حوار بين شيرين احمد&معتز صباحى

[سمارا]

متذكرين يوم ماجات شيرين احمد ومعاها هاني شاكر ومحمد منير السودان !!

طبعا صحبتي شيرين اتصلت علي وورتني
يمكن قبل شهر انا كنتا عارفه !

المهم .. كيف كيف كده الشمار وصل لمعتز صباحي ..

بالمناسبه دي .. عارفين انو البت شيرين دي مدينها شاكوش من امو .. والاداها الشاكوش ماتامر حسني .. الاداها الشاكوش هو معتز صباحي

صححو معلوماتكم .. تمام !!

المهم .. معتز اتصل لشيرين عشان يستفسر وكده .. ومنو يصلح العلاقه شويه ..

وقال ليها :


معتز : الو يا شيري .. قالو انتي الليله جايه ..جايبه بسماتك هوايا .. شوفي كيف وجداني غنى .. احلى اشعاري وغنايا .


شيرين : بص بقه عشان تبقى عارف.. قلبي نسيك وارجعلي خلاص .. انت بقى اللي كنت شايف .. انو حياتي معاك وخلاص .


معتز : ياشيري .. صدقيني مشتاق ليك كتير .. مستني يوم ترجع تعود .. اسعد انا بلقاك تاني ..
شيرين : بطمنك يا معتز .. دنا اتجوزت وبقا عندي بنت اسمها مريم


معتز : اااه .. كان الخوف مرات في الغربه .. انو سواي بوراك يهواك ..

شيرين : عايزه الملم قلبي واحضن نفسي وامشي بعيد .. عايزه اطيب جرحي ايوه ح اطيب جرحي اكيد .

معتز : انا يا شيري منك بديت رحلة هواي يوم ذقت فيك طعم الشجن ..

شيرين : لايحبيبي .. مش انت اللي ابتديت بالظلم .. مش انت اللي هدمت الحلم .

معتز : متذكره يوم ماكنتا بعاين من الشباك وقلتا ليكي : انا وشباكي والشارع .. قصه جميله بغنيها .. اسطر اغنيات من ريد وللعشاق اغنيها


شيرين : دحنا كتير بنعشق ولا بنطول .. ومفيش حكايه بتستمر زي ما بدأت.


معتز : انا ياشيري بحبك حقيقه شعور احتواني .. شعور امتلكني من اول ثواني .. لحظت رايتك تاكد هويتك ونسيت العذاب .. تلاشت ظنوني .


شيرين: هع ! قال صعبان عليه قال .


معتز : حرام عليكي .. انا بحبك موت .. والله صوره وصوت .. انا حبيتك افقي ورأسي .


شيرين : دنتا عارف ! انا زمان مكنتش ولا على بالي .. كنت عارفه انك ح تبعد .. كنت عارفه انك اناني


معتز : متزكره العوازل ناس تامر حسني وصطفى قمر .. كم مره حاولو يبعدوك وبسألوك عن ريدي ليه .!


شيرين : هههههاي .. بالك ..انا اصلا ماكنت شغلت بالك .


معتز : يعني خلاص ماضاعت الامال !؟


شيرين : اقفل الخط ده عشان انا صبري قليل ..




المهم ...



معتز قفل الخط وقال .: قبل القاك في درب الريد .. واعيش ايامي راضي سعيد ..نزف قلبي اللي كان مجروح .. نزف من تاني جرح جديد .
شيرين غنت بزل وقالت : اه ياليل .. ايه يعني غرامك ودعني .. ايه يعني فارقني ولا رجعلي ..

المهم .. جات السودان ولاقيتها ومشيت معاها نادي الضباط وغنت !

بعد ما انتهت الحفله ..


لاقينا احمد الصادق .. قام سلم علينا

وقال لشيرين : اشتقتا ليك يامنقه ..

قالت ليهو باسفزاز كده : انت اخر واحد في الدنيا دي ممكن ابكي عليهو !؟

قال بخجله كده : كان زهجت بمرق احوم في شوارع الخرطوم ..


غايتو ضحكنا عليهو جنس ضحك ..



قمت انا قلتا لشيرين : والله يابت بقيتي روعه والله .. غرزه بس ..


قالت لي : هي .. انا مش بتعت الكلام ده !!!


وقالت لي : يلا انا راجعه القاهره .. عايز حاجه .. باي يافرده .. بتوحشيني قوي .. طمن قلبي عليك افوشك تاني ..

قلتا ليها : لا لا سلامتك .. خلي بالك من نفسك بس ..

ورسلي لي صورتك لما تصلي !!




.
.
.
.





وانا راجعه على البيت كده في الرقشه ..

لقيت بتاع الرقشه مشغل غنية :

" ليه اسباب غرورك " والنظره الفي عيونك "

قلتا ليهو :

هع .. بالله غير الغنيه القديمه دي يااا























( احلام اليقظه .. مش ؟ )

[هديل الحب]

ههههههههههه حلوة
انا مت من الضحك
يسلمو

[sf77rm]

هههههههههههههه
يسلمو

[ود الزوحي]

جدعة يابت .. لكن طلعتي مخرجة عديييييييييل

[patshe]

يسلمو.....

[سالم حامد سالم]

كلام زى الليل بالنهار

[فــتى الفلامنكو]

hahaha

thankx

[سمارا]

تسلمو على الرد ياحلوين وكل سنه وانته طيبين

[sma7a]

[align=center]مباااااااااااااالغه لاكن
واصلي في التجديع يا عسل
تحياتى[/align][/size]

[( ود البورت )]

هههههههههههههههه مبالغه

[sudan boy]

هههههههههههههه لذيذه ياخ...بس صدقيني بحة احمد الصادق دي بى البومات شيرين كلها

[سمارا]

هههههههههههههه لذيذه ياخ...بس صدقيني بحة احمد الصادق دي بى البومات شيرين كلها

انا غايتو ما بهمنى زول فى الدنيا دى ولا شايفه ولا بسمع

الا لشكرالله عزالدين

وكل زول حسب وجهه نظره


تسلم عالمرور

[(روعة الإحساس)]

هههههههههههه
مبااااالغه يا سمارا

[سمارا]

يسلمو روعتنا