رسالتنا للحكومة والمعارضة

[القلب الملك]

أخواتي ،، أخواني أعضاء منتدى أنا سوداني ،،،

السلام عليكم ورحمة الله وبركاته ،،

في البوست دا عايزين نسجل صوتنا فيما يحدث الآن في السودان ونوجه رسالة للحكومة والمعارضة ،،، وكل واحد/ة يجي يقول الفي بالو عن آمالو تجاه السودان الحبيب حفظه الله ويطلب من الحكومة والمعارضة ما يشاء في سبيل تحقيق حياة كريمة لأهل السودان وتنمية ثرواته وصيانة أرضه.


ورسالتي الخاصة للحكومة والمعارضة ،،،


فكروا في حقوق الغير قبل ان تفكروا في حقوقكم ،،، عندها تنعم بلادنا السودان بالأمن ويتحقق لها النمو والتقدم ،،، فعندما تحرص كل جهة على مصلحة غيرها يسود الاستقرار بيننا.

لا يهم أن تحكم الدولة بنفسك ،،، ولكن ما يهم أن ترى البلاد عزيزة وأهلها بخير ،،، وأظن أن ذلك هدف كل من انضم لحزب ،،،

لم يا معارضة - عموما - لا تسعي بتوجيه الحكومة لتطبيق برنامج يهدف لمصلحة المواطن والبلد وألا تركزي على الحصول على السلطة << دا طبعا بغض النظر عن مين الحاكم ومين المعارض >>>

ولماذا يا حكومة لا تنظري إلى ما يطلبه الغير ،،

السودان يتمزق ،،، والأطماع تنهال عليه ،،، وانتو يا حكومة ويا معارضة عليكم عبء المحافظة على البلد من المتربصين ،،، فاجعلو هدفكم السودان وأهله ،، وانسو أحزابكم وتشرذمكم فإن ذلك لن يزيدنا الا ضعفا ،، ولن يقودنا إلا إلى طريق الهلاك ،،، عندها تصبح أرض المليون ميل مربع ،، كأحياء المدينة ،،، الرابط بينها الدمار والحروب ليس الا.

أنا أبرىء نفسي من أي شكل لا يحفظ للسودان وأهله عزة وكرامة... سودانا واحد ،،


اللهم احفظ بلادنا السودان ،،، وألف بين أهلها وساستها ومذاهبها ،،، واجعله بلدا واحدا ،،، وقلبا واحدا ،،، زاهية ،،، مزدهرة ،،، هالة بين الأمم ،، اللهم آمين

[امال الناس]

هوي يا اخوي خليتو كل شي كمان قلبتوها سياسة بري كدي نجري بعيد من البوست ده عمري ما دخلتي في سياسة وعائشة في احسن ما يكون

[القلب الملك]

هوي يا اخوي خليتو كل شي كمان قلبتوها سياسة بري كدي نجري بعيد من البوست ده عمري ما دخلتي في سياسة وعائشة في احسن ما يكون

ههههههههههههه

السياسة والله انا زاتي ما بحبا ،،، لكين لازم نوصيهم عشان مستقبل اولادي ،،، نحن ترا عرفنا البينا والعلينا ،،،

[توقن فنتي]

القلب الملك شكرا لك امال الناس نامل منك ان تقدمي الكثير
والكثير للناس في حياتك العمليه اي كان وفي زمننا كل شيئ
مسيس حتى في اكلاتنا ويقول احد الاصدقاء اثناء تسوقنا في
احد الماركتات عندما طلبت فول بالخلطه يا اخي انت عايز اي
فول فول خلطة الترابي ام الصادق ام البشير وجميل ان نناقش مثل
هذه المواضيع ربما يخرجنا من الوعكه الذي المت بساستنا ووطننا
الحبيب ربما يطيب جراحنا وجراح اباءنا الذين ذهبو ولم يرو خيرات
وطنهم الغني لاطماع سياسيه حرب في الجنوب وحرب في الشرق وحرب
في الغرب وكل هذا بسبب انصياع قاداتنا وساداتنا الي دول يكنون للسودان عداء
كما كان الحال في اخر مؤتمرهم والسودان يغرق فهم مشغولون بامر احزابهم ويبحثون
عن من يتحالفون يا ليتهم لو تدبرو في هذه الايه الكريمه {اخرقتها لتغرق اهلها لقد جئت شيئا امرا}
سورة الكهف هنا سيدنا موسى وصاحبه كاناعلى ظهر السفينه قال لتغرق اهلها ولم يقل لتغرقنا فلم
يذكر نفسه ولا صاحبه هذا هو احلاق الانبياء وهذا ما يقوله كتابنا الكريم واين سادتنا من القران واين سادتنا من الانبياء واين هم الخلفاء الراشدين واين هم من سيدنا عمر ابن الخطاب الفاروق ولك احترامي اخي ودمتم في رعاية الله [/align

]

[القلب الملك]

مشكور توقن على المرور الكريم وتسجيل صوتك فيما يهم بلادنا الحبيبة وأهلها ،،،

[مقتول الحب]

أعملو ذي الخليجين وعمرو البلد وبعدين تكلمو في الدول العظمى

[zaina]

كدى بس خلوا المواطن ده يكون رقم واحد فى اجندتكم بعد كدة كل حاجة ممكن تكون مقبولة"ياربى ممكن يسمعونا"

[القلب الملك]

مقتول الحب ،،، zaina ،،، مشكورين على المشاركة ،،،

[مهاجر في البلد]

اعملو بالمثل البقول انا واخويا على بن عمي وانا وابن عميعلى الغريب

انتو ما اولاد بلد واحدة ولو هدفك ياهو السودان كدي ادوها قعدة بي رواقه كده وبي مزاج
ولو هدفكم السلطة ما تظنو انو الناس البره ديل بجيبوها ليكم ولو هدفكم يا ناس المعارضة اهلكم المهمشين ليش قاعدين في الفنادق العالمية و....... وما حاسين بالحاصل

ويا ناس الحكومة حقو تدوها صنة شوية ادو المعارضة فرصة شوفوهم دايرين شنو وادوهم فرصة يساعدو ناس حتتم عشان ناس كوندا واصحابهم ما يجو يقسمونا كيمان كيمان

[حسن الفاضل على]

بسم الله الرحمن الرحيم
السلام عليكم ورحمة الله تعالى وبركاته
التحية للسودان والقائمين على امرة وفقهم الله وكفاهم شرحسادة
دعوة للقوات المعارضة خارج الوطن الحبيب بالانضمام برغم تنازلات الدولة المرئية والمسموعه
للم الشمل .كفاية حرب وكفايةنزاعات .الامن.الامن .الامن.
السودانى...........................

[محمد حمزه باوا]

بسم الله الرحمن الرحيم
اولا مشكور يا اخي علي هذه الوطنيه النادره في الزمن ده
الزمن الكل بقي بيتاجر بقضايا شعبه عشان يرتاح هو
يطلعو الي بلاد غضب الله علي اهلها ويعيشون في افخر فيلالها ويقولون نحن نبحث عن حقوق اهالينا
الموجودون الان في معسكرات النازحين
واذا رأيت هذا الموضوع بالمنظار الحقيقي تجد ان المتضرر الحقيقي هو المواطن الموجود في المعسكرات
لذلك اضف صوتي الي صوتك حتي يكون عاليا لانقاذ اهلنا الموجودين في معسكرات النازحين ضحيه لاكذوبات هذا العصر
نهايتا

مشكور علي هذا الاهتمام بقضايا شعبك و وطنك وبلدك و اهلك

محمد حمزه

[القلب الملك]

مهاجر في البلد ،، حسن الفاضل علي ،،، محمد حمزة باوا ،


مشكورين علي مروركم الكريم وتسجيل اصواتكم ،،