اكتب اسم امراة او رجل اثروا فى المجتمع السودانى

[رءوف]

وانا كماااااااااان

عايزة نحكى ليك عن منو
قولى اى اسم سودانى والاخوان مابيقصرو لو انا ما عرفتو

[رءوف]

طبعا انا لمن دخلت البوست شعرت بالخجل لاني ممكن بسمع بالأسماء لكن ماعندي معلومات كافيه عن االشخصيات
اقلها المهدي اللي انا اصلا من الجزيره ابا بلد المهديه
لكن بعرف وبالصح سمعت عن مهيره بت عبود ورابحه
والطيب صالح عشان قريت ليه


طلب منكم ياكل الناس العندهم معلومات كافيه ياريت تفيدونا
ومشكور يارؤوف على االبوست الرائع

ح اترك المجال هنا للاخ حبيب الناس لانو بيعرف اكثر منى فى التاريخ
لانو انا صيدلة ادبية وكدة
شكرا لمرورك الجميل

حبيب الناس نحنا منتظرنك لو سمحت

[رءوف]

الاخ الرائع جدا جدا حبيب الناس انا اعترف ليك انو جد استفدت كثير جدا من مداخلتك الرائعة والمفيدة دى وشكرا لك ولك كل الود والتقدير والاحترام

[Hoomy]

سوف أتكلم عن شخصية خالدة تعرض لها الأخ ود النعيم بالتفصيل ولكني هنا الخصها في سطور
ولد عبد القادر محمد إمام ود حبوبة بقرية مصطفي قرشي بالحلاوين وهي قرية شمال مدينة الحصاحيصا
وهو من قبيلة الحلاوين المشهورين بالشجاعة والكرم واهل علم وقرآن وماوقفتهم خلف الإمام المهدي في جميع معاركه الا دليلا علي ذلك ولايوجد بيت من بيوت الحلاوين الا وفيه تقريبا جد مشارك في احد معارك المهدية. وللمعلومية الامام المهدي تلقي تعليمه علي يد الشيخ القرشي ود الزين وهو الذي بني له ضريحه القائم حتى اليوم تخليدا لاستاذه وتزوج من الحلاوين ولكنه لم ينجب منها.
أرجع لود حبوبة
رجل قهره تسلط الانجليز وصلفهم غاظه تعجرفهم اذ راى بأم عينه الظلم الذي يقع على المزارعين
بداية الثورة كانت في قرية كتفية إذ كان ود حبوبة في خلوته ووسط طلابه يدرس القرآن حين مرّ عليه المفتش الانجليزي والمأمور المصري وبضع من العساكر الانجليز والسودانيين وقصدوا اهانته في خلوته
حينها كبر ود حبوبة ثلاثا ومسك المفتش الانجليزي بداية وصرعه على الارض وذبحه كما تزبح الشاه وحينما راي المأمور المصري ذلك حاول الفرار لكن لحق به ود حبوبة وذبحه أيضا.
سمع الانجليز بذلك فجمعوا له أورطه أو سرية بها حوالي 300 جندي وضابط وذهبوا لقرية كتفية الحلاوين وهناك كان ود حبوبة في انتظارهم حيث دارت المعركة الشهيرة (معركة كتفية ) في الليل وذبح فيها الانجليز شر زبيحة واستشهد عدد من الأنصار .
بعدها أعلن الأنجليز ان ود حبوبة متمرد يقود ثورة وليس حالة فردية بل جعلوه مجرم حرب ورصدوا مبلغ ضخم لمن يرى ود حبوبة ناهيك عن ما يقبض عليه.
بعدها دارت عدة معارك متفرقة إذ كان ود حبوبة يقوم يالهجوم ليلا على الانجليز فهاجم جنودهم في اربجي قرب الحصاحيصا كما دارت معركة استشهد فيها عدد من الأنصار في منطقة عترة قرب مدني (ويقال ان اسم عترة جاء من تعتر خيل الانصار ) إذ كان الارض قاسية في ذلك الوقت.
كما هاجم عدد من جنود ود حبوبة الانجليز في ام درمان وحتى منطقة الجديد الحالية
عندها علم الانجليز مدى خطورة الرجل وضاعفوا المبلغ لمن يدلي باي معلومات عنه
ووشي به بعض أصحاب النفوس الضعيفة أمام ضخامة المبلغ
قبض عليه في منطقة الكاملين ولم يستسلم لهم الا بعد مقاومة عتيفة راح ضحيتها احد الجنود وجرح الأخر
تمت محاكمته بالاعدام في منطقة الكاملين
شنق بقرية مصطفي قرشي بالحلاوين في سوق منطقة الحلاوين
خلدت له أخته رقية بنت امام معاركه في قصيدتها الشهيرة
بتريد اللطام ** اسد الكزازة الضام
هزيت البلد من اليمن للشام سيفك اللفقر قلام
الا قولها
ود حبوبة قام جمع الانصار في كتفية ديك كم شبع الصقار
في اشارة لمعركة كتفية
وقولها
لو كان بالمراد واليمين مطلوق ماكان بنشنق ود ابكريق في السوق
في اشارة لحادثة شنقه في عام 1908
علما ان في يوم الشنق كانت وصيته بعد ان صلى ركعتين ان تزغرد النساء وان لايقام عليه عزاء
طبعا لازال قبر المفتش والمامور موجودان في قرية كتفية بناهما الانجليز تخليدا لهم

أولائك قومي ياجرير
فلنا الفخر في ذلك

[رءوف]

الاخ HOOMY لك الشكر والتقدير
طبعا ود حبوبة يعتبر من صناديد المهدية
شكرا لمرورك

[شوشا]

الاستاذ الفاضل سعيد عليه رحمة الله
تحـــــــــــــياتي

[رءوف]

الاستاذ الفاضل سعيد عليه رحمة الله
تحـــــــــــــياتي

من ابرز الفنانين والممثلين الذين لهم بصمات بارزة فى الفن السودانى له الرحمة والمغفرة

شكرا لمرورك

[ملاك الورد]

وانا عودههههههههههه انتو ما جادييين نهائى خخخخخ


لحدى الان واحد ذكر الرمز الوطنى السودانى الاصيل ماف
دا عدم درايه بالتاريخ ما ممكن :D :D

رمز وطني

[رءوف]

وانا عودههههههههههه انتو ما جادييين نهائى خخخخخ




لحدى الان واحد ذكر الرمز الوطنى السودانى الاصيل ماف
دا عدم درايه بالتاريخ ما ممكن :D :D

عود ابا نوس ان اصيل والله
دايرين نوريهم ناس الشهادة العربية ديل وناخذ الاجر بيتريقو علينا بالله شوف

[رءوف]

ايضا لن ننسى الفنانين الذين رحلو عننا امثال الرائع جدا مصطفى سيد احمد وابراهيم عوض ومحمد احمد عوض وبادى محمد الطيب وعثمان حسين وحسن عطية وخوجلى عثمان الذى طعنه احد المجانين وسيد خليفة والعطبراوى والفنان عبدالعظيم حركة

[رءوف]

ياجماعة السودان ملى بالشخصيات التى اثرت جميع الساحات سواء السياسية او الاجتماعية او الفنية يلا عاوزين الماعارف يعرف

[رءوف]

بصراحة انا زعلان من بعض الاخوة الاعضاء الواحد يدخل يتاوق بس ويمشى دة معناتو شنو

[ملاك الورد]

شخصيه مميزه و هي الفنان الوردي محمد وردي
و كمان محمود عبد العزيز
العنده الفضل في تعليم جيل كااااااااااااامل معنى ال ...حب

[رءوف]

شخصيه مميزه و هي الفنان الوردي محمد وردي
و كمان محمود عبد العزيز
العنده الفضل في تعليم جيل كااااااااااااامل معنى ال ...حب

طبعا يا ملاك فنان الجيل الموسيقار محمد وردى دة مافى له مثيل ولا ننسى الثنائية الرائعة التى شكلوها لنا هو والعبقرى الشاعر الفحل اسماعيل حسن (ابو حنان ) وستظل اغانيهم واشعارهم باقية فى وجدان الشعب السودانى والشعوب الافريقية عامة
وفنان الشباب الحزين محمود عبدالعزيز ايضا له بصمات جميلة واغانيه حلوة
شكرا لمرورك العطر

[مسلمة وافتخر]

شخصية المك نمر

دى شخصية اثرت فى الشعب السودانى

واثرت فينى انا شخصيا


لانو حرق المتطفلين بجاز وسخ ( يستاهلوا )

[رءوف]

شخصية المك نمر thumbup.gif thumbup.gif

دى شخصية اثرت فى الشعب السودانى

واثرت فينى انا شخصيا


لانو حرق المتطفلين بجاز وسخ ( يستاهلوا )

انتى جعلية ولا شنو ؟؟؟
دة النمر البعدل الساحة محل ما اميل
كل ما اقول شكر القاهو فوقو قليل
وكان له دور كبير جدا فى دحر العدوان على السودان ويشهد له التاريخ بحجم دماء قبيلتى البطاحين والشكرية عندما قتل طه ود دكين البطحانى شيخ العرب الشكرى وجاء طه احتمى بالمك نمر
وكان سبب المشكلة ان شيخ العرب الشكرى اراد ان ياخذ ( ريا ) البطحانية وهى ابنة عم وحبيبة طه ودكين وقد سجل التاريخ اجمل المواقف للمك نمر

[لسعه شقاوه]

طبعا الفنان محمد وردي>>على فكره عمي بس في لفه في الموضوع
وعلي عثمان محمد طه يتميز بشخصيه مو طبيعيه.......ز

[رءوف]

طبعا الفنان محمد وردي>>على فكره عمي بس في لفه في الموضوع
وعلي عثمان محمد طه يتميز بشخصيه مو طبيعيه.......ز

وانا كمان وردى خالى بس ان جعلى وهو دنقلاوى يعنى باللفة كدة

طبعا على عثمان سياسى محنك ومتحدث لبق وذكاء خارق وله باع طويل فى اتفاقية نيفاشا التى اوقفت حرب 25 سنة فى جنوب السودان

[رءوف]

وين بقية الاعضاء بس

[الضراع]

000 موضوع في غاية الروعه والجمال 000
فمن الممكن الواحد يكتب فيهو لحدي اليوم التاني
مايكمل الذين كانت لهم بصمات واضحة في الشارع السوداني
لاكن حااكتب ليك شخصية مهمة أعتقد كل السودانين يعرفونها
وهو (الشيخ عبد الرحيم محمد وقيع الله البرعي )الذي أسس قاعد ه
كبيره في المديح النبوي فما من بيت في السودان لايخلو من شريط كاست
يحمل بدخله بصمه من بصمات الشيخ البرعي
وكذلك الشيخ الماحي وإبن اب شريعه والشيخ الصابوني هولاء ابدعو في مجال المديح
تقبل مروري المتواضع