جانا الشتا لي نومو

[القلب الملك]

يا سلللللام علي الشتاء ،،، وعلي ضل الشاتي والفول الاخدر ،،، وقصب السكر ،،،


يا ولد ها الأغبش دا ،،، امشي اتمسحلك بي جلسرين ،، عامل كدا زي التقرة ،،

الكترابة التكندك نعلاتك ،،،


نهارك قصيير ،،، خمس دقائق وينتهي ،،، وجري على البيت ،،،

وليلك طويييييييييييل ،،، حظو المعاهو عائلتو


يا سلام علي النوم في ليل الشتاء ،،، تتدمدم ،،، تنووووووووم تقوم تلقى الساعة 11 بالليل ،،، تنووووووم تلقى الساعة 11 ونص بالليل ،،، وتنوووووووم تشبع نوم ،،،

تقوم الصباح ،،، الله يمرقك من السرير ،،، شوف السيوتر بي وين ،،


انتو شتاكم كيف ،،،


كل شتا وانتو طيبين

[فارماس]

الكترابة التكندك نعلاتك ،،،

يا قلب يا ملك يا امير

ماذا تعني الكترابة : .......................

ماذا تعني التكندك : .......................

نعلاتك : جزمة شبشب سفنجة طبعاً دي معروفة لاكن الباقي ما معروف شنووو؟؟

هو وين الشتاء والله انحنا مسخنين علي طول ايام السنة

ان شاء الله الواحد ينقلو الرياض عشان نكون ....................

وتاني ...................... وتالت ....................

وكل شتاء وانت بالف خير

[القلب الملك]

ههههههههههههه

الاجابة دي بخليها لي اعمامك ود الزوحي ، ود ابنعوف ، رءوف ،،،


مشكور على المرور

[نهـاد]

يا قلب الملك

انا كمان عايزة أجابة للأسألة لأني ما فهمت


أما عن الشتا نحنا لسة ما شفنا للشتا اي أثر


سخانة شديدة ومن غير مكيف ما بتقدر تقعد

[القلب الملك]

انت كنت وين يا نااناا ،،،، رءوف النهار كلو يكورك الشاف نانا الشاف نانا ،،، الود دا سويتي ليهو شنو ،،،

كدي النشوف الكلمتين ديل البقدر يجاوب عليهم منو من جيل الديجتال

[مها]

والله يا ابو النسب زكرتنا نمشى نشترى الجلسرين قبل ما يزيد
والله الشافع فى البرد تلاقاه مكندك تقول دحش
والعجب الكداريك الشقوق تدخل الضب
والله الكركار مابجيب نتيجه...........
وعاد لما السقط يقرص الا عصيدتنا من الكبوته ما تمرق
وعاد تحلى الجبنه بقلايتا والشرغرغ مع عويد طلح فى الكانون يحمينا
من الزيفه

[نهـاد]

انت كنت وين يا نااناا ،،،، رءوف النهار كلو يكورك الشاف نانا الشاف نانا ،،، الود دا سويتي ليهو شنو ،،،

كدي النشوف الكلمتين ديل البقدر يجاوب عليهم منو من جيل الديجتال

أنا دايما موجودة يالقلب
لكن خروف (سوري رءوف :D )دا كان بكورك مالو ؟؟ وبكوك فين ؟؟
انا غايتو ما سمعت صوتو








اها يعني يا قلب ما عايز تورينا معاني الكلمات

[نهـاد]

والله يا ابو النسب زكرتنا نمشى نشترى الجلسرين قبل ما يزيد
والله الشافع فى البرد تلاقاه مكندك تقول دحش
والعجب الكداريك الشقوق تدخل الضب
والله الكركار مابجيب نتيجه...........
وعاد لما السقط يقرص الا عصيدتنا من الكبوته ما تمرق
وعاد تحلى الجبنه بقلايتا والشرغرغ مع عويد طلح فى الكانون يحمينا
من الزيفه

مكندك
الكداريك
الكبوتة
الزيفة

مها لو سمحتي أشرحي الكلمات الصعبة

[القلب الملك]

مكندك
الكداريك
الكبوتة
الزيفة

مها لو سمحتي أشرحي الكلمات الصعبة

مها ام النسب توهتي البنية ههههههههههههه

نانا كان اخير ليك الكترابة ،،،،، مكندك وكنداكة تصريف يعني

[مها]

مها ام النسب توهتي البنية ههههههههههههه

نانا كان اخير ليك الكترابة ،،،،، مكندك وكنداكة تصريف يعني

البوست حقك يلا اشرح ليها وما تقول داير قروش
متعود انت على خم القروش
المشكله ماتقول داير تعملها دروس وحصص
يلا يالقلب اشرح لى نااناا والله هى غاليه علينا ........

[ود الخير]

الكترابة التكندك نعلاتك ،،،

يا قلب يا ملك يا امير

ماذا تعني الكترابة : .......................

ماذا تعني التكندك : .......................

نعلاتك : جزمة شبشب سفنجة طبعاً دي معروفة لاكن الباقي ما معروف شنووو؟؟

هو وين الشتاء والله انحنا مسخنين علي طول ايام السنة

ان شاء الله الواحد ينقلو الرياض عشان نكون ....................

وتاني ...................... وتالت ....................

وكل شتاء وانت بالف خير

يا القلب الملك الود ما يعمل فيها حنكوش
دا كان شق كراعه بيدخل ابو الضب
يلحوهوا ليهوا بالودك
وطبعا بتمسح ليهو بزيت ولى شحم
الشتاء الله جنس دمديم وشبع نوم

[نهـاد]

البوست حقك يلا اشرح ليها وما تقول داير قروش
متعود انت على خم القروش
المشكله ماتقول داير تعملها دروس وحصص
يلا يالقلب اشرح لى نااناا والله هى غاليه علينا ........

تسلمي يا مهوية انتي الغلى كلووو يا عسل

لكن برضو أشرحو لي
ما تقعدو تتعازمو علي أنتي والقلب

[ود الخير]

مكندك
الكداريك
الكبوتة
الزيفة

مها لو سمحتي أشرحي الكلمات الصعبة

انا بشرح ليك غايتو جنس حنكشه
مكندك ( معمول بطريقه جيده )
الكداريك ( الخنازير )
الكبوته ( جاكت من الصوف تقيل تقله )
الزيفه ( هبوب شديده بارده جدا )
قصرت معاك يا اختى زورى موقعنا الطشاش فى بلد العمى شوف دوت كم

[القلب الملك]

البوست حقك يلا اشرح ليها وما تقول داير قروش
متعود انت على خم القروش
المشكله ماتقول داير تعملها دروس وحصص
يلا يالقلب اشرح لى نااناا والله هى غاليه علينا ........

الكلام فات حدو ،،، هوي يا بنية امشي نادي رجال الراكوبة ،،، خلينا نشوف الحديث دا بيوصل وين ،،

أكان ما جو ،،، ما في كلمة واحدة تتقال ،،، قولي ليهم جدكم قال ليكم تعالو في ضل الشاتي راجيكم،،،

كلام اهلنا خلاص بقو في ناسا ما بعرفو

[القلب الملك]

يا القلب الملك الود ما يعمل فيها حنكوش
دا كان شق كراعه بيدخل ابو الضب
يلحوهوا ليهوا بالودك
وطبعا بتمسح ليهو بزيت ولى شحم
الشتاء الله جنس دمديم وشبع نوم

هههههههههههه ،،، يعني الزول ما شهادة عربية ؟

[القلب الملك]

انا بشرح ليك غايتو جنس حنكشه
مكندك ( معمول بطريقه جيده )
الكداريك ( الخنازير )
الكبوته ( جاكت من الصوف تقيل تقله )
الزيفه ( هبوب شديده بارده جدا )
قصرت معاك يا اختى زورى موقعنا الطشاش فى بلد العمى شوف دوت كم

هههههههههه دا قاموس هندسسسسسه

[القلب الملك]

يا القلب الملك

الشتاء الله جنس دمديم وشبع نوم

هههههههه هسا انا قاعد من قبيييييييييل وكل ما اعاين للساعة القاها تتزحزح في عشرة ،،،


كان دا الصيف كان مرقت في واحدة

[ام مودة]

الشتاء وين الشتاء ياحليل الشتاء نحن لسع ماشفناهو عندنا سخانة شديدة ورطوبة كمان

[القلب الملك]

الشتاء وين الشتاء ياحليل الشتاء نحن لسع ماشفناهو عندنا سخانة شديدة ورطوبة كمان

هلا ام مودة ،،، ما خلاص دخل وكتو ،،، ما شايفة الساعة ماشة كيف ،،، كان علي البرد اصبري عليو

[نوشا]

[align=center]الشتاء احلى المواسم لينا مافى شى غير النوم وكسل شديد فى كل حاجه حتى الحمام لازم تسخن المويه والعجب لواحد عندو مدرسه اوجامعه
الله يجيبو يسلمو على الموضوع الشتوى

والله فعلا المعانى دى غريبه دى باى لغه دى(مكندك
الكداريك
الكبوتة
الزيفة ):d[/align][/size]