المرتبة قبل الاخيرة الاخيرة

[اشرف.]

والله يا حليل المنتدى وياحليلكم
مشتاق ليكم كتير
بس الله ماهون انى اتواصل معاكم فى الفترة الفاتت
بس من الخميس الجاى حارجع اكتب واكتب
واتواصل معاكم يا احلى ناس

مع كل حبى

[بنووتة كيووت]

وحــــــــــــــــــشتــــــنا شديييييييد

[بنوته مهاجره]

بالغته يااشرف قصتنا دمرتنا ياخي كمل الله يهديك بس

[اشرف.]

[align=center]

كل سنة وانتو طيبين يا احلى ناس عرفتهم فى حياتى.

بالجد انا فخور انى بكتب ليكم وفخوراكتر بمشاركتكم واهتمامكم.
عشان كده قررت اديكم عيدية وهى الحلقات العشرة الاولى من قصتى الحقيقية
(المرتبة قبل الاخيرة)
وعلى فكرة ماحتكون كل خميس بس وحتكون دايما معاكم بس ياريت تتعلموا منها شئ جميل حاولت اوصلو ليكم وهو الحب ..الحب بدون غرض ولا مقابل ولا حتى هدف نبيل او غير نبيل ..
عليكم الله خلونا نحب صادقين بس ونخلص النية والباقى كلو ربنا بسهلو.وفى النهاية اهم شئ لازم نكون مؤمنين بيهو كلنا انو اى حاجة حلوة وخير من عند ربنا عز وجل واى شئ ماحلو من عند انفسنا
ومن الله اىّ قدر حلو.

المرتبة قبل الاخيرة 1

--------------------------------------------------------------------------------

-لا..
اطلقت عبارتها مثل الصاروخ لتخترق طبلة اذنى وانا الذى ماتبقت لى اذن ولا عين ولالسان.
لم اطلب منها الكثير..
هى لحظة جنون اخرجتنى من محيط قناعاتى وجعلتنى اطلب منها ان التقيها..
-انا مابقدر الاقيك برة الجامعة
*انا ممكن الاقيك فى الجامعة
-انت ماقادر تفهم..انا اصلا مابعرفك واذا قبلت اتكلم معاك بالتلفون فده عشلن رسايلك المحترمة
ولانك مااتجاوزت حدودك معاى واذا عندك كلام مهم قولو بالتلفون هسى..
ترددت الف مرة قبل ان اقول لها
*انا ماعندى رصيد
-اشحن واتصل على
*طيب
-يا مع السلامة
*مع السلامة
اها والحل يازول انت عندك قروش رصيد.. قروش رصيد
يوسف..بس ماعندى حل غير اتسلف من يوسف..
ويوسف ده عذابى فى بيت العذابة الهسى انا قاعد فى برندتو وبتكلم مع احلى بت ممكن يشوفا بشر..
المهم اتسلفت 4 جنيه ومشيت المقابر..على فكرة بيت العذابة جنب المقابر..
وبديت اتصل واتصل
واخيرا ردت وكانت منزعجة شوية
*سلام عليكم
-وعليكم السلام
*انا شحنت ممكن اتكلم واقول ليك
-معليش بس انا بكرة ممتحنة ممكن تتصل على وقت تانى؟؟
*بكرة المغرب كويس؟؟
- كويس
*طيب بالتوفيق انشاءالله
-مع السلامة
*مع السلامة
وفى القلب حسرة رجعت اجرجر اذيال شوقى ولوعتى وفى داخلى صوت ينادى:
ان غدا لناظره قريب
وبكرة من الصباح فى الجامعة راقبتها طبعا كانت صادقة وعندها امتحان وامتحنت كويس(مستحيل اقول ليكم عرفتها كيف او منو الكان بجيب لى اخبارها)..
وبعد طلوع الروح الواطة مغربت..ومشيت المقابر..
واتصلت عليها..
وكانت المفاجاة؟؟؟؟؟؟؟؟؟!!!!!!!!!
ويبقى الحب
اشرف

المرتبة قبل الاخيرة2 [/B]

--------------------------------------------------------------------------------

وكانت المفاجأة؟؟؟؟؟؟؟؟؟
لن تتخيلوا انها لم ترد اساسا
نعم لم تخدعكم اعينكم
ابت ترد
حينها احسست انى احتاج ان اكتب وكتبت:
ومن المقابر وللمقابر..
وكل اول وليهو اخر..
وكل اخر وليهو حد.
-قصيدة طويلة وعريضة خلوها ما بتفيدكم بشئ-
ولم اتكلم بعدها
يومان بلا كلمات وسط ذهول الاصحاب والعذابة
وطبعا يوسف ماقادر يقول لى ادينى قروشى -هههههههههههههههههههههههههههههه هه- المهم بعد يومين قمت واتنفضت وبديت من جديد رحلة البحث عن عذر لمن احب
*هى اصلا مابتعرفنى ترد على ليه؟؟
*انا ذاتى بالغت اقول ليها بس كده داير اشوفك بدون مقدمات ولا اى تعارف
*وهى غير اسمى ما بتعرف عنى شئ معناها دى البت الانا بفتش عليها
يعنى باختصار اقنعت نفسى انها على حق وانا لازم اواصل فى حبى ليها
لكن كمان كرامتى؟؟؟
انعل ابو الكرامة ذاتو!!!!! الحب مافيهو كرامة
*لا فيهو يازول انت ما سودانى ولا شنو؟؟
غايتو بعد عذاب قررت ارسل ليها رسالة
وكتبت:
يبدو انى قد حاولت وصول الشمس
فكان لابد ان احترق
وبكل عزيمة واصرار ضغطت الزر ورسلتها.
طبعا ولاااااااااااااااااااااا عبرتنى.
*انا اصلا .............................
*ياخى خلاص بطل جرسة وخليك مع العيون بس
وبقيت كل يوم ازازى جنب كلية طب الاسنان
-طبعا هى كانت بتدرس طب اسنان-
ازازى ازازى لمن اشوفها .وبعدها بحس انو انا حى لسة وارجع اواصل يومى وكانى ملكت الدنيا.
اتخيلو معاى زول بحب زولة من غير مايقول ليها بحبك ومن غير ما يلمح حتى.
ومن غير ما يخليها تعرفوا حتى.
وكل يوم كانت بتحلى فى نظرو اكتر . ليه ؟ هو ذاتو ماعارف.
طبعا الزول ده انا ما تمشوا بعيد.
ومع مرور الايام وتداخل الاحداث وكترة المعاينة قدرت تربط بين الزول البرسل ليها رسايل محترمة على حد قولا وبين الزول البعاين ليها شديييييييييييييييييييييييييييي يييييييييييييييييييييييييييييي يييييد.
يعنى كشفت شخصيتى بس كانت محتارة ليه انا ماحاولت اتعرف بيها مع انى بعرف كل اصحابها فى الجامعة وممكن اصل ليها بسهولة.
واخليكم معاها فى الحيرة دى لحدى ما القاكم الخميس الجاى ؟؟؟؟!!!!!!!!!!!!!!!!!!!!
ويبقى الحب
اشرف

المرتبة قبل الاخيرة3

--------------------------------------------------------------------------------

-مستحيييييييييييييييييييييييييي ييل.
نطقها صديقى من اعماقه وهو يكاد ينفجر من الغيظ
-معقول يازول سنتين وانت ما اتكلمت معاها لحدى هسى
*لا
-طيب ومنتظر شنو؟؟؟؟؟؟؟؟؟؟؟؟؟؟؟؟
-تجى تتكلم هى ولا كيف؟؟؟؟؟؟؟؟؟؟؟
*ولا كيف
-غياظ
* انا ماغياظ بس بالجد ولا كيف
-؟؟؟؟؟؟؟؟؟؟؟؟؟؟؟؟؟؟؟؟؟؟
*ما تطير لى عيونك كده امشى اقول ليها شنو؟؟
* اقول ليها انا بحبك؟؟؟؟؟؟
- طبعا
* طيب وبعد كده؟؟؟؟؟؟؟؟؟؟
- بعد كده شنو؟؟ماخلاص ترتاح وتريحها معاك
*اولا انا عمرى ما حارتاح من حبها ..وثانيا منو القال ليك هى اساسا تعبانة عشان ترتاح
وبعدين ياخى افرض رفضت-لا قدر الله-اها حابطل اريدها مثلا؟؟طبعا لا بس بكون فقدت الامل
واذا وافقت انا هسى ماجاهز لاى شئ وماهى الزولة البطلعو وبنزلو معاها.
-طيب وفايدة حبك ده شنو مدام كده وووب وكده وووب؟؟؟
*هو الحب لازم يكون منو فايدة؟؟؟؟
-!!!!!!!!!!!!!!!!!!!!!!!!!!!!!! !!!!!!!!!!!!
*مالك سكت؟؟؟ماترد
الحب لازم يكون منو فايدة؟؟؟؟؟؟؟؟؟؟؟؟
وافترقنا والسؤال مازال معلقا بيننا
الحب لازم يكون منو فايدة؟؟؟؟؟؟؟؟
وشوفوا حكمة الله!!!!
انا فارقت صاحبى من هنا ولقيت صاحبتها من هنا
طبعا ضربت ليك اللخمة واتوقعتها جاية وراها وبدون مقدمات غيرت سكتى
ومع اول مدخل الكافتريا كانت فى انتظارى اكبر مفاجأة
حبيبتى لا يفصل بيننا سوى اقل من متر
ودى كانت اقرب مسافة اصل ليها من سنتين.
ماقدرت اشيل عينى من عينها..وطبعا هى برضو ما اتخيلتنى اتنح كده
اتخلعت فى الاول وبعد داك ادتنى نظرة محذرة
ومشت....
ومشت..
وانا فى مكانى داك اظن 15 دقيقة او اكتر بس بعاين للاتجاه المشت فيهو..
وماقدرت اتحمل اكتر من كده وقررت امشى واصارحها باى شئ والبحصل يحصل..
وطوالى مشيت على قاعتهم فى طب الاسنان..
وبدون ما ادق الباب دخلت توووووووووووووووووووووش
وياريتنى مادخلت .. كانت من اصعب لحظات حياتى اللحظة ديك..
وكان احراج مابعدو احراج
اتخيلو دخلت القاعة لقيت شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واخليكم تتخيلوا براحتكم لحدى ما نتقابل الخميس الجاى
ويبقى الحب
اشرف

المرتبة قبل الاخيرة4

--------------------------------------------------------------------------------

طبعا ما تتخيلوا انا لقيت نفسى فى مواجهة كم شخص؟؟؟
اكتر من اربعين طالب وطالبة والدكتور المحاضر شغال والمحاضرة مدورة!!!!!!!!!!!!!!!
وكلهم اتلفتوا على اتجاه الباب فى وقت واحد.
اكيد ماقدرت ادخل طبعا ولا قدرت اقول اى شئ..برااااااااااااااااااحة جريت الباب على ومن غير ولا كلمة بقيت مارق.
اها بعد داك بقيت فى حيرة ..شافتنى ؟ماشافتنى.شافتنى ؟ ماشافتنى.
غايتو لمن اتمالكت نفسى شوية كانت المحاضرة انتهت..والطلاب بدوا يطلعو من القاعة..
مشيت بى سرعة من جنب القاعة. وبديت افتش فى سارة.وسارة دى طبعا اختى الما ولدتها امى.
زميلة عزيزة وزى اختى الصغيرة ومتابعة معاى قصتى بى تعاطف شديد.
المهم لقيت سارة وقبل ما افتح خشمى هجمت على..
- انت يازول مش عندك امتحانات ومش قربت؟؟؟؟؟؟؟؟؟؟؟؟؟
*اااى
-اها وناوى تقرا متين كان الله هون
*هسى
-...............؟؟؟؟؟؟؟؟؟
*قومى ارح نقرا فى الكنبة جنب الجامع فاضية
-غريبة
*شنو الغريبة يا سارا
-لا ولا حاجة خلاص
وبرغم انو كان نفسى اموت وافهم ليه سارة قالت غريبة الا انى مشيت الموضوع .ومشينا الكنبة جنب الجامع.
طبعا يا اخوانا الكنبة جنب الجامع دى قصتا بقت معاى قصة بعد داك..
اها اول ما قعدنا ويادوب بنفتح فى الشيتات-جمع شيت..مذكرات اجتمع عليها طلاب الجامعات وهجروا من اجلها كل المراجع..والله غالب- المهم اول ما بدينا نقرا.....جات حبيبتى ماشة.
الجابها فى الوقت داك شنو بالتحديد؟؟؟؟ عليمى الله؟؟
نهايتو..
اول مرة ارتعش زى اوراق الشجر فى نص الهبوب
واول مرة اعرف انو الابتسامة ممكن تغير الكون
واول مرة اتاكد انى بقيت مكشووووووووووووووووووووووووووو وووووووووف لدرجة محرجة
واول مرة احس انو الدنيا كلها عارفة انى بحبها
الحصل شنو؟؟
جات حبيبتى ماشة ومعاها صاحباتها..وفجاة سمعت صوتها..وفجاة تانى عينى وقعت فى عينها وهى مبتسمة..وفجاة وقع قلبى تحت رجلى ووقعت الشيتات تحت الكنبة ..وفجاة سارة غلبها تتكلم وصاحبات حبيبتى قطعوا الضحكة ..وفجاة شفت فى عين البحبها اجمل ابتسامة واحلى نظرة خجل.
وفجاة اختفت ورا الجامع ..طبعا قربت اجن -دى رواية سارة لانى ما اظن كنت متذكر حاجة وقتها-
على العموم القراية اتلغت واتاجلت لاجل غير مسمى وانا من اللحظة ديك كتبت كلام كتير ..مثلا
التفاتة وانتى ماشة
كانت اجمل لحظة احساس قلبى عاشا
وكانت اول مرة اشعر كيف تكون الارتعاشة
دى قصيدة طويلة ما بتفيدكم بشئ انسوا ..انسوا.
المهم سارة قدرت الموقف وانسحبت انسحاب تكتيكى وبقيت برااااااااااااااااااى فى الكنبة جنب الجامع.
بعد داك اذن الظهر والمكان اتملى والصلاة ونقاش الشباب فى الجامع شوية هدوا نيرانى.وبديت اقرا شوية شوية..
انا بقرا من بعد الظهر ما وقفت الا للصلاة لمن اذن العشا.
قلت خلاص انا اخد لى رقدة شوية -طبعا القراية دى كلها فى الكنبة جنب الجامع-
وانا راقد كان اسمع ليك صوتها بنادى:---
--قوم قوم النايم ليها شنو انا لحدى هسى منتظراك تجى طالع وانت نايم هنا؟؟؟
* انا ؟؟!..........انتى؟؟؟!!!!...... ...
-- مالك؟؟ انا بتكلم معاك ياخى انت ما سامعنى؟؟
*لا سامعك سامعك..قولى
--اقول شنو؟؟انت المفروض تقول.. انا منتظراك تتكلم لى سنتين..يعنى عاوزنى انا اجى واطلب منك تصارحنى؟؟
*انا بس كنت........
-- اسمع ياود الناس انا موقفة السواق برة من العصر وهسى خلاص بكون زهج وممكن يقول لى بابا حاجة كده ولا كده انا بتصل عليك بالليل اذا كنت جد بتحبنى زى ما انا كمان حبيتك من اول مرة اشوفك فيها عشانى اقرا كويس وانا بعدين بكلمك..خلاص؟؟؟؟
* ........................
--مالك ؟؟؟ههههههههههههههههه خلاص ماتتبكم يلا مع السلامة.
ومديت يدى عشان اسلم عليها للمرة الاولى فى حياتى..وياريتنى لو ما مديتها...؟؟؟؟؟؟؟؟؟؟؟!!!!!!!!!! !!!!!!!!!!!!!
اول ما مديت يدى
حصل اغرب واصعب واقسى شئ ممكن يحس بيهو حبيب فى موقف زى ده
!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
واخليكم تتخيلو حصل لى شنو لما القاكم الخميس الجاى
ويبقى الحب
اشرف

[اشرف.]

المرتبة قبل الاخيرة5
--------------------------------------------------------------------------------

طبعا ابدا ما حتتخيلو انى وقعت من الكنبة!!!!!!!!!!
ايوة..
وقعت من الكنبة وصحيت على ضحكات الشباب.
طبعا بس فى اللحظة ديك فهمت انى كنت بحلم وانو حبيبتى لا جات راجعة ولا فى سواق واقف برة ولا فى تلفون بعدين ولا......
-ودى اصعب حاجة كانت-ولا بتحبنى ولا شئ.
طبعا ماتتخيلو اتالمت لى ياتو حد..!!؟؟
وظهر احساسى على وشى ..كنت متضايق جدا جدا جدا....
واتلفت على الشباب الكانو بضحكوا على وبدون ولا كلمة مشيت.
طبعا الجو اتكهرب...
-والله نحنا ماقاصدين حاجة.....
-عليك الله ماتزعل مننا.....
-والله ماقايلين انك حتزعل كده...نحنا بنهظر بس
*............................. .....؟؟؟؟؟
فجاة انتبهت انو فى اربعة اولاد وبنتين ماشين وراى وبعتذروا لى.........
*ههههههههههههههههههههههههههههه هههههههههههههههههههه
*ههههههههههههههههههههههههههههه ههههههههههههههههههه
*ههههههههههههههههههههههههههههه هههههههههههههههههههههه
*ههههههههههههههههههههههههههههه هههههههههههههههههههههه
طبعا بقيت اضحك انا عليهم..
ديل مافاهمين اى حاجة انا متضايق عشان الحلم طلع حلم وهم فاكرنى متضايق لانهم ضحكوا؟؟؟؟؟؟؟؟
طيب اضحكوا يلا
*ههههههههههههههههههههه
ومشيت خليتهم واقفين يضربو اسداس فى اخماس
وبقيت ماشى واتكلم براى زى المجنون
*ياربى ممكن يجى يوم واسمع منها الكلمة دى او حتى احسها بس؟؟؟؟؟؟؟؟؟؟؟
*ياولد امشى صلى العشا وادعو ربك ....ربك كريم
ومشيت اتوضيت ورجعت الجامع صليت العشا -طبعا براااااااااااااااى..الجماعة فاتتنى-ودعيت كما لم يدع احد من قبل.-طبعا مادعيت انها تحس بى ولا حاجة ... دعيت ربنا ينجحنى وطردت االفكرة اساسا من راسى ومشيت اشوف لى طريقة قراية.
ومرت الايام بسرعة.
وجات الامتحانات.
-وطوال الفترة دى انا كنت بس بعاين وهى عارفة انى بعاين ليها-
وكانت النظرة دى بتدينى طاقة غريبة.
وانتهت الامتحانات ونجحت ومشيت السنة التانية.
ورجعت ارسل ليها رسايل من تانى.
ماكانت بترد بس كنت عارف انها مارافضة التواصل الصامت ده.
وجات الفرصة الذهبية.
دفعتهم عاملين رحلة وشباب دفعتهم جونى انا عشان امسك ليهم البرنامج
-بحكم معرفتى بالفرق الكوميدية والفنانين وكده-
شفتو حكمة ربنا ورحمتو؟؟؟؟
طبعا ماقدرت اقول حاجة...فرح..خوف..رجفة..رهبة... ..............اييييييييييييييي ييييييييييك..
كمية من الحاجات انا ماقادر اوصفا ليكم هسى..بالجد ماقادر اوصفا ليكم..
المهم اتصلت على نجم الكوميديا محمد كوكى-صاحبى جدا طبعا وزول راقى جدا..وهاكم نص المكالمة
-الو..
*الو ياكوكى ماعرفتنى ولا شنو؟؟
-ماعرفتك كيف رقمك ظااااااااااااااااهر عندى منور الشاشة
*عليك الله ياكوكى بطل بكش وركز معاى
- خير يازول مالك ؟؟فى شنو؟؟صوتك ده ماطبيعى؟؟
*خلى صوتى... يوم الجمعة الجاية بالنهار فاضى؟؟؟؟؟؟؟؟؟؟؟؟؟؟؟
-لا والله شغال عرض عصرية
*شوف ياكوكى انا عندى اصحابى طلاب طب اسنان عاملين رحلة يوم الجمعةواول مرة يطلبو منى طلب وانا بصراحة وعدتهم انى اجى اقول ليهم شعر واجيبك تعمل ليهم عرض كوميديا.
- بس لكن............
* يازول ماتلكنا تعال بالنهار وما حناخرك امشى العصر الحق عرضك
-.............................. ........
ماتسكت ياكوكى بصراحة انا بحب واحدة فى الدفعة دى ولو جات الرحلة ولقت البرنامج بايخ انا بموووووووووووووووووووووووووووو ووووووووووووت...فاهم ولا مافاهم؟؟؟فاهم ولا مافاهم؟؟؟؟؟؟؟؟؟؟؟؟
-هههههههههههههههههههههههههههههه هههههههههه
-خلاص خلاص قديت اضانى فاهم فاهم
-هههههههههههه بس ما وريتنا ليها دى..لكن مامشكلة نشوفها فى الرحلة
*لاااااااااااااااااااااااااااا اااااااااااااااااااااااااااااا اااااااااااااااااااااااااا ولا تحلم دى انا لى روحى ما قادر اشوفها زى الناس
*انت تجى تشتغل شغلك ونضيفك ونكرمك وتلحق عرضك التانى.. تمام يازول؟؟؟؟
-ههههههههههه...والله شكلك حابيها جد جد..يازول ولا يهمك الجمعة انا معاك لو اعتذر عن العرض التانى
*شكرا ياكوكى اخدمك عريس انشاء الله
-ياود انت عوير دى حاجة بسيطة
*الله يخليك طيب سلام
-سلام ياسيدى
وجات الجمعة ............
ومشينا الرحلة...
اوووووووووووووووووووووووووو
مبالغة
مبالغة
مبالغة
طبعا اول شئ ماقدرت اعمل اى شئ.
بس بقيت قاعد بعيد لحدى ما جا كوكى قلنا نبدا البرنامج. وبدا البرنامج..
اها كان فى دكتورة مشرفة على الدفعة مشت معانا -طبعا هى زولة صعبة جدا على حد قول الشباب-
مسكت الدكتورة المكرفون وقدمتنا انا وكوكى تقديم جميل جدا ونحنا كنا واقفين بعيد...
واثناء التقديم عينى جات فى عينها
-طبعا لو قلتو لى عين منو حابطل القصة دى وما حاتمها-
عين زولتى البحبها طبعا...
وضربت اللخمة غايتو يا الله اتقدمت ومسكت المكرفون وهنيت الدفعة بالرحلة والتواصل بين الزملاء وحاجات كده لزوم المجاملة.وقررت اقول ليها قصيدة قدام الناس كلهم..
ومشيت على الجمهور ..وبتذكر كانو الليلة انها كانت قاعدة فى الصف الامامى على يمينى انا وشمال الجمهور وعاينت ليها جوه عيونها وبديت القصيدة............
ووالله الا كان اقولها ليكم كاااااااااااااااااااااااملة.وا نتو احكموا.
من غير زعل ..ممكن سؤال؟؟؟
كل الناس قالوا ايوة ايوة وهاك ياصفافير متخيلينها قصيدة حلمنتيش..
هى ماردت.
تانى كررت
من غير زعل ..ممكن سؤال؟؟؟؟؟؟؟
برضو نفس الشئ من الشباب وهى ما ردت.
وكررت تالت مرة
من غير زعل ممكن سؤال؟؟؟
فى المرة التالتة هزت راسها علامة الموافقة او قالت مع النا س ايوة ايوة انا ماعارف بالظبط ..بس حسيت انها معاى ومنتظرة السؤال وعارفة انو ليها هى بالتحديد..
المهم حسيت بموافقتها وواصلت القصيدة..
من غير زعل ..ممكن سؤال؟؟؟
من ياتو انفاس للمطر جابوكى ناس للناس قدر؟؟؟؟
من ياتو ذرات من تراب اتكونت طينة القمر؟؟؟
من ياتو بحر اللؤلؤة ..وست البنات من ياتو بر؟؟
احتمال انك بشر؟؟ده حيبقى اخر احتمال..فيك حاجة مابتشبه بشر.
حاجة بتدق داخل الدواخل الف ناقوس للخطر.
حاجة واكيد فى وراها سر.
وانا بنتظر لو حتى لى اخر العمر..!!
ردك يصل.
ما البقى بقى وانا كونى اتراجع محال.
لو ترجع الكبريتة عود بعد اشتعال..!!!!
ممكن يقيف فينى امتدادك وما اصل حد السؤال.
او ممكن اتجاوز واصل.
خلينى فى خاطرك سؤال .
وادينى شرف الانتظار.
ومهما حصل ماتزعلى..
انا ماطلبت من العيون الحلوة شئ.. شان ترفضى او تقبلى..
انا منتظر رد السؤال.
يافوق مقامات الجمل .
لوطال سكاتك ولو قصر..!!
رديتى لى رد محتمل .. ما محتمل .. انا عارفو ريدى بلا امل.
بس ياقمر..
من غير زعل.
من غير زعل.

وتانى ما عارف انا طلعت من قدام الجمهور كيف.
بس لحدى نهاية الرحلة تانى عينى ماجات فى عينها.
وفى نهاية الرحلة بعد ودعنا كوكى وغنينا ورقصنا-طبعا انا نادرا ما ارقص-قررت انفرد بيها واقول ليها اى حاجة ..
وافقت .. وافقت .. ماوافقت ..وانسى الموضوع ده واطلع من دوامة الحب الغريب ده للابد.
بس كانت فى انتظارى مفاجاة ولا كانت تخطر على بال جنى خلى على بال انسان كحيان زيى كدة
اتخيلو حصل شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ !!!!!!!!!!!!!!!!!!!!!!!!!!!!!! !!!!!!!
واخليكم تتخيلو براحتكم لحدى ما اجيكم الخميس الجاى
ويبقى الحب
اشرف

[اشرف.]

المرتبة قبل الاخيرة6

--------------------------------------------------------------------------------

طبعا مشت!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!! !!!!!!!!!!1
فجاة وبدون مقدمات استاذنت وودعت الناس ومشت بدرى قبل نهاية الرحلة لانها مرتبطة بمواعيد.
طبعا انا خلاص طلعت برة الشبكة ومسكت المكرفون عملت مسابقة كدة وخففت دمى واتهابلت وحاولت اعمل اى شئ يطلعنى من حالة انعدام الوزن الكنت فيها ديك .
المهم انتهت الرحلة وانا طلعت من المولد بلا حمص.
وركبنا الحافلة ورجعنا ولمن قربنا نصل الجامعة بدون اى مقدمات انفعلت وقمت غنيت ليك يازول وهججت الحافلة كلها. طبعا محاولة منى عشان افش غبينتى فى الغنا بس ما اكتر .
غايتو كان من اجمل ايام حياتى واتعرفت على ناس جديدين _طبعا ده كان فى نهاية الرحلة_
ولحدى الليلة ماعرفتها طلعت بدرى مشت وين؟؟واموووووووووووووووووت واعرف.
طبعا لحظتها ركبتنى الهواجس....................... ......
*ياربى مرتبطة وماشة تلاقيهو؟؟؟؟؟؟؟؟؟؟؟
*ياربى ماشة حفلة وعاوزة تجهز من بدرى؟؟؟؟؟؟؟؟؟؟
*ياربى اتصل عليها حبيبها _بافتراض انها مرتبطه_وقاليها ارجعى البيت بلا رحلات بلا كلام فارغ؟؟؟؟؟؟؟
*ياربى مشت عشان انا ما الاقيها؟؟؟؟؟
*الللللللللللللللللللله يستر يكون ده السبب!!!!!!!؟؟؟؟؟؟
اى احتمال ممكن انا فكرت فيهو ولااااااااااااااااااااااااا وصلت لاى نتيجة
غايتو بعد داك فى الجامعة اليوم التانى قابلتها جنب الكافتيريا مع صاحباتها واولاد دفعتها_اصحابى انا_وكالعادة ضربت لخمة وقلت السلام عليكم ........ بصراحة خفت اسلم عليها فى ايدها وماعارف السبب الحقيقى لحدى الان.. المهم كتبت اليوم داك:

أخشى جدا ..
ان صافحتك ياسيدتى..
ان اتلاشى فى ذاتى..
واذوب .. اذوب واتبخر..
تتبخر احلام حياتى..
اخشى ان لا انطق حرفا ..
ان تهرب منى كلماتى..
واخاف اذا سلمت عليك ..
يطرد صوتى من عينيك فراشاتى..

وفى اليوم ده بس فكرت..
ليه كل ما احاول اقرب القى نفسى بعدت؟؟ليه؟؟ليه؟؟
ليه دايما فى قوى خفية بتبعدنى منها؟؟؟
ليه؟؟
وبالجد بديت افكر بعمق وبديت اتامل واتذكر حاجات كتيرة_طبعا انا ماحكيت اى حاجة_وبعد تعب بديت افهم انو وببساطةكده..... لسة ربنا ماهون اننا نتقابل ونتعارف.
طبعا من هنا بدت الحكاية ..
ومرت الايام سريعة..كانها كانت قاصدة انو حبيبتى تتخرج قبل ما اتعرف عليها واقول ليها حاجة.
وبديت احس بالخوف الحقيقى_اول مرة اخاف جد جد _
بالجد خفت تتخرج قبل ما تعرف هى شنو بالنسبة لى.
وخفت انها تانى ما تجى الجامعة او تسافر برة السودان.
وخفت انى ما اشوفها للابد.
وخفت وخفت وخفت.
وكان لازم احسم الامر جواى فى الاول.
وفعلا كان قرار صعب جدا جدا جدا...
القرار ده بدا بسؤال مهم؟
*عندك ليها شنو اذا حصلت المعجزة واتعرفت بيك ووافقت على حبك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
*الاجابة كانت.......................... .............................. .......................
*اذا اتعرفت بيك ورفضتك بتتحمل؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
*والاجابة..................... .............................. .............................. ..............
*انت بتحبها لانك بتحبها ولا لانك عاوزها تكون ليك بكل انانية؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
*والاجابة .............................. .............................. .........................
* ممكن تضحى بيها عشانها؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟
*والاجابة .............................. .............................. ..........................
تعبت بالجد جدا جدا لما واجهت نفسى بالاجابات مجتمعة
واتاكدت انو ربنا ساعدنى جدا لما ماقدر لى انى اتعرف بيها
واتاكدت جدا انى ما بحبها ..
انا ساكت بيها سكات.
وصلت فى الحب لى مرتبة متقدمة جدا.
حصل فكرتو انكم تحبوا زول لى درجة انكم تسكتوا بس لما تشوفوهوا او تسمعوا صوتو او حتى تتخيلوهو؟؟؟؟؟
الصمت ابلغ الكلام يا اغلى الناس .. ياحبيبتى التى اعطتنى واعطتنى ثم اخذتنى.
اتخيلت وانا بفكر انو انا الان فى المرتبة قبل الاخيرة فى الحب..
1-الود
2-الحب
3-الهوى
4-العشق
5-الغرام
6-الهيام
7-التتيم
8-الوله
9-الجنون
10-العبادة-ودى المرتبة الاخيرة والاسمى فى الحب ولا تجوز لمخلوق هى فقط للخالق-
وما بين الجنون والعبادة انا اكتشفت المرتبة قبل الاخيرة وهى يا حبيبة الروح والفؤاد:السكوت
وقررت انو ما احاول نهائى انى اتعرف عليها بل بالعكس اهرب من اى فرصة تجينىللتعارف وده الحصل بالضبط.
بس جواى فضل وعد ليها كنت التزمت بيهو فى اول مكالمة تلفونية بيننا وهو انى اذا حسيت فى يوم انى بحبها لازم هى تعرف اول زولة.
المهم فى كم مكالمة ما قلت ليها حاجة بس كنت بنتهز اى فرصةاو مناسبة واتصل عليها.
لحدى ما جات نتيجة العام الدراسى التانى وكنت تعبت بالجد وما واثق من النتيجة والحمد لله نجحت
واتصلت عليها بدون مقدمات وكنت منفعل جدا
*الو
-الو
*الو يادكتورة انتى ما عرفتينى؟؟؟
- لا ماعرفتك
طبعا حسيت بشوية احباط لكن لانى عارفها طنشت وعرفتها بى نفسى تانى
*انا نجحت يادكتورة نجحت
-مبروك طيب
*طبعا انا تقلت عليك وازعجتك لكن بالجد ماقدرت امسك نفسى انا عاوز اشكرك
-تشكرنى انا؟؟ على شنو؟؟
* على اى شئ
* على فكرة انا كنت عاوز احد اذنك فى شئ مهم؟؟
- خير
* لا خير انا كاتب ديوان شعر وعاوز اطبعو وكدة
-طيب وانا دخلى شنو فى الموضوع ده؟؟؟؟؟؟؟!!!!!!!!!!!!!!!
* ما هو الديوان ده عنك انتى يادكتورة
-.............................. ........
* الووووو
- ايوة ايوة
* انتى معاى ؟؟؟
- ايوة معاك بس يعنى ...........
*لا على فكرة الكتاب مافيهو اى شئ بدل عليك لا اسم ولا حتى اشارة ومافى زول اصلا ليهو الحق يعرف انى بكتب لى منو غيرك انتى .. ياريت توافقى
-اوافق على شنو؟ انت على كيفك
*مستحيل طبعا اطبع حلم عمرى بدون موافقة صاحبة الشان
- لا اذا مافيهو اسم ولا اشارة طيب مافى مشكلة صح؟؟؟
* صح بالجد بشكرك تانى واول ما تطلع اول نسخة حاديك خبر وحاعرف اوصلو ليك حتى بدون ما اطلب اقابلك ومعليش على الازعاج مرة تانية
*يلا ما اطول عليك مع السلامة
- مع السلامة
وقفلت الخط وانا فى حالة مايعلم بيها الا الله.
وبديت اجمع الكتاب بشكل جيد بس للاسف لحدى لحظة كتابتى الكلمات دى هو ما جاهز
اها وانا ماسك تلفونى وفى لحظة الذهول الخرافى الكنت فيها ومع ذكريات المكالمة المبالغة دى
تلفونى ضرب؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟
ووالله لو قلت ليكم ظهر لى رقم منو ما ختتخيلوا ابدا ولا حتصدقوا؟؟؟
اخر زولة ممكن تتخيلوها؟؟؟؟؟؟؟؟؟
!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!!!!!!
واخليكم تتخيلو منو المتصلة على لحدى ما نتلاقى الخميس الجاى

ويبقى الحب
اشرف

[اشرف.]

المرتبة قبل الاخيرة7

--------------------------------------------------------------------------------

تخيلوا انها كانت امى...!!
ايوة امى
- الو ياولد انت وين؟؟؟
*انا فى الخرطوم يا امى مع اصحابى فى حى المطار
- انت كويس؟؟؟؟؟
*انا كويس فى شنو يا امى؟؟؟
- لا لا مافى شئ بس قلقت عليك قلت اشوفك كويس
طبعا اكتر مرة فى حياتى اعرف لى ياتو درجة ممكن الام تحس
ولا دى كانت صدفة وانا براى مكبر الموضوع ماعارف؟؟؟!!!!!!!!!!!!!
المهم من محلى داك رجعت البيت وانا جواى مليون تساؤل..؟؟؟؟؟؟؟؟
وبقيت فى حركة مستمرة وسباق مع الزمن لازم الكتاب يطلع قبل ما تتخرج.. لازم لازم.. لازم..
وجمعت الكتاب ورتبتو وانتظرت الفرصة المناسبة عشان اطبعو ولحدى هسى ماجات
طبعا النظرات فى الجامعة كانت فاضحانى ليها بس كنت بهرب كتير وبحاول جاهدا انى اشوفها من بعيد بس من غير ما تشوفنى هى ..
لحدى ما جا يوم...
وياريتو ماجا.
شفت شاب راقى وظريف وود ناس مقرب منها بشكل ملفت يعنى بقى اقرب صديق ليها او اقرب زميل انا ما عارف بس كانوا مع بعض دايما..
الشئ الاغرب انو الشاب ده من اعز الناس على وهو بحترمنى جدا وبشاورنى دايما فى امورو
اها بصراحة ماقدرت اتحمل طوالى ناديتو وسالتو
*تعال ياشاب انا عاوزك
-فى شنو؟؟
*لا تعال بس
-.............................. ..............
ومشينا قعدنا فى قاعة فاضية فى مختبرات ورميت ليهو الموضوع فجاة
* داير منها شنو ياولد؟؟؟؟
-هههههههههههههههههههههههههههههه انت مافى خبر بخفى عليك؟؟؟؟
*طبعا قلبى وقع تحت كرعى..لكن اتماسكت وسالتو وانا بضحك....يعنى معقول تحب ساى كده بدون رسوم عبور ولا اذن ولا حتى شورة
- لا والله بس نحنا لسه فى البدايات وانا.......................... ........
*دايرها جادى لى قدام ومستقبل ولا داير تقضى زمن والسلام؟؟؟؟؟؟؟؟ من الاخر بلاى؟؟!!
- لا والله جادى بس ماعارف الحكاية دى صعبة شوية
*مدام جادى اتوكل... انا عندى كلام كتير عنها داير اقولو ليك لكن اهم حاجة انت ربنا بحبك زين ما اخترت والله ادب وجمال وذوق بس انشاء الله انت تنستر معاها
- والله انا بس مرتبك شوية .
*لا ترتبك ولا حاجة الموضوع بسيط عشان تضمن انها تحبك جد عليك بالاتى:-
واديتو اى شئ ممكن يساعدو على اقناعها
وريتو حاجات هى بتحبها وحاجات هى ما بتحبها ووريتو طباعها ومزاجها متين بكون رايق وحاجات كده لزوم الاحتياط...
خبرة عمر وخلاصة سنين من الحب الصامت والدراسة لشخصية زولة احببتها حتى السكوت...
انا بصراحة ماعارف لية عملت كدة؟؟
يمكن عشان انا بحب الولد ده فى الله وعارفو زول كويس؟؟
ويمكن عشان كنت عاوز اقنع نفسى انها مرتبطة ولازم انساها؟؟
ويمكن عشان انا بحبها شديييييييييييييييييييييد وعاوز ليها الخير حتى لو مع زول تانى ممكن يوفر ليها حاجات ما بتلقاها معاى؟؟؟؟؟؟؟
ويمكن عشان انا شايفها معجبة بيهو ؟؟؟؟
ماعارف المهم ده الحصل
اها صاحبى ده قام
ومشى ..وعمل الشئ القلتو ليهو بالضبط وماجانى راجع تانى..بس العلاقة بينهم خلاص اخدت شكل واضح وبقوا احلى اتنين..وبقيت انا فى عالم تانى بس فى حاجة جواى كانت بتقول لى انى عملت الصاح
وربنا يوفقهم مع بعض ويسعدهم..
طبعا كان لازم اشيل الموضوع من راسى تماما بعد كده ..وده الحصل.. بس لو قلت ليكم انى نسيتها او حبى ليها قل بكون غشيت عليكم..بالعكس انا كنت بتذكرها دايما وبتذكر مكالماتها ولما كنت اشوفها فى الجامعة كنت بهرب منها ولا حتى النظرة الكنت متعود اخدها ما بقيت اخدها لانها ببساطة بقت ما من حقى..
وعشت اصعب فترة فى تاريخ حياتى..
وانا فى قمة حزنى واحباطى قريت مرة عبارة مكتوبة على حيطة فى مدرسة ابتدائية
وضحكت ..لاتؤجل عمل اليوم الى الغد
طبعا انا اجلت انى اعرفها واحاول اقرب منها لحدى ما خلاص
هههههههههههههههههههههههههههههه هههههههههههههههههههههه
عاد اقول شنو؟؟؟
المهم مرت الايام وفى يوم قابلت واحد من اصحابى الكانو دعونى للرحلة وهو من دفعة حبيبتى الما حبيبتى..
ومع الونسة حاولت اعرف منو حاجة عنها ..طبعا بصورة غير مباشرة..وما حاقول ليكم كيف لانو ده سر المهنة..هههههههههههه....
المهم فجر لى قنبلة وبدون اى مقدمات_طبعا هو معذور ما عارف انى بحبها -
طاخ رمى لى الخبر وكانو بقول فى نكتة وكانو شئ ما مهم
طبعا انا راسى لف وظهرت على اعراض دوشة وصداع وعيونى حمرت وكنت بالجد ما شايف قدامى ..طبعا الولد مافهم اى حاجة ..وضرب لخمة
-مالك يازول؟؟ اقعد اقعد هنا انت كويس ؟؟؟ حاسى بى شنو؟؟؟
*............................. ........
-نوديك المستشفى؟؟
* لا لا
نطقت بعد تعب
* انا كويس بس الدوخة دى ليها كم يوم بتجينى بعدين بمشى المستشفى
-ياخى انت تعبان اسمع الكلام
*لا والله كويس
والله الزول ده ما قصر مشى الكافتيريا جاب لى عصير وجبنة عشان الهبوط وكدة ووقف معاى لحدى ما شديت حيلى ومشيت..

ومشيت كانى بلا جسد
لا حاسى بى ايد لا قدم ..
مليان حزن ماليهو حد..
مليااااااااااااااااااااااااااا ااااااااااااااان الم..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!! !!!!
واخليكم تتخيلو صاحبى يكون قال لى شنو لحدى ما نتلاقى الخميس الجاى

ويبقى الحب
اشرف

[اشرف.]

المرتبة قبل الاخيرة 8

--------------------------------------------------------------------------------

اتخيلوا انو صاحبى قطع علاقتو مع حبيبتى الما حبيبتى؟؟؟؟؟؟!!!!!!!!!
وكل واحد مشى فى حالو
ومتين؟؟؟؟؟؟
قبل الامتحانات النهائية بفترة قصيرة
معقول ؟؟؟؟؟؟؟؟
ممكن فى زول يعمل كدا؟؟؟
يسيبها وهى امتحاناتها باقى ليها اسابيع قليلة؟؟؟؟؟؟
*ياربى هى متماسكة ولا منهارة؟؟؟؟؟
*ياربى حتقدر تقرا ولا لا؟؟؟؟
*ياربى ...ياربى؟؟؟؟
مليون سؤال ومليون علامة استفهام ولا اجابة؟؟؟؟؟؟؟؟؟؟
طبعا اول مافقت من الحالة الكنت فيها اتصلت عليها
ماعارف ليه؟؟
يمكن كنت عاوز اتاكد انها قادرة تواصل وقادرة تمتحن
المهم ردت من تانى جرس وانا ضربت لخمة؟؟!!!!!!!!!
-الو
*.....................
-الو
*...........................
-الو
*ايوة يادكتورة سلام عليكم
-وعليكم السلام
*انتى كويسة
-الحمد لله
*عرفتينى؟؟
-ايوة
*معليش انا اتصلت فجاة قرايتك كيف؟؟؟
- الحمد لله كويسة
*طيب بس انا كنت عاوز اقول ليك العفو والعافية وانا ما حازعجك تانى بس ما تزعلى انتى منى
- ازعل؟؟ لا انا ما زعلانة بس انا ما بعرفك يعنى ده كل الموضوع وانا ما متعودة اتكلم مع زول ما بعرفو
*على العموم شكرا على انك اتكلمت معاى طوال السنين الفاتو وانتى ما بتعرفينى وربنا يوفقك ياست الناس
شدى حيلك ونحنا معاك دايما بالدعوات انشاء الله
- انشاء الله ..شكرا
*يلا سلام عليكم اخليك تشوفى قرايتك
- وعليكم السلام
*.........................
- مع السلامة
* الله يسلمك يارب
وانتهت المكالمة
وكنت جد حزيييييييييييييييييييييييييييي ييين لدرجة اصلا لا يمكن وصفها
بس كنت حاسى انى ممكن اعمل حاجة عشانها
وطوالى بديت رحلة البحث عن الشاب صاحبى الكان مرتبط بيها
طبعا قافل تلفونو وهم اجزوا للامتحانات وما بجوا الجامعة وهو كمان معسكر مع اصحابو يعنى ماقاعد فى بيتهم
وتعبت جدا لحدى ما قابلتو
المهم ركبت معاهو فى عربيتو وقعدنا نتكلم لقيتو ماعاوز يتفاهم فى الموضوع اصلا وزعلان منها جدا
طبعا للخصوصية ماسالتو سبب الخلاف شنو بس طلبت منو طلب كاخ اكبر وطلبت منو يعملو عشان خاطرى وعشان ده الصاح..
وبعد تعب ونقاش طويل وبعد حكيت ليهو بصراحة الزولة دى بتمثل لى شنو_طبعا ماحكيت ليهو انى اتصلت عليها قبل كده وخليتها للظروف-
المهم فى النهاية وافق يعمل لى الانا عاوزو
كنت اسعد زول واتعس زول فى نفس الوقت؟؟؟؟؟!!!!!!!!!
اما الانا عاوزو ده وهو قبل يعمل شنو عشانى فده حاقولو ليكم الخميس الجاى
؟؟؟؟؟؟؟؟؟؟؟؟؟؟؟؟؟؟؟!!!!!!!!!!! !!!!!!!!!!!!!!!!!!!!!!!!!!!!!! !!!!!!!!!!!!!!!1

ويبقى الحب
اشرف




المرتبة قبل الاخيرة9

--------------------------------------------------------------------------------

طبعاانا نفسى ما مصدق انى طلبت منو طلب زى ده بس اللهم طلبتو وخلاص
كان كل همى انو حبيبتى الما حبيبتى تمتحن فى جوهادئ وبعيد عن الانفعالات
وطبعا كان طلبى بسيط للغاية
*ممكن تخليك جنبها بس لحدى ما تعدى الامتحانات دى؟؟
-.............................. ...
*ما تسكت..خليك جنبها بس وما تفتح موضوع انكم ترجعوا لى بعض او لا بس المهم تكون قريب منها عشان هى تمتحن كويس وبعد الامتحانات ازعل منها زى ما عاوز
-كويس..ان شاء الله وربنا يسهل بس ممكن اعرف ليه انت مهتم جدا بالموضوع؟؟؟؟؟؟؟؟؟؟
ماعرفت اقول شنو بس غايتو حاولت ابسط ليهو الموضوع
*الزولة دى بالنسبة لى الموت والحياة بس للا سف لاقيتها فى الزمن الغلط..
وما حاقدر اقول اكتر من كده
*يلا اخليك تمشى تشوف قرايتك وانا اشوف حالى ..بالتوفيق
ودور عربيتو ومشى ومن اليوم داك وانا فى حالة قلق وترقب ومتابع اخبارها اول بى اول
والشهادة لله هى طلعت بت جدعة وامتحنت كويس ونجحت برغم الالم الظاهر عليها
وبعد انتهت امتحاناتها مباشرة قررت انى اتقدم خطوة...ماعارف ليه رسلت الرسالة دى بس والله انا حالى من عرت الزولة دى ياهو كده
احس انى اوز اعمل حاجة وما اقدر اقاوم نفسى الا فى اللحظة الاخيرة بس المرة دىما كان فى مرة اخيرة ..
رسلت ليها رسالة من شريحة تانية مافى زول لسة عارفها لانى اشتريتها يادوبوقلت ليها:

بستأذنك.
أهديك قلب مل السكات..
جاييكى فى اخر العمر..
على سر هواو يستأمنك.
حتصونى ولا يموت معاو؟؟
ما انتى ليو اخر وطن..
كان نفسو من زمنا" بعيد يستوطنك.
أدى الأذن شان يحكى ليك..
عن عمرو كلو القضى بيفتش عليك..
ووقت لقاك كانت بساتينك نمت ..
وزهورا يا دوب نورت ..
ورحيقها فاح..
بى عطرو لون امسياتك ولونك.
بستأذنك .. بستأذنك .

وكانت لحظة غريبة بالجد.. حسيت انى عملت حاجة كبييييييييييييييرة ومهمة واليوم داك طبعا نمت من الساعة 9 .. بدرى بدرى
كنت مرتاح ومشتاق انوم واصحى الصباح امشى الجامعة والاقيها واقعد معاها وايييييييييييييييييييييييييك كمية من الاحلام.
المهم صحيت على صوت تلفونى الجديد وكانت الساعة 12 ونص صباحا..
الرقم المتصل على غريب والاغرب انو مافى زول عارف الرقم ده نهائى..
غايتو وانا بين نائم وصاحى رديت:
*الو
-الو سلام عليكم
ده صوت بت ؟؟؟؟؟؟؟دى دايرة شنو دى ؟؟وهى منو؟؟ وعرفت الرقم ده كيف ؟
كمية من التساؤلات جالت فى راسى والخط فاااتح
*وعليكم السلام..منو معاى؟؟؟
-انا واحدة
*طيب وعاوزة شنو؟؟؟؟
-لا بس فى مسج جاتنى قبيل من الرقم ده على تلفونى الموبيتل وحابة اعرف الرسلها منو؟؟؟؟؟؟؟
طبعا قربت اطير من الفرح وظهرت لهفتى فى صوتى وانا بقول ليها بسرعة وبصوت متقطع
*رقمك كم انتى؟؟؟؟؟؟؟
-.........................09
*ايوة ايوة انتى ..........................؟؟؟؟
-ايوة انا ................ ممكن اعرف انت منو؟؟؟
*انا اشرف
- اشرف مختبرات
*ايوة
- اممممممممممممم
*انا رسلت الرسالة ان شاء الله وصلتك كاملة
-ايوة وصلتنى ومعليش على الازعاج بس كنت حابة اعرف منو البعت المسج
* لا ما فى اى ازعاج ولا حاجة
-طيب مع السلامة
كنت عاوز اقوليها لاااااااااااااااااااااااا انتظرى شوية انا ماصدقت انك اتصلتى على..
انا ميت من الفرح لانى سمعت صوتك.. كنت عاوز اقول الف حاجة.. لا مليون حاجة بس للاسف قلت حاجة واحدة من غير ما اشعر
*مع السلامة
وانتهت المكالمة الاسطورية دى وعاد تانى بنوم.......................... ..........................ز
هههههههههههههههههههههههههههههه ههههه للصباح سرحة واااااااااااااااااااحدة لمن طلعت الشمس
وهاك يا برجلة وهاك يا جرى وهاك لبس و5 دقائق بس انا جاهز وفى الشارع ويا الجامعة جاك زول
وفى بوابة الجامعة اتفاجأت بى حاجة لا كانت فى البال ولا فى الخاطر
كانت مفاجأة بالجد جامدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟!!!!!!!!!!!!!!!!!!!!!!!! !!!!!!!!!!!!
واخليكم تتخيلوا معاى المفاجأة لحدى ما نتلاقى الخميس الجاى

ويبقى الحب
اشرف

[saare]

[align=center]بصراحة بديت القراية فى القصة دى الباين عليها محزنة
ولاكن للاسف يا اشرف حااحاول اخلصا بكرا لانها موثرة بصراحة[/align][/size]

[اشرف.]

المرتبة قبل الاخيرة10


طبعا يعنى دى من الحاجات الما حانساها ابدا..
وصلت الجامعة وانا بحلم وبحلم وبحلم وبحلم ونسيت انو حبيبتى الما حبيبتى مأجزة..ايوة ماجزة والجامعة كلها مأجزة لانو ببساطة اليوم كان جمعة..
وعلى فكرة كويس انى انتبهت فى بوابة الجامعة لانو منظرى كان حيكون بايخ جدا مع الحرس وما اظن يصدقوا انى ماعارف ولو صدقوا حتبقى قصتى على كل لسان ومضحكة.
غايتو اتمالكت نفسى بى صعوبة ومشيت..
وبديت تانى من الاول التفكير والقلق..
ليه كل ما احس قربت ابعد؟؟ وليه وليه ؟؟وكمية من التساؤلات والله لحدى هسى مالقيت ليه ااى تفسير.
المهم كنت قادر انى اعرف اخبارها وده كان الاهم عندى.
سافرت برة السودان وجات بالسلامة.
قالو نزلت الالزامية وما نزلت نزلت وما نزلت وجات الجامعة ومالاقيتها كم مرة
المهم فى الموضوع انى ما قدرت انساها ابدا وكلما كان شوقى ينفجر كنت برسل مسج وطبعا لا حياة لمن تنادى ..بس الكان مصبرنى انها كانت كويسة وقدرت تتجاوز قصة حبها الما نجحت وعايشة حياتها
وفى يوم غريب ..بالجد اليوم ده كان غريب ..انا كنت زعلان زعل شديد ومتضايق ضيق مبالغ فيهو وحاسى انو الدنيا دى ضيقة وانو نفسى مكتوم وماقادر اتنفس..
فى زولة بالجد غالية على جدا كانت شايفة الحاصل لى ده واصرت تعزمنى عصير ..غايتو بعد الحاح منها مشينا الكافتريا والكافتريا فى جامعتنا عبارة عن اوضتين كبااااااااااااااااااار وصالة ضخمة ..
اها وانا فى الصالة وقعت عينى فجأة فى عيون اكتر زولة بحبها فى الدنيا تتخيلو هى من الصباح فى الجامعة وانا ماعارف ..وطبعا بدون ما اشعر لقيت نفسى واقف منطط عيونى ومسافر فى عيونها وناسى الدنيا حولى هى طبعا عينها من جات فى عينى حاولت تهرب بى نظرتها بس ماكان فى طريقة المهم اتوترت شوية كده وانا ما قدرت اتخحمل فمشيت لى زولتى العازمانى ..طبعا دقايق بس شربت العصير ومشيت ولا حتى كنت عارف نفسى ماشى وين ..بس طبعا ربنا كريم ولطيف بى عبادو انا اتعلمت اليوم داك واحد من اهم دروس حياتى وما حتصدقوا انو منو العلمنى الدرس ده!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
واخليكم تتخيلوا منو العلمنى الدرس دة لحدى ما نتلاقى المرة الجاية

ويبقى الحب
اشرف


المرتبة قبل الاخيرة
قصة فتاة
اعطتنى كل شئ
واخذت منى كل شئ
دون ان تفعل اى شئ

[بنوته مهاجره]

شنو يااشرف طوالي معلقنا كدا اها تمها منتظرنك

[لورا]

والله يااشرف الظاهر حنخليهااا حكايتك دي ياخ زهجنا عديييل كدة لكن ع العموم ربنا يسلم الايادي ان شاء الله....... بالجد سرد اكتر من الروعة زاتا

[ALbahi]

والله يا اشرف انا ماكنت مسجل فى المنتدى واللفت انتباهى ليهو موضوعك المشوق دا
وتجى تخذلنى كدا ماممكن والله
ويسلم قلمك وبالجد انا معجب بى كتابتك شديد
ويديك العافيه وتسلم

[mis.silent]

والله عندك طريقة سرد ممتعة جدا يا اشرف
تخليني الناس متشوقين لبقية القصة انت ما فكرت تكتب مسلسلات
في انتظار باقي القصة على احر من الجمر

[احاسيس]

اها يا ابو الشوش احنا راجين الباقى والله انا ماقدرت انوم الااقراها من الاول للنهاية وبجد طريقة السرد قمة فى المتعة يديك العافية وما تتاخر علينا

[The Sniper]

معقولة بس تبدأ وتوقف

منتظرين الباقي


تحياتي

[احاسيس]

[grade="00008b 8b0000 deb887 4b0082"]معقول بس يا اشؤف غتست وييييييييين انت والله شكلك لميت فى حبيبتك دى وعرستها وفتحت لينا عديييل[/grade]

[اشرف.]

لكل الاحباب سلام
اينما كنتم
ربنا يخليكم

[احاسيس]

اهلن بيك اشرف عودا حميدا ومنتظرينك من زمااااااااااااان عشان تتم لينا القصة السمحة دى

[اشرف.]

والله العظيم يا شباب القصة لسه باقيها ما تم..
اكضب ليكم يعني؟؟
ههههههههههههههه ادوها صنة وحتشوفوا