سؤال أنثوي خاص ؟؟؟؟؟؟؟؟؟؟؟

[ام نغم]

سلامات ومراحب
بصراحة كدة ترضي زوجك يكون صديقك؟؟؟؟؟؟؟؟؟؟؟
أو يكون حبيبك؟؟؟؟؟؟؟؟
اوع تقولوا الاثنين...................

[رغودة]

ليه مانقول الإتنين ياخالتو..؟

[مسلمة وافتخر]

ام نغم تحية طيبة

يكون حبيبى

ليه الاحراج دا يا خالتو

[الهنوف]

بصراحة كل الاثنين صديق وحبيب
وكل شي

والله يعطيك الف العافية موضوعك جدا جميل
تحية معطرة

[ام نغم]

شكرا يا حلوات علي المرور وانا حساعدكم
الصديق دائما وفي
الحبيب ليس دائما
الصديق بصدق معاك في كل شئ
الحبيب علشان ارضيك بقول الشئ البريحك
و.............
و.............
و ....................
والصديق بيرتقي لدرجة الحبيب (وتكوني كسبتية صديق وحبيب)
والحبيب لا ينزل لدرجةالصديق(وتكوني خسرتي لا هو صديق ولا حبيب)

وامكن اكون غلطانة

[jasmina]

[align=center][glow=ffff66]انا ماتزوجت بس بتمنى زوجي يكون صديقي !!!!!![/glow][/align][/size]

[هديل الحب]

وكمان يا ام نغم الصديق ما تتوفر فيه الصفات الجميلة دي دايما
انا بختار الحبيب

[نورة]

عزيزتي ام نغم.....
تحياتي ليك ولي( نغم)
ولي أبو نغم برضو..
سؤالك (وجيية) جدا وموضوعي
غالبا الحبيب بيبدأ بصاحب(يعني الواحدة لو جيتي قلتي ليها دا حبيبك...؟؟ تنكرو ليك كلو ..كلو...وتقول ليك ولا والله صاحبي بس..!) وبس..! دي بتكون قابلة للتغير. يعني لو اديتيها فترة ممكن تقولك بقي حبيبي
عااااااااااااااااادي
دا مابمنع انو في أصاحب اصحاب غير قابلين للتمحور حول داثرة الحبيب بتاتا لاانو حالة(الحبيب المنغلب عن صاحب) دا بتحتمل خيارين
احيانا بختلفو يعني ممكن تكونو اصحاب( مية المية) ويوموا البقي حبيبك بيوريك الوش التاني وبتتمني لو انكم واصلتو اصحاب لانو الحب تشوبة بعض الانانية التي تنعدم بين الاصحاب
واحبانا اخري علاقة الصحبة بتسهل للتفاهم بين الاتين بي أعتبار انو كل واحد بيتعامل بي خلفية مسبقة عن الاخر ومدرك لي كل طباعو وعيوبة (ودي مكسب كبيييير جدا) والاكسب من كدا تقدر تحافظ عليما بعد الزواج
وانا شخصيا بتمني انو زوجي يكون صاحبي...وحبيبي....واخويي....وابوي.....و....و,,,,و.....
وكل حاجة
شفت طماعة كيف...!!

[الدلوعة اصلي]

اختار انو يكون صديق وحبيب وحياتي وكل حاجه,,

[همسه]

بتمني لما اتزوج انو
يكون صديق
لان الصداقه اساسها الاحترام
ولما يحترمني اكيد
حيحبني

[ام نغم]

مشكورين يا شبات علي المرور
بس سؤال الثقة اكتر في الصديق او الحبيب ؟؟؟؟؟؟؟؟؟؟؟؟؟؟؟
ممكن الشباب اشاركوا

[jasmina]

[align=center][glow=ffff66]الثقة اكتر في الصديق
انا شايفة انو الواحد صديقو بيكون اقرب ليهو يعني انا بقدم لصديقي الاحترام والتقدير وبامنو على سري
بشاركو افراحو واحزانو وبحاول اعرف المضايقو وبجتهد عشان اريحو
والحبيب بيجمع دة كلو بس !!!!!!!!!!!!!
احيانا حبك ليهو بيمنعك تصارحو خوفا على مشاعرو
واحيانا في حاجات بتحصل معاك او بتحس بيها مابتقدر تحكيها ليهو عشان بتخاف تخسرو لان الحبيب بيكون واحد فانت ممكن تكون في قلل بس صديقك مابتخاف تفقدو زي مابتخاف تفقد حبيبك عشان كدة علاقة الصداقة مطمئنة اكتر من الحب [/glow][/align]

[نهر المحبه]

مشكوره ام نغم على الموضوع
من ناحيتي بفضل لمن اتزوج انه يكون زوجي صديقي
يعني بحس الصديق لحيانا اقرب ليك من الحبيب في مواقف معينه
اقلها انه بيكون صريح معاك وبكون زي مرايتك بتوريك خطاك
ام الحبيب فبداري ليك على اخطائك
سؤال الثقه برضو الثقه لازم تتوفر في الاتنين
يعني في حاجات بثق فيها عن حبيبي
وحاجات اقدر اثق بيها عن صديقي
عموما بشوف انه الثقه لازم تكون متواجده بين الاشخاص من وجهة نظري انه كده بيسهل التعامل مع الشخص الاخر
سواء صديق او حبيب
ودمتي عزيزتي بود

[سمارا]

زوجى حبيبى ونبض قلبى وكل حاجه بس ما احب يكون صديق لى افضفض ليه

[نهـاد]

بفضل انو يكون كل حاجة
الحبيب والصديق والأخ وكل حاجة

[ملاك وعيون هلاك]

احسن يكون كل شيئ الاخ والزوج والحبيب والاب
وكل شيئ





يسلموووووووووووووووووووووووووووووو أم نغم

[سمسم يوسف]

تحياتي وتقديري........

ماحقول الإثنين طبعا.
لكن حقول ولا واحد من الإثنين!!!!!!!!
بصراحه يا أم نغم ماحرضاهو غير إنو يكون زوجي فقط لا غير...
:
!

عارفه ليه يا ام نغم ؟؟؟
لأنو حسب إعتقادي والله أعلم البصل مرحلة الزوج بكون أعلى من المرتبتين المذكورين
وغير المذكورين وإذا ماكده ماكان النبي صلى الله عليه وسلم قال :
{ لو كنت آمرا لأحد أن يسجد لأحد لأمرت المرأة أن تسجد لزوجها }
يبقى أنا ماحقدر أنزلو لمنزله أقل ولا شنو ؟؟؟
والله أعلم

أعتذر عن عدم تقيدو بالمطلوب.......
خالص إحترامي وتقديري لشخصك الكريم
وربنا يحفظك ومن تحبين دوما ومشكوووره على الطرح


تحياتي- بت يوسف

[نورة]

عزيزتي ام نغم.....
بالنسبة للشق التاني من السؤال
الثقة أكتر في الصديق او في الحيب...؟
انا بعتقد انها بتتوقف علي نوع الحبيب اذا قدر ياخد دور (الحبيب الصاحب)
ودا بيطلب حيادية كبيرة منو كحبيب فهو بيقدر يكسب كااااااااااااااااامل الثقة
واذا ماقدر يكون صاحب واتخذ دور الحبيب المجرد فعامل الثقة بيكون صعب شوية
وفي الحالة دي الصديق قد ييكون اقرب للثقة

[moonlight]

معليش بس لازم يكونو الاتنين
تقبلي مروري

[نهـاد]

تحياتي وتقديري........

ماحقول الإثنين طبعا.
لكن حقول ولا واحد من الإثنين!!!!!!!!
بصراحه يا أم نغم ماحرضاهو غير إنو يكون زوجي فقط لا غير...
:
!

عارفه ليه يا ام نغم ؟؟؟
لأنو حسب إعتقادي والله أعلم البصل مرحلة الزوج بكون أعلى من المرتبتين المذكورين
وغير المذكورين وإذا ماكده ماكان النبي صلى الله عليه وسلم قال :
{ لو كنت آمرا لأحد أن يسجد لأحد لأمرت المرأة أن تسجد لزوجها }
يبقى أنا ماحقدر أنزلو لمنزله أقل ولا شنو ؟؟؟
والله أعلم

أعتذر عن عدم تقيدو بالمطلوب.......
خالص إحترامي وتقديري لشخصك الكريم
وربنا يحفظك ومن تحبين دوما ومشكوووره على الطرح


تحياتي- بت يوسف

بت يوسف
ردك عجبني جدا
فعلا مدام هو وصل مرحلة وبقى زوج معناها أصبح اعلى مرتبة من الأتنين
واحلى حاجة يكون الزوج هو الحبيب والصديق ......... الخ

تحـــــــ نااناا ـــــــياتي