ممكن توطي صوت الراديو.؟؟؟؟

[حسن كج]

_يامحمد ممكن توطي صوت الردايو عشان نسمعك ..
_شكرا بتول بس ياريت لو توطي لينا صوت التلفزيون.

عباره انا لمن اسمعها اقرب اقوم اشوت التلفزيون واشوت اديسون واللا اسمو الصنع الرادي دا زاتو !!
حاجه غريبه جدا ..انتشرت موضه ازاعات الاف ام .. والقنوات السودانيه وكميه برامج بث مباشر ويقال حواريه ونقاشيه ,,,,تلقى موضوع النقاش عن استخدام النت وتأثيره على الشباب وبث مباشر ومزيعه تجك في اللبان وتتكلم بلهجه لبنانيه ..هاي بيك مين معايا؟؟
ويخش بالغلط العوض جاه الرسول من قريه صفق العشر غرب الكويره طارت ودي قريه مافيها راديو خلي انترنت ويبدأ يلخبط ممكن اشترك في المسابقه؟؟؟ ومعلي صوت الردايو والمزيعه شغاله لغط يااخو دا برنامج نقاشي ...ما مسابقه ..ممكن توطي الراديو ..؟؟ وتنهي المكالمه بكلمه بزيئه..
اقسم برب العباد قبل عام وانااستمع لأذاعه الرياضيه fm 104 وازكر المريخ فائز على الاتحاد الليبي وليله المباره يتصل مخمور ويبدأ يلخبط في الكلام ...بالله يافراس امبارح شفت البتاع ديل لم امممم ..ويسكت دقيقه ويغلبو الكلام وختمها والله .(.........)وعادي المخرج يلصق ليك اعلان ورا مكالمتو زي المافي حاجه ..وقايلننا نسينا بتاعت الرشيد بدوي عبيد السمعها الشعبو السوداني كلو ..
ياااهل اناسوداني بس عندي سؤال بسيط انحنا ليه مانعد برامج حواريه هادفه ونكون محددين المتحدثين في داعي نفتح الخط لي مواطنين الواحد يكون مافاهم حاجه واللا منسطل ...وبعد شوتين المزيع يكورك الحقني يالمخرج وياشكر الله اقطع الخط....!!!
وهل ياترى انسان ومواطن يتصل ويكون همه ان يسمع صوته وهو يتكلم في الراديو ..هل هذا المواطن جدير بأن يناقش قضيه ما؟؟
وعليكم الله حصل تابعتو الشات المكتوب تحت اسفل في قناه النيل الازرق وتلفزيون السودان ..غايتو حسبنا الله ونعم الوكيل...
ويا...يا ياحسن كج وطي صوت الراديو .عشان نسمعك......!!!!!!!!

[عصافير الخريف]

مشكور اخي علي الموضوع صدقني يا صديقي اي انسان عندو شويه فلوس مش عمل قناه وانا لو عندي فلوس بعمل مضاض للقتوات الفاسدة

[حسن كج]

مشكور اخي علي الموضوع صدقني يا صديقي اي انسان عندو شويه فلوس مش عمل قناه وانا لو عندي فلوس بعمل مضاض للقتوات الفاسدة

تسلم ياعصافير الخريف والمشكله بقى الاستثمار يتم على حساب صحه الناس وعاداتها وتقاليدها ..بقى عندك قرشين تفتح مستشفى ومعمل وتكتل الناس وتفتح مدرسه خاصه وتضيع التعليم وتفتح اذاعه اف ام أو قناه خاصه وتقتل عادات البلد وتقاليدها ...فوضنا امرنا لله

[قـــنديـــل]

الو الو الاذاعة الشعبية؟؟ (دي ماعندها علاقة بأي من الحركات ياحسن اخوي) ماتجيب لينا الهوا ياخ

- ايوة معاكـ ممكن تعرفنا بي نفسكـ

معاكم قنديل من سقط لقط ممكن اشتركـ؟؟؟

- تشتركـ في شنو ؟؟ نحن عاوزين نسمع رايكـ في الموضوع

موضوع؟؟؟ دي مصيبة دي ... طيب ممكن اهدي؟؟