تعالوو كوولكم نرجع ميمى السودانية

[رءوف]

اخوتنا واخواتنا الاعزاء كثيرا ما تنتابنا لحظات نشعر ونحس باننا ظلمنا اناس بغير قصد او ظلمونا اناس بغير قصد وكانت نتيجة هذا وذاك ان ابتعدنا قليلا وتوارينا عن الانظار ,,نحن حقيقة نجهل سبب ابتعاد الاخت ميمى السودانية لكن ومن خلال دخولها احيانا وخروجها دون ان تترك لنا بصمة جميلة من بصماتها الحلوة ايقنت تماما ان هى ربما تكون مستاءة او زعلانة من شى نجهله تماماً ومهما يكون قد حدث انا وباسم كل الاعضاء اقول لك يا ميمى اسفين او اسف جدا اذا زعلتك او زعلك احد هنا وفى النهاية انتى اخت غالية علينا جميعا ,ونرجوا ان تكون لنا مكانة عندك وتجبرى بخاطرنا وترجعى لنا زى اول اخت مرحة وحلوة ومهذبة ومحبوبة من الجميع ،،،،ارجوووك واكرر الرجاء ان ترجعى ياميمى السودانية

[سيبو9]

اكيد بنتمني الرائعه ميمي ترجع وترجع لينا الابتسامه وكل الرائعين المافيشين واللسا تايهين .. زينا كدا يعني ههه

يلا يا ميمي انحنا راجنك ويللا يا حلويييين انتو تعالووو ياخي .. مشتاقييييين والله

يلا كلنا صوت واحد .. ننادي ليها بصوت عااالي
ولا شنو ..

[رغودة]

والله الأخت ميمي غالية علي شديد وماممكن أشوفكم تطروها وما أناشدها العودة.... وكلنا فقدناها هي الكانت شمعة في منتدانا وتملاهو بسمة وفرحة ونشاط ماشاء الله عليها....
أنا عارفة إنه هي حصلت ليها ظروف أجبرت على الغياب..
بس ياميمي يعني حتى السلام بقينا نتمناهو منك منى، عايزين نعرف الحاصل عليك ونطمن إنك كويسة وماممكن تكوني شايفة كلامنا ده كله ورسايلنا وماتردي...
ونفسي لو في أحد بيعرف عنها أي خبر بس يطمنا عليها وربنا يحفظها حاضرة غايبة وعايزنها تتأكد إنه ذكراها أبدا مابتغيب...

[وهج الخيال]

الحاااصل شنو ؟!

جيت جارية ..

طبعا بناشد الاخت (( ميمي السودانية )) بالعوده للمنتدى .. لان احنا ما لينا غير بعض ,,

وطبعا مع الاخذ بالمثل القائل (( الغائب حجته معه )) .. ما بالضروره تكون ميمي زعلانه ..

عشان مافي زول بيزعل من حبايبو .. لكن اكييد مشغوله شويه .. وبترجع تــــــــــــــــاني ,,

[الأسير22]

وأنا بضم صوتي للاخوان وأتمنى من الأخت ميمي ترجع لمنتداها ولي أخوانها



فعلا إفتقدنا مشاركاتها الجميلة وحسها الفكاهي



وجودها في المنتدى له طعم خاص



عودي أخت ميمي

[هوبة]

ف انتظارك يا رائعة

[احسان]

كـــــــــــــــــــرورك

اهـــــــــــــا كـــــــــوركنـــا ارجعــــــــــــي عليك الله

[السودانى الاصيل]

يا طير يا ماشى وعددك ازيــــــد فى المــــــيه
رسلناك تمـــــــــش لى واحـــــــده قمحــــــيه
زولا ظريفه وبت بالحشــــمه معنيــــــــــــــه
بيتم جنب دكان حمد بس انت تقطع الردمــــــيه
تلقا معاها اخوانا واعماما وفى قلعه محمـــــــيه
رك فى شجرتم وحاسبوبراااحه انده ليـــــــــا
قول ليها يا ميمى يا ميمى السودانـــــــــــــــيه
عندى ليك رساله تحت جناحى مطويــــــــــــه
الناس البحبوك قالبين عليك عالى الدنيا واطيها
يا ميمى هوى تعالى والزعله انسيـــــــــــــــا

ونكمل القصيده قريبا
رايكم شنو بالله اصلو انا بت جيرانا اخوها ود خالو جار ناس
قاسم ابو زيد
عشان كدا انا الشعر ورثه

[ابو ايووودي]

بالجد وين الزولة دي اختفت من فترة
الراكوبة مشتاقة ليك شديد يا ميمي
رجاء خاص ارجعي وما تحرمينا من مواضيعك الجميلة
منتظرنك .........

[الدويحي 2]

ميمي ..
إنسانه مهذبة ..... محترمة .....
عرفناك بالتميز والجدية ...
غيابك ترك مكانه شاغرة لا يملؤها غيرك ...
فكنتِ وما زلتي نعم الأخت ...
تمنيناك حاضرة في كل مناسباتنا .. بأفراحها وأحزانها ..
تمنيناك حاضرة في ربوع هذا المنتدى الذي إفتقد حروفك الجميلة ...
الراكوبة تنوح شوقا لطلتك الباسمة
فهلا رجعتي لنا كما كنت من قبل حتى يعود لمنتدانا ألقَه وجماله ....

[عاشقة النيل]

وينك ياميمي

[نهر المحبه]

وانا اضم صوتي لكواريك الجميع
وينك ياميمي مشتاقين...
من بعد الخطوبه تاني ماعرفت عنك حاجه
حتى قربت اقول من لقى خطابه نسى اصحابه
تعالي عليك الله راجعه الراكوبه من دونك خلا

[رءوف]

اكيد بنتمني الرائعه ميمي ترجع وترجع لينا الابتسامه وكل الرائعين المافيشين واللسا تايهين .. زينا كدا يعني ههه

يلا يا ميمي انحنا راجنك ويللا يا حلويييين انتو تعالووو ياخي .. مشتاقييييين والله

يلا كلنا صوت واحد .. ننادي ليها بصوت عااالي
ولا شنو ..

حبيبى سيبو شكرا ليك وميمى تستاهل
وكل الاخوان والاخوات الغائبين نتمنى يرجعوا

[رءوف]

والله الأخت ميمي غالية علي شديد وماممكن أشوفكم تطروها وما أناشدها العودة.... وكلنا فقدناها هي الكانت شمعة في منتدانا وتملاهو بسمة وفرحة ونشاط ماشاء الله عليها....
أنا عارفة إنه هي حصلت ليها ظروف أجبرت على الغياب..
بس ياميمي يعني حتى السلام بقينا نتمناهو منك منى، عايزين نعرف الحاصل عليك ونطمن إنك كويسة وماممكن تكوني شايفة كلامنا ده كله ورسايلنا وماتردي...
ونفسي لو في أحد بيعرف عنها أي خبر بس يطمنا عليها وربنا يحفظها حاضرة غايبة وعايزنها تتأكد إنه ذكراها أبدا مابتغيب...

الاخت رغودة لك التحية والتقدير
نتمنى ان تسمع الاخت ميمى هذا الكلام
وترجع كما كانت اول

احيانا بتدخل وتخرج ودة معناتو ما عندها سبب يمنعها من الدخول

[رءوف]

الحاااصل شنو ؟!

جيت جارية ..

طبعا بناشد الاخت (( ميمي السودانية )) بالعوده للمنتدى .. لان احنا ما لينا غير بعض ,,

وطبعا مع الاخذ بالمثل القائل (( الغائب حجته معه )) .. ما بالضروره تكون ميمي زعلانه ..

عشان مافي زول بيزعل من حبايبو .. لكن اكييد مشغوله شويه .. وبترجع تــــــــــــــــاني ,,

لا ماتجرى بس عندنا شخصية محبوبة عاوزين نرجعها المنتدى ياريت تساعدينا
شكرا لمساندتك

[رءوف]

وأنا بضم صوتي للاخوان وأتمنى من الأخت ميمي ترجع لمنتداها ولي أخوانها



فعلا إفتقدنا مشاركاتها الجميلة وحسها الفكاهي



وجودها في المنتدى له طعم خاص



عودي أخت ميمي

اخى الحبيب الاسير كما تفضلت وذكرت لقد
افتقدنا مشاركاتها وروحها المرحة فى النقاش
الف شكر لك على مرورك العطر

[الفرح المهاجر]

[align=center]بجد اسمك عليك رؤوف
انسان حنين انسان روؤف
تتفقد الاعضاء وتسال عنهم
بس انا لو كنت مدير عام
كان اديتك وسام سفير النوايا الحسنة
تسلم يا روؤف
يا ميمى عليك الله ترجعى مشتاقين ليك
ولى شمارتك الحلوة
عليك الله ترجعى وبهديك الاغنية دى[/align][/size]

http://www.youtube.com/watch?v=nTGfAo3J3h8

[رءوف]

ف انتظارك يا رائعة

الاخت المحترمة هوبة شكرا لمرورك
واكيد كلنا فى انتظار اشراقتها وحضورها

[رءوف]

كـــــــــــــــــــرورك

اهـــــــــــــا كـــــــــوركنـــا ارجعــــــــــــي عليك الله

نتمنى يا اخت احسان تسمع الكواريك دى وترجع

[ملاك الورد]

طيب ميمي انتي ليه مشيتي