حوار مع نفسي

[القلب الملك]

حوار مع نفسي:

القلب الملك: يا نفسي تعالي عاوز اتكلم معاك شوية
نفسي: ( تقدمت في هدوء كعادتها وهي تنظر إلى)
القلب الملك : أقعدي مالك واقفة؟
نفسي: ( جلست وتبسمت)
القلب الملك : ابتسمت لي؟
نفسي: أصلي عارفاك عاوز تقول لي شنو
القلب الملك: دايما بقولو ليك ،، إنت عارفة أنا بحبك قدر شنو
نفسي: ما محتاجة تقول لي ،، ما تنسى إني جواك
القلب الملك : ما ناسي و ما بنسى ،،، لكين لمتين؟
نفسي: (نظرت إلى ولم تجب)
القلب الملك: لازم نلقى حل.....ساعديني
نفسي: أنا ما بعرف أكون إلا زي ما أنا ... ربنا خلقني كده
القلب الملك : بالطريقة دي حنتعذب .... ممكن تستمعي بي لحظة وتنتهي ... بس حتعيشي في عذاب في الآخرة.
نفسي: كل لحظة بتنته بتبدا غيرها ،،، وممكن تكون أحلى ...
القلب الملك : إنت ليه بتستمعي بي حاجة ربنا ما بحبها؟ .... إنت موش عارفة إنو ربنا بحبك عشان كدا خلقك..
نفسي: (تنكس رأسها ) عارفة الكلام دا كويس.... بس ربنا خلقني كدا... إنت قاوم...
القلب الملك : ( تنهد ) لو بقدر أقاومك كان عملت كدا من زمان...
نفسي: ( تبسمت بغرور)
القلب الملك: أيوة اتبسمي زي ما انت عاوزة ...بس كدا حتضيعينا ...
نفسي: موش كفاية إنك بتناقشني.؟ ..... دا ما عذر بالنسبة ليك؟
القلب الملك: جائز يكون عذر ،،، إنت عارفة ربنا ما حرم عليك شي إلا فيهو ضرر ليك أو للحاوليك أو للبيئة الإنت عايشة فيها...
نفسي: (التفتت إلى )
القلب الملك : وما حلل ليك حاجة إلا فيها مصلحتك ،،، يعني حلال وحرام معناهم صحي وغير صحي (للإنسان ، المجتمع والبية).... إنت معاي؟
نفسي: سامعاك...
القلب الملك : طيب ليه ؟
نفسي: ما قوتا ليك أنا مخلوقة كدا.... أنا ح أوريك يعني ،، مفروض إنت تقاومني.... كم مرة أردد ليك الكلام ده؟
القلب الملك: ح أقاومك بكل قوتي ....
نفسي: ( متحدية ) ح تقدر
القلب الملك : (مترددا) ب ب بقدر... أيوة بقدر .... وربنا حيقدرني عليك...
نفسي: شوف هناك...
القلب الملك : وين؟
نفسي: هناك .... (ابتسمت)
القلب الملك : تاااااااني؟؟ أنا من الصباح بقول ليك في شنو
نفسي: آخر مرة بس
القلب الملك : يا سلام عليك بس... توعديني آخر مرة ...؟
نفسي: تتوقع شنو؟
القلب الملك : أصلو مباراتك بتوديني في ستين داهية ...
نفسي: قوم ياللا ... أسرع..
القلب الملك : عليك حركاااااات بس.... يالللا طيب ... آخر مرة ...
نفسي: كيف كان؟
القلب الملك : أعوذ بالله منك يا نفسي... يا رب سامحني ،،، يا رب أغفر لي ،،، أنا مستحيل أطاوعك تاني،،، مستحيل..
نفسي: أنا عاوزة أنوم بعد دة
القلب الملك : الصلاة قربت باقي ساعة
نفسي: بظبت المنبه وبصحى
القلب الملك : فكرة خلينا نظبتو..
نفسي: قوم يا كسلان وقت الشغل جا ياللا ألحق المكتب....
القلب الملك : ما صحيتني للصلاة وتصحيني للشغل...؟!!!!!
نفسي : إنت نوااااام أعمل ليك شنو...
القلب الملك : أعوذ بالله منك يا نفسي ، يا رب سامحني ،،، يا رب أغفر لي ،، أنا مستحيل أطاوعك تاني ،،مستحيل.
نفسي: والله دة أصلو ما جو صوم ... ربنا ما أمر بي كده ... ده هلاك...
القلب الملك : كلها الباقي كم ساعة ؟ عليك الله فكينا ياخ...
نفسي: ده حر دة؟ ... ربنا بسألك عن صحتك بعدين ... ربنا بحب تؤتي رخصه زي ما بتؤتى عزائمه .. أفطر اليوم وبتقضي مرة تانية ..
القلب الملك : قوتي لي باقي كم ساعة؟
نفسي: (ضحكت)
القلب الملك : أعوذ بالله منك يا نفسي ، يا رب سامحني ،،، يا رب أغفر لي ،، أنا مستحيل أطاوعك تاني ،،مستحيل.

وتظل نفسي تأمرني من منكر إلى آخر وأنا في حوار متجدد معها ،،،،فإلى متى؟؟؟؟؟وكيف تكون النهاية؟ عند قولي أعوذ بالله منك ،،، والا آخر مرة بس؟؟؟؟؟؟

= كيف عاملين مع أنفسكم؟؟؟؟ بتراجعوها ؟،،، غالباكم واللا مسيطرين عليها ؟؟؟

"فأما من طغى ، وآثر الحياة الدنيا فإن الجحيم هي المأوى
وأما من خاف مقام ربه ، ونهى النفس عن الهوى ، فإن الجنة هي المأوى"

[نهـاد]

جد حوار رهيب وأسلوبك جميل

لكن السؤال من المنتصر في النهاية هل القلب الملك أم النفس الأمارة بالسوء

نعم النفس الامارة بالسوء هي اشدها على الانسان قسوة وضياعاً وهي التي تجر صاحبها الى الخزي والعار في الدنيا والى الهلاك والدمار وسوء القرار في الاخرة


قال الله سبحانه وتعالى ((واعلموا ان الله يعلم ما في انفسكم فاحذروه واعلموا ان الله غفور حليم)).


قال الله سبحانه وتعالى ((وما ابرئ نفسي ان النفس لامارة بالسوء الا ما رحم ربي)) يوسف:



تحياتــــــــــي

[القلب الملك]

العزيزة نااناا ،

مبسوط كتير بمشاركتك ، وبحي فيك بعد نظرك وقراءة ما بين السطور ،،،،شكرا علي ردك الجميل ،،، دعاوتك انتصر علي نفسي ....والله يعينك علي نفسك ،،، وجميع المسلمين...آمين،،

[القلب الملك]

من ارشيف القلب الملك ،،، للأعضاء الجدد ،،، مع خالص التحايا

[بت صيدله]

سلمت اناملك على هذا الحوار وربنا يقويك على مجاهدة النفس ويثبتك على الطريق الحق اختيارك للحوارده ولاسم القلب الملك دليل على ضميرك الحي وبصيرتك النافذه اتمنى ليك سعادة الدارين واقبل مروري ودمته بود

[هذار]

اصدق حوار هو حوار النفس لنفسها ,ووجود التحاور ومحاسبة النفس أمر يؤدي
الي الشفاء الروحي والسكينه والهدوء..
ولكن لا تعتقد بكتابه هذا الحوار قد ارحت نفسك من النفس اللوامه , ولكن يانفسه
واصلي اللوم والمحاسبه ولا تجعليه يركن ويستكين ,,فهو يعتقد انه تركك هنا بين
السطور وذهب الي ملاهي الدنيا من جديد بدون حسيب ...
اللهم اعنا برحمتك ياارحم الراحمين قال تعالي "وخلق الانسان ضعيفا"

[القلب الملك]

سلمت اناملك على هذا الحوار وربنا يقويك على مجاهدة النفس ويثبتك على الطريق الحق اختيارك للحوارده ولاسم القلب الملك دليل على ضميرك الحي وبصيرتك النافذه اتمنى ليك سعادة الدارين واقبل مروري ودمته بود

جزاك الله خير بت ، ربنا يوفقك ،،، ربنا يدخلك ومن يهمك الجنة بلا حساب ،،،


مرور كريم

[القلب الملك]

اصدق حوار هو حوار النفس لنفسها ,ووجود التحاور ومحاسبة النفس أمر يؤدي
الي الشفاء الروحي والسكينه والهدوء..
ولكن لا تعتقد بكتابه هذا الحوار قد ارحت نفسك من النفس اللوامه , ولكن يانفسه
واصلي اللوم والمحاسبه ولا تجعليه يركن ويستكين ,,فهو يعتقد انه تركك هنا بين
السطور وذهب الي ملاهي الدنيا من جديد بدون حسيب ...
اللهم اعنا برحمتك ياارحم الراحمين قال تعالي "وخلق الانسان ضعيفا"

سمراء النيل ،،، ما اظنها بقت تلوم زي اول ،،، ركنت للفوضى ،،، دعواتك

مرور مشرف

[القلب الملك]

وما زال الحوار مستمر في صراع يتجدد ،،،


يا رب سترك ،،،

[الماسة الخماسية]

حوار مع نفسي:

القلب الملك: يا نفسي تعالي عاوز اتكلم معاك شوية
نفسي: ( تقدمت في هدوء كعادتها وهي تنظر إلى)
القلب الملك : أقعدي مالك واقفة؟
نفسي: ( جلست وتبسمت)
القلب الملك : ابتسمت لي؟
نفسي: أصلي عارفاك عاوز تقول لي شنو
القلب الملك: دايما بقولو ليك ،، إنت عارفة أنا بحبك قدر شنو
نفسي: ما محتاجة تقول لي ،، ما تنسى إني جواك
القلب الملك : ما ناسي و ما بنسى ،،، لكين لمتين؟
نفسي: (نظرت إلى ولم تجب)
القلب الملك: لازم نلقى حل.....ساعديني
نفسي: أنا ما بعرف أكون إلا زي ما أنا ... ربنا خلقني كده
القلب الملك : بالطريقة دي حنتعذب .... ممكن تستمعي بي لحظة وتنتهي ... بس حتعيشي في عذاب في الآخرة.
نفسي: كل لحظة بتنته بتبدا غيرها ،،، وممكن تكون أحلى ...
القلب الملك : إنت ليه بتستمعي بي حاجة ربنا ما بحبها؟ .... إنت موش عارفة إنو ربنا بحبك عشان كدا خلقك..
نفسي: (تنكس رأسها ) عارفة الكلام دا كويس.... بس ربنا خلقني كدا... إنت قاوم...
القلب الملك : ( تنهد ) لو بقدر أقاومك كان عملت كدا من زمان...
نفسي: ( تبسمت بغرور)
القلب الملك: أيوة اتبسمي زي ما انت عاوزة ...بس كدا حتضيعينا ...
نفسي: موش كفاية إنك بتناقشني.؟ ..... دا ما عذر بالنسبة ليك؟
القلب الملك: جائز يكون عذر ،،، إنت عارفة ربنا ما حرم عليك شي إلا فيهو ضرر ليك أو للحاوليك أو للبيئة الإنت عايشة فيها...
نفسي: (التفتت إلى )
القلب الملك : وما حلل ليك حاجة إلا فيها مصلحتك ،،، يعني حلال وحرام معناهم صحي وغير صحي (للإنسان ، المجتمع والبية).... إنت معاي؟
نفسي: سامعاك...
القلب الملك : طيب ليه ؟
نفسي: ما قوتا ليك أنا مخلوقة كدا.... أنا ح أوريك يعني ،، مفروض إنت تقاومني.... كم مرة أردد ليك الكلام ده؟
القلب الملك: ح أقاومك بكل قوتي ....
نفسي: ( متحدية ) ح تقدر
القلب الملك : (مترددا) ب ب بقدر... أيوة بقدر .... وربنا حيقدرني عليك...
نفسي: شوف هناك...
القلب الملك : وين؟
نفسي: هناك .... (ابتسمت)
القلب الملك : تاااااااني؟؟ أنا من الصباح بقول ليك في شنو
نفسي: آخر مرة بس
القلب الملك : يا سلام عليك بس... توعديني آخر مرة ...؟
نفسي: تتوقع شنو؟
القلب الملك : أصلو مباراتك بتوديني في ستين داهية ...
نفسي: قوم ياللا ... أسرع..
القلب الملك : عليك حركاااااات بس.... يالللا طيب ... آخر مرة ...
نفسي: كيف كان؟
القلب الملك : أعوذ بالله منك يا نفسي... يا رب سامحني ،،، يا رب أغفر لي ،،، أنا مستحيل أطاوعك تاني،،، مستحيل..
نفسي: أنا عاوزة أنوم بعد دة
القلب الملك : الصلاة قربت باقي ساعة
نفسي: بظبت المنبه وبصحى
القلب الملك : فكرة خلينا نظبتو..
نفسي: قوم يا كسلان وقت الشغل جا ياللا ألحق المكتب....
القلب الملك : ما صحيتني للصلاة وتصحيني للشغل...؟!!!!!
نفسي : إنت نوااااام أعمل ليك شنو...
القلب الملك : أعوذ بالله منك يا نفسي ، يا رب سامحني ،،، يا رب أغفر لي ،، أنا مستحيل أطاوعك تاني ،،مستحيل.
نفسي: والله دة أصلو ما جو صوم ... ربنا ما أمر بي كده ... ده هلاك...
القلب الملك : كلها الباقي كم ساعة ؟ عليك الله فكينا ياخ...
نفسي: ده حر دة؟ ... ربنا بسألك عن صحتك بعدين ... ربنا بحب تؤتي رخصه زي ما بتؤتى عزائمه .. أفطر اليوم وبتقضي مرة تانية ..
القلب الملك : قوتي لي باقي كم ساعة؟
نفسي: (ضحكت)
القلب الملك : أعوذ بالله منك يا نفسي ، يا رب سامحني ،،، يا رب أغفر لي ،، أنا مستحيل أطاوعك تاني ،،مستحيل.

وتظل نفسي تأمرني من منكر إلى آخر وأنا في حوار متجدد معها ،،،،فإلى متى؟؟؟؟؟وكيف تكون النهاية؟ عند قولي أعوذ بالله منك ،،، والا آخر مرة بس؟؟؟؟؟؟

= كيف عاملين مع أنفسكم؟؟؟؟ بتراجعوها ؟،،، غالباكم واللا مسيطرين عليها ؟؟؟

"فأما من طغى ، وآثر الحياة الدنيا فإن الجحيم هي المأوى
وأما من خاف مقام ربه ، ونهى النفس عن الهوى ، فإن الجنة هي المأوى"

* القلب الملك :

[font=&quot]لك في المحافل منطقٌ يشفي الجوى[/font]

[font=&quot]ويسوغُ في أذن الأديب سلافه[/font]

[font=&quot]فكأنّ لفظكَ لؤلؤٌ متنخّلٌ[/font]

[font=&quot]وكأنّما آذاننا أصدافهُ[/font]










قلبو * المنتدى كلو إتوحشكّ بزاف بزاف



رجاء عدّ إلينا - حتى وإن لم تحدثك نفسك


فلنا عليك حق ولك عندنا عهد

[القلب الملك]

أوامرك مسموسة هارتاتنا

[ابو الملكات]

جزاك الله خير ورحم والديك وانار قلبك وعقلك بنور الايمان وجعل عملك هذا فى ميزان حسناتك وجعل الجنة مثواك امين يارب

[القلب الملك]

ابو الملكات

وجزاك الله خيرا مما ترجو لي

وأدخلك ومن يهمك الجنة بغير حساب

بحق الصلاة والسلام والبركات على نبينا محمد وآله وصحبه