مجادعات شعبيه

[الضراع]

السلام عليكم ورحمة الله وبركاته
عايزين الليله مطارحات شعريه من نوع تاني من الشعر
وهو الشعر الشعبي
الفكره إنه واحد يبدأ ببيت شعر ويأتي الشخص البعدك يرد علي بيت الشعر
وعندك خيارين
1-إما تجيب بيت شعر موازي للشخص القبليك في المعني
2-او ابدأ من اخر حرف إنتهي منو الشخص اللقبلك

ياجماعه عايزين تفاعل مع الموضوع
ماإتفشلونا يلايا البيركس خلونا نشوف العندكم شنو وثقافتكم في الباديه شنو؟؟؟؟؟؟؟؟

[الضراع]

انا حاأبد ليكم
بشوف لي برق هناك مثل الزناد بق بقا
فلــــــــــح قلبـــــــــي بسلاحا ولا بتلقا
عاينت فيهو عقبان رف طبق البـــــــقا
فسر عقلي زكرني ام ضميرا رقا 0000



يلا البعدو ياشباب

[ودالعاصمة]

الغالى على غلوبنا الضراع اخوك جاى الليلة ويبداء ليك لانو الحاجات السودانية دى جميلة جدا جدا واحيك على اختيارك الموفق البدل على انسان سودانى ومبدع مية مية


والبلد الابوك عمدوا وجفوك نظاروا
متل الكنى قاعد فيهو شن افكارو
اولى القعدى فى بلدا تكون فقاروا
ماخالقنا زول اللة واسعة دياروا


تسلم ياسودانى ياراقى تحية منى ليك .................

[waya]

[grade="00008b ff6347 008000 4b0082"]اشوف لي تلاته نجوم
واحدة فيهن شرقت
واحدة غربت ,, والتالته في الخرطوم
بت الناس العزاز الفي المخدة تنوم
قطعت قلبي وخلت كبدتي تعوم [/grade]

[الطيفه]

اخى الكريم الضراع مشكور جدا على الموضوع الجميل وهاك دى منى لانى ماعندى خبره كفايه فى المجادعات


من اشعار الشاعر الكبير محمد طه القدال


أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلديالمِنمِّل جِنيِّ

واطلعْ مِنِّي يا حُزناً بِقى مكَجِّني

[الطيفه]

[grade="00008b ff6347 008000 4b0082"]اشوف لي تلاته نجوم
واحدة فيهن شرقت
واحدة غربت ,, والتالته في الخرطوم
بت الناس العزاز الفي المخدة تنوم
قطعت قلبي وخلت كبدتي تعوم [/grade]

وايا يا وايا ياهرف الان سبقتنى

[ودالعاصمة]

يامقنع بنات بادى العزاز حرم
الخيل عركسن ماقال عدادن كم
فرتاك حافلن ملاى سرجن دم
وكفوفيتك ام عصى بولاد
وسيفك فى الحرب متل الشمس وقاد
وقارحك غير شكال مابيقربو الحداد

[الضراع]

مابرجاك مربط طيرو شجرو مقيل
مابرجاك سعوب تابع كلمت العيل
ياكون المدور ليلو كلو منيل
سويناك دخري ردم في قفاك وإنشيل

[الضراع]

[

i]شيخ ودشيخ مشيخ من سنينو الفاتو
ماسك السرمسلسل من كبار ابواتو
الورع التقي المهيله صلاتو
فوق زحل النجوم عند البعرفو قلاوتو


وينكم شباب [/i]

[الحلوين]

[align=center]تسلم حبيبنا
الضراع
موضوعك جميل وبزكرنا الاهل
يالله هاك دي
وقول لحامد تسريح القجج وماطارت السفاق خليه
العمه كنيبو كشبه بسيطه ماليك بيه
تعبان والدك والبكره الضامره عينه عليها
ههههههههههههه
هج ابشربالخير[/align][/color]

[الضراع]

احمد صالح الشلبي ابخطابا حالي عندو الناس سويه القاري واللبالي
خايف ربه ودعربا قدرهم عالي والماعندو تاريخ من عوج مبالي

[ملاك الورد]

ما تقولوا انا ما بعرف لكن بس ما بعرف بكل الحروف
بستنى دوري و بجي اتدخل في الموضوع
سلملم

[مها]

[grade="00008b ff6347 008000 4b0082"]يالقشيش القام حرب بين الجبلين
الحريص قراعوا ما بسقيه قرعين
السرف صافى لامن يبقى لبين[/grade]

[الضراع]

ما تقولوا انا ما بعرف لكن بس ما بعرف بكل الحروف
بستنى دوري و بجي اتدخل في الموضوع
سلملم

مجامله حلوه منك تعتبري رديتي طالما بديتي بحرف الميم ههههههههههههههه

[الضراع]

نغيم هز اوتار المشاعر المـــــــــــــــــاتت
إسمعتو وثورة الريد في الدواخل جاطــــــت
الشوق والظروف ماضي السنين الفـــــــاتت
إتجمعن سواء وفوقي المصايب إتواتت 0000


وينكم ياشباب

[وطـــــــــــني]

وتصرخ فايقة ياجلابة اقيفوا لي
وتسعل ضايقة ما شفتوه زولا لي
تضيع فرخاتا في المجهول
ويرحل من دريبا الضي

العزيز علينا دوما لك مني جلي التحايه علي المجهودات الرايع التى تذيد من روعت هذا المنتدي
فالتدم علي ماتتمناه

[مها]

يالفوق اولاد اخوانى الفت المسادير
صبيانا لاقلوب لاعندهم حيل
فضيحه مركبن موجعانى بالحيل
التصد لحجرة صبيانا نفر ديل
تقول عربا نزلتوا فى الهواوير

[الضراع]

أهلي المكانهم في المكــــــــــــــــــــــــــــــــــــــــــــــــارم قمه
أهلي الكانو لي تتر القبــــــــــــــــــــــــــــــــــــــائل طمه
تجلببو بالصفا لبسو الفضــــــــــــــــــــــــــــــايل عمه
خير الناس أوفي من الخــــــــــــــــــــــــــــيارهم زمه

[waya]

وايا يا وايا ياهرف الان سبقتنى

اسبقك للجنة ان شاء الله ,,,

هيي الشفقة الكاتلاك دي بتنسيك رقم

[grade="00008b ff6347 008000 4b0082"]حرقوصك نتل جاب من هواكي دعاش
خيّم فوقك الليلي ومكاييل هاش
اتهتم سماك اسقى الـ كانوا عطاش
عربك تالتة واقفين ، لا برش لا فراش[/grade]

[ملاك الورد]

شيال الهموم دخرينا
الفارس اخوك يالزينه