محدثت هذه القصة ونحن برالمة
علم الدين طالب من دفعتنا
هادي متدين لكن من دون تشدد
كنا نسكن حوالي 15 طالب في عنبر واحد في داخلية
في منتصف السمستر بدينا نلاحظ اختفاء مبالغ مالية من جيوبنا خصوصا يوم السبت حيث يكون معظمنا جاي من اهله
لما اتكرر الموضوع دا علم الدين قرر في نفسه ان يعمل كمين للحرامي
عمل فيها نايم
زولك جا يسرق علم شافوه
وياللمفاجاة :
ايام مضت لاحظنا علي علم دائم الصمت - كثير الوجوم بل حتي ضحكات الشلة خلاها
اصرينا عليه يورينا الحاصل
قال لينا (والله انا عرفت الحرامي لكن اسالكم بالله مافي زول يسالني منو)
صبرنا كم يوم لكن السرقات بدات تتواصل مرة تانية
بدينا نضغظ علي علم عشان يورينا دا منو
اصر علي موقفه
بدا الجماعة يلمزوه بالكلام واحيانا يصل لحد التجريح
انت مشترك معاه - دفع ليك كم عشان تسكت - ياعلم انت حق الفتة دا من قروشنا
بدا علم يضيق ذرعا من ملاسنات الشلة
جان يوم زعلان بعد ما واحد قال ليه (علم انا داير لي بنطلون جديد من قروشي )
- اسمعو انا زهجت منكم ومن لسانكم
-انا حاقول ليكم بس في حاجة لازم تعرفوها وهي انه انا حاولت امنع الزول من السرقة بشتي السبل لكن مابطل بس دايركم قبل ما اكلمكم انه تقسموا مافي واحد يسالو
اقسمنا جميعا علي ان لانضربه وان لا نواجهه
اخير اعترف علم وكانت لحظة رهيبة
دا
دا
دا
كلنا بدينا نصب في العرق ويالهول المفاجاة
دا صاحبنا فلان
كان اللص من اعز اصحابنا اكثرنا مرحا وساكن معانا في نفس العنبر
الغريبة انه حالته عادية زيينا لامفلس ولا مقرش
طبعا برينا بي قسمنا ماسالناه
لكن معاملتنا ليه اتغيرت وهو لاحظ كدة
انتقل الموضوع بسرعة البرق الي حرم الجامعة بدا الناس يتغيرون تجاهه تماما بعد ماكان من الشخصيات المحبوبة لدي الدفعة خصوصا الجكس
كره الراجل نفسة
انتهي السمستر بي خيره وشره ظهرت النتائج نجحنا كلنا وكان صاحبنا من المتفوقين (فقد كان شديد الذكاء)
لكن ما رجع الجامعة وما سمعنا عنه حاجة بعد كدا وبدينا ننساه
لكن المشكلة في زميلنا علم اعتزلنا وبقي كثير الصمت الي ان تخرجنا من الجامعة
حاولنا كثيرا ان نفهمه انه لاذنب له فهو الجاني على نفسه
دائما يقول ياريت لو ماكلمتكم ماكان خلا الجامعة
لو كنتم في محل علم
ماذا تفعلون ???
تكلموا زملائه ?
ولا تخلو الموضوع ماشي بس
علمنا فيما بعد ان هناك مرض اسمه داء السرقة
هل يكون صاحبنا مصاب به
ارائكم تهمني
فالقصة واقعية
لحظة غروب
اولا ليك الف تحية علي مرورك
ثانيا والله ماعارفين الودا الخبر منو للجامعة ومنه الوصله
اما ليه ما فتشناه يرجع لي انه نحن الوقت داك برالمة والمعلومات عن اي فرد ناقصة
بزكر انه من ............. بس وين في ............... والله ماعارف
شكرا لي رايك
صراحة ما كنت هاقول منو لو وقعت فى موقف زى ده خصوصاً ان السارق واحد مننا
الافضل انى اكلمه واواجهه حتى لو بالشدة والحدة لكن كنت هابقى من جواى بحاول اقوم سلوكه
وعموماً بعد مواجهتى ما كان هيعيد الكرة مرة تانيه ويتجنب الكل شره
بالتأكيد علم شاعر بذنب كبير خصوصاً انه صديقكم زى ما قلت وكان من حقه عليه النصيحة والتوجيه ومواجهته باعيوبه خصوصاً لو كان داء قبيح زى ده
لكن انا كنت حابب اسئل ليه كلكم رجحتوا ان الشخص ده يكون هو السارق رغم ان كلامك بيقول انه ما محتاج وليه ما كلفتوا نفسكم واتاكدتووووو
عموماً علم مبرره واضح انه ما قدر يستوعب الصدمة لانه انسان حساس والمفاجئة ما خلته يعالج الموضوع بالحكمة وعموماً المفروض ده يكون درس ثرى بالافادة لعلم وللعنبر كلوو
انو اليعيش يما يشوف وانو اى انسان له وجه مظلم معظمه عيوب وعقد وانو مفاجئات الحياة بتتعالج بالتأنى والحكمة ما بالتسرع وانو سترة انسان افضل مليون مرة من اننا نجنى عليه وانو العنبر حقكم كان فوقه شمشارين كتار :079:
يسلمووووو هومى واتمنى علم يرجع زى ما كان الدنيا فوقه مفاجئات اصعب واقسى من كدا با كتير لو قصاد كل مشكلة وصدمة هتواجهنا هنرضخ وتضيع عزايمنا هنعيش بدون حياة وما هنحقق اى شئ
ادروب كايرو
ياخي والله شرفني مرورك
كلامك جميل بس داير اوضح ليك نقاط.
اولا : اتاكدنا انه هو ذاته الحرامي لانه بعد علم شافو زول وحلف
تانيا : نحن حلفنا ما نسالو لكن انت عارف الداخلية مابندس فيها حاجة خصوصا والجماعة لاحظوا التوتر بينا وبينه
ثالثا : نحن ماكنا عارفين انه دا مرض لو كنا عارفين كنا عزرناه ( نحن اولاد بلد)
رابعا : نحن ممكن نسيطر علي مجموعتنا بس ما بتقدر تسيطر علي تصرفات الآخرين معاه
أنا لو مكانه ما ببلغ أصحابه
عنه، إلا في حالة وحدة وهنا بتكون ضرورة، يعني
لو وصلت الدرجة إنه الأصحاب ديل بدو يشكو في بعضهم
حتكون فتنة ممكن تفرقهم كلهم بسبب واحد،
وفراق واحد أهون من فرقة عشرة،
لكن قبل دا كله، لازم أعمل محاولات كثيرة جدا جدا عشان
أحاول أخلي السارق يكف عن السلوك دا،
يعني لازم أنصحه مرارا وتكرارا، وكمان أهدده بيهم،
حأحاول أعمل المستحيل عشان أتجنب أبلغهم عنه،
وشكرا هههههههههههومي ، قصة محيرة فعلا
الشاعرة
تحية واحترام
ردك جميل بس وضحت ليك في القصة انه لم ما خلي حجة الا وسواها عشان
الراجل ده يبطل سرقة
وتعب وهو يحمل العبء دا خصوصا والسرقة ماوقفت
شاكر جدا مرورك
متشكرييين علي رايك يا احسان
لكن والله ما اتخلينا عنه كل الموضوع حكمتنا الظروف
لانه ماعارفين عنوانه
اما ليه حاصرناه بالكلام فالغضب لحظات اكتشاف الحقيقة عمانا كلنا
(وما ابري نفسي ان النفس لامارة بالسوء )
تحياتي الشدييييدة لك
انا شخصيا (مابتكلم عن الشلة لانه اتفرقنا ) لو لاقاني بحاول اعرف ظروفه من ماخلانا لي هسع وصدقيني بتمني انه يكون بقي احسن مننا كلنا لكن والله لو عرفتا انه محتاج لي والله بساعدة ماديا وغير ماديا
صدقيني انا ومعاي واحد كدة فتشنا ليه ولكن مالقينا عنوانه في فايل الجامعة ناقص
والله يا احسان ارائكم دي حسستني بالزنب مرة تانية
عصرتونا اكتر من عصرتنالي علم
لكن مروركم بثري كل الناس ودة الهدف رايعععععين عديل كدا
وين راي WAYA الفصيح
شكرا يارائعة
Hoomy كتب:ابعاج
شاكرين جدا لمرورك الرائع
بس برضو بسالك لو كنت مكان علم تسوي شنو
تتكلم ولا تسكت
[frame="9 80"]صراحه أنا لو كنت محلكم ! كنت عملت أجتماع وأحضرت الاخ المعنىوناقشنا معه الموضوع بصوره وديه ونطيب خاطره ونهون عليه الحكايه ونعتبرها نكته حتى لانجرح مشاعره ! لانه ربما كان يمر بظروف خاصه !! فمهما فعل فهو أخ لنا يحتاج الى المساعده وليس التشهير[/frame]
أبعاج كتب:[frame="9 80"]صراحه أنا لو كنت محلكم ! كنت عملت أجتماع وأحضرت الاخ المعنىوناقشنا معه الموضوع بصوره وديه ونطيب خاطره ونهون عليه الحكايه ونعتبرها نكته حتى لانجرح مشاعره ! لانه ربما كان يمر بظروف خاصه !! فمهما فعل فهو أخ لنا يحتاج الى المساعده وليس التشهير[/frame]
ابعاج تحياتي الشديدة نحن اجتمعنا لكن صعب كان نواجهه بس جبنا الموضوع بي فوق انه ياجماعة لو في واحد من الشباب اتسرق تاني بنفتش العنبر كله لانو مافي زول عارف قروشنا غيرنا وكان شبه واضح لكن ماوقف سرقة ونحن طلبة محتاجين لكل قرش
لحظة غروب
والله برضو اتكلمنا في قصة منو الوصل الخبر الجامعة وماقدرنا نعرفو منو بس نحن في داخلية يجوز أي واحد كان مار ولاحظ نقاشنا ووصل الخبر
نسأل الله لنا المغفرة شكرا لمرورك
