الركشة..

[ودعازة]

طبعا الزول المنتج الناجح بيعمل اعلاانات في اي مكان و بعدين بيعرض شغله
المسلسل ماشي تمام
وااااااااصل

الله يطمنك..بس ناس الفضائيات ماجونا يشترو المسلسل مع انو قلنا نسوقو فى رمضان..
بس كفاية انتو تشوفو ويديك كل العوافى ورمضان كريم عليك ..

[ودعازة]

ود عازة

رمضان كريم

ليس غريب ان تجد روايتك منى اهتمام من اول حرف الى اخره تلك الراوى وهو ودعازة يكتب عن واقع

معاش بينا بكل تفاصيله وانا متتبع لقصتك وكاننى جالس على طرف دكان ونتجاذب اطراف الحديث وكان الاحداث تمر امام اعينى وابطالها وتفاصيلها كانى اسمع منهم

دمت قلما يعكس الواقع بتفاصيله

مودتــــــــى

حبيبنا ودابنعوف رمضان كريم عليك..
مرورك زى سحابة صيف تظلل على جبين الناس من حرورية..
يسعدنى تواجدك دائما وتسلم على الطلة يارائع..

[ودعازة]

هههههههههههههههههههههه

دا المهم تنبسطى ..
رمضان كريم عليك..

[ودعازة]

عوافي عليك ياأستاذنا ... بشوفك شطحت في الخامسة دي ..
الاول كلو ماعندي عليهو قول .. وسردك رهيب .. علة الخامسة دي اكان حاصلة تبقى مصيبتنا مصيبة ,,,

:D شتان ما بين حميل ويثبنة وجميل وبثينة ... لقيتك خطييير

تحفظاتي الوضعتها داخل الاقتباس شوف ليها معالجة حتى لاتشوه روعة المضمون ... ولييي قدام

حبوبة رمضان كريم ومن الغانمين..
اقرى البين قوسين سمح..الخيل تجقلب والشكر لحماد مقصود انو المحامية هى الوقفت فى الحارة وامين بيشكر فى ابوها..وقعت ليك؟
والمبالغة هى لتعميق الفكرة وليس الا..
اكيد شتان مابين جميل وجميل وبثينة وبثينة..مادى العولمة وتغير ملامح الأزمنة..
طالما انتم هنا فانا رامى لقدام..
يديك كل العوافى..

[ودعازة]

والله يا ود عارة قصتك جميلة جداُ والله
أرجو انك تستمر ...

ابواحمد رمضان كريم عليك ومن الفائزين ..
ان شاءالله بستمر طالما بلقى متابعين فى روعة حطوركم..
يديك العافية وتسلم على الطلة الجميلة وماتغيب..

[نهـاد]

[glow=0000FF]ود عازة رمضان كريم وكل سنة وأنت طيب

ومسلسلك جميل ومتابعين معاك


تحياتي[/glow]

[ودعازة]

[glow=0000FF]ود عازة رمضان كريم وكل سنة وأنت طيب

ومسلسلك جميل ومتابعين معاك


تحياتي[/glow]

اختى نااناا عوافى ورمضان كريم..
تسلمى على المرور الجميل ويديك العافية ..
اسعد لتواجدك دوما..

[ودعازة]

الحلقة التاسعة..

(يكفينا شرهم)

تطرطر الركشة عائدة الى اول المحطة وسائقها يقودها بآلية حفظت بكل حواسه..
يغير السرعة دون اى تفكير ويرى امامه رغم انشغال ذهنه بمواضيع اخرى ..الركشة غدت لامين كجزئ من جسمه او هو جزئ منها..
يجلس عليها واقفة او متحركة لاكثر من ستة عشرة ساعة باليوم..ثلثى حياته الحاضرة هو والركشة..



[frame="2 80"]
فاصل اعلانى..

شئون المغتربين بالتنسيق مع مصلحة الاراضى يعلن عن اراضى للبيع بأحياء دقسناكم..ومحطة الصرف الصحى جنوب غربكم..حيث الهواء النقى
اراضى درجة اولى ممتاز..درجة اولى جيد جدا..درجة اولى جيد..درجة اولى حسن ودرجة اولى خاص ودرجة اولى مميز ودرجة اولى اول ودرجة اولى ثانى ودرجة اولى ثالث
الدفع بالتقسيط ..ادفع الآن واولادك يتابعون السداد (اكيد قاتلنك بعد القسط الاول)
اراضى خاصة لك ايها المغترب (نسو يلحقوها بالداقس) لعودة هانئة للبلاد
ميادين ..مدارس ..رياض اطفال..مستوصفات..اسواق وملاهى (بعد تلتين اربعين سنة كدا)
[/frame]





- ياركشااا..هااى يابتاع الركشا هااااى..
صوت فيه الحنية والدلع وحتى عندما ضخم وكبر وعظم دلعه لم يغيب ..صوت جعل امين ينتشل انتشالا من سرحانه ودينميكية قيادته للركشة..
صوت اتاه كالطل الخفيف بوقت انصهار ماعلى سطح الارض من سخونية شمسها..
تقف الركشة..شابين ام تراهم شابين..اختلط الامر..الملامح متداخلة ..
مرة ملامح واضحة ثم تداخل عليها ملامح اخرى ايضا واضحة..من تراهم هذين؟..لم ارى بحياتى مثل هذين الشخصين ..
يتقدما الى الركشة متمايلين وقد سبقهما الى الركشة عطرهما النفاذ ورائحة النظافة المنعشة..

يتبع....

[مها]

[grade="FF0000 FF0000 FF0000 FF0000"]الاستاذ/ ود عازه
الابتسامه انحناءة تستقيم بها كل الامور
بوجودك نستقيم
والعشم ............
ان نكون فى وارف ظلالك[/grade]

[ودعازة]

[grade="FF0000 FF0000 FF0000 FF0000"]الاستاذ/ ود عازه
الابتسامه انحناءة تستقيم بها كل الامور
بوجودك نستقيم
والعشم ............
ان نكون فى وارف ظلالك[/grade]

اختى مها عوافى..
مرة واحدة استاذ..ماقدر دا..انا مجرد اخ ليكم وبيكم بتم فرحتى من كلماتكم الرائعات..ووجودكم الاروع..
الله يديم المعروف بينا ودايما نلتقى على الجميل والمفيد..
اخجلتى تواضعى بمرورك الانيق..
يديك كل العوافى ويسعدك ويجعلك من عتقاء الشهر الفضيل واسرتك الكريمة والمسلمين جميعا..

[حبوبة]

لا اكان كدي تمام .... علة يا يا أستاذنا (انا مع مها) العنوان ده مابيأكل عيش في التسويق ..
أي نعم هو أضان قفة (ومقطوعة كمان) لكن في التسويق بيراعوا لأشياء أخرى والا ما كدي؟؟

هي حبوبة فاهمة الفولة تفوت عليك يابروف :d
في انتظار الحلقة... وان كان ياهم الفي بالي بالك .. هم زايدين كدي ليه؟؟؟ تكونش عمايلنا .. الله يغتي علي وليداتنا وإياكم ..

وبعدين دعوة الفطور ما لبيتها مالك ... من يومتها بروشي تعاين ليك

[ودعازة]

لا اكان كدي تمام .... علة يا يا أستاذنا (انا مع مها) العنوان ده مابيأكل عيش في التسويق ..
أي نعم هو أضان قفة (ومقطوعة كمان) لكن في التسويق بيراعوا لأشياء أخرى والا ما كدي؟؟

هي حبوبة فاهمة الفولة تفوت عليك يابروف :d
في انتظار الحلقة... وان كان ياهم الفي بالي بالك .. هم زايدين كدي ليه؟؟؟ تكونش عمايلنا .. الله يغتي علي وليداتنا وإياكم ..

وبعدين دعوة الفطور ما لبيتها مالك ... من يومتها بروشي تعاين ليك

حبوبة عوافى ورمضان كريم..
الحمدلله اللبس انجلى ..
بالنسبة لمسعلة التسويق بنراعى اكل عيشنا يكون حلال ومابنمشى نجبلنا كم مايصة يتخشلعن ويترقصن..
وكفاية على المواطنين بنيات المسلسلات التركية ومذيعات النيل الازرق..
حبوبة ماتفتيحة وشايلا مفاتيحا..مافايتا عليا علا العوام مابخاف عوم ضد التيار وربنا يعدل الحال..
مع انى ماعوام بس اقلاها باحاول وربك يسهل ويطلع شى من موال..
الحلقة جاية هسع..وماتستعجلى كلو بوقتو ..وهم يحمينا الله كترانين وان اختلفو الاشكال..
العيزومة يطرشنى ماسمعتبيها ..ادنا العنوان النلفابا اصول اخوك عزابى اليومين ديل والفول قطع المصران..
يديك العافية ياحبوبة ويحفظ وعيك وعى الحبوبات التمام..

[ودعازة]

الحلقة التاسعة ونصف..

(يكفينا شرهم)

تتوقف الركشة..يتقدم الكائنان الحيان صوبها..يالها من مشية كل شئ موقع فيها حتى تنية الايد وغرودة العيون..

الاول : ياهناى تودينا شارع النيل؟

الثانى : هيى ياحسونة ماتسلم الاول..الشاب شكلو ظريف ولطيف..ازيك ياانتا..

تجمد لسان امين ولم يستطع حتى الرد..سرح سريعا..ايترك هذين الكائنين ويمضى؟
ام يركبهما ليكتشف عوالمهم المريبة؟كيف يتركهم وهل تتكرر مثل هذه اللحظات دائما..

امين : اهلا بالشباب..بوديكم شارع النيل..بتدفعو كم؟

حسونة :الدايرو بنديك ليو..يلا ياعليوة اركب..

امين : خمسة جنيه المشوار..

عليوة : والله اول مرة اشوف ليا بتاع ركشة ظريييف كدا..طواالى بغشونا تراهو..
والله ياانتا اقل مرة مشينا المشوار دا بسبعة جنيه..بس الكلام الاول مابيتحول وتجى ياانتا تقول عايز سبعة جنيه..هى هى هى..




[frame="2 80"]فاصل اعلانى..

الأناقة للملبوسات النسائية تهنئ الشعب الكريم بحلول رمضان..
الأناقة اسم رائد فى البناطلين النسائية سابقا..
وتفاديا للشنكبات والعنكبات والنظامات العامات والخاصات جديدنا اسكيرتات الخطوة ونص النانساوى..
(غنية) برى برى برى ياالبنطلون..
برى برى برى ادخل سجون..
برى برى برى اعاكس القانون..
برى برى برى تدخل فرنسيون..
برى برى برى للأليزيه وليون..
برى برى برى ياالبنطلون..
الأناقة..لماذا تتشرشحى بالبنطلون ويوجد لدينا جيبات شفافة كالنيون..
اسكيرت النيون يقسمك ويفدعك من ماتصحى من النوم..[/frame]

امين : ماتخاف الخمسة مابرجع فيها..بس امسكو قوى عشان الدقداق وكدا..

حسونة : والله ياانتا ماعسل عديل كدا..بس عليك الله ماتجرى فى شوارع التراب عشان مانتوسخ..
اصلنا ماشين مواعدين الشلة وعندنا رحلة نيلية ختيييرة..

عليوة : وعلى فكرة ياهنااى..هو انتا اسمك منو ياانتا؟

امين : امين ..اخوكم امين..

عليوة : ممكن اقول ليك ميمى؟

امين : قول ..هو القول بقروش؟

عليوة : طيب ياميمى ماتجى معانا والله نبسطك انبساطة لما غلت (غلط)..قلتا شنو؟

امين : (مستغبيا) حتبسطونى كيف يعنى؟

حسونة : زى ماعايز..اى نوع انبساطة احنا عندنا..غنا وبنغنى..
واسكت ساى عندنا حلات لعبات ولا لما تشوف باقى الشلة حتحبهم كلهم الا دودى الكريه..

امين : ومالو دودى دا كريه!!؟

عليوة : اصلو غيووور واى حاجة بنعملا يبوخا لينا..تتذكر ياحسونة دودى قال شنو فى حلاقتى المرة ديييك؟

حسونة : ولا تاخد حبيبى من كلامو..هو اصلو سخييف وغيور موت..

امين : يخسى عليو..اوع يكون زعلك ونبز ليك حلاقتك؟

عليوة : تتخيل ياانتا قال عليا انا كاوى شعرى عشان كدا شعرى ظاهر ناعم..
وانا وحياتك غير استشوار ماعملتا شى..حتى كريم الشعر ماهبش شعرى ..

امين : اخصى عليو صحى غيور..

حسونة : وهو ياريت لو الموضوع بقى على كدا وبس..دا عليوة من يوما شعرو اتبشتن وبقينا تلاتا شهور من دكتور لدكتور بيوتى من عين دودى..
شعر عليوة دا بقى حاجة تانية خااالص واتبشتن شدييد خلاااص..

امين مابين مصدق ولا مصدق وان شارك فى الحوار حتى يعرف كيفية تفكير هذه الكائنات التى تشاركنا نفس الكوكب ونفس البلاد..
ماالسبب الذى جعل هذه الكائنات الممسوخة هكذا..مليون سؤال مابين الحيرة والاستغراب..
أيمكن ان يكون هناك بشرا لا يحسون بمايحدث بالحياة الى هذه الدرجة؟
أيعقل ان يحيا مثليهما فى عالم من السطحية والغباء وبكل هذا الاستمتاع؟من المسؤول؟واين اولياء الامور؟

امين :اها وعملتو شنو فى المشكلة العويصة دى؟

عليوة : دكتور تيفور ما دكتور عاد..قيافة واناقة وفهم..كتب ليا كريمات والله فى الصيدليات مافى لما جابوها ليا من الخليج والحمد لله شعرى اتحسن بس لسة مازى اول..

حسونة : احنا كنا وين وبقينا وين ياعليوة..الحمدلله جات بس كدا..
وان شاء الله الغيور الحسود دا مانلاقيو الليلة وتكون كديستو السيامى العاجباو وقاشر لينا بيها ماتت وهو حزين عليها وماقادر يطلع من بيتم..
ياربى تكون ماتت..

عليوة : حسونة حرام عليك..دودى هو كريه بس تونا ذنبها شنو تموت..حرام عليك..عايزنى ازعل منك..


حسونة : هو غير قلب الحنين دى شنو المضيعك..

امين : انتو ياشباب عملتو التجنيد؟

حسونة : تجنيد حرام عليك ياانتا..انتا ماعندك نظر؟ هسى الزينا دا بيمشى التجنيد ويرصص الاعداء؟

عليوة : تف ياهناى عشان ناس آمين مايقولو آمين..يخسى عليك ماتفول فى وشوشنا..

وهنا أمين واتته تنفيذ الفكرة..



ماهى الفكرة هذا ماستشاهدونه فى الحلقة القادمة من..ركشة ركشة ركشا..اوو ركشا..

[ملاك الورد]

فاصل اعلانى..

فايزة: ماشفتى يابتول اليومين ديل فى حلاة مسلسل..

بتول: مسلسل شنو ياانتى ؟ تركى ولامصرى؟

فايزة: مسلسل سودانى و باناسودانى واسمو الركشة كمان..

الركشة ..فخر الدراما الركشاوية..الآن بقناة اناسودانى ..

ركشة ركشة ركشا..او ركشا
ركشة ركشة ركشا..او ركشا

انحنا احلى مشاهدين ..او ركشا
نعاين ومصنقرين .. او ركشا
الركشة طول السنة والسنتين الجايات..برى للأساتيك..
الركشــــــــــــــــــــــــــــــــــــــــــة هى هى ركشة لكن..

والله نفسي اسمع اغنية الركشه دي :
ركشة ركشة ركشا..او ركشا
ركشة ركشة ركشا..او ركشا
بالصوت
حاول نزلها في بوست على شكل ريل بلير و لا حاجه كده انا حاسه انو الاغنيه حلوة ممكن بليييييييز

[ودعازة]

والله نفسي اسمع اغنية الركشه دي :
ركشة ركشة ركشا..او ركشا
ركشة ركشة ركشا..او ركشا
بالصوت
حاول نزلها في بوست على شكل ريل بلير و لا حاجه كده انا حاسه انو الاغنيه حلوة ممكن بليييييييز

ملاك الورود رمضان كريم..
عشان تسمعى الاغنية شوفى واحد عمرو يكون كدا فوق الاربعين وقولى ليو عارف اغنية :
دشك دشك دشكا..اوو دشكا
لانو ركشة ركشة ركشا..اوو ركشا على نفس اللحن..
لانو المشكلة لو سجلتها ونزلتها كلكم حتصابو بدوار وهبوط والدنيا رمضان ماعايز اتذنب بيكم تفطرو بسببى..
ويديك العافية..

[ودعازة]

الحلقة العاشرة..


(يكفينا شرهم)


[frame="2 80"]فاصل اعلانى..

نرحب بكم وبإعلاناتكم..أعلنوا عندنا لأنو :

بمنتدا اناسودانى الاعلان ببلاش مازى التلفزيون..

الاستعدادات للنشات..
تسر وكالة اللنشات ان تزف البشرى للمواطنين الكرام بوصول قوارب مطاطية باحجاب مختلفة..
قوارب عائلية للفسحات الاسرية والمقاضى التسويقية..
قوارب فردية للتفحيطات الحصرية وعمل الحركات البهلوانية..
قوارب ثنائية للخلطات والحنانات الجوزية..
قوارب رئاسية لاستقبال الوفود الاجنبية..
(اغنية):
السيل مرق السيل مرق ..هيى كُّر عليه
جبنا اللنشات بدل الزلط..البقدرو عليه
ماهى السند هى السند..نكسر كرعيه

الاستعدادات للنشات اسم لن تستغى عنه طوال الخريف ولاتتعب نفسك للبحث عن الرصيف..[/frame]

امين : طيب مالشباب كلهم بيمشو التجنيد انتو مالكم ناقصكم شنو؟


حسونة: ياتو شباب ديل؟ مخيّر الله ..والله مابيمشو الا الطلبة والشماشة..


عليوة: وحتى الطلبة اولاد الناس بيمشو يقضوها فى وحدات ساااهلة ومابمشو كمان كل يوم..
الواسطة يانتا ماسمحة..


امين: دا كلام شنو!!والله انا عملت الخدمة جد..جنس شد ..وبعدين الخدمة دى مابتعلم الرجالة والخشونة ماكدا؟


حسونة: الرجالة طااايرة..هو عليك الله الرجال عملو شنو..الرجال حليلم ماتو فى كررى هى هى هى..


امين : يازول كيف الكلام دا؟البلد مليانة رجال وولادة كمان..


حسونة: هو كان فيها رجال الزينا ديل بقيفو فى الشارع ساعة مايلاقو ود حلال كدا يقدمن لقدام..
هسع عليك النبى (استغفر الله العظيم) الزينا ديل حقو يركبو ركشة؟مفروض كل واحد يكون بعربيتو..


امين: ماعشان كل واحد يركب عربيتو احنا لازم نعمل العلينا ولا ماكدا؟


عليوة: يعنى نعمل شنو نتقطع يعنى؟ الحكومة دى هسى زاتا لو سابت حروبا الكتيرة دى ومشاكلا مع
امريكا ومع الناس كلها ماكنا ركبنا طيارات مش عربات..


امين: طيب دى الحكومة..انتو انتو ديل عملتو شنو عشان تركبو العربات؟


حسونة: ونعمل كيف فى الدنيا الصعبة دى؟محل مانقدم لوظيفة يكرشونا ويزحلقونا بصابونة..
هو الماعندو واسطة بيعرف يشتغل؟

امين: ماانا هسع دى شغال..هو الشغل الا يكون فى الحكومة..


عليوة: ماتزعل من كلامى ياهناى..هسى سواقة الركشة دى شغل؟بعد تعبنا وقرايتنا دى كلها نشتغل سواقين ركشة؟


امين: هو انتو قارين جامعة؟


حسونة: وآداب انجلش كمان..


امين: طيب ماالمدارس بقت كتيرة كان خاصة ولا حكومية..المشكلة وين؟والله تشتغلو هوا اليومين ديل..


عليوة: نشتغل مدرسين يعنى؟هو التدريس دا شغل بالله عليك؟دا الفضل كمان..
الواحد يقيف على رجولو اليوم كلو عشان ملاليم..واحنا الزيينا يدرسو..


امين: طيب عايزين تشتغلو شنو؟وزرا ولا شنو؟


حسونة: لا وزرا لا غيرو..احنا قدمنا للوترى وشغل فى البلد دى زاتو ماعايزين..
نمشى هناك يايابا الحرية كيف..نلبس العايزنو ونعمل العايزنو مش زى هنا وناسا المعقدين ديل..
شابين لينا فى الطلعة والنزلة..اوف منهم..


عليوة: عليك الله دى بلد احنا نعيش فيها؟الواحد يجى بس من حفلة فى كل كبرى سين وجيم..زهجونا ..
هم كان حارسين البلد بجد ناس خليل كيفن وصلو نص امدرمان؟؟بس يتشطرو علينا احنا ديل..

حسونة: دى مرة جايين من عرس وماتتصور عملو لينا شنو..وقفونا فى الكبرى لحدى الصباح ..
واحنا ميتين من النعاس..والعساكر عملونا موضوع..دا لبس شنو دا اللابسنو..
وياملكية مالكم ماشادين حيلكم..وكان شفتهم والله يخوفو الزول..وودونى انا وعليوة الكركون حلقو لينا شعرنا المتوحشين..
سم عليهم سم..والله مانقعد ليهم هنا خليهم الكريهين يشبعو بيها..


امين: والله ماليهم حق (مبسوط من جوا) اها طيب انتو هسع بتجيبو مصاريفكم من وين وقت لسة ماشغالين؟


عليوة: من الاعمال الخاصة..هى هى هى..


ماهى ياترى تلك الأعمال الخاصة؟فكر أمين أن يسترسل فى الأسئلة ولكنه خشية أن تكون إجاباتها صاعقة.
.خجل دون أن يخجل ذو الطبع المشين..ايعقل هذا؟ايمكن ان يكونان ممتهنان للفاحشة..
استغفر الله إن بعض الظن إثم..ولازالت الفكرة تراود امين..أينفذها؟

يتبععععععععععععع عليهم..

[نهـاد]

[glow=0000FF]ود عازة عوافي
المسلسل ماشي مسخن وجميل
متابعين معاك وفي انتظار البقيه


تحياتـــي[/glow]

[ودعازة]

[glow=0000FF]ود عازة عوافي
المسلسل ماشي مسخن وجميل
متابعين معاك وفي انتظار البقيه


تحياتـــي[/glow]

عزيزتى القارئة نااناا رمضان كريم..
نيابة عن طاقم العمل السودانى الدرامى الركشة نهنئك لفوزك بجولة مجانية بركشة الاخ امين ونترك لك حق اختيار الحلقة التى تلى الحلقة الاخيرة من يكفينا شرهم..
ماعليك سوى اختيار الشخصيات او الموضوع وسيقوم المؤلف بعمل الحلقات له وعرضها فورا.
الشكر لك للمتابعة والتشجيع..
الركشة..
ركشة ركشة ركشا ..اوو ركشا
موضوع الركشة من نااناا..اوو ركشا
وركشة ركشة ركشا ..اوو ركشا

[ملاك الورد]

ملاك الورود رمضان كريم..
عشان تسمعى الاغنية شوفى واحد عمرو يكون كدا فوق الاربعين وقولى ليو عارف اغنية :
دشك دشك دشكا..اوو دشكا
لانو ركشة ركشة ركشا..اوو ركشا على نفس اللحن..
لانو المشكلة لو سجلتها ونزلتها كلكم حتصابو بدوار وهبوط والدنيا رمضان ماعايز اتذنب بيكم تفطرو بسببى..
ويديك العافية..

اوكي تمام بسأل عشان لازم اسمعها بالصوت
و شكرا على المساعده و رمضان كريم

[ودعازة]

اوكي تمام بسأل عشان لازم اسمعها بالصوت
و شكرا على المساعده و رمضان كريم

ملاك الورود رمضان كريم..
لكم يسعدنى ان القاك هنا واتجاذب معك طرف حديث اثيرى..
فيكى شئ من الوداعة والبراءة أنشده أحيانا ولا أجده إلا بطلاتك اللذيذة..
كونى بالجوار دائما لأسعد بطلتك الوديعة البريئة..