقول ليك ( مع السلامه ياسعادتك ) ، ولما ترجع من الشغل يقول ليك نفس الشئ .
وانا متاكد انك حتلقى الاجابه .

يا احمد ياخوى الناس ديل الواحد بتمشى قدامو عربيه ووراهو عربيه ، ده غير المراااااااااااح الفى البيت .

تقول لى صمغ !!!!!!

انواع الصمغ ماكتيييييييييييييييييييير ياوجيه .

بس ربك يسهل الامور...........قول امين .

[ضـــوء القـــمــر]

اخي احمد ياس
حينما تنازل الرئيس السوري السابق شكري القوتلي للرئيس جمال عبد الناصر عن منصب الرئاسة عام 1958 من أجل عيون الوحدة بين مصر وسوريا، حظي لفترة بلقب المواطن الأول.. وحينما سلم الفريق أول عبد الرحمن سوار الدهب الحكم إلى الأحزاب السودانية، نعتوه بمعاوية بن يزيد الذي تنازل عن الخلافة بعد أيام من توليه.. فمن غير المألوف في التجارب السياسية العربية، أن يغادر الرئيس موقعه طواعية في تداول سلمي للسلطة، لذا كان الذي يقدم على فعل كهذا، يعد حالة استثناء تثير أقصى حدود الدهشة، ولا يندرج ضمن الزاهدين في الحكم الرئيس العراقي السابق أحمد حسن البكر، فكل التحليلات تشير إلى أنه لم يتنازل، ولكنه أجبر على التنازل لصدام حسين، بعد أن جرد من قوته.

وأية قراءة لمصيري شكري القوتلي أو الفريق عبد الرحمن سوار الدهب، لا بد أن تصطدم بحقيقة أن الأول مات كمدا في بيروت، بعد فشل تجربة الوحدة، أما الثاني «سوار الدهب»، فلقد عاش ليرى الأحزاب التي سلمها الحكم تتناحر مع بعضها البعض، فتجنب مصير الأول، وشغل نفسه بالعمل في بعض المؤسسات الخيرية التطوعية.. وحتى لو أخذنا بالرواية العراقية الرسمية آنذاك بأن الرئيس أحمد حسن البكر، قد تنازل عن الحكم بمحض إرادته، فإن مصيره يظل الأسوأ، فلقد قضى الرجل ما تبقى من حياته وحيدا بعد أن غيبه النسيان والتجاهل والجحود.
وإذا ما استثنينا لبنان، فإن تلك الشواهد والأمثلة في تاريخنا العربي الحديث لا تشكل حوافز إيجابية تغري على ترسيخ نهج يقتدى، فنحن لم نمنح تجربة القوتلي أو تجربة سوار الدهب ما تستحقه من تقدير وتثمين وتعظيم، كما لم نحفظ للرجلين في أدبياتنا السياسية قدرهما وتاريخهما ومكانتهما، مع أن الاثنين في منظور العقلاء قد انتقلا بقدر كبير من الشموخ من كراسي الحكم إلى مقاعد الحكمة.

في الديمقراطيات الغربية الحديثة خرج تشرشل من الحكم ولم يخرج من وجدان الإنجليز، ورحل ديغول من القصر الجمهوري ولم يرحل من ذاكرة الفرنسيين.. وفي عالمنا العربي البعيد عن شاشات التلفزيون بعيد عن القلب والذاكرة والإنصاف.. فمن يجرؤ على الرحيل؟!

[احمد يس]

سودانية نار ربنا يكفينا شر حساب الشمال
الخال ......... يا خال ما انا اقصد انو فى صمغ عربى...... وفى صمغ العظمة ........ وفى صمغ الابهة
وفى صمغ السلطة ......... وفى صمغ الراحات ............ وفى صمغ قلة الحيا

[احمد يس]

عزيزى ضوء القمر

فى الديمقراطيات العربية الحديثة يخرج حكامنا من وجدان شعوبهم ( دا اذا دخلوه اصلا ) ولا يخرجون من كراسى الحكم .................... ويبقى السؤال نوع الصمغ شنو.......... شكرا لمرورك

[الخال]

سؤال يابوحميد : ياربى الصمغ الحايم اليومين ديل من ياتو نوع ؟؟؟؟؟؟؟؟

[فرحة العسولا]

خالى اوعك تكون ماشى تشترى منو شايفاك بتسال عنو
واهم حاجة ممكن اقولا
لو دامت لغيرك لما الت اليك
بس ياخالى ويا احمد يبقى السؤال دايمة عرفناها بس لمتين؟

[الخال]

خالى اوعك تكون ماشى تشترى منو شايفاك بتسال عنو
واهم حاجة ممكن اقولا
لو دامت لغيرك لما الت اليك
بس ياخالى ويا احمد يبقى السؤال دايمة عرفناها بس لمتين؟

يافرح يابتى خالك فتر خلاص وداير ليه حبه صمغ تريحه باقى العمر .

ما القى عندك شويه ؟

[فرحة العسولا]

ياخال انا لو عارفة مكانو مابوصف ليك
عشان بجد تعيش مرتاح وماتقول الله يجازى فرح
هى المسكتنى الدرب . وتعيش زول ليه قيمه .
بعدين لو لقيتو حتخلى المنتدى وتهتم بى حاجات تانيا
نحن دايرنك معانا