مش إنت الأبيت القرب ..
تعبانة بتكوسي السبب ..
لرجعة ساي جوا القلب ..
ود الزوحي .. صحي يارجال أمركم عجب
نفوتكم تسبوا للطحنية والفول ونوم الكنب
نجيكم تقولوا اكفينا شرهم يا رب :D
لكن اشكي لمنو ده ياهو حال ابن آدم للتُرَب
هسع خسمتك ب القبض روح اب لهب
في بت ناس بترفض مغترب
وكمان في جدة .. في أسمح من كده
باب شريف والكندرة .. في أروع من كده
من الكرنتينة للحراج والكيلوهات والعنكدة
لا لا خليني في الحمرا ومركز الشعلة والجكس ده
وفول بني مالك والا سمكو الطقش سمك الموردة
حفلات القنصلية وصالة عم ساتي والا ماشايلنو ده
تكونش تبع حفلات بحرة والشاليهات وكده
لالا شكلك ما كده ... هو لسة في ناس كده
حالتك فاتت قصة امنة
وكل صاحباتا هناك في الجامعة
أصلو الدنيا ملانة مصايب
وديمه بتخدع زولا الحاير
وانا من شخصك ..
شفت القصة اتعادت تاني
كل ما أقول استغفر الله
وانسى ملامح قصة اندثرت
ألقى عيونك هايمة هناك
وفي جواك بلقاك مقتنعة
غايتو نصيحة اخ لأختو
ابقي رزينة وزينة أهلك
سيبي تجاري الدنيا الفانية
كلنا نحلم إنه نريد
ومن جوانا نجود ونزيد
اصلو الحب موالو صعيب
قدر ما يفوت يختانا بعيد
تاني بيرجع ساعة العيد
قلبك ابقى عليه بالعشرة
وانسي الزول نساي العشرة
بكرة حيرجع كايس العشرة
وفي تلفونك بضرب عشرة
يلا خلاص البري فترنا
دربك اخضر انت وقلبك
ويبقى حبيبك ديمه بجنبك
وتملي الدنيا سعادة بحسك
وتلقى الفرحة ملازمة لدربك
تبقي هنية براااااااااك في حبك ..
ويسعد قلبك وكل ناس أهلك ..
ود الزوحي .. صحي يارجال أمركم عجب
نفوتكم تسبوا للطحنية والفول ونوم الكنب
نجيكم تقولوا اكفينا شرهم يا رب :d
لكن اشكي لمنو ده ياهو حال ابن آدم للتُرَب
هسع خسمتك ب القبض روح اب لهب
في بت ناس بترفض مغترب
وكمان في جدة .. في أسمح من كده
باب شريف والكندرة .. في أروع من كده
من الكرنتينة للحراج والكيلوهات والعنكدة
لا لا خليني في الحمرا ومركز الشعلة والجكس ده
وفول بني مالك والا سمكو الطقش سمك الموردة
حفلات القنصلية وصالة عم ساتي والا ماشايلنو ده
تكونش تبع حفلات بحرة والشاليهات وكده
لالا شكلك ما كده ... هو لسة في ناس كده
جده ام خريفا ورا
سجم خشم التدور ناس جده
ودايرة السكنة في وسطا
جده ام سيولا جما
وحاتك انت يا بنيا
تشوفي الناس وقت مطرنا
تقولي خلاص دخلنا الجنة
ناس فرحانة شايلة الفرشة
و بجنب البحر لمة
وناس بهناك تتمشي
على شاطي البحر تتغنى
ووقت ساعة المطر شدت
حليل جده البقت مسبح
وكل خيرانا اتملت تخلع
لا ازفلتات بقت تنفع
والانفاق بقت منبع
تشوفي الناس وعرباتهم
تقولي قيامة بس جاتهم ..
حليل الغربة في جده ..
حي النزلة والشرفية ..
حليلها قويزة بالتحديد ..
وشارع جاك ... و فينا نزيد
خفنا عديل .. وحاة ام جيد
بعد ما قلنا مين قدرا
بقينا نخاف من المطرة ..
و لو ساي الغمام قربا ..
بقينا نقول ...
شهادة المولى بس نصلا ..
جده ام سيولا جما
وحاتك انت يا بنيا
تشوفي الناس وقت مطرنا
ووقت ساعة المطر شدت
حليل جده البقت مسبح
وكل خيرانا اتملت تخلع
لا ازفلتات بقت تنفع
والانفاق بقت منبع
تشوفي الناس وعرباتهم
تقولي قيامة بس جاتهم ..
حليل الغربة في جده ..
حي النزلة والشرفية ..
حليلها قويزة بالتحديد ..
وشارع جاك ... و فينا نزيد
خفنا عديل .. وحاة ام جيد
بعد ما قلنا مين قدرا
بقينا نخاف من المطرة ..
و لو ساي الغمام قربا ..
بقينا نقول ...
شهادة المولى بس نصلا ..
أيّا حليلها قويزة بالتحديد
وحليلو كمان محمود سعيد
الكورنيش وجلسات العيد
وفي رحمة المولى الكم من شهيد
مريت بي مكان اتخيلت نفسي في التبريد (محطة ف طريق الشريان)
نحن لاقانا السيل في السكة
ومنظر الموية مدخل مكة
فايضة الكوبري وقافلة اللين (الظلط)
منظر غريب والجماعة مدهوشين
أداني لمحة من 88
علة برضو حلاة الغربة في جدة
قريبة .. تعدي البحر وتديها شدّة
ومن الحرمين يابا مَدة
ولو الحنين بيك اشتدَّ
بني مالك أو باب شريف الما بنسدَّ
تديك لمحة من البلد.. وروحك تتردََ...
أيّا حليلها قويزة بالتحديد
وحليلو كمان محمود سعيد
الكورنيش وجلسات العيد
وفي رحمة المولى الكم من شهيد
مريت بي مكان اتخيلت نفسي في التبريد (محطة ف طريق الشريان)
نحن لاقانا السيل في السكة
ومنظر الموية مدخل مكة
فايضة الكوبري وقافلة اللين (الظلط)
منظر غريب والجماعة مدهوشين
أداني لمحة من 88
علة برضو حلاة الغربة في جدة
قريبة .. تعدي البحر وتديها شدّة
ومن الحرمين يابا مَدة
ولو الحنين بيك اشتدَّ
بني مالك أو باب شريف الما بنسدَّ
تديك لمحة من البلد.. وروحك تتردََ...
بدور أرجع على الحلة ..
حليل سودانا وقت العيد
وقت يغشانا كل بعيد
نلاقي البهجة والتجديد
ناس فرحانة جاها العيد
حليلي انا الرحلت بعيد
كايس الغربة بالتحديد
افتش لي كترة المال
وحالي البي ما بنقال
بقيت تايه ورا العيشة
وحياتي الماشة دون قيمة
بقيت مرهون على الدفتر
اقامتي الدونها ما بقدر
أقبل جاي وأعاين جاي
أخاف بص الخفر يظهر
اجازف جاي وازوغ بجاي
عشان حس المرة الما بتفتر
تقولي عليها ده العيشة
حرام والله تتسمى
ده اسمها ميتة ما عيشة
وشن نقدر نقول نحنا
ده حالنا النحنا عايشنه
ولازم بيه دوم نرضى
اخير يابت نقوم نرجع
قبل فتر السفر يحصل
ونلقى الدنيا فاتتنا
لا بعدين بفيد نبكي
ولا حالنا القبيل برجع ..
حليل سودانا وقت العيد
وقت يغشانا كل بعيد
نلاقي البهجة والتجديد
ناس فرحانة جاها العيد
حليلي انا الرحلت بعيد
..
[color=800080]لوحة صباح العيد ...
منظر الجلاليب البيض ..
مشهد فريد ...
وصلاة العيد ..
التكبير والترديد..
وسلام الايد ...
الدعوات تقول دوبيت ..
وتهاني العيد ..
من بيت لي بيت ...
شنو حكايتك يا ود الزوحي
تنكت في الوجع وتجدد لي جروحي
كلماتك زي ملح تضرضرو فوق قروحي
تكَيْكي في المصارين تزيد في نواحي
واسرح أقول متين يحين اطلاق صراحي
وهناك ضفاف النيل فوق النخيل ترفرف يا جناحي ..[/color]
كل الناس احوالهم زين
وانا حالتي خلاص اضناها الدين
من يومي العرست فلانة
انا في الحلة ديوني ملانة
ناس عثمان وود زكريا
دينهم ليا فات للمية ..
وديك عوضية ست الشاي
منها يومي زايغ ساي
اقبل جاي واعاين جاي
خايف زول يكون بوراي
خلاص يايمة فاض البي
وكل الحلة عرفو البي
انا الفيني سر مكتوم ..
من سعدية ام قدوم
بقت يوماتي دايرة هدوم
حياتي بقت ملانة هموم
ويوم عن يوم بزيد الهم
بقيت بس ما أقول اهلا
يقولو الناس ده داير كم ...؟
يكفينا الله شر الدين
عاد يا جناي نقبل وين
ات عارف العندي هولك يا الخزين
وكت هاتيت بالعرس يا ضي العين
وقت لك يا يابا واطاتك صبحت متين
وحبوبتك ما رضت قات لي "ردك شين"
وات قت لي كل اصحابي اتنين اتنين
يمة لا متين نقعد للفرج راجين
والشيخ قال لنا تمو نص الدين
يرزقنا الكريم وبدل الصاع نلقى الصاعين
وقمت معاك في الساع والحين
واديتك المدكّن في المواعين
اصلو مناي اشوفك مجيرتق بالعديل والزين
وازفك لي قمر دورين ...
من جيهة الفرحة ما كان سايعاني
وبي جهة الغصة في الحلق خانقاني
وفي سري قت يسترني رب العالمين
ديون تهد الحيل ..
كل الناس احوالهم زين
وانا حالتي خلاص اضناها الدين
من يومي العرست فلانة
انا في الحلة ديوني ملانة
انا الفيني سر مكتوم ..
من سعدية ام قدوم
بقت يوماتي دايرة هدوم
حياتي بقت ملانة هموم [/col
or]
كُر .. ومن الهم بعيد الشر
والدين يا ضناي للعدو ما بيسر
علة وحاتك ده كلو من وشيها المر
نسيت اليوم الأغر
يوم همست اسمها في خجل
انا ما دخت لا من شمموني البصل ؟؟
فلذة حشاي شبيه البدر
أدي لي سعدية بت قمر
لقتك وين؟ أم تلاليش الفقر
اتحسبنت واتحوقلت واستغفر
وسألتو يلزمنا الصبر
ولي الليلة ولا باكر الله يستر ..
أوعي تقولي القصة شلاقة
وألا خلاص البت طقطاقة
أنا من شفتك فت الراحة
واتقليت بنار طقطاقة
خلي التقلة الفيها شوية
وقصة إنك جاهلة البيا
أنا زي شخصك فت المية
وفوقهن برضو في تاني شوية
إلا هي حالتك صعبة شوية
أنا من قبلك ما اتبهدلت
وكل الدايرو بجيبو عليا
بس من تقلك فاض البيا
حقو تكوني حنينة شوية
وألا أقوم للجن الفيا
أصلي عنيد وغاوي أذية
وزاتا حكايتك مارة عليا
ولو ختيتك في بالي ...
يعلم الله حجيبك ليا
قبال اقول قولتني
وفي فكري جهجهتني
قليت راحتك وضعضتني ان ما طقطاقة ما سا هرت بيَّ
وان اتخففت كان شاهرت بي َّ
ولو ما اتجاهلتك كان شختّ لي
زي شخصي فت المية ؟؟؟ (وانت عارف انا مالي زي في الدنيا دِياّ)
طب ايه الجابرك يا عينيّ
مرّة تحنِّكني كايس الحنية
وتاني تهددني وتحلف عليّ
كل ده ومافي بالك!!!! بشويش عليّ
تجيبني ... والا أجيك هدية
وخلي بالك .... أنا بت .... جِنّية ... :D
ياريتني كنت المعلقة
في ايدك انت مشعلقة
أنا من شفتك انت مقعدة
في السوق وشايلة المعلقة
وأنا روحي بيك متشحتفة
ومتمنى ابقى المعلقة
مرة العصير ..
مرة البطاطس امسكا
قلت ياربي الحلل
أن شا الله تحصل معجزة
ومن ايدها ترمي المعلقة
وما تلقى زول يجي يرفعا
وعشان هي راقية وملفتة
ما بترضا تاني ترجعا
وحتبقى دايرة تبدلا
ولمن تدور عايزة تغيرا
تلقاني زي المعلقة
طوالي جنبها حارسا
أنا جد كتير .. من شفتها
ومتمني ربي يحققا
وأتشابا زي المعلقة
في ايدها ديمه تقلبا
وان شا الله بس ما تروحا
انا قلت بس مرة ألازما
وشفايفا لو مرة حتى ألامسا
مالقصة دخلت في الحنا
وفضلت أحلم أحققا
ما تقولو لي جن الجنا
أنا من شفتها ..
وحياتي بيها مشحتفة
هو لسة في ناس كده 
