الى زوجتى ..

[ودعازة]

اختى مها حضورك له ألق ..
ارجو اتخاذ النافذة متكأ للبوح الجميل دائما كما صنعتى..
لك كل التحايا والله يسعدك مع خليل الروح بما يحب ويرضى..

[هيثم ابراهيم]

تسلم على ماسطرت لنا بقلمك الرايع
ويعطيك الف عافيه

[ودعازة]

وتسلم على المرور الجميل اخى هيثم ابراهيم..
مرورك يشرفنى ويدفعنى للاوقوف..

[ودعازة]

17 اغسطس..

بدأت حياة لطفلة غرة
فرحت معاها أسرة صغرى
جات البنية معاها بسمة
ووليد هناك ببلدة اخرى
ماعندو بيها اصلو فكرة
مرت سنين ويوم وبكرة
وكان اللقا احلاها ذكرى
واتفقت قلوب تبداها رحلة
رقصت عروس بديك سهرة
وشبال وقع وقون وفركة
باركو الخلق بيت مال وسترة
وبدت سعادة للوليد
الكان قبيل ببلدة اخرى..

[ودعازة]

9 مارس 2002

كان الزمان غير الزمان
حتى الصباح تريان امل..
بمذاق لذيذ فيهو السمو
فيهو السعادة طعم قبل..
كان الحوار عزف فريد
ايقاع طرب عميق الجمل..
9 مارس تاريخ بداية
شارة بدء لأحلى الرحل..
بداه الحبيب بكلمة سحر
"انا برضو" قالا وبخجل..
رقص القليب طربان سعيد
مالىّ زمان عايز اصل..
إتحقق الحلم الجميل
تم الوفاق الغيث هطل..
إتشبع صباح بالبسم
زخ المطر طعمو عسل..
أخد الطلاوة من الحبيب
من رقتو وشواطى المقل..
9 مارس بقى ليا عيد
مليان بشر عليا هل..
مخاض جديد لعشق فريد
ينعش عمر لباقى الأجل..
أمو الحنان والدو الفهم
وكل المكارم ليو أهل..
"أنا برضو" جواز سفر
لكل المدائن ولوين أصل..
نجمة سما تقود للأمان
بين الربا ولسفح الجبل..
"أنا برضو" واتوقف زمان
لجم القليب بيها انذهل..
روح سمت لتلاقى روح
حزن السنين عنى ارتحل..
9 مارس كان اللقا
فجر جديد لليل انسدل..
"مشمشة"وأنا بدينا الخطى
ومعاها إن شاء الله أصل..
ننجب الحلم الحقيقة
بقلبو اليقين جواهو إنشتل..

[بنت الاصايل]

[][®][^][®]مشكوووووور والله يعطيف الف عافيه[®][^][®][]

[حبوبة]

حتى الرياض يبسانه جدبه..
ودع يمام فارق بلوم
خاف المكان يبقالو تربه..
حتى الخرير لجمو السكون
جمد حراكو الفيهو شبّه..
أما القمر مخنوق هزيم
راجى الشمس تفرجلو كربه..
ما بلاك بتنعكس الضواد
وكل العلوم بتبقى كذبه..
وتختل موازين البحور
حتى المفردة بتبقى صعبه..
إنت قايلا بلاك ببقى
أو بضوق الراحة حبه..[/color][/size][/QUOTE]


ولاهي من غيرك تكون ..
ود عازة يا زول يا حنون ..
يختاك الحسد وشر العيون ..
ويحفظ عليك ريدك يصون ..
وتزيد في حبك مع السنين ..
ومعاها تهنأ بالمال والبنين ..
والسبعة سنة يصيروا سبعين ..
تسقيها ريد ترويك حنين ..
صلي ع الأمين وقول آمييين :D

[ودعازة]

[][®][^][®]مشكوووووور والله يعطيف الف عافيه[®][^][®][]

بنت الاصايل رمضان كريم..
ويديك كل العوافى وتسلمى على المرور الجميل..

[ودعازة]

حتى الرياض يبسانه جدبه..
ودع يمام فارق بلوم
خاف المكان يبقالو تربه..
حتى الخرير لجمو السكون
جمد حراكو الفيهو شبّه..
أما القمر مخنوق هزيم
راجى الشمس تفرجلو كربه..
ما بلاك بتنعكس الضواد
وكل العلوم بتبقى كذبه..
وتختل موازين البحور
حتى المفردة بتبقى صعبه..
إنت قايلا بلاك ببقى
أو بضوق الراحة حبه..[/color][/size]

ولاهي من غيرك تكون ..
ود عازة يا زول يا حنون ..
يختاك الحسد وشر العيون ..
ويحفظ عليك ريدك يصون ..
وتزيد في حبك مع السنين ..
ومعاها تهنأ بالمال والبنين ..
والسبعة سنة يصيروا سبعين ..
تسقيها ريد ترويك حنين ..
صلي ع الأمين وقول آمييين :D [/QUOTE]

حبوبة الرائعة رمضان كريم..
اللهم صلى وسلم على الأمين وعلى آله وصحبه وتابعيه اجمعين..آميييييييييييين..

كل المفردات اتفلتت
من روع الحروف المزدان من حلو كلمتك..
الله يهنيك دوام
وماتتعكس ليك الدروب بخطوتك..
تلقى السعادة المترفة فى جمعتك وفى خلوتك..
كونى بأمان انتى وقليب حنين فيو روعتك..
يسلم خشيم ومعاو كليم جمعو السماحة فى طلتك..

[هيثم ابراهيم]

الله يهنيك دوام
امين يارب العالمين

[أبو أحمد]

كلام فى محلو و الله

[ودعازة]

الله يهنيك دوام
امين يارب العالمين

ويهنيك اخى هيثم ان كنت متزوجا..وإن لم تكن أسأل الله أن يجمعك مع من تساعدك على دينك وتكون مفتاح دهاليز سعاداتك..

[ودعازة]

كلام فى محلو و الله

ابو احمد لك كل الحب والتقدير وتواجداتك بنوافذى شرف على الجبين..
الله يسعدك مع ام احمد وتظلل السعادة واليقين باسرتك الكريمة..

[مها]

اخى ود عازة / حبابك وكيف حالك
لى ثلاثه ايام قايضه ابو الوليدات من ( صنقوروا )
قلت ليه شوف الرجال بكتبو شنو لى نسوانن

قال لى ارتحت من مهند جانى ود عازة ...........

ربنا يهنيكم ......ويخليكم.....ويديكم لمن يرضيكم

[نهـاد]

[glow=0000FF]
ود عازة قمة في الابداع والتميز
حروفي المتواضعة خانتني أمام حورفك السامية
ما قادرة أعبر أكتر
مبدع بمعنى الكلمة

وفعلا أمرأة رائعة الألهمتك الكلمات الجميلة دي وربنا يخليها ليك ويديم بينكم الود والسعادة


تحياتــــــــي
[/glow]

[ودعازة]

اخى ود عازة / حبابك وكيف حالك
لى ثلاثه ايام قايضه ابو الوليدات من ( صنقوروا )
قلت ليه شوف الرجال بكتبو شنو لى نسوانن

قال لى ارتحت من مهند جانى ود عازة ...........

ربنا يهنيكم ......ويخليكم.....ويديكم لمن يرضيكم

اختى مها رمضان كريم..
ماتظلمى الراجل اكيد عندو طريقة للتعبير اجمل واروع من الشعر..
ربنا يهنيكم ويحفظ اسرتكم..
وبالله عليك ماتخلى ابو العيال يكرهنى..قولى ليو انتى الشعر..
اسعد لمرورك دوما..

[ودعازة]

[glow=0000FF]
ود عازة قمة في الابداع والتميز
حروفي المتواضعة خانتني أمام حورفك السامية
ما قادرة أعبر أكتر
مبدع بمعنى الكلمة

وفعلا أمرأة رائعة الألهمتك الكلمات الجميلة دي وربنا يخليها ليك ويديم بينكم الود والسعادة


تحياتــــــــي
[/glow]

اختى نااناا رمضان كريم عليك..
شكرا ليك ولأحاسيس الجمال الفيك..
وفيتى وكفيتى بكلماتك السامقات..
يديك كل العوافى ويسعدك مع القليب البيخاف عليك..

[ودعازة]

انتى فى روحى جوه..


انتى فى روحى جوه
زى يقين ماليهو آخر
زى قناعات السنين
بتدعو بكل المنابر
بالمساجد والكنائس
فيها حق باين وظاهر
زى الصدق أكوان ضيا
قايدا للعميان مساير
اتيقن أمان بخطوتو
تابع خطاك لوين تسافر
أبقى جوه
ولسه جوه
وجوه جوه فى المشاعر
أبقى غنوه
وغنوه حلوه
والأمانى لكل شاعر
يكون غناهو قالو هوا
وباقى الحكى يسكن مقابر
انتى فى روحى جوه
زى يقين ماليهو آخر
انتى ماجواى ضمير
وين اكون بلقاهو حاضر
كل التعاريج بيو تستقيم
ماانتى للخط المساطر
انتى مازعيمة كل قبيلة
وللمكارم وللعشائر
انتى ماللكون غنيمة
والفضيلة ليك تشاور
انتى سكنة كل مواسم
مراسى شط للمواخر
انتى ماكل المكاتب
والدوايات والمحابر
للحكايات الجميلة
والدهشة من عينيك خواطر
انتى الفهم لكل طالب
حتى لو كان مامذاكر
ديما برسى بشواطئك
وبتحتوى الجوايا ثائر
زى جنون الريح وموج
بتنهزم طرف الجزائر
انتى مااستراحات السفر
وفرحة لقا للكان مسافر
انتى فى روحى جوه
وجوه جوه
وأحمدك ياربى شاكر
لعطاءات الروائع
البيها أبدا مانى ناكر..

[ميرة]

كيفن ارد؟

سألونى عنك كيفن اجيب؟
ووينو الحرف البملى مساحات جمال
مزروعة فيك
وينو اللحن ؟
وينو الشعر البوصف الحسن العجيب
كيفن اجيب؟
احكى فيك روع الحضور؟
احكى فينى احساس الذهول؟
احكى لمن ارتمى بحضنك نعيم؟
وكيفن بتبدد ظلامات الغيوم
وبترتحل عصابات كل الهموم
ولا احكى عن الحبيب
لما يكون قريب
وادور مزيد ادمان شعور
او لما يكون بعيد
ويتباعد معاو كل الوجود
القى المكان متروس سدود
منو البفك منى القيود؟
وسؤال صعيب يمر كمان
انا لسة عايش؟
طيب وينو الوجود؟
كيف الحكى
ووين الكلام البيتلقى
ماكل الكلام بيكون ممل
بيكون رتيب
وأرد اقول
انتى الهبة
و خير من نعم الحمر
زى ماقال الرسول
ارد اقول
انتى السبب لكل الرضا
ويكفينى بيك للفجر بقوم
ارد اقول
والرد محال يقنع جواى
حتى لو شهدو الشهود
ارد اقول
انك معاى يكفينى قول

هنالك اناس يدعون الابداع ويكتبون
ولكن مثلك انت ياود عازه من هم مبدعون
تقف حروفي عاجزة عن الرد علي مثل هذة الروعة
ولكن اقول انت انسان تعشقة الحروف
وهو يعرف كيف يسطرهاويزينها جمالا
دمت بود يافنااااااااان ولا تحرمنا
من جميل كلماتك

[ودعازة]

هنالك اناس يدعون الابداع ويكتبون
ولكن مثلك انت ياود عازه من هم مبدعون
تقف حروفي عاجزة عن الرد علي مثل هذة الروعة
ولكن اقول انت انسان تعشقة الحروف
وهو يعرف كيف يسطرهاويزينها جمالا
دمت بود يافنااااااااان ولا تحرمنا
من جميل كلماتك

الاخت ميرة رمضان كريم..
حقيقى احترت للرد على رقة ولطافة كلماتك الروائع..وان شاءالله اكون كما وصفتينى..
كلمك مشجع ويكسر كل خجلى الادبى ..بل ويملؤ نفسى الامارة بمشبع الغرور..حمانا الله منه..
وكلى يقينى لا يرى الجمال الا من له نفس جميلة كما تحوى انت اختى ميرة..
شكرا لك وكونى هنا استمد منك ومن كلماتك المشجعة طاقة المواصلة..
جد شكرا لكى ودمتى كما تتمنى..