خسـتكــــــــهـ.. <بقلمى>

[Hamaada]

-1-

أموت و استنشق رِيحة
شعرِك و رِيحة نَفَسِك..


وانفُخ حبِى الكاتمو سنين
فى رِئتيك الداخِل قفصِك..

وبى انفاسِك اسكر
طينة و اكون مسطول..


مسطول مصلوب فى صليب
وبُعِدك عرض وشوقك طول..


والقى الطير إتلمى
وحَلَق فوق راسى..


قطع قلبى ونقر حبى
وياكل وينخُر فى احساسى..


وانتى هناك ماسكاها مجلة.!
مجلة حواء او سيدتى بتقرى فى برجك..


وبرجك قال ليك ابعدى من محبوبك
فترة عشان فى الاخر تكسبى حربك..



وسنى ظنونك..
وصدقى كل الظن الظنه
إنو اظِنو فى لحظة اخونك..


وجهزى شكك..
وطلعى شوك الشك شُكِيبو
شوق الزول العاش مجنونك..




وجيبى مَسَلَة وطعنى قلبى
عشان يتزلة ومنك إتوب..


واحفرى حفرة
و اوئدى فيها الريدة الطفلة..


وانسى القصة
ومشطى شعرك وامشى الحفلة..


وشيلى الدم النازف منى
واعملى احمر لى شفتيك..


ومن قلبى المحروق واتفحم
اعملى ماسكرا لى عينيك..


وحتى الحَفِر الغبر
يدك ينفع بدرة على خديك..


اصلو الريد الجد بيعلم..
البيريد لازم يتألم..


و وجع الريد مصحوب باللذة..
وانتى مكانتك عندى اعزّة..


مكتوب لى اتذلة بى حُبِك
وانتى فى ريدك رمز العزة|..


وانتى كيان صهيونى فى حبك
وانا مستوطن ساكن غزة..

عذبى قلبى وسوى
سُواتِك لا بتزحزح لا بتهزة..

[رغودة]

ابداع ماشاء الله

[ود الزوحي]

أحسنت ..