فضيحة مطار الخرطوم

[هجره عصافير الخريف]

الموضع بالجد الليلة واجعني شديد وهو الاهمال الواضح في صالة الوصول مطار الخرطوم وبي تفصيل اكتر
1/ السقف المستعار (الفورسيلانج) متساقط وخاصة فوق كونتر رجال الاعمال
2/ الطلاء والدهان في الحوايط والتشققات الواضحة
3/ النظافة العامة
4/تخيل التكبف بمكيفات الماء
4/ تخيل شكل الحمامات وتكون مافيها موية
ياجماعة نحن لما نتكلم لانو البلد دي بتهمنا ونحن في الغربة وشنا ببقي صغير لما يتكلمو عن مطارنا والحاجة البتالم اكتر التعامل العشواي والباقي بخلي ليكون يا اصدقاء

[المعزب]

عزيزي هجرة عصافيرالخريف السلام عليكم ورحمة الله.
كما تفضلت الوضع في المطار لانحسد عليه وخاصة التكييف ،معقولة مطاردولي والتكييف موية
لايعقل ولا يمكن .
انا لما اكون مسافر من مطار اللك خالد بالرياض ومن الصالة الي الطيارة مافي سلم ولابطيخ ونافورة
عجيبة ونظافة ومطار دولي بالجد ،أصل مطار الخرطوم فرق السماء عن الارض .
ان شاء الله المطارالجديد يكون دولي ،،،
وبالمناسبة الرسوم البشيلوها مننا دي بتمشي ويــــــــــــــــــــن .
ماحصلت مطار في العالم بياخد قروش من المغادرين الا مطار الخرطوم ...
مع كل الود

[GentleMan]

معناهو الكلام اللي قالو المصريين في قناة النيل بعد مباراة مصر والجزائر
طلع صح !!!
وحقو بعد ده نتقبل النقد البناء بصدر رحب لانو دا الشي الحاصل في الواقع

[saare]

ياخ انا وصلت مطار من مطارات السودان
ملابسى الشايلة خربت من الصدا واسالو احسان ممكن توضح ليكم اكتر
وملابسى اللابسها اتملت موية
وبعد ده بنقول مافى اهمال ليه بس بنظلم انفسنا

[احسان]

بصـــــــــــراحه كان الموقف بشع خالص لمن تجي بلهفه لبلدك

ويصدمك اول شي مكان استقبالك يخرب ليك كل شي ويطير ليك الفرحه قبل ما تشوف حتي المدينه

يعني بصراحه كانت حاجه بتزعل شديد انا لهسي والله لمن اتذكر بزعل عدددديل من الشي الحصل دا

بس ميـــــــــــن يسمـــــــع وميـــــــــــــــــن يشوف الله يعيـــــــــــنا والله يعيــــــــنا بلـــدنــا ويحفظـــها

[عصافير الخريف]

لماذا يكون السودان بهذة الطريق ؟ وهل كان في السابق بهذة الصورة؟ وين نحن من السودان ياحبيبي؟
ارجو الجواب

[dhmee]

فضيحه ................. اوكمان مطار العاصمه



لاتعليق

[محمد الجعفرى]

يعنى بينى وبينك كدى المصريين معاهم حق لما قالو اوضه وبرنده

[بنت الناس ماتنداس]

يعنى بينى وبينك كدى المصريين معاهم حق لما قالو اوضه وبرنده

فرق بين النقد والاستقزاز


وبيتك ان يكن انقاض بيت ففي عينك كا لقصر الاشم



يرضو حندافع وماحنقبل قلة ادب منزول
لكن بيني وبينكم نحن لو ماقادرين مغيلش
لكن نحن قادرين نعملو احلي وارقي مطار

بس نقول شنو في ناس ال ..................................


الله المستعان بس استنو لي عليهم


وان غدا لناظره قريب

[بنت ملوك النيل]

اولا بالنسبة لموضوع المصريين ديل فهم عارفننا وعارفين حالنا المفروض قبل المباراة الكارثة عملو بحث واختارونا بناءً عليه... يعنى ماعندهم اي عذر في العرض المسرحي اللي قدموه!!!

بالنسبة للمطارفاي شي فيه غريب مثلا"التعامل ما الامتعة مثل التعامل مع النفايات!! .. لوعندك حاجة قابلة للكسر اوعة تختها في شنطة الشحن!!

[هجره عصافير الخريف]

اولا شكرا لكل من تجاوب وعاوز اوضح امر ان الموضوع هو نقد زاتي لاجل الافضل ونحن ما بنرضي الاستفززاو من اي جنسية والمطار واجهة البلد بحتاج الي حملة تصحيحية لاجل وصول صوتنا الي اصحاب الكراسي وشدو حيلكم في الحملة

[الاشوبية]

يا جما عة دة برضو مطارنا انتو دايرين تقارنو باي مطار في العالم خطوة حطوة انشاء اللة

[الكباس]

الحمامات
اخير يصبوها اسمنت من الريحة الفايحة

[عبد الوهااب]

السلام عليكم ورحمه الله

رغم ان المطار كما قيل عليه يحتاج الي ترميمات واعمل
الا ان الجزائريين اللي حطو فيه لم ينتبهو له خالص ...تعرفو لماذا
لقد وجدوا ناس طيبين وكرماء ونبلاء نسوهم حتي في لون صاله المطار .
اخواني ان شاء الله يتم ترميمه في اقرب وقت ويجب ان تقفو مع بلدكم حتي وان كان غير جميل في نظركم
الا ان لديه سمعه في العالم بان شعبه طيب وكريم

[patshe]

لاتعليق ....

[توقن فنتي]

لك الشكر على غيرتك لهذا الوطن المعطاء ا هجرة
ارى ان مطار الخرطوم في احسن حاله
وارى انه في تطور دائم من احسن الي احسن
لا اشبهه بمطارات الدول الاخرى ولكنه بخير وربما
قادرتم بصاله مغادرة اخر غير الذي نعرفه
اسعافيه لتجاوز الازدحام وشكرا

[نهر المحبه]

مشكوره على الموضوع والتوضيح
لكن بالجد المطار محتاج للترميم والاعاده من جديد
فرق شاسع مابين صالة المغادره وصالة الوصول
الله يسهل والمطار الجديد يكون بحال احسن

[ودالعاصمة]

فرق بين النقد والاستقزاز


وبيتك ان يكن انقاض بيت ففي عينك كا لقصر الاشم



يرضو حندافع وماحنقبل قلة ادب منزول
لكن بيني وبينكم نحن لو ماقادرين مغيلش
لكن نحن قادرين نعملو احلي وارقي مطار

بس نقول شنو في ناس ال ..................................


الله المستعان بس استنو لي عليهم


وان غدا لناظره قريب

كان على الكورمامشكلة

وكان على بس المطار مامشكلة

وكان جون قرن بعد السلام اعلن حرب مامشكلة

وكان الجنجويد حكموا الغرب مامشكلة

وكان القاش رحل خلا الغرب مامشكلة

المشكلة ايييييييييييييييييييك انا دى مشكلة بلد بى حالا والمشكلى الجابوا المشكلة

وكان قلتى يابت الناس معشمة فى بكرة ياهو حال السودان الا قايتو ناس ال(............) يشبعوا بعدين بنشوف الحل فى المشكلة .....