اكتب كلمات اغنيه يكون لها اثر معين او حدث ما في حياتك

[عبيرالسودان]

دائما أطيب خاطرك الغالى واسامحك لو نسيت

ودعت من يهواك وقلبه بقربك مهما نسيت

كم حاول يفرق بينا حاسدا او عزول

كم مره قالوا جنيت عليه بدلت ضوء ايامه ليل

لكنى يا نور العذراى انا ما بضيع حبى قول

تلقانى دايما في رجاك وغناى في حبك رسول

اسال عليك الليل ونجمه وحتى انوار الصباح

وكل طائر في سماه اسال مشاعر عن هوانا

وليه حنانك لى راح

تلقانى في غاية الألم آمالى تزروها الرياح

حيران اسال نفسى ايه كان السبب واصل الخصام

يمكن اكون في حقك اتلومت في ساعة مـــــلام

لكن ما معقول يكون انا قلبى ليك حفظ الفراق

ما اظنه من يعرف الهوى يعرف عدوه مع السلام

[معتبر]

اغنية لزيدان
اعيش لحظاتها الان
ودائما بالي مشغول

ان شاء الله تحسو بالكلمات دي


بالي مشغول ياحبيبي ليك اعود والقاك متين
وقلبي زايد في حنينو اصلو قلبي عليك حنين
قلبي اتعود ودادك وين يلاقي سواك وداد
كيف يطيق طول الليالي لما يغشاهو السهاد
لمل يذكر لقانا في ربوع ام در هناك
في دياري البفتديها باركت حبي وهواي
ماخطر اودار ببالي يمكن يفرقنا البعاد
وافضل أتسال نسيتني ولا شوقك لي زاد
عمري ماحبيت فراقك لحظة يانور العيون
او رضيت يلهيني غيرك او ابقي في حبك ضنين
قلبي يوم ماخان هواهو رغم بعدو او طول نواهو
كل حين ذكراك معاهو في شرودو وانتباهو
كلما يطول اغترابي احسب الايام سنين
قلبي يصبر ولكن خوفي تفنيهو الشجون


مودتي

[الدويحي 2]

عدت من بعدك رجعت وعشت متغرب وحيد
وابتديت أشعر بزهر العمر ... يتساقط بعيد
يا حليلك انت .. والأيام ربيع أخضر سعيد
كنت ببكي عليك بعمري الدموع بس ما بتفيد

[محمد الهادي]

شكرا لكل من مر على هذه المشاركه