ودعازة كتب:
قليب غريب..
زعلان شديد من خجلتى
السجنت جواى قبُل لجبهتك
يوم السفر الحار شديد
واتفارقت وجهتى من وجهتك
كنت عايز اقبلك
او احضنك
او احتويك للحظة بحنتك
كنت عايز الغى الحضور
ومااشوف غير سحنتك
ارتمى بحضنك سنين
او نرجع سوى واقنعك
انو السفر ماليهو داعى
ومابسوى حتى لدمعتك
وحمانى قلبى العنيد
كيفن تهونى ومااسعدك
ماتشوفى امك لا ابوك
وتزورى حتى لغرفتك
شوفى القليب كيفن غريب
مقتول هواكى وببعدك!!
بضحى بيى وبيو كمان
عشان تقصى لبسمتك
لمن تعودى من الحنان
تحكى السعادة بسفرتك
اخي وعازه ايها المبدع مثلك لا يحتاج الي احد
لكي يستمد منه طاقة المواصلة بل انت من تمد من هم
حولك بالطاقة وجميل المشاعر ,,,,,,,
ويكفي ان لك زوجة محبه هي مصدر لكل هذا الابداع
سلمها الله لك وحفظها واسعدكم ,,,,
سوف اكون متابعة هذا الابداع ولن انقطع
فانت رجل يعرف كيف يعشق امراة
ويعطيها حقها كاملا فسلمت يمناك علي ماتخط من روائع
