لما اول مرة شفتَك
قلبي لى عينيكَ شابا
ونفسى فى نشوة مناها
والمشاعر فى اضطرابا
برضى حسيت انك انتَ
مُنقذ الروح من عذابا
ما الاحاسيس قادرة تقرا
قصة الريدة وكتابا
عايزة اكتب عن عيونك
الا غالبانى الكتابة
يا العيونك ليا واحة
وجَمّة فى صحرا الكآبة
يا العيونك فيها راحة
وضحكة فى زمن الرتابة
جوه طيفك مالى ساحة
فيها كان الهم معسكر
فى عيونك بلقى عبرة
لما اقراها وافكر
وفيها من جواكا نبره
صوت حِنَيّن فيهو ببحر
والامان حافيها سُترة
تشتهيها النفس تزهر
والجمال الفيها فطرة
يا بديع الخلق اغفر
اهملتنى... حتى
السؤال عنى اختفى
كأنى ما كنت الدوا
لا بلسم ايام الوفا
لاسلسبيل منو ارتويت
لا دوزنة ساعة صفا
خليتنى بين آهات وغم
واطلال رياض حب ناشفة
والوردة لو فاتا الربيع
هبت عليها العاصفة
والريدة لو فقدت حنان
نسقيها من وين عاطفة
اهملتنى وسبت الحروف
الجاتنى منك الاطفا
عساها تتلطف تقول
الكان خلاص كُدرة وصِِفا
اهملتنى .......
واصبحت ما بترسل عتاب
وكأنى ما كنت الحبيب
البيهو ليل الوحدة طاب
يا هدأة العمر اللِفات
وسكون ليالى الاغتراب
ولحظات سعادة فقدتها
يا حسرة ديل كانن قُراب
كل الامانى العشتها فى
غفلة بس صارت سراب
ربي شاحداك عنو تعفو
ما أصلو هو الغفران بإيدك
ربي كلما قلبو يهفو
تسقي من حِنّك وريدك
ربي بي رحمة عفوك
تعفي تصفح عن عِبيدك
ترفع قدمو يزور حبيبك
ترزق عبدك شوفة بيتك
قادر كريم مولاي انت
ترحم عبدك وتسقي ريدك
ربي لا تحرمنا ودك
و زيدنا ودا في البودَك
أنا وعبد الله وكل عبيدك
ربي شاحداك عنو تعفو
ما أصلو هو الغفران بإيدك
ربي كلما قلبو يهفو
تسقي من حِنّك وريدك
ربي بي رحمة عفوك
تعفي تصفح عن عِبيدك
ترفع قدمو يزور حبيبك
ترزق عبدك شوفة بيتك
قادر كريم مولاي انت
ترحم عبدك وتسقي ريدك
ربي لا تحرمنا ودك
و زيدنا ودا في البودَك
أنا وعبد الله وكل عبيدك
ربي توعدو يود بحجة
ربي تمحي ذنوب مريدك
ـــــــــــــــــــــــــــــــــــــــــــــــــــــــ
اختى حبوبة
ما اروع ردك ودعواتك
سعيد والله بما خطته يدك
تحياتى
قد عُدْتُ يا حبيبتى لاكتب الشعر
فى خُصلةٍ تُداعِب العينين فى خَــفر
قد راقــــها جمـــالها فضلـــت الأثر
عادت بها الانامل الرقيقة للشعر
قد عدت يا حبيبتى لاكتب الشعر
فى حزنك الذى عايشته فى مرةٍ نبيل
فى بسمك الذى يكون دائما جميل
فى صمتك الذى يُماثِل الذهب
فى طرفك الذى يرنو فيفعل العجب
فؤادى الذى هواكِ اضطرب
وانتِ.. انتِ ياعزيزتى بعيدة
لاتعلمين ما بقلبى ام تُرى عنيدة
والله يا حبيبتى ارهقنى التعب
قد عدت يا حبيبتى لاكتب الشعر
وتلهث القوافى العليلة فى الاثر
قدعدت ياحبيبتى لأعزف الوتر
سمارى الحروف نحى ليلات السمر
على ضفاف النيلِ.. يلفنا القمر
خيالى ناشطا لايعرف الفتر
وجسمى الذى قد كل فى درب السفر
سرت فيه الحياةُ والتفاؤل انتصر
قد عدت يا حبيبتى لاكتب الشعر
اغـــنى للهــــوى الذى ســمــى
على قوامك الجميل ثوبك ارتمى
اغنى لفؤادى الذى بقلبك احتمى
وعشقى الذى لشخصك انتمى
قد عدت يا حبيبتى لاكتب الشعر
يبهرنى الجمال اجثو للذى فطر
أنهيت رحلتى أيا رفيقة العُمر
فى ساحة الهوى ألقيتها عصا السفر
متيمُ انا بحبك الخطر
صريع بسمة ويضننى النظر
كم اشتكيتك على شواطئ النهر
وقلت للنساء والظباء والزهر
وقلت للشعاعِ لصديقى القمر
قولوا لها يحبك الفتى انا بشر
قد عدت يا حبيبتى لاكتب الشعر
وازرع الورود للهوى وانثر الدرر
وزادى الذى يعيننى الصبر
وشيمتى الايمان بالقضاء والقدر
صدمْتِك.... ....صاح؟!
حنيّن واللّا ما بقدر
أسيّلْ دمعة الافصاح
ولا بكتم شعور بالريد
اصارحك بيهو شان ارتاح
ولو أهديكى لالوبى
ونفسك تشتهى التفاح
بكون ياروحى دا العندى
وطالبك لو سمحتى... سماح
هو عمرك كم ؟!!
دا روّح راح
سواد الراس تركتو وراى
ألم فى جسمى ظل مُتاح
وآهات من قلب مُغرمْ
يغالب جرحك النتّاح
عذابااااااات كم.......
تعانق طرفِك اللمّاح
ويرتد العشم يندم
وطالب لو سمحتى ..سماح
هو عمرك كم ؟!!
دا روّح راح
ولو اهديكى تجربتى
دى محرومة ربح وفلاح
وغير الريدة ما فيها
الا سطور اغانى فُصاح
ودريب للجنة مُتعثر
يقيلو هواكى يلقى نجاح!!!!
يافرحة من وين طلتِك
فى لمحة جيتى زى البرِقْ
وانا لى شعور زى سُرعتِكْ
فى اصعب اللحظات يرِقْ
وسكنتى ما بارحتِ زول
خضر غِصينو وقام ورِقْ
وليتْ زُمامْ أمرى الغرام
وأنا والحنين ما بنفترق
تلقانا ملتاعين سوى
ونازلين على الجوف الحِرق
انا غايتو بختم بى هواك
وشهيد غرام لو احترق!
نورتى كم فى رحلتك
ويممتى كم وجها شرِقْ!!
ياربى غاشينى الرِهاب
ولّلا اليقين حاضر مُحِقْ!!
دى سنين من الحزن انتهت
وقليب نبض ريدة وعِشِقْ
صدق اللِقال الشك بزول
نور اليقين لو يأتلِقْ
على مَهلِك تمهلى
إنتِى بى مهلك
دا حبل المَهَلة ماقصر
ولازادوهو يوم بسِلِِك
ولا حتى انقطع مرة
ولا اتسجل حِكِر ومِلِكْ
ولا تشريع بِجِيزوهو
ولا بنستجدى فيهو مَلِكْ
على مهلِك.. تمهلِى
إنتِى بين أهلِكْ
وانا الجُواى هوى اتمدد
وإحساس التعاسة هِلِكْ
عميرى بحسو اتجدد
هواك مُشعرنى انى مَلِكْ
بخاف لو يسألوك فجأة
هل فى الدنيا خاب أملِك؟!
تأشِرى إنتِى بس بِصُباع
وكم ولهان يكون وَصَلِكْ
لاكى كبرتى عمرك ضاع
ولا ليل الأمانى حِلِكْ
معاك بغمرنا ديمة شعاع
وعاطفة رقيقة من وَصْلِكْ
ولو شدَّ الزمن لشراع
بنبحر نحنا فى أثرك
ونستبقيكِ فى الخاطر
فراشات الامانى ترِكْ
تذود عن كل حظ عاثر
زى حظا قريب وصلك
وارخى سُدُولُو مُتْنَاثِر
وعن مستقبلك شَغَلِكْ
وكنا معاكى بِنْذاكر
معا نمشيها كُل قِبلِكْ
وكنا الماضى والحاضر
وسِرِكْ جَهْر و لينا مِلِكْ
وشايفين حالك اتغير
وسامرنا الهموم بدَلِكْ
على مهلِك.. تمهلِى
إنتِى بين أهلِكْ
وانا الجُواى هوى اتمدد
وإحساس التعاسة هِلِكْ
لما احكيلك حكاوى
طالعة من قلبي الموجع
ببقى في برج الأماني
للجمال والحسن بخضع
ورنة الكلمة الرقيقة
الأمــــــل جوايــــــا تــــــزرع
*** *** ***
كم شعرت بضعفي قربك
والدموع بحرمها تطلع
كان يا ريت لو مني سالت
جوه حبس الدمع أوجع
أصلي دايما مقلتيك ليهــــــا
أزهــــــــار عمري بدفـع
ومن طموحات الغلابة
كم بحاول مرة اطلــــــــــــع
والظروف العاندتني
بي سياط الحرقة تلســــــــــــــع
فيني يا ريت ياما تكتر
كم ألوك الصبر وابلــــــــــــع
*** *** ***
اصلو قالو المرء جوهر
والمظاهر مرة تخـــــــــدع
وانت من الكل خلاصة
وفي فنون الأسر ابـــــــرع
هسه كيف اعمل معاكي
وليكي قلب الالفة أسرع
لي رحابك جاي مترع
في هواك دايب مشبـــــــع
تشـكي باكية دموع ألم
وأنين عذاب حسرة خطايا
ونــاس بتـحســب
في أســابيع عمـري
يمكن تلقي تاريخ الغواية
جار قريب أو زول مهم
يارب منو السوا الجناية؟
ياالجيت لقِيـط
أوعاكا تصرخ
أو تفكر في السِـمايـة
يا السليم جسـمك مُعافي
يالمكانـك دُور رعايـة
أم بديلة وأب تــواري
والحنان مطـلوب وغاية
وفاقد الشـئ ما بنلومـو
يكفـي توفير العنـايـة
وتلقـي في الاسر البديلة
شـفقة لو محظوظ كفاية
وامك ما معروف مصيرا
أحلامها ماتت سُـمْبُلاية
