لكل فتاه لم تتزوج ...هل تقبلى الزواج باى جنسيه غير سودانيه ولا حتى عربيه؟؟
ويكون الزواج خارج الوطن والعيش مع الزوج فى وطنه ؟؟
هناك تجارب كثيره نجحت وبعضها فشل ..ماهو ألمانع فى الزواج بغير السودانى ؟؟
ولكن فى المقابل هل تتفقون معى ان زواج الفتيات ألمغترباب عمله نادره فى بلاد الغربه
وقد تكون ظاهره مؤقته وتزول بسرعه؟؟لماذ لا يتزوج الشباب المغترب من بنات جنسه فى بلاد الغربه
هذا سؤالى لكم يابنات ؟؟؟
شكرا اخوى حاتم على طرحك الموضوع انا فى اعتقادى كل شى قسمه ونصيب انا شخصيا اتقدم لي من جنسيات مختلفه من سوريا وليبيا بس نحنا عاداتنا بتختلف والفرق فى العادات بسبب مشاكل حتى لو مش فى بداية الزواج وفى النهاية مافى فرق بين سودانى او غير سودانى وحتى ربنا قال وجعلناكم شعوبا وقبائل لتتعارفو وبرجع بقول ما فى احلى من ولد البلد وبنت البلد
انا مع فكره زواج الشاب من الشابه من غير جنسيتو يعنى نسبيا
بس كمان ضد زواج الفتاه من اى جنسيه من غير جنسيتها(زواج الاقطار)
الشاب ممكن لو فشل مابخصر شى كتير ممكن ارجع واصلح مع انو كتير فاشل عشان ما بتكون تعرف شى عنهم ربما يعنى تتمقلب بلغة الشماسه تركب ماسوره والمواسير ملت كل العالم
وممكن كمان اكون كويس عشان فى انواع ناجه زى ما شافين على وسائل الاعلام المختلفه ودى برضو ربما تبعد عن اهلك وترجع اخير ا ما تحصلهم الاقدار ما معروفه واحتمال زوجتك الاجنيه تفرض عليك بعض الاوامر ماتقدر تواصل بلدك الاصل او لاى ظرف اى كان نوعه
الفتاه المشكله الاكبر لما تبعد من اهلها وتكون تحت سيطره رجل من قطر ا خر واحتمال ان الرجل تحصل لى ظروف اموت مثلا اولا ير ميها وتظل تبحث عن وسيلة كسب عيش ربما يخليها تلجا لاساليب
مافى داعى ليها
المغتربين بعضهم البعض كتير من الرجال الواحد اكون مركز انو ارجع لعادات اهلو وتقاليدهم عشان بتختلف من بعض ومعظم المغتربات بكونو مربين حسب البلد الاهم فيها ودى ماينفع مع بعض الناس او يكون نسبه الفشل كبيره والمغتربات ربما يكون تكلفه الزواج عاليه نسبيا يعنى
بس عاوز اقول شى
اعتزر اذا كنت طولت فى المشاركه بس الموضوع احتاج كتاب كامل وليس صفحه اوصفحتين
اخيرا للشباب( بنحب من بلدنا مابره البلد سودانيه تهوى عاشق ود بلد فى عيونها المفاتن شى ماليهو حد)
سؤال حلو
ان بصراحه ضد الحكايه دي
وما ممكن اتزوج من شخص غير سوداني لاسباب كثيره
من اهمها اختلاف العادات والتقاليد السودانيه
وانا عشت هنا عمر بصراحه ماقيت احسن من الشاب السوداني فيه صفاته حلوه (ده رايي الشخصي)
يعني احنا معروفين بالضيوف وبنستحملهم غيرنا من العرب مابيستحملهم ده ابسط مثال ودي نفس المشكله
انا ما شايفة في مشكلة لو البنت اتزوجت واحد ما سوداني بس في النهاية حيكون في اختلاف كبير في العادات والتقاليد وفي احتمال كبير الزواج ده يفشل وممكن ينجح ما معروف
اتقبل مروووري
بصراحة وانا شاب ما ممكن اتزوج غير سودانية بصراحة شديديه بقرف من غير السودانيات والله يخلي لينا بناتنا وبصراحة افتخروا بنفسكم يا بنات بلدي والله انتو
عملة نادرة جدا ومافي زيكم .
السلام عليكم
انا والحمد لله عايشه في السودان لكن
بعرف حالات كتيرة عاشت التجربه
وعادي جدا
قريبتنا متزوجه اماراتي وهي اصلا اتولدت وعاشت هناك
وزواج ناجح جدا وعندها اطفال
وهو بجي معاها السودان لكن اصلا هي امها وابوها في الامارات
لكن اختها الصغيرة مارضت تتزوج اماراتي
وواحد برضو متزوج مصريه وزواج ناجح برضو وهي هس حبوبه بقت
وعايشه هنا في السودان
ووحدة متزوجه سوري
وصاحب خالي متزوج سوريه وعايشين في الامارات
لكن بتجي معاهو السودان وهو بمشي معاها سوريه
ووحدة بنعرفها امها مصريه وابوها فلسطيني
واتزوت سوري وعايشين في السودان بس اجازة في مصر واجازة في سوريا
وفي واحد اردني اتزوج فلسطينيه وولدو اتزوج جزائريه
وجارتنا متزوجه سعودي
وصحبتي مخطوبه ليمني
كتييييييييييييييير جدا من الحالات نجحت عادي جدا جدا
انا عن نفسي مابحب انو اتزوج من جنسية غير سودانية لان حأكون مجهجه بين بلدين وكمان اولادي اذا كان انا اهل امي واهل ابوي الفرق بينن 2كيلو احنا بنزهج من المشي والجية ومرات كده بزعل بقول ليهم هسي لو كل واحد عرس من حلتو مش كان ريحتونا
انا اشوف انها حريه شخصيه
ومسئله العادات والتقاليد اللي كل الاعضاء يتكلمو عنها
والله اللي ناوي يتزوج من غير جنيته ماراح يتفاجئ من يوم وليله بالعادات والتقاليد للطرف الاخر هو عارف ومقدم على الخطوه
وبعدين ممكن اتزوج ولد بلدي وماينجح الزواج !!!!!
يعني مو مسئله الاختلاف هي سبب الفشل
احترام كل طرف للثاني هو اللي يخلي الزواج ينجح
