الركشة..

[ملاك الورد]

"تموتو احسن بالباعوض ولا بفواتير الكهرباء"..

ههههه
احسن " الموسكيتوز" و لا انه

[مهاجر في البلد]

إبداع عديل كده
والله تنفع مطبات في التلفزيون ( متاعب ) وتلقى الناس منتظرين بي لهفة

[نهـاد]

ياربي ود عازة
دا مشى وين وطول الغيبة ؟؟؟


نتمنى يكون بخير ويجي يتم لينا باقي المسلسل

[ودعازة]

الحلقة 14 ..

(شرحو..يكفينا شرهم-الاخيرة)

امين لم تستمر حيرته كثيرا..فرغم منطقية مايزعم الشابان الا انه له كثير من الحجج بأن بلده لن تهون عليه ويكفيه رغم إحساس الظلم داخل أسوارها أنها تمنحه هويته التى يعتز بها كثيرا ورغم كل الاهوال والاحن..


فاصل اعلانى..

مخابز العجيب للمعجنات والبتى فور والبسكويت..
العجيب ..تشكيلة من بسكويتات ومنينات الزبيب..
العجيب..البتى فور عندنا شى عجيب..
العجيب..بنجيب ليكم فروقات الصيام الصعيب..
العجيب..لا تتعبو وتلوخو العجين وتقومو الفارات وتبش العضلات ياالحبيب..
العجيب ..قرب تعال وخلى الجلدنة واقتل عقارب الجيب..


حسونة : بالله فكونا من السيرة البااايخة دى..هسى دى حنعمل شنو فى البرنكلز ياعليوة؟ نجلى ولا شنو الراااى؟

عليوة : بس ياانتا الزمن ماراح؟..وبعدين الشباب ممكن يكونو جابو معاهم..النمشى على المرسى ونشوف الدنيا وين بينا بترسى..هى هى هى..هيى سجمى مابقيت شاعر وانا ماشاعر..

امين : "تعتصره الوجعة"..اها قلتو شنو؟ ماشين على وين؟

حسونة : على المرسى وخلينا على قولو النشوف وين ترسى..والله ياعليوة شذيت وبااالغتا وعانقت الخيال ياانتا..ماتكملا وخلينا نعمل اغنية رااابة نطير بيها زهجنا دا..

عليوة : ياانتا نبقى شعرا وطيب لو بقينا احنا الشعرا ناس هناااى ديلك تانى يقولو الشعر فى منو..هى هى هى هييييييييييي..خليتنى اضحك ياانتا..

حسونة : قصدك المابجيب إسمو واخاف الهوا يقسمو..صحى انتا وين الحى بيو من يوم ديك وعييك ماظهر تانى ومارجع لحنانى..

عليوة : مرتو الكريها مارجعت من اهلا..وهى تانى بتدينا فيو فرصة..النبى فيك "استغفر الله" شفتا حلاة بيتو كيف؟..ولا اوضة النوم وووب عليا ماكنتا عايز افارقا..

امين : "غاضبا"..انزلو ياعواليق..انزلو الله لا يديكم بركة..

حسونة : هيى ياانتا مالك فجأة اتظربنتا؟..هو فى زول هبشك؟مالك هجتا فينا كدا؟..

امين : قلت ليكم انزلو عشان ماتشوفو منى المابعجبكم..انزلو يارمم..يازبالة..

عليوة : نازلين من الفارهة يايابا..هو شنو هو دا؟!!..احنا هسى عملنا ليك شنو ياانتا؟ فى زول حدسك ولا نضم معاك؟

امين : الغلط مامنكم ..الغلط من البركب اشكالكم النية دى..بالله مامكسوفين من خلقكم العجيبة دى؟يااخى اذا ابتليتم فاستتروا..لكن صحى الخشا مات..

حسونة : والله حكايتك غريبة وحالتك عصيبة..انتا هسى الكلام دا كلو عشان شنو؟ مخيريين ياانتا نلبس العايزنو..ولا عايزنا نلبس مبهدلين زيك كدا؟ومافى داعى للغلط انحنا ماسوينا ليك حاجة..عقدك دى بالله ماتفكها فينا..

امين : عقدى!!يااخى ايا انا معقد بس راجل..مازيكم يابتاعين اوض النوم يامعفنيين..طيرو الله لا ردكم وقروشكم النجسة زاتا مادايرا خلوها معاكم يازبالة..

عليوة : اوض النوم مالا؟ المابتلحقو جدعو..هسى شوف حالتك وشوفنا..المابتحصلو جدعو..

امين : حالكم يازبالة!!وين حالكم دا؟ ياانجاس..اتفسح زيكم والناس ماقادرا تاكل؟وبقروش من وين؟ من الدعارة ياكلبات السكك..ولسة بتقاوحو؟..حالى انتو بتجو بجنبو ولا بينحط عشان يجيكم..والله صحى الاختشو ماتو..طيرو بلا يخمكم ويخم اشكالكم يا(.........)..

حسونة : بس حاسب مايطق ليك عرق..هاك قروشاك..

امين : قروش !!وهى قروشكم دى قروش يازبالة..

وينطلق امين بركشته الى عالمه النقى الطاهر رغم قسوته وشدته..انطلق بعد أن ألقى كل النقود التى دفعها الشابان بوجهيهما..إنطلق وقد أحس بأنه أهين وجرح فى رجولته..كيف لهذين المتنسونين البوح امامه بلياليهم الحمراء الشاذة أمامه!!أوصلت بهم الجراءة الى هذا المستوى من الوقاحة والإستهتار بوجوده..أراد أن يرجع إليهم ويضربهم ثأرا لما يحس به..ولكن ماذا سيعتقد المارة من عراكه مع مثل هذين الناعمين؟..زبون لم يتفق معهم..تبا لأحكام الناس الغير مبررة وتبا لمجتمع جعل الأرازل هم المنتصرون..

يتبع...

[هيثم ابراهيم]

أبداع اخى ود عازة
واتنمى منك ان لاتنقطع طويلا


تخريمة
كل سنة وانت طيب والقابلة على امانيك
(جوالك يوم العيد مغلق)

[سلمي200005]

مبدع شوية عليك

[سلمي200005]

ودعازة شنو الحكاية

[ابن عوف]

ود عازة شنو تشرنا فى النص كدا تعال تم لينا المسلسل دا الاتراك مسلسلتهم تستمر سنين هس وادى الذئاب له 8 سنة شغال
نعاين للجزء التاني منك الاول ما كملتو لينا

ودعازة ان شاء الله تكون بخير

ونتمنى نشوف اسمك يتلالا علي صفحات انا سوداني

[العمرابى]

صحف اليوم

التغيير:
الجيش يرفض اتهامات جنوبية بقصف موقع في أعالي النيل
أمبيكي يقود تحركات لإنقاذ مفاوضات أديس
انهيار المفاوضات المباشرة بين الحكومة وقطاع الشمال
الصوارمي: لم تقصف طائراتنا الجنوب
غبوش: محادثات أديس غيبت قضايا النوبة
شرطة المرور تكثف حملاتها على الركشات
مصر تطالب السودان بدعم رؤيتها حول سد النهضة