ممكن يكون الرئيس جنوبي ؟؟!!

[بسمة الحياة]

بسم الله الرحمن الرحيم

السلام عليكم ورحمة الله وبركاته

حبيت اطرح الموضوع ده للنقاش واعرف اراءكم

انا صراحة ما بفهم في السياسة ولا بهتم بيها

و ما بعرف الاحزاب و الحاجات دي

لكن عندي سؤال

وهو ما رايك في ان يكون رئيس جمهورية السودان مسلم جنوبي ولماذا

و ماذا تتوقع اذا اصبح الرئيس جنوبي ان يغير في البلاد

[رغودة]

إذا كان مسلم وعادل فأهلا وسهلا بيهو ولافرق بين عربي ولا أعجمي إلا بالتقوى..

[بسمة الحياة]

إذا كان مسلم وعادل فأهلا وسهلا بيهو ولافرق بين عربي ولا أعجمي إلا بالتقوى..

شكرا على مداخلتك
وكلامك مية المية
لكن ما شايفة انو ممكن ينحاز للجنوب اكتر؟؟

[وهج الخيال]

انا ما اعتقد انها ممكن تحصل ابدا في تاريخ السودان ,,

معظم الجنوبيين عايزين الانفصال وده من حقهم ..

عشان يقدرو يأسسّو دوله خاصة بيهم .. خصوصا في ظل الظروف الحاصلة ..

والي بتضر كلا الطرفين ,, جنوب وشمال ..

موضوع ممتـــــــــاز ..

[ياسرالسوداني]

مابحب السياسة ابدا بس ممكن اذا كان عادلا
مسلماو يخاف الله في شعبه تقبلي مروري

[القلب الملك]

الجنوبي الوحيد إلى الآن المرشح لرئاسة الجمهورية هو السيد عبد الله دينق نيال مرشح المؤتمر الشعبي ،،،

وما دام الرئيس مسلم يتق الله فينا لا يهم من أي قبيلة أتى ،،،


بتمنى يوم يجي الناس تفكر في الاسلام بس ،،، وما تعاين للقبيلة ،،، فالاسلام لا ينظر إلى الأنساب ولكن إلى القلوب التي في الصدور ،،،


القبلية من مظاهر الجاهلية ،،، والاسلام جاء ليتوحد القاصي والداني تحت مبادئه الطيبة ،،،


نسأل الله أن يوفقنا لما يحب ويرضى ،،، وأن يولي على بلادنا من يصلح ،، وأن يجنبنا الشقاق والفقر والجهل والمرض والجوع والعطش ،،، اللهم آمين


وصلي اللهم وسلم وبارك على نبييك وحبيبك محمد وعلى آله وصحبه ،،،،

[رءوف]

ما بيحصل ابدا ..ومن سابع المستحيلات
انتو عارفين جون قرنق اول ما بقى نائب
رئيس قال شنو

قال داير يشرب جبنة فى شندى ,,,عارفين يعنى شنو يشرب جبنة فى شندى ؟؟؟
بعد شوية كان ممكن يقول داير يعرس مننا جعلية ههههههع دة الفضل

بصراحة الجنوبى جنوبى
والشمالى شمالى دة فقط راى شخصى وبس

[القلب الملك]

قال داير يشرب جبنة فى شندى ,,,عارفين يعنى شنو يشرب جبنة فى شندى ؟؟؟
بعد شوية كان ممكن يقول داير يعرس مننا جعلية ههههههع دة الفضل

[/size][/color]

لا يا أوفا ،،، انا شاهد ،،، الكلمة دي قالا أيام التمرد قبل حكومة الانقاذ ،،، انت الزمن داك كنتا سغير

بعدين لو أسلم ورضيت دينو وخلقو زوجو ،،، إلا تفعل تكن فتنة في الأرض وفساد كبير "صدق رسول الله"

[رءوف]

لا يا أوفا ،،، انا شاهد ،،، الكلمة دي قالا أيام التمرد قبل حكومة الانقاذ ،،، انت الزمن داك كنتا سغير

بعدين لو أسلم ورضيت دينو وخلقو زوجو ،،، إلا تفعل تكن فتنة في الأرض وفساد كبير "صدق رسول الله"

والله لا دينو ولا خلقه ولا خلقته
جوون قرنق ما يتزوج جعلية

اسمع ماتمشى معاى لى قدام عشان ما يحزفو عضويتى

[توقن فنتي]

ها هو الديمقراطيه الذي يبحث عنه عامة الشعب السوداني
فليحكمنا من ينتخبه الشعب السوداني من حلفا لنمولي مهما كان
انتماؤه
واتمنى وادعو الله ان ياخذنا هذه الديمقراطية الرابعه الي
بر الامان من ويلات الحروبات السياسيه والاقتصاديه ووووو
ودمت بالف خير صاحبة البوست بسمه

[بسمة الحياة]

انا ما اعتقد انها ممكن تحصل ابدا في تاريخ السودان ,,

معظم الجنوبيين عايزين الانفصال وده من حقهم ..

عشان يقدرو يأسسّو دوله خاصة بيهم .. خصوصا في ظل الظروف الحاصلة ..

والي بتضر كلا الطرفين ,, جنوب وشمال ..

موضوع ممتـــــــــاز ..

مشكووورة على مشاركتك
انتي في رايك لي عايزين يؤسسو دولة خاصة؟؟
اكيد لانهم عايزين يحكمهم رئيس جنوبي
ولو اتوفرت الحاجة دي ما اعتقد انهم حيتمسكو بالانفصال
لكن شنو البمنع انو يبقى الرئيسى جنوبي؟؟

[بسمة الحياة]

مابحب السياسة ابدا بس ممكن اذا كان عادلا
مسلماو يخاف الله في شعبه تقبلي مروري

اشكر لك مرورك العطر
واهم شي انو يكون مسلم

[بسمة الحياة]

الجنوبي الوحيد إلى الآن المرشح لرئاسة الجمهورية هو السيد عبد الله دينق نيال مرشح المؤتمر الشعبي ،،،

وما دام الرئيس مسلم يتق الله فينا لا يهم من أي قبيلة أتى ،،،


بتمنى يوم يجي الناس تفكر في الاسلام بس ،،، وما تعاين للقبيلة ،،، فالاسلام لا ينظر إلى الأنساب ولكن إلى القلوب التي في الصدور ،،،


القبلية من مظاهر الجاهلية ،،، والاسلام جاء ليتوحد القاصي والداني تحت مبادئه الطيبة ،،،


نسأل الله أن يوفقنا لما يحب ويرضى ،،، وأن يولي على بلادنا من يصلح ،، وأن يجنبنا الشقاق والفقر والجهل والمرض والجوع والعطش ،،، اللهم آمين


وصلي اللهم وسلم وبارك على نبييك وحبيبك محمد وعلى آله وصحبه ،،،،

ماشاء الله كلامك عين العقل

و ياريت يجي يوم تختفي فيه القبلية

فمن اعلم يمكن يكون الجنوبي ده انفع واصلح من اي شمالي

نحن لازم نغير نظرتنا للجنوبيين ونعامل الشخص كشصه مش لانو جاي من القبيلة الفلانية

اشكرك على مشاركتك الرائعة فعلا

[بسمة الحياة]

ما بيحصل ابدا ..ومن سابع المستحيلات
انتو عارفين جون قرنق اول ما بقى نائب
رئيس قال شنو

قال داير يشرب جبنة فى شندى ,,,عارفين يعنى شنو يشرب جبنة فى شندى ؟؟؟
بعد شوية كان ممكن يقول داير يعرس مننا جعلية ههههههع دة الفضل

بصراحة الجنوبى جنوبى
والشمالى شمالى دة فقط راى شخصى وبس

لي ما ممكن يحصل
يعني حسي لو كل الجنوبيين صوتو للمرشح الجنوبي ده ما ممكن يفوز؟؟!
و طبعا الشماليين حيكونو متفرقين كلو واحد مع حزبوه

نحترم رأيك لكن يعني انت بي كلامك ده بتأيد الانفصال مش كده؟؟

مشكووووور على مداخلتك

[بسمة الحياة]

ها هو الديمقراطيه الذي يبحث عنه عامة الشعب السوداني
فليحكمنا من ينتخبه الشعب السوداني من حلفا لنمولي مهما كان
انتماؤه
واتمنى وادعو الله ان ياخذنا هذه الديمقراطية الرابعه الي
بر الامان من ويلات الحروبات السياسيه والاقتصاديه ووووو
ودمت بالف خير صاحبة البوست بسمه

كلامك رائع فليحكمنا من ينتخب الشعب السوداني
فالشر و الخير ممكن يكونو في اي مكان مش بس في فئة معيتة

وتشششكر على مشاركتك

[مهاجر في البلد]

بسم الله الرحمن الرحيم

السلام عليكم ورحمة الله وبركاته

حبيت اطرح الموضوع ده للنقاش واعرف اراءكم

انا صراحة ما بفهم في السياسة ولا بهتم بيها

و ما بعرف الاحزاب و الحاجات دي

لكن عندي سؤال

وهو ما رايك في ان يكون رئيس جمهورية السودان مسلم جنوبي ولماذا

و ماذا تتوقع اذا اصبح الرئيس جنوبي ان يغير في البلاد

شيء جميل ان يحكم السودان جنوبي على الاقل نكون وقفنا الفتن الخارجية بس لو كان جنوبي مسلم اكيد بقولو ليك إرهابي
والسودان واسع للجميع ولافرق بين ابيض ولا اسود الا بالتقوى

[توقن فنتي]

اخي المهاجر
شاركونا من غير المسلمين في الحكم ولماذا لا نشاركهم نحن
مادام لا تاثيرعلى حكم غير المسلم على الاسلام والمسلمين
وكما ان الرئيس سيكون محكوما بدستوروقوانين وضعه المسلمين
وغير المسلمين ويكون لنا منافذ في بلاد ما زال الوثنيه تطغى على غالبية سكانه
دمت بعافيه اخي المهاجر

[العمده2]

اخي المهاجر
شاركونا من غير المسلمين في الحكم ولماذا لا نشاركهم نحن
مادام لا تاثيرعلى حكم غير المسلم على الاسلام والمسلمين
وكما ان الرئيس سيكون محكوما بدستوروقوانين وضعه المسلمين
وغير المسلمين ويكون لنا منافذ في بلاد ما زال الوثنيه تطغى على غالبية سكانه
دمت بعافيه اخي المهاجر

عليك الله يا توقن فنتى كدى اتخيلى لوالرئيس بقى جنوبى الوضع حيكون كيف
وبعدين كيف يعنى لا تاثير على حكم غير المسلم على الاسلام والمسلمين
طبعا ده ما ممكن يحصل باى حال من الاحوال00 ده معناه البلد بقى فوضى
وكل بقى مباح مافى حرام ولاحلال 00 إذا كان هم اصلا ما قادرين يحكمو
الجنوب حاليا 00 نحن عايزين دولة شريعه يا اختى 0 حتى لو رئيس جنوبى ومسلم
برضو ما قابلين زى ما قال رؤوف الجنوبى جنوبى والشمالى شمالى وبس

[ابو ايووودي]

الدول العربية عامة الرئيس مسلم ......... لماذا يحكمنا غير مسلم
هل نحن غير دولة اسلامية ام ليس من الدول العربية

[بسمة الحياة]

عليك الله يا توقن فنتى كدى اتخيلى لوالرئيس بقى جنوبى الوضع حيكون كيف
وبعدين كيف يعنى لا تاثير على حكم غير المسلم على الاسلام والمسلمين
طبعا ده ما ممكن يحصل باى حال من الاحوال00 ده معناه البلد بقى فوضى
وكل بقى مباح مافى حرام ولاحلال 00 إذا كان هم اصلا ما قادرين يحكمو
الجنوب حاليا 00 نحن عايزين دولة شريعه يا اختى 0 حتى لو رئيس جنوبى ومسلم
برضو ما قابلين زى ما قال رؤوف الجنوبى جنوبى والشمالى شمالى وبس

انا لمن قلت جنوبي اشترط انو يكون مسلم
والبمنع شنو السودان تبقى دولة شريعة لو كان الرئيس مسلم بس جاي من الجنوب

طيب انت ما بتشوف انو فيها شوية ظلم لي انتو ما تقبلو الرئيس يكون جنوبي و هم قابلين انو الرئيس يكون شمالي
طيب لو الجنوبي جنوبي والشمالي شمالي احسن الانفصال من انو يعيش في بلد واحد قبيلتين مختلفتين لا يتقبل احدهما الاخر مش كده