شنو البرفع ضغطك؟؟

[الدلوعة اصلي]

البرفع ضغطي كتيييييييييييييير

اكون بحضر فلم وعايزه اعرف نهايتو والشمار قاتلني فجأة الكهرباء تقطع ..!!

اكون كتبت رساله طويله وبعد تعب تجي اداره المنتدى تقول انو اخد الحد المسموح بيه من الرسائل!!!

لمن اكب الشاي والقى البسكويت خلص !!

لمن اضرب لزول والقى قافل جوالوا !!

ولي عوده,,

[نفسيات]

التفكير الشديد وعدم الوصول لاى حل

[الدلوعة اصلي]

لمن تفهمني الناس غلط,,

لمن افقد وافارق عزيز,,

لمن أكون مظلومه وما أقدر أقول حاجه,,

لمن أكون متضايقه وما ألقى البحكي ليه,,

[الدويحي 2]

لمن ما القاهو في المنتدى

[الضراع]

عشان انتي شايفه انك الوحيده في الدنيا
وشايله انفك فوووووووووق
نزليهو شويه عشان
ضغطي ينزل

[الدلوعة اصلي]

لمن احتاج ارسل او ادق وما الاقي رصيد,,

لمن اشتري حاجات واختار واعزل كمان واكتشف اني نسيت المحفظه

لمن اشتاق لناس غالين وما تلمني فيهم الدنيا

[معتبر]

واحد تقول ليهو اتصل علي الساعة سبعة

اتصل عليك الساعة ستة يقوليك عاوز اذكرك باني بتصل عليك الساعة سابعة

[ادهم]

البرفع الضغط لما واحد اجى وينزل ليك بوست ويعمل ليك فيها افهم واحد فى السودان
ويقول ليك الرفيق ياسر عرمان على ابواب الرئاسه

[نهـاد]

البرفع الضغط
انو الواحد يذاكر ويذاكر
وفي نهاية يقول ليه دا ما داخل في الامتحان

[السودانى الاصيل]

البرفع ضغطى تكون كايس ليك لبرنامج وتلقاهو بعد بحث طويييييل
وتجى تحملوا وانت زائر فى منتدى
فى الاخر تحت اقول ليك ضع ردا ليظهر لك الرابط ؟؟؟؟؟؟؟؟؟؟؟؟
او ضع ردا ليكتمل التحميل

تحمل بى جريو قول امييين ههههههههههههههههه

[السيف الذهبي]

البيرفع ضغطي حاجات كتيرة لاكين المتذكرو منها هي :
1 - لامن أشوف زول سوداني في منتدى سوداني بيكتب بي لهجة خليجية أو غيرها( يا أخي لو ما بتعرف تتكلم سوداني أكتب بالعربي الفصيح )


2 - لامن أعمل حاجة ويجي واحد يقول لي ليه عملت كده أو ليه ما عملت كده


3 - لامن أكون قاعد في الكمبيوتر ويجي واحد من وراي يقعد يعاين في الشاشة


4 - لامن أكون سايق العربية ويجي واحد من وراي يضرب لي بوري والشارع أصلاُ واقف ( يعني في نوعية بتضرب البوري بدون أي سبب )



5 - لامن أمشي لي دائرة حكومية ويقولو لي أدفع رسوم

[الضراع]

البرفع ضغطي وبطلع زمتي من جوه
لما الواحد يمثل ليك فيها انو ملاك ومحترم ووووووووووووووووووووووووووووووو
وانت تجي بهناك تعاين ليهو تلقي الاحترام في اتجاه وهو في اتجاه
تلقاهو حايس الدنيا وصايطها صواطه

غايتو جنس بشر مش يرفعو الضغط ديل
يجيبو السكري وكاسافة المابتجاب
سلام عليكم

[ابو ايووودي]

اطلع للدوام الصباح بدري
وما اشوف المرة الا آخر اليوم
في ضغط اكتر من كده

[بحلم]

الانسان اللى مافى اتقل من دمه
وبيستخفه ويهزر اففففففففففففففففف

[الدلوعة اصلي]

لمن تشتاق لغااااالي و تحرمك الظروف منو...

[الضراع]

لمااتكون بتشجع ليك في منتخب .....
ويطردو منهم تلاته ويتغلب المنتخب
اربعه
غايتو جنس محن في الدنيا دي .......

[بحلم]

اللى رافع ضغطى دلوقتى النت بتاع نبرتى
الله يسمحه ويهدى

[رءوف]

كثيرا مانصادف فى حياتنا اليومية اشياء ترفع من نسبة محلول العظام فى المخ وتسوس المفاصل وكاروشة المعدة وزيادة الضغط وهى تصرفات تصدر من اشخاص حوليك سواء بقصد او بدون قصد وتتفاوت الاشياء التى ترفع ضغط الزول من شخص لآخر حسب التصرف مثلا
1- واحد ياخذ عربيتك شدة يرجعها ليك بدون بنزين
2- تصحى الصباح ماشى الشغل تلقى الشفع نفسوا الكفر
3- تستحم وتنكرش 10 ساعات فى الحمام امك تقول ليك ياولد امشى استحم كويس
4- تكون بتصلى تشوف القدامك بنطلونو مقدود والشراب مخرووووم
5- واحد اشيل جوالك يقرأ رسائلك الخاصة وكمان اشيل سجارتك الاخيرة فى العلبة
6- تكون فى الريفيرا مع الحنان تتلفت تشوف صاحبك مع حنانو تتصل عليهو يقول ليك انا فى الكلاكلة لفة لفة لفة
7- انك تشوف اجنبى ماسك يد سودانية فى شارع النيل
8- تلقى ليك عجووووز مليانة دهب وحنة ودخان ويديها مكرمشات
9- انك تحب ليك واحدة وقاشر بيها فى الجامعة يجيك صاحبك يقول ليك الشيتة المبارياك دى شنو دى
10- القدر اجيب ليك زميل فى الشغل طربيزتو لصقك وتكون ريحة الاباطين ديك افففففففففف

تخريمة :::
الشادن الكاتلنى ريدو ..... هلك النفوس والناس تريدو

[saare]

ولا يجيك زول داخل يمين فى كمبيوترك الشخصى تطلع تصلى تلقاهو فتحو كلو وتجي تقيف فوق راسو وماداير يقوم ليك

والله مشكوورر رؤف على الموضوع الحلو وجد حاجات تجيب الضغط وترفع السكري
لاكن بيني وبينك الكاروشة دي شنو انا مااعرفتها

[القلب الملك]

والله مشكوورة رؤف على الموضوع الحلو وجد حاجات تجيب الضغط وترفع السكري
لاكن بيني وبينك الكاروشة دي شنو انا مااعرفتها

رءوف هو انتا طلعت بت ؟؟