الزوجة غير ملزمة شرعا بالطبخ والعمل بالمنزل

[طائر الحب]

استمعن قبل فترة لاحد الشيوخ وهو يؤكد ان المراة ليست مامورة ان تطبخ لزوجها او ان تعمل فى المطبخ لوحدها بحيث يصير من حق الزوج ان تطبخ له زوجته ويتسبب ذلك فى خلافات ......


انا لم اقم ببحث كافى حتى الان .... وسافعل باذن الله ....

هل يملك احد دليلا على ذلك ؟؟؟


وما الذى يمكن ان يحدث لو فجاة تمسكت كل السودانيات بذلك ؟؟؟

ربما يكون الامر طريفا هههههههههههههههه

[ود الزوحي]

يا زول هي ما تجيب لينا العيد .. شوف ليك شي تاني ..


تحياااااااتي

[زوزو الجامعي]

يسلاااااااااااااااام ده الشي

[عاشقة النيل]

ياسلالالام كلام جميل صحي لازم الزوج يشارك الزوجة في كل شي حتى في المطبخ

[بسمة الحياة]

اصلا الزوج لو عندو زوق مفروض يساعد مرتو في المطبخ
من الرحمة يعني

لكن لو طلع الكلام ده صحيح الرجال بتمقلبو

[ابن عوف]

لو بقت على المطبخ ساهلة

هى اصلا حاصلة فى نسوان كتااااااااااااااااااااار



مشغلات ازواجم فى المطبخ

[toti13]

خلا ص ما لبسو معانا البنطلون لازم ندخل معاهم المطبخ !!!!!!!!!!!!!!!!
مساواة الرجل بالمراة ؟؟؟؟؟؟؟؟؟؟؟؟؟؟؟
زمن والله
يعني الراجل يجي من الشغل اخر اليوم تعبان ويجي كمان يدخل المطبخ وسيادتها قاعد على الدجتل تشاهد فى مسلسل تركي
دا الا الراجل ال.............

[ayau4me]

وانحنا حنقعد في البيت ونشوف الحيصرف عليها منو

[TAM]

منو القاليها تقضي كل حياتا في المطبخ
وكمان مالازم المرة البتطبخ لازم الزول صاحب اكبر خبرة في الطبخ ويكون متفرغ انو يعمل الاكل
وفي النهاية في المجتمع السوداني المرة بتعرف تطبخ والراجل جاهل في الطبخ في معظم الحالات يعني 1\10 من الحالات هي حلات شازة من الرجال

[ام اواب]

لو بقت على المطبخ ساهلة

هى اصلا حاصلة فى نسوان كتااااااااااااااااااااار



مشغلات ازواجم فى المطبخ

يالطيف الطف بحال العباد

[مهاجر في البلد]

شرعا كمان

يا زول اسكت الحروم ديل ما يسمعن يقومن يعملنها فرض ويقولن دي شرعا

اكان دخلنا المطبخ إلا نوكل الاولاد فول يا فتة فول

[بشوره الأموره]

الحياة شراكة...هههههه

[امال الناس]

استمعن قبل فترة لاحد الشيوخ وهو يؤكد ان المراة ليست مامورة ان تطبخ لزوجها او ان تعمل فى المطبخ لوحدها بحيث يصير من حق الزوج ان تطبخ له زوجته ويتسبب ذلك فى خلافات ......


انا لم اقم ببحث كافى حتى الان .... وسافعل باذن الله ....

هل يملك احد دليلا على ذلك ؟؟؟


وما الذى يمكن ان يحدث لو فجاة تمسكت كل السودانيات بذلك ؟؟؟

ربما يكون الامر طريفا هههههههههههههههه

يا طائر الحب يا اخوي والله موضوعك ده يظهر حيطلق النسوان كلهم

[مسلمة وافتخر]

انا بشوفو شئ عاادى

ممكن يطبخ وينظف البيت كمان

لانى صاحباتى البعرفهم كلهم ازواجهم بعملوا كدا

وانا بقول كدا عن تجربة شخصية

[ام هبه]

الحياة مشاركة بين الرجل والمرأة . يعني المفروض يقوم بمساعدتها في البيت
وهذا لايقلل من شأن الرجل بل العكس ,

[ندى البيلسان]

[glow=cccccc]

حقيقة الشرع لم يفرض على المرأة الطبيخ لزوجها بل هو يتكفل بتوفيره لها

لكنها عاداتنا التي نشأنا عليها ورأينا أمهاتنا يجهزن الطعام لأزواجهن

وفي الوقت الذي من المفترض فيه على الأزواج تقدير هذه الناحية الإنسانية للزوجة

أعتبروه فرضاً عليها وخلقوا منه إشكاليات كثيرة

أما مساعدة الرجل في شئون المنزل فليس بها ما يعيب حتى لو لم تكن المرأة تعمل

هي مشاركة قبل كل شيء وترابط وتواصل يجعل العلاقة بينهم أمتن وأجمل

لكن من يسمع الرجل خاصة السوداني يعتبر المساعدة نقص لقدره كرجل والقليل منهم من يفهم

المعنى الحقيقي

[/glow]