خواطر و أحلام ...... حلو مُر

[حبوبة]

محتارة ليه

محتارة ليه انا في هواك
ما بالسنين انا في رجاك
من شبيت انا بهواك
من تبيت انا كت حارساك
من وعيت قلبي معاك
في يوم أكيد واكيد بلقاك
بحلم وقاعد بستناك
وين ومتين وكيف لقياك
أنا ياخي مؤمن بالقدر
عارف وقاعد منتظر
في ليلي لابد من قمر
يحكي ويبادلني السمر
ودنياي تفتِح تزدهر
زي صحراء جاها شوي مطر
ووسط الصخر يطلع زهر
انا في انتظارك منكسر
إلين شع نورك يابدر ....

[ام صبا]

واللـــه يــاحــلــم الـســنـــيــن ومــن زمــــن الــصــبــــا
كــنـــت الـــمــنـــى وكــنـــت الــمـــراد
كــنـــت بــحــلـــم بــيـــك مــعـــاي
وبــرجــاك فــى نــفـــس الــمـــيــعـــاد
واهــديـــتـــك أجــمـــل احـــاســيـــس
واتـــمـــنــيــتـــك تـــديــنــى بــس حــبــة وداد
وعــشـــت احــلــم بــيــك مــعــاي
ويــامـــا طــال بــي الــســهــــاد
اصــلـــه حــبــك كــان لــي مــنـــيـــة
وهــواك كــل الــمــنـــى وراحــة الــفـــؤاد
ويــا اللــه انــا فــى حـــلــم ولا فــى عـــلــم
ولا نــقــول الــمــولــى راد


الــغــالــيــه حــبــوبــــه
كــلــمــات جــمــيــلــــه خــلـــتـــنــى اشــارك
فــدمـــتــــى مـــتـــمـــيــزه يــاراقــيـــــه وتــقــبــلــى
حــضــورى عــلــى صـــفـــحـــتــــك الــجــمــيــلـــه

[حبوبة]

واللـــه يــاحــلــم الـســنـــيــن ومــن زمــــن الــصــبــــا

رغم السنين يا أم صبا
ما أروع أحلام الصبا
والأروع كمان.. بل قول هبة
مرور أناملك السمحة راقية مذهّبة

[حبوبة]

قال أوصفو لي الحب... قت لو يابا طلبك صعيب
انا ماني خبير في أمور الريد والقليب
ماهو شيتن بخلف أتر والا عندو دريب
لا بتشاف لا بتلمس لا ليه طِيب...
ده يا جنا شيتن بدخل الروح بالمساريب !!!

[النجيض]

كلام حلو يا حبوبه تسلمى ومنتظرين المزيد


بس انتى هل صحيح حبوبه ؟؟

[نهـاد]

طول هواك وانا قلبى باكى ليلو صباحو...
بالضياع والحسرة السنين كم راحوا...
رحت الافراح...قلبى عاش لى نواحوا..
ومين يكون لى فوادى..روحو زيك وراحو...

انا قلبى اتصبر ...قلبى قلبى اتصبر ..لمن تعب صبارهو..
ونظرة با كية حزينة..شال وراهو ودارو...
يوم رحلتا وشلتا...بهجتوا وانواروا..
لاارتويت من عطفوا ..ولا اكتويت بى ناروا..


الرائعة حبوبة سلمت أناملك على الكلمات الجميلة

لك تحياتــــي

[ريانه إمام]

[grade="ffa500 ff6347 008000 4b0082"]كنت دايراك للسعيده
ولليالي البعيده
الا ..
الليله بهرب من ملامحك
وحتي من فكره اسامحك
شايله قلبي ومارقه منك
من اي حاجه بتشبهك
ماشه منك
ومن اي حته مشينا ليها
واي حاجه جينا بيها
..
خلي قلبي يرحل بالسلامه
مع السلامه ،،مع السلامه[/grade]

[حبوبة]

كلام حلو يا حبوبه تسلمى ومنتظرين المزيد


بس انتى هل صحيح حبوبه ؟؟

تسلم يا المحصحص

وانت.... صحي نجيض :D

قربت اكون ... وبعدين الاسم ده يعتمد ع التشكيل...صح؟ انت وذوفك بقى

[حبوبة]

[quote="نااناا"]

طول هواك وانا قلبى باكى ليلو صباحو...
بالضياع والحسرة السنين كم راحوا...
رحت الافراح...قلبى عاش لى نواحوا..
ومين يكون لى فوادى..روحو زيك وراحو.....


معقولة بس يا اخوانا .. نانا في هوانا
جانة بي ورانا .. وحاتك الله عمانا
وقلنا ما شايفانا :D
دوبو الفرح عمانا وأشرقت دنيانا ...

مرحبنين حبابك نانا .. وخليك ديمة حوانا...

[حبوبة]

[grade="ffa500 ff6347 008000 4b0082"]
الليله بهرب من ملامحك
وحتي من فكره اسامحك
[/grade]

ريانة يا السمحة ام وشاح
خسمتك آ شمس الصباح
صابحيني بي بسمة سماح
خليني افارق للنواح ...

بت الإمام بي طلتك ملاني إحساس بالرباح
ابقي داومي وبوجودك عطريهُ .... هذا المُراح ...

[ود الزوحي]

حبوبة .. دائما تعجبني كلماتك .. وان شا الله دائما ايامك كلها حلو ...


دمت بود ..

[حبوبة]

حبوبة .. دائما تعجبني كلماتك .. وان شا الله دائما ايامك كلها حلو ...


دمت بود ..

ودالزوحي .. من شدة ما بتعشش جواي كلماتك بلقى نفسي رديت عليها :d
الحلو تملي فالك .. ومناك دنيا وآخرة تلقى منالك ...

تسلم ع المرور العطر..

يحفظك مولاك

[حبوبة]

شربكة

أنا الجواي ليك مشربك زي شجر السدر بالصوف
مودة كبيرة لا بتنقال لا بتنوصف في حروف
ده انا دنياي بلاك زي عتمة المكفوف
ومن فرقاك في جلدي ميت خوف
قريب مني ومحرومة من الشوف
واشواقي ليك من جوه حارقة الجوف
سلمتك قليب نديان خليك بيه عطوف
لمتين أكون راجي الحبيب ملهوف
بالريد مكبل بالأنين مكتوف
بوصيك يا المريود يا ال بالسمح موصوف
فشان العند الله ما معروف
لو بيننا يوم جدت ظروف
ونويت للعش تفارق يا طيري الولوف
خليك عارف : البيننا دايما بالولف محفوف
ومهما تبعد أو تسافر أو تطوف
زي ريدي ليك لابتلاقي لا بتشوف ...

[ليه كل العذاب]

[color=8B0000[frame="1 80"]]**** لماذاأبت الدموع إلا أن تسكن محاجر عيوني ؟؟؟


لماذا**** أبت قطرات الدموع إلا أن تنتثر على وجنتي ؟؟؟


تلك اللآلئ الفضية **** وتلك اللآلئ الثمينة ****


تلك اللآلئ اتخذت مقلتي مسكنا لها ****


تنتظر الهمسة والكلمة لتنثر وتتساقط ****


لترسم طريقها وتنحته على وجنتي ****




كيفن لها أن تتساقط **** ومن سمح لها ****


أم القلب هو من يبكي فتتساقط دون أذن ****


كيف للعين أن تدمع وأن تسكب كل هذا الكم من الدموع****


من أي معين يستمد الدمع قطراته ****؟؟؟


ومن أي بحر امتلأت عيوني بدموعها **** ؟؟؟


أم حتى البحر نضب ماءه بسبب الكم الهائل من الدموع**** [/frame] [/color]؟؟؟

[هاميس النوبه]

’’
نبضات الحيره مازالت تطاردنــى

وقناع الشك لازال يكسو معالم وجــــــهى
انـظر اليك ولاادرى انك هـــــو ذاك الطـيف الباسمـ
انك هـــــــــو ام تغيرت لرجــــــــل غامض الاحساس
فمنذو ان بدأت رحله الصمت المخـيفه
فاصبحت لاادرى ماهـــــــيتك ,, ومن انت , ولما , وايـــــــــــن ,وكــــــيف !!!

لاادرى شــــــئ ,,

فلم اعتــبرك يومـا حــبيبـا
ولم اعتبــرك يومــا صديقا
لم اعتــــبرك يومـا وفــيا او حــــــــتى خائــنا

كـــــنت رجلا يملا مساحات فراغـــــــى وليس الا
عفوا
كـــــنت شيئا يملا مساحات فراغى وليس الا

شيــــئا مجرد شــيئا وليس اكــــــــــثر
,,

تحيااتى
,

,,

[ود الهادى]

حبوبة ............. هُناك على أرصفة السنينِ , يترنحُ فـِـتـيان النجيعِ .. فيرسمُ
البالون قوافى للإبتسام . ويرحلُ مع ريحِ الندى نسيجُ الجروح ...... فيختالَ الشهدُ على
أفواهِ الساهمين مذاق ... ويلكأُ ظهرَ الغائرينَ نـدْبُ الجرحِ الشفيف ...... لذا نمرحُ بين
الحاءِ وُداً وبين الغيرةِ خِصلة ...........
حبوبة ............. قد وطّنتى الحضورَ زهراً ,,, وأشبعتِ السطرَ إبداع .. فشُكراً حليماً ..

[بحلم]

بحلم بحلو الاحلام
لوكانت كلماتى تحملنى اليك تاخذنى بعيدا
ترمينى عندك بعيد عن دنيا الزمان
اسافر معها بدون متاع فقد تعبت
تعبت من احلامى
تعبت من رحلتى
تعبت من لوحتى المرسومة على جدارالصمت
تعبت من الصمت
رغم حلوة الاحلام ومرها الحلو

حبوبة تسلمى على الكلامات الاكثر من رائعة
اتمنا لكى مزيد من الابداع والتقدم

[bet-handasa]

[grade="00008b dc143c 008000 4b0082"]بين التجول في الخاطر والتنزه في الاحلام
مررت على ذكرى قديمه ما زالت تتارجح بين النسيان والاستسلام
طالت وقفتي اتامل ماض فيه عبق الازقه ببيت تاريخي القديم
احببت ان اراه متالقا بي العالمين في كرنفال العائدين الى الحياه
ولكنني نسيت ان انتظر حتى تجف صباغه وها انا قد لوثت يدي
بالوانه التي امتزجت هنا في راحتي لترسم لوحه اقترن فيها الحب والالم
الغاليه حبوبه
كلماتك في غايه الروعه اثارت ما اثارت في حفيظه نفسي
تقبلي مروري وتمرد عقل على الكلمات [/grade]

[حبوبة]

[color=8b0000[frame="1 80"]]***
لماذا**** أبت قطرات الدموع إلا أن تنتثر على وجنتي ؟؟؟
تلك اللآلئ الفضية **** وتلك اللآلئ الثمينة ****
أم القلب هو من يبكي فتتساقط دون أذن ****
من أي معين يستمد الدمع قطراته ****؟؟؟
ومن أي بحر امتلأت عيوني بدموعها **** ؟؟؟
أم حتى البحر نضب ماءه بسبب الكم الهائل من الدموع**** [/frame] [/color]؟؟؟

من بحر حبك ... ذاك هو المََعين
جميل ومنصف أنك تعلمين ...
أنها لآلئ ودرٌ ثمين ....
فعلِّمي قلبك .. ألاّ يستهين ...

[حبوبة]

’’
نبضات الحيره مازالت تطاردنــى

شيــــئا مجرد شــيئا وليس اكــــــــــثر

,

,,

هموسة .. اصلو نحن دايرين في مدار
في الأول .. هو؟ لأ ما هو! نتوه نحتار
شوية شوية والعيون تهمس "يا قلب اختار"
ويشغلنا هذا الشيء ... المافي منو فرار

أصلو يا بنية .. قربو نار وبعدو ودار
ولو انو مجرد شيء .. خلاك ليه يا جميل تحتار

[يجيبو طيّب وسالم:d]